সেকুরিতিস এন্দ একচেঞ্জ বোর্দ ওফ ইন্দিয়া অমসুং ফাইনান্সিএল এন্দ কম্মিসন দে সর্ভিলিয়েন্স দু সেক্তিউয়র ফাইনান্সর(সি এস এস এফ),লাক্সেমবার্গ অনিগী মরক্তা নাকল অনিগী মেমোরেন্দম ওফ অন্দর্স্তেন্দিং(এম ও য়ু) অমা খুৎয়েক পীন্নবা সেকুরিতিস এন্দ একচেঞ্জ বোর্দ ওফ ইন্দিয়া(সেবি)না পুখৎলকপা ৱাফম প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীরে।

পান্দমশিং

এম.ও.য়ু অসিনা সেকুরিতিশিংগী চৎন-কাংলোনশিংগী মতাংদা ঙমখৈ লান্না মতেং পাংনবা হেনগৎহনবা য়ারি অমসুং তেক্নিকেলগী লৌশিং পীথোক-পীশিন তৌনদুনা থবক ফজনা পাংথোক্নবা অমনা অমগী মতেং পাংনবা হেনগৎহনগনি অমসুং ভারত অমসুং লাক্সেমবার্গকী সেকুরিতি মার্কেতশিং ঙাক-শেন্নবা আইনশিং অমসুং চৎন-কাংলোনশিং নিংথিনা চৎহনবদা মতেং পাংগনি।

মরুওইবা কান্নবা: সেবিগুম্না এস.এস.এস.এফ অসি ইন্তরনেসনেল ওর্গনাইজেসন ওফ সেকুতিতিস কম্মিসন্স মল্তিলেতেরেল এম.ও.য়ু(ইসকো এম.এম.ও.য়ু)গী কো-শিঙ্গনেতোরি অমনি। অদুবু, ইসকো এম.এম.ও.য়ু অসি তেক্নিকেলগী মতেং পীনবগী খুদোংচাবা লৈতে। নাকল অনিগী মরক্তা খুৎয়েক পীন্নবা থৌরাং তৌরিবা এম.ও.য়ু অসিনা সেকুরিতিগী আইনশিং মপুংফানা চৎনহনবা অমসুং তেক্নিকেলগী মতেং পীন্নবা থবক পায়খৎপদা মতেং পাংগনি। তেক্নিকেলগী মতেং পীন্নবা থবক অসিনা কেপিতেল মার্কেতশিংগী মতাংদা ওথোরিতিশিং ৱা তান্নবা অমসুং স্তাফশিং ত্রেনিং পীবগী থবকশিংদা কান্নবা পীগনি।

নুঙগীৱারোল:

ভারত্তা সেকুরিতি মার্কেতশিং য়েংশিন্নবা সেকুরিতিস এন্দ একচেঞ্জ বোর্দ ওফ ইন্দিয়া এক্ত, ১৯৯২গী মখাদা সেকুরিতিস এন্দ একচেঞ্জ বোর্দ ওফ ইন্দিয়া(সেবি) লিংখৎখি। সেবিগী পান্দমদি ইনভেস্তরশিংগী য়াইফনবা থবক পায়খৎপা অমসুং ভারত্তা সেকুরিতি মার্কেতশিং য়েংশিনবা অমসুং ফগৎহনবনি। সেবিগী মরুওইবা থবকশিংগী মনুংদা সেকুরিতি মার্কেতশিংদা ময়াইদা লৈরগা থবক তৌরিবশিং রেজিস্তার তৌবা, নিয়ম শেম্বা অমসুং য়েংশিনবা; সেল্ফ-রিগুলেতরোরি ওর্গনাইজেসনশিং য়োকখৎপা অমসুং য়েংশিনবা; সেকুরিতি মার্কেতশিংদা অরানবা থবক পাংথোকশিং থিংবা অসিনি। ভারত নৎত্রগা মপান লৈবাকশিংদা ওইগেরা অসিগুম্বা ই-পাউ অসি মসি থবক ফজনা পাংথোক্নবা দরকার ওই।

লাক্সেমবার্গকী সেকুরিতিস এন্দ একচেঞ্জ বোর্দ ওফ ইন্দিয়া অমসুং ফাইনান্সিএল এন্দ কম্মিসন দে সর্ভিলিয়েন্স দু সেক্তিউয়র ফাইনান্সর(সি এস এস এফ) অসি লৈঙাক অমসুং শেন-থুমগী মনিংতম্বা লৈবা, দিশেম্বর ২৩, ১৯৯৮তা লিংখৎখিবা সরকারগী আইনগী বোদি অমনি। ইন্সুরেন্স সেক্তর খক নত্তনা লাক্সেমবার্গকী মরুওইবা শেন-থুমগী থবকশিং য়েংশিনবগী ওথোরিতি সি.এস.এস.এফনা ওইরি। সেকুরিতি মার্কেতশিংগী নিয়ম শেম্বা অমসুং য়েংশিনবগী থবকসু সি.এস.এস.এফনা পাংথোক্লি।

*****