(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• ঙসি ভারতকী অপুনবা এক্তিব কেসলোদ অদু লাখ ৩.৬৩(৩,৬৩,৭৪৯)দা হন্থরকখ্রে
• হৌখিবা পুং ২৪ অসিদা কেস মশিং ৩৭,৫২৮ লাইনা অসিদগী ফখ্রে অমসুং দিচার্জ তৌখ্রে অমদি হৌখিবা পুং ২৪ অসিদা নুংতি নুমিৎ খুদিংগী ওইনা লাকখিবা অনৌবা কেস মশিং অদু ২৯,৩৯৮নি
• রিকোভরী রেত অসি ঙসি ৯৪.৮৪% য়ৌবা ঙমখ্রে
• হৌখিবা পুং ২৪ অসিদা কেস মশিং ৪১৪ শিখি হায়না রিপোর্ত লাকখি

ভারতনা লেন্দমার্ক এচিবমেন্ত রিপোর্ত তৌরকখ্রে: নুমিৎ ১৪৬কী মতুংদা এক্তিব কেসলোদ লাখ ৩.৬৩দা হন্থরকখ্রে, নুমিৎ খুদিংগী ওইনা অনৌবা কেস ৩০,০০০দগী হেন্না তানা রেকোর্দ তৌখ্রে

ঙসি ভারতকী অপুনবা এক্তিব কেসলোদ অদু লাখ ৩.৬৩(৩,৬৩,৭৪৯)দা হন্থরকখ্রে৷ মসি নুমিৎ ১৪৬কী মতুংদা খ্বাইদগী নেম্বনি৷ ২০২০গী জুলাই ১৮দা লৈরম্বা অপুনবা এক্তিব কেস মশিং অদু ৩,৫৮,৬৯২নি৷ লৈবাক অসিনা এক্তিব কেস মশিং অসি লেপ্পা লৈতনা হন্থরক্লে হায়না রিপোর্ত তৌরকখ্রে৷ হৌজিক লৈরিবা ভারতকী এক্তিব কেস মশিং অসি ভারতকী অপুনবা পোজিতিব ওইখিবা কেস মশিং অদুগী ৩.৭১% খক্তনি৷ হৌখিবা পুং ২৪ অসিদা কেস মশিং ৩৭,৫২৮ লাইনা অসিদগী ফখ্রে অমসুং দিচার্জ তৌখ্রে৷ মসিনা মরম ওইরগা অপুনবা কেস লোদ অসিদগী ৮,৫৪৪ হন্থরকপা ঙমখিবনি৷ হৌখিবা পুং ২৪ অসিদা ভারতনা নুংতি নুমিৎ খুদিংগী ওইনা অনৌবা কেস মশিং ৩০,০০০দগী হেন্না তানা রেজিস্তর তৌরকখ্রে৷ হৌকিবা পুং ২৪ অসিদা নুংতি নুমিৎ খুদিংগী ওইনা লাকখিবা অনৌবা কেস মশিং অদু ২৯,৩৯৮নি৷ লাইনা অসিদগী ফগৎলকপা অপুনবা কেস মশিং অদু লাখ ৯৩ (৯২,৯০,৮৩৪) য়ৌশিল্লক্লে৷ তপ্না তপ্না হেঙ্গৎলক্লিবা রিকোভর্দ কেসেস অমসুং এক্তিব কেসেস অসিগী মরক্তা লৈরিবা গেপ অদু ঙসি লাখ ৮৯ লানখ্রে অমসুং হৌজিক হৌজিক্কী ওইনা ৮৯,২৭,০৮৫দা লৈরি৷ নৌনা লাকপা কেস মশিং অসিদগী নৌনা লাইনা অসিদগী ফগৎলকপগী মশিং খেন্নরিবা অসিনা রিকোভরী রেত অসি ঙসি ৯৪.৮৪% য়ৌবা ঙমখিবনি৷ লাইনা অসিদগী নৌনা ফগৎলক্লিবা কেস্কী ৭৯.৯০% দি রাজ্য ১০/য়ু.তি.শিং অসিদগীনি৷ কর্নতকানা নোংমদা মীওই ৫,০৭৬ নৌনা লাইনা অসিদগী ফহন্দুনা নোংমদা লাইনা অসিদগী খ্বাইদগী য়াম্না ফহনবা ঙম্বা রাজ্য ওইরি, মহারাস্ত্রনা মীওই ৫,০৬৮ অমসুং কেরলানা ৪,৮৪৭ ফহনবা ঙম্লে৷ ফিগর অসিনা হৌখিবা চয়োল অমা অসিদা চাংচৎতা নুংতি নুমিৎ খুদিংগী ফহনবা ঙমখিবা কেস মশিং অদু উৎলি৷ মহারাস্ত্রনা চাংচৎতা নোংমদা মীওই ৬,৭০৩ লাইনা অসিদগী খ্বাইদগী য়াম্না ফহনবা ঙমখি অমসুং কেরলানা অমসুং দিল্লীনা মথংশিৎনা ৫,১৭৩ অমসুং ৪,৩৬২ চাংচৎতা ফহনবা ঙম্বা রাজ্যশিং ওইরি৷ নৌনা লাকখিবা কেস মশিংগী ৭২.৩৯% দি রাজ্য ১০/য়ু.তি.শিং অসিদগীনি৷ কেরলানা নোংমদা অনৌবা কেস মশিং ৪,৪৭০ লাক্তুনা নোংমদা মীওই খ্বাইদগী য়াম্না নাবা রাজ্য ওইরি অমসুং মহারাস্ত্রনা অনৌবা কেস মশিং ৩,৮২৪ লাক্তুনা মতুং ইল্লি৷ হৌখিবা পুং ২৪ অসিদা কেস মশিং ৪১৪ শিখি হায়না রিপোর্ত লাকখি৷ নাইনা অসিদগী নৌনা শিরিবা মশিংগী ৭৯.৯৫% দি রাজ্য তরা অমসুং য়ু.তি.শিং অসিদগীনি৷ মহারাস্ত্রনা মীওই (৭০) খ্বাইদগী য়াম্না শিখি৷ দিল্লী অমসুং ৱেস্ত বেঙ্গলনা মথংশিৎনা মীওই ৬১ অমসুং ৪৯ শিদুনা মতুং ইনখি৷

অকুপ্পা ৱারোলগীদমক :

দা. হার্শ বর্ধননা সাউথ এসিয়া ভেক্সিনেতিং তৌবগী মতাংদা পাংথোকপা ৱল্দ বেঙ্ক ইন্তর মিনিস্তিরিয়েল মীততা ৱা ঙাংখ্রে

ৱল্দ বেঙ্কনা শিন্দুনা কোবিদ-১৯গী মাইয়োক্তা সাউথ এসিয়া ভেক্সিনেসন তৌবা হায়বা হিরম অসিগী মতাংদা ঙসি পাংথোকখিবা ইন্তর মিনিস্তিরিয়েল মীফম অসিদা হকশেল অমসুং য়াইফ য়ুম্বাল মন্ত্রালয়গী কেন্দ্র মন্ত্রী দা. হার্শ বর্ধননা ভিদিও কনফরেন্সিংগী খুৎথাংদা ৱা ঙাংখ্রে৷ কোবিদ-১৯ অসিগী মাইয়োক্তা ভারত সরকার অসিনা লৌখৎলিবা প্রোএক্তিব, প্রিএম্তিব, গ্রেদেদ অমসুং সরকার অমসুং সমাজ অসিগী খোংথাং পুম্নমক অদুগী শন্দোক্না তাক্লদুনা দা. হার্শ বর্ধননা অসুম্না ফোংদোকখ্রে, “কোবিদ লাইনা অসিদা মালেম অসিগী মীয়াম মিলিয়ন অমদা চাংচৎতা ৮,৮৮৩ নাহল্লিবা অসিগী মাইয়োক্তা ভারতনা মিলিয়ন পোপুলেসন অমদা কেস মশিং ৭,০৭৮ লৈহনবা ঙম্লিবসি ভারতকী ইফেক্তিব প্লানিং অমসুং স্ত্রাতিজিক মেনেজমেন্ত অসিননি৷ লাইনা অসিনা মালেম অসিদা শিহল্লিবা মশিং অদু চাংচৎতা ২.২৯%নি অমসুং মসিদগী তাথনা ভারততা লাইনা অসিনা শিহল্লিবগী চাং অদু ১.৪৫%নি৷ কোবিদ ভেক্সিনেসন পাংথোক্নবা প্রোফেস্নেলশিংগী পাক চাওরবা নেতৱর্ক অদু শিজিন্নদুনা অমসুং এক্সপরিয়েন্স শরুক য়াদুনা ভারতকী ভেক্সিন দিস্ত্রিব্যুসন এক্সপর্তাইজ, প্রদক্সন অমসুং স্তোরেজ কেপাসিতী অদুগী মতাংদা মহাক্না তিল্লিবা মীয়ামশিং অদুদা মখাতানা ফোংদোকখ্রে৷ ভারতকী ৱল্দ-ক্লাস রিসর্চ ইন্সতিত্যুতশিং অসিনা কোবিদ-১৯ অসিগী মাইয়োক্তা কেম্পেন্দ অসি পাংথোকখ্রে অমসুং ভেক্সিন অসি পুথোক্নবা, য়েন্থোক্নবা অমসুং চলাইনবগীদমক কেপাসিতী বিল্দিং লৈহন্নবা হৌজিক হৌজিক য়াম্না কন্না হোৎনরি৷ গ্লোব্লেল্লী ওইনা ভেক্সিন কেন্দিদেৎ ২৬০ তোঙান তোঙানবা দিভেলপমেন্তগী স্তেজতা লৈরে৷ মসিগী মনুংদা ইন্দিজিনিয়র্স ৩ য়াওনা ৮দি ভারততা শেম্ননবা মতম লেপখ্রে৷ পব্লিক অমসুং প্রাইভেৎ অনিমক্তা ইন্দিয়ন এন্তিতাইশিং অসিগা ভেক্সিন রিসর্চ পাংথোক্ননবগীদমক ইন্তরনেস্নেল পার্তনরশিং খুদিম ওইনা য়ু.কে.গী ওক্সফোর্দ য়ুনিভর্সিতী অমসুং য়ু.এস.এ.গী থোমাস জেফর্সন য়ুনিভর্সিতী অসিগী সপোর্ত অদু ঐখোয়না শিজিন্নখ্রে” হায়না মহাক্না ফোংদোকখি৷

অকুপ্পা ৱারোলগীদমক:

ভারত-উজবেকিস্তান ভর্চুএল সমিৎতা পীখিবা পি.এম.গী হৌদোক ৱারোল

অকুপ্পা ৱারোলগীদমক :

পি.এম. এস.ভি.এ.নিধি বেনিফিসিয়রিশিংগী সোসিয়ো-ইকোনোমিক প্রোফাইলিং এম.ও.ঐচ.য়ু.এ.না লোঞ্চ তৌখ্রে

ঙসি তোঙান তোঙানবা কেন্দ্রগী মন্ত্রালয়শিং অসিদগী রিপ্রজেন্তেতিবশিং অমসুং রাজ্যগী ওফিসিয়েলশিং শরুক য়াদুনা পি.এম. এস.ভি.এ.নিধি স্কিমগী অহেনবা কম্পোনেন্ত অমা ওইনা পি.এম. এস.ভি.এ.নিধি বেনিফিসিয়রিশিং অমসুং মখোয়গী ইমুং মানুংগী সোসিয়ো-ইকোনোমিক প্রোফাইলিংগী প্রোগ্রাম অমা হাউজিং অমসুং আর্বান এফিয়র্স্কী মন্ত্রালয়গী সেক্রেতরী শ্রী দুর্গ শঙ্কর মিশ্রানা লোঞ্চ তৌখ্রে৷ মসিগী মখাদা পি.এম. এস.ভি.এ.নিধি বেনিফিসিয়রি খুদিংমক্কী অমসুং মখোয়গী ইমুং মানুংগী মীওইশিংগী মপুং ফাবা প্রোফাইল অমা শেম্লগনি৷ প্রোফাইল দাতা অসিগী মতুং ইন্না মখোয়গী হোলিস্তিক সোসিয়ো-ইকোনোমিক অপ্লিপমেন্ত অসিগীদমক তোঙান তোঙানবা ইলিজিবল ওইবা কেন্দ্রগী স্কিমশিংগী কান্নবশিং অদু মখোয়দা ফংহল্লগনি৷ পি.এম. এস.ভি.এ.নিধি স্কিম অসি স্ত্রিৎ ভেন্দরশিংদা লোনশিং পীবা অসি খক্তা নত্তনা স্ত্রিৎ ভেন্দরশিং অমসুং মখোয়গী ইমুং মানুং অসিদা মখোয়গী হোলিস্তিক দিভেলপমেন্ত অমসুং সোসিয়ো-ইকোনোমিক অপ্লিপমেন্ত অসিগীদমক খুৎলাই অমা ওইনা উরিবা ইকাই খুম্নরবা প্রধান মন্ত্রীগী মংলান অসি য়েংলগা লোঞ্চ তৌখিবনি৷

অকুপ্পা ৱারোলগীদমক :

ইন্দিয়ন রেলৱেজনা হোস্পিতাল মেনেজমেন্ত ইনফোর্মেসন সিস্তেমগী ত্রাইয়েল প্রোজেক্ত হৌদোকখ্রে

ইন্দিয়ন রেলৱেজনা অতোপ্পা মরুওইবা আই.তি. খোঙথাং অমা মখোয়গা থবক্তা ফগৎনবা হায়দুনা হৌদোকখ্রে। রেলৱেজদা ঐচ.এম.আই.এস. অসি ইন্দিয়ন রেলৱেজনা রেলতেল কোরপোরেসন লিমিতেৎগা খুৎশম্নদুনা চাওখৎলক্লি। ঐচ.এম.আই.এস.গী পান্দম অসি হোস্পিতাল এদমিনিস্ত্রেসন থৌওং হায়বদি ক্লিনিকেল, দাইগ্নোস্তিক, ফার্মাসি, একজামিনেসন, ইন্দস্ত্রীএলগী ওইবা হকশেল অসিনচিংবানি।

অকুপ্পা ৱারোলগীদমক :

ই-কোর্তস প্রোজেক্কী মখাদা ২৯৯২ পান্দম থম্বগী মনুংদা লৈবাক অসিগী কোর্ত কমপ্লেক্স ২৯২৭ য়াম্না য়াংবা ৱাইদ এরিয়া নেতৱার্ক(ৱান)অমনা শম্নরে

ই-কোর্তস প্রোজেক্কী মখাদা লৈবাক অসিগী কোর্ত ২৯২৭ য়াম্না য়াংবা ৱাইদ এরিয়া নেতৱার্ক(ৱান)অমনা শম্নরে। মসি য়াম্না য়াংবা ৱান প্রোজেক্কী মখাদা মফম ১৯৯২ শম্ননবা পান্দম থম্বদা চাদা ৯৭.৮৬ লোইশিল্লবনি। লেমহৌরিবা মফমশিং শম্ননবা জজতিস দিপার্তমেন্ত অমসুং বি.এস.এন.এলনা থবক পায়খৎলি। ই-কোর্তস প্রোজেক্কী মখাদা, ভারত শীনবা থুংনা লৈরিবা কোর্ত কমপ্লেক্স ২৯৯২ ৱানগী খুৎথাংদা শম্ননবা মালেমদা খ্বাইদগী চাউবা দিজিতেল নেতৱার্কশিংগী মনুংদা অমা ওইনা থবক অসি ভারতকী সুপ্রিম কোর্তকী ই-কমিতি অমসুং জজতিস দিপার্তমেন্তনা পায়খৎপনি। কোর্তশিং শম্নবগী থবক অসিদা ওপ্তিকেল ফাইবর কেবল(ও এফ সি), রেদিও ফ্রিক্বেন্সি(আর এফ), ভেরি স্মোল এপরচর তর্মিনেল (ভিসাত) শীজিন্নরি। হায়রিবা মফমশিং অসিদা এম.পি.এল.এস ভি.পি.এন সর্বিস ফংহন্নবা ২০১৮গী মে থাদা ভারত শীনবা থুংনা খ্বাইদগী নৌবা তেলিকোমগী তেক্নোলোজি অমসুং মচাক-মথুমশিং লৈরিবা বি.এস.এন.এলদা শীন্নখি। অৱাং-নোংপোক লমদম, জে অমসুং কে অমসুং এ অমসুং এন ইথৎশিং য়াওনা ভারতকী কাচিন-কোয়াশিংদা বি.এস.এন.এল লৈরি।

অকুপ্পা ৱারোলগীদমক :

দি.ও.সি.এ.না কঞ্জুমরগী পামদশিং অসিগী লায়না অমসুং য়াম্না য়াংনা রেদ্রেসেল ফংনবা খোঙথাং কয়া অমা লৌখৎখ্রে

দিপার্তমেন্ত ওফ কঞ্জুমর এফিয়র্সদা রিপোর্ত পীরক্লি মদুদি মার্কেত্তা য়োল্লিবা খোইহী মখল অয়াম্বা অসি চিনীনা পোৎয়ান তৌরি। মসি য়াম্না লুবা হিরম অমা ওইরি মদুদি হায়রিবা অসি কোবিদ-১৯ মনুং অসিদা হকশেলগী ওইবদা শোকহল্লি অমসুং কোবিদ-১৯ মনুং অসিদা খুদোংথিনিঙাই ওই। দিপার্তমেন্ত অসিনা সেন্ত্রেল কঞ্জুমর প্রোতেক্সন ওথোরিতি (সি.সি.পি.এ.)দা ফিবম অসিবু য়েংশিন্নবা হায়রি। সি.সি.পি.এ. সেক্সন ১৯(২) ওফ দ কঞ্জুমর প্রোতেক্সন এক্ত ২০১৯গী মতুং ইন্না, প্রেলিমিনরি একজামিনেসনগী মতুংদা, চিঞ্জাক্কী রিগুলেতর ওইরিবা, হিরম অসি এফ.এস.এস.এ.আই.দা শিন্নখ্র, হায়রিবা অসি হিরম অসিদা চপ চাবা লৌখৎফম থোকপা লৌখৎনবা সেক্সন ১০গী মখাদা ক্লাস এক্সন্দা থি-হুম্বা চৎথনবগীদমক মতেং পাংনবা মফম পীখ্রে। দিপার্তমেন্ত অসিনা কঞ্জুমরশিংগী থেংনরিবা অৱাবশিং অসি লুম্না লৌরি। হন্দক্তা থোকখিবা থৌদোক অমদা চহি ৪০ শুরবা নুপা অমনা রোহিনি মোলদগী মহাক্কী মমৌ ক্লাস ১২ তম্লিবা স্কুলগী মহৈরোয় অমগী ওনলাইন ক্লাসকীদমক লৈরুবা ফোন অমা মফম অদুদা শিন্ননবা হায়রুবা মতমদা মোবাইল ফোন সর্বিস সেন্তর অদুনা য়ারক্তবদগী মশা মথন্তা মৈ থাজখিবা অমসুং মৈনা চাক্তুনা শোকখিবা অসিদা, দিপার্তমেন্ত অসিনা মোবাইল ফোন কম্পনি অসিদা লৌখৎফম থোকপা লৌখৎখ্রে। মোবাইল ফোন কম্পনি অসিনা কঞ্জুমর অসিদা কম্পেন্সেৎ ওইনা লুপা ১,০০,০০০/- অমসুং অনৌবা মোবাইল হেন্দসেৎ অমা পীরগনি।

অকুপ্পা ৱারোলগীদমক:

পি.আই.বি. ফিল্দ ওফিসশিংদগী ফংবা পাউ

•           মহারাস্ত্র: মহারাস্ত্রগী কোবিদ-২৯গী মশিং অদু শগোলশেল নুমিত্তা অহেনবা কেস ৩,৮২৪ থেংনখিবগা লোইননা ১৮,৬৮১৭২ য়ৌখ্রে। মুম্বাইদা হৌখিবা পুং ২৪ কোবিদ-১৯গী অনৌবা কেস ৭৯৮ থেংনখিবগা লোইননা ইনফেক্তেদ ওইখিবা মীওইশিংগী মশিং অদু ২,৮৮,৬৯৬ ওইখি। সিতী অসিদা ১৩ শিখিবগা লোইননা শিখিবশিংগী মশিং অদু ১১,০০০ ময়া নক্না য়ৌহনখি। হৌজিক হোসপিতাল কয়া অমদা এক্তিব পেসেন্ত ১১৯৪৩ লাইয়েংদুনা লৈরি।

•          গুজরাত: গুজরাত্তা হৌখিবা পুং ২৪দা নৌনা কোরোনা কেস ১২৭০ থেংনখি। এহমাদাবাদতগী অনৌবা কেস ২৭৮ থেংনখিবগা লোইননা খ্বাইদগী য়াম্না থেংনখি, অদুগা সুরতনা অনৌবা কেস ১৯৬ থেংনখি। হৌজিক্কী ওইনা রাজ্য অসিদা লৈরিবা এক্তিবা কেসশিংগী অপুনবা মশিং অদু ১৩৮২০ ওইখি, মসিগী মনুংদা পেসেন্ত ৭২দি ভেন্তিলেতরদা লৈখি। ঙরাং পেসেন্ত ১২ শিখি, মসিনা কোবিদ-১৯না মরম ওইরগা শিখিবশিংগী মশিং অদু ৪১৩৫ ফাওবা য়ৌহনখি।

•          রাজস্থান: রাজস্থানদা কোবিদকী অনৌবা কেস হন্থরক্লি। এক্তিব কেসশিংগী মশিং অদু লিশিং ১৯দা হন্থরক্লে। জয়পুর অমসুং জোধপুর সিতীশিংদশু অনৌবা কেসশিংগী মশিং অদু হন্থরক্লে। হন্দক্কী থা অসিগী অহানবা নুমিৎ তরানিদা, রাজ্য অসিদা ইনফেক্সনগী অনৌবা কেস ১৯,০০০ ময়া নক্না থেংনখি, অদুগা ফগৎলকখিবা মীওইশিংগী মশিং অদু ২৮,৫০০ ময়া নক্না ওইখি।

•          মধ্য প্রদেশ: মধ্য প্রদেশতা শগোলশেল নুমিত্তা কোবিদ-১৯গী অনৌবা কেস ১,৩১৯, মসিনা রাজ্য অসিদা ইনফেক্সনশিংগী মশিং অদু ২,১৯,৮৯৩ য়ৌহনখি। ভাইরেল ইনফেক্সন অসিনা মরম ওইরগা তরেত অমুক শিখিবগা লোইননা শিখিবশিংগী মশিং অদু ৩,৩৭৩ য়ৌখ্রে। হোসপিতালশিংদগী পুন্না পেসেন্ত ১,৩০৭ দিসচার্জ তৌখিবগা লোইনা ফগৎলকখিবশিংগী অপুনবা মশিং অদু ২,০৩,২০৪ য়ৌহনখি।

•          ছত্তিসগর: ছত্তিসগরদা শগোলশেল নুমিত্তা কোবিদ-১৯গী অনৌবা কেস ১,৫১৮ থেংনখি অমসুং ১৬ শিখিবগী পাউ লৈখি, মসিনা কেসলোদ অদু ২,৫২,৬৩৮ য়ৌহনখি অমসুং শিখিবশিংগী মশিং অদু ৩,০৫৪ য়ৌহনখি। নুমিৎ অদুদা ফগৎলকখিবশিংগী মশিং অদু হোসপিতালশিংদগী মীওই ১৭৭ দিসচার্জ তৌখিবগা লোইননা ২,৩০,২৩৮ য়ৌখ্রে অদুগা অতোপ্পা  ১,৬৮২না মখোয়গী হোমাইসোলেশনগী মতম অদু লোইখি। রাজ্য অসিদা এক্তিব কেস ১৯,৩৪৬ লৈরি।

•          গোৱা: গোৱাদা শগোলশেল নুমিত্তা কেজুৱেলতী অমত্তা লৈখিদে। গোৱাদা শগোলশেল নুমিত্তা কোরোনাভাইরসকীদমক্তা য়াম্লবা মীওই ৯৫ পোজিতিব ওইখি অদুগগা ইনফেক্সনদগী ১৫৯ ফগৎখি। খ্বাইদগী নৌবা কেসশিং অদু য়াওরগা কোস্তেল স্তেত অসিগী কোবিদ-১৯গী মশি অদু ৪৯,১৩১দা হেনগৎলকখ্রে। রাজ্য অসিদা শিখিবশিংগী মশিং অদু ৭০৩ ওইখি, মরমদি হৌখিবা পুং ২৪দা শিখিবগী পাউ অমত্তা লৈখিদে। হৌজিক ফাওবদা পেসেন্ত ৪৭,২১৫ না ইনফেক্সন অসিদগী ফগৎলকখ্রে। রাজ্য অসিদা হৌজিক এক্তিব কেস ১,২১৩ লৈরি।

•          অসাম: অসামদা কোবিদ-১৯গীদমক্তা মীওই ১৪০ অমুক পোজিতিব ওইবা থেংনখি। অপুনা কেসশিংগী মশিং অদু ২১৪৩০৫ ওইখি, দিসচার্জ তৌখিবা পেসেন্তশিংগী মশিং অদু ২০৯৭৮৭ ওইখি, এক্তিব কেস ৩৫১৬ লৈরি অমসুং পুন্না ৯৯৯ শিওখিবগী পাউ লৈখি।

•          কেরলা: রাজ্যগী হকশেল মন্ত্রী, কেকে, শাইলাজাকেরকা: রাজ্যগী হকসেল ম্ন্ত্রী, কে.কে.শাইলাজানা সুদানদগী থবক তৌরদুনা হল্লখিনা লানমীশিংনা অনৌবা মখলগী মেলরিয়া, ‘পাসমোদিয়ম ওভল’ থেনখি। হায়রিবা মীশক অসি কন্নুরদা লৈবা হোসপিতাল লাইয়েংদুনা লৈরি হায়না মহাক্না হায়খি। মরক অসিদা ঙরাং কেরলাদা কোবিদ-১৯গী অনৌবা কেসথেংনখি। কোবিদনা মরম ওইরগা শিখিবশিংগী মশিং অদু ২৫ ৩৩ য়ৌখ্রে।

•          তামিল নাদু: তামিল নাদুদা অহানবা ওইনা মীওই লাখ মঙা কোবিদ ভেকইন ফংলগনি, ২,৮০০ ভেক্সিন সেন্তরশিং লিংখৎখ্রে। মতম অমহেক্তদা কোবিদ-১৯ ভেক্সিনগী দোজ করোর ২.৫ স্তোর তৌবা বাবগী কেপাসিতী লৈগদবা ৱেরয়র হাউস ৫১ মশক খঙদোকখ্রে। রাজ্য অসিনা কোবিদ-১৯ রেজিস্ত্রীদগী পেসেন্ত ১,৩০২ দিসচা্রজ তৌখ্রে, অমসুং শগোলশেল নুমিত্তা অনৌবা কেস ১,২২০ অমুক হেনগৎলকখ্রে, মসিনা অপুনবা কেসশিংগী মশিং অদু ৭,৯৫২৪০ য়ৌহনখ্রে। য়ুমশকৈশা নুমিত্তা এক্তিব কেসশিংগী মশিং অদু ১০,৪৯১দগী ১০,৩৯২দা হন্থখ্রে।

•          কর্নাতকা: কোবিদ-১৯ভেক্সিনগী ত্রায়লশিংগী অহুমশুবা তাঙ্কক অদু বেলাগভিদা পাংথোকখ্রে, হেল্থ দিপার্তমেন্তনা ও.পি.দি.শিং অদু মহৌশাগুম্না পাংথোক্নবা হায়খ্রে। হকশেল মন্ত্রী, কে সিথাকরনা রাজ্য অসিদা লৈরিবা কোবিদকী ফি্যমঅসি য়েংলগা কোবিদ তাস্ক ফোর্সশিংগী মীফমঅমা পাংথোকখ্রে।

•          অন্ধ্রা প্রদেশ: হৌজিক ফাওবদা রাজ্য অসিদা পাংথোকখিবা কোবিদ তেস্তশিংগী অপুনবা মশিং অদু করোর ১.০৬ হেনখ্রে, মসিনা মীশিং মিলিয়ন অমদা তৌখিবা তেস্তশিংগী মশিং অদু চা্রাক্না লাখ অনি ওইখি। রাজ্য অসিগী কোবিদ-১৯ চার্ত অদুদা হৌজিক পুন্না পোজিতিবা কেস ৮,৭৪,৫১৫ ওইখি, ৮,৬২,২৩০ ওইখি অমসুং ৭,০৪৯ শিখি। এক্তিব কেসলোদ অদু ৫,২৩৬দা হন্থখ্রে।

•          তেলঙ্গনা: তেলঙ্গনাদা হৌখিবা পুং ২৪দা অনৌবা কেস ৬৪৩ থেংনখি, ৮০৫ ফগৎখি অমসুং ২ শিখি। অপুনবা কেসশিং: ২,৭৫,৯০৪, এক্তিব কেসশিং: ৭,৪৯৭, শিখিবশিং: ১৪৮২, দিসচার্জ তৌখিবশিং: ফগৎলকপগী চাং চাদা ৯৬.৭৪ ওইখিবগা লোইননা ২,৬৬,৯২৫ দিসচার্জ তৌখ্রে।

ফেক্ত চেক

*****