প্রধান মন্ত্রী শ্রী নরেন্দ্র মোদীনা ভিদিও কনফরেন্সিংগী থোংদা কোবিদ-১৯গী ভেক্সিনগী স্ত্রেতেজীগী মতাংদা খন্ননবা পাংথোকপা পার্তী পুম্নমক্কী মীফমদা শরুক য়াখ্রে। প্রধান মন্ত্রীনা হায়খি মদুদি সরকারনা মপুং ফাবা ভেক্সিনেসনগী স্ত্রেতেজী অমা শেমগৎলি। মহাক্না শাফু পীখি মদুদি মালেম অসিনা অফবা অমসুং অহোংবা ভেক্সিনগীদমক ভারত্তা মিৎয়েং থম্লক্লি।

ভারত কোবিত ভেক্সিনেসনগীদমক্তা শেম-শারে

প্রধান মন্ত্রীনা মহাক্কী অহমদাবাদ, পুনে অমসুং হাইদ্রাবাদকী ভেক্সিন মেন্যুফেকচরিং ফেসিলিতীশিংগী খোংচৎক খঙলক-উরকপশিং অদু শিয়র তৌখি, হায়খি মদুদি হৌজিক হৌজিক ত্রাইএলগী তোঙান তোঙানবা থাক্তা লৈরিবা পেতেন্সিএল ভেক্সিন নিপাল ফারত্তা শাগনি, মদুদা লমদম অসিদা পুথোকপা অমসুং য়াওরি।

প্রধান মন্ত্রীনা হায়খি মদুদি লাক্লিবা চয়োল খরগী মনুংদা ভেক্সিন অসি ফংলবা য়াই। সাইন্তিস্তশিংনা অয়াবা হেক পীরকপগা ভেক্সিনেসনগী খোংজং বারত্তা য়াম্না থুনা হৌরগনি। মরুওইনা হান্না ভেক্সিনেসন তৌগদবা কাংলুপশিংগী মতাংদা কেন্দ্র সরকারনা রাজ্য সরকারশিংগা কুপ্না খন্নরি।

ভেক্সিনেসনগীদমক্তা ভারতকী ভেক্সিন দিস্ত্রিব্যুসনগী এক্সপর্তাইজশিং, কেপাসিতী অমসুং লৈরিবা পাক-চাউরবা নেতৱর্ক্কী মতাংদা পল্লদুনা, পি.এম. মোদীনা হায়কি মদুদি মসিনা ঐখোয়দা কোবিদ ভেক্সিনগী থৌরাং য়াৎথোকপদা মতেং পাংগনি। রাজ্য সরকারশিংগা পুন্না শরুক য়ামিন্নদুনা অহেনবা কোল্দ চেন ইক্বুইপমেন্ত অমসুং অতৈ মথৌ তাবা লেজিস্তিকশিংসু ঐখোয়না শেমগৎকনি।

ভেক্সিনেসন কেম্পেনগী নেস্নেল এক্সপর্ত তীম শেম্লে

কেন্দ্র সরকার অমসুং রাজ্য সরকার অনিমক্কী তেক্নিকেল এক্সপর্ত অমসুং ওফিসিএলশিং য়াওবা নেস্নেল এক্সপর্ত গ্রুপ অমা ভেক্সিনগা মরী লৈনবা খোংজংশিং পাংথোক্নবা শেম্লে। নেস্নেল এক্সপর্ত গ্রুপনা লৈবাক অসিগী অমসুং লম লমগী মথৌ তাবা মতুং ইন্না পুন্না ৱারেপ লৌগনি। 

ভারতনা হনবা লৈতবা থৌনাগা লোইননা লাইচৎকা মায়োক্নরি

প্রধান মন্ত্রীনা ফোংদোকখ্রে মদুদি ভারত মচাশিংনা হনবা নাইদ্রবা থৌনাগা লোইননা লাইচৎ অসি মায়োক্নরি, মসিসু হায়খি মদুদি অপুনবা লানফম অসিদা ভারত মচাশিংগী খাংবা কনবা, থৌনা অমসুং তৌবা ঙম্বা মতৌ অদু চাংদমনীংঙাই লৈতবা অমদি অমুক্তা ওইখিদ্রিবা মওংনি। মহাক্না মসিসু ফোংদোকখি মদুদি ঐখোয়গী ভারত মচাসিংগী মতেং পাংবদা নত্তনা অতোপ্পা লৈবাকশিংগী মীওই কনবদসু অঙম্বা থাক্তা হোৎনখি।

প্রধান মন্ত্রীনা ভেক্সিনেসনগী মতাং শন্দোরকপা য়াবা তোকঙাশিংগী মতাংদা চেকশিন্নবা ফোংদোক্লদুনা হায়কি মদুদি মদু মীয়াম অমসুং লৈবাক্কী মায়োক্তা ওইগনি। মহাক্না লুচিংবা পুম্নমক্তা লৈবাক অসিগী মীয়াম্বু হেন্না খঙহন্নবা অমসুং অসিগুম্বা তোকঙাশিং শন্দোকপদগী ঙাকথোক্নবা খঙহনখি।

প্রধান মন্ত্রীনা পার্তী পুম্নমক্কী লুচিংবশিংদা কোবিদ মায়োক্নবদা লৌরিবা মখোয়গী মমল য়াম্লবা থৌদাংগীদমক্তা থাগৎপা ফোংদোকখি। মসিগা লোইননা, মহাক্না অমুক হন্না লৈবাক মীয়ামদা চেকশিন্না লৈনবা অমদি ভাইরস অসিগীদমক্তা লৈরিবা ঙাকথোক্নবা পাম্বৈশিং কোমথোকপা তৌদনবা খঙহনখি।

পোলিতিকেলগী লীদরশিংনা ৱা ঙাংবা

মীফম অদুদা ইন্দিয়ন নেস্নেল কংগ্রেস, ত্রিনামুল কংগ্রেস, দি.এম.কে., য়াই.এস.আর. কংগ্রেস পার্তী, জে.দি. (য়ু), বি.জে.দি., শিব সেনা, তি.আর.এস., বি.এস.পি., এস.পি., এ.আই.এ.দি.এম.কে., অমসুং বি.জে.পি. য়াওনা পোলিতিকেল পার্তীশিংনা শরুক য়াখি। লুচিংবশিংনা প্রধান মন্ত্রীদা খোংজেল য়াংনা ভেক্সিনেসন তৌনবগীদমক্তা মপুং ফানা তেংবাং পীগনি হায়না ফোংদোকখি। মখোয়না লাইচৎ অসিবু মায়োক্নবদা প্রধান মন্ত্রীগী লীদরশিপ অদুবু থাগৎপা ফোংদোকখি অমসুং ভেক্সিন শানবগীদমক হোৎনরিবা সাইন্তিফিক কম্যুনিতীগা লোইননা ভেক্সিন মেন্যুফেকচররশিংবুসু থাগৎপা ফোংদোকখি।

***