दिल्ली-मुंबई, 11 डिसेंबर 2020

(कोविड-19 संबंधी पत्र सूचना कार्यालयाद्वारे जारी बातम्‍या आणि सत्‍यता पडताळणी बातम्‍या समाविष्‍ट)

भारत-उझ्बेकीस्तान आभासी शिखर परिषदेत पंतप्रधानांचे उद्‌घाटनपर भाषण

आपली संरक्षण भागीदारी म्हणजे द्विपक्षीय संबधांचा एक मजबूत स्तंभ बनत आहे. मागील वर्षी उभय देशाच्या सशस्त्र दलांचा पहिला संयुक्त सैनिक सराव झाला. अंतराळ आणि अनु ऊर्जा क्षेत्रांमध्ये आपल्या संयुक्त प्रयत्नाना बळकटी येत आहे. कोविड-19 महामारीच्या या कठीण काळात दोन्ही देशांनी औषधांचा पुरवठा करणे तसेच एकमेकांच्या नागरीकांना सुरक्षित स्वदेशात पोहोचवण्याच्या अशा अनेक क्षेत्रात एकमेकांना भरपूर सहकार्य केले. आपल्या दोन्ही देशांमध्ये सहकार्याच्या वाटा वाढत आहेत. गुजरात आणि अन्दिजों यांच्यातील यशस्वी भागीदारीच्या धर्तीवर आता हरयाणा आणि फरगाना यांच्यात सहकार्याची रूपरेषा आखली जात आहे.

आरोग्य मंत्रालयाची कोविड-19 घडामोडींवरील माहिती :

भारताने महत्त्वपूर्ण कामगिरी नोंदवली : 146 दिवसानंतर उपचार सुरु असलेल्या रुग्णांची संख्या 3.63 लाखांपर्यंत खाली आली

भारतात उपचार सुरु असलेल्या रुग्णांच्या एकूण संख्येत आज लक्षणीय घट होऊन ती 3.63 लाख (3,63,749) झाली आहे. 146 दिवसांनंतरची ही सर्वात कमी संख्या आहे. 18 जुलै 2020 रोजी एकूण सक्रिय रुग्णांची संख्या 3,58,692 होती.

देशात उपचार सुरु असलेल्या रुग्णांच्या एकूण संख्येत घट होण्याचे प्रमाण कायम आहे. भारताच्या सध्या उपचार सुरु असलेल्या रुग्णांचे प्रमाण एकूण बाधित संख्येच्या केवळ 3.71% आहे.

गेल्या 24 तासांत 37,528 रुग्ण बरे झाले आणि त्यांना घरी सोडण्यात आले. यामुळे एकूण सक्रिय रुग्णांच्या संख्येत 8,544 ची घट झाली आहे.

कर्नाटकमध्ये काल सर्वाधिक 5,076 रुग्ण बरे झाले. त्याखालोखाल महाराष्ट्रात 5,068 तर केरळमध्ये 4,847 रुग्ण बरे झाले.

महाराष्ट्रात सर्वाधिक 6,703 इतके सरासरी रुग्ण बरे झाले, त्याखालोखाल केरळमध्ये 5,173 आणि दिल्लीत 4,362 रुग्ण बरे झाले.

इतर अपडेट्स:

• टपालखात्यातील निवृतांच्या समस्या सोडवण्यासाठी पेन्शन अदालत-टपाल खात्यातील निवृतांच्या समस्या समाधानकारकरित्या सोडवण्याच्या दृष्टीने गोवा टपाल विभागाची (यांमध्ये गोवा राज्य, महाराष्ट्र राज्यातील सांगली, कोल्हापूर, रत्नागिरी व सिंधुदुर्ग जिल्हे समाविष्ट आहेत) पेन्शन अदालत 31.12.2020 रोजी दुपारी 3 वाजता पोस्टमास्टर जनरल कार्यालय, गोवा विभाग, पणजी-403 001 येथे आयोजित करण्यात आली आहे.

• गृहनिर्माण आणि शहरी कामकाज मंत्रालयाकडून पीएम स्वनिधी लाभार्थ्यांच्या सामाजिक-आर्थिक स्थितीविषयी माहिती संकलन करण्याची प्रक्रिया (प्रोफाइलिंग) सुरू- गृहनिर्माण आणि शहरी कामकाज मंत्रालयाचे सचिव दुर्गा शंकर मिश्रा यांनी पीएम स्वनिधी लाभार्थी व त्यांच्या कुटुंबियांचा सामाजिक-आर्थिक स्थितीविषयी माहिती संकलन करण्याची प्रक्रिया कार्यक्रमाची आज सुरुवात केली. पीएम स्वनिधी योजनेचा हा अतिरिक्त घटक असेल.

• ई-न्यायालय प्रकल्पाअंतर्गत लक्ष्यीत 2992 उद्दिष्टापैकी देशभरातल्या 2927 न्यायालयीन संकुलांना वाइड एरिया नेटवर्क (डब्ल्यूएएन)ने जोडण्याचे काम पूर्ण-विधी आणि न्याय मंत्रालयाने ई- न्यायालय प्रकल्पाअंतर्गत देशभरातल्या 2927 न्यायालयीन संकुलांना वाइड एरिया नेटवर्क (डब्ल्यूएएन)ने जोडण्याचे काम पूर्ण केले आहे. लक्ष्यीत 2992 उद्दिष्टापैकी आत्तापर्यंत 97.86 टक्के काम पूर्ण झाले आहे. उर्वरित न्यायालयीन संकुलांना जोडण्यासाठी न्याय विभाग आणि बीएसएनएल यांच्यावतीने संयुक्तपणे प्रकल्पाच्या पूर्ततेसाठी अथक प्रयत्न करण्यात येत आहेत.

• भारत- म्यानमार यांच्यात अंमली पदार्थ नियंत्रण सहकार्यविषयक पाचवी द्विपक्षीय बैठक आभासी स्वरुपात संपन्न- भारत आणि म्यानमार यांच्यात अंमली पदार्थ नियंत्रणाबाबतची पाचवी द्विपक्षीय बैठक काल आभासी स्वरूपात पार पडली. भारताचा अंमली पदार्थ नियंत्रण विभाग आणि म्यानमारची अंमली पदार्थ दुरुपयोग नियंत्रणविषयक केंद्रीय समिती यांनी आपापल्या देशांचे प्रतिनिधित्व केले. भारताच्या शिष्टमंडळाचे नेतृत्व एनसीबी प्रमुख राकेश अस्थाना यांनी केले आणि म्यानमार दलाचे नेतृत्व समितीचे संयुक्त सचिव ब्रिगेडीअर जनरल विन न्यांग यांनी केले.

महाराष्ट्र अपडेट्स:

महाराष्ट्रात गुरुवारी 3,824 नवीन रुग्णांची नोंद झाली, त्यामुळे एकूण रुग्णसंख्या 18,68,172 एवढी झाली. मुंबईत गेल्या 24 तासांत 798 नवीन कोविड रुग्णांची नोंद झाली, यामुळे मुंबईतील एकूण रुग्णसंख्या 2,88,696 एवढी झाली. तसेच शहरात झालेल्या 13 मृत्युमुळे मृतांची एकूण संख्या 11,000 पर्यंत पोहचली. सध्या विविध रुग्णालयांमध्ये 11943 सक्रीय रुग्ण उपचार घेत आहेत.   

MC/ST/PM

सोशल मिडियावर आम्हाला फॉलो करा@PIBMumbai    /PIBMumbai    /pibmumbai  pibmumbai[at]gmail[dot]com