সেনিয়র ওইরবা মরূপ পুম্নমক্কী লমন তৌনশিঞ্জরে! খন্না-নৈনবা অসিদা অদোম্না ফোংদোকপীখিবা ৱাখল্লোন, পীবীখিবা সজেসনশিং, অদু য়াম্না মরুওইবনি হায়না ঐনা লৌজৈ। ভেক্সিনগী মতাংদা খন্ন-নৈনখিবা অসিদা উবা ফংখিবা থাজবা অদুনা কোরোনাগী মায়োক্তা চংশিল্লিবা লৈবাক অসিগী লাঞ্জং অসি হেন্না মপাঙ্গল কলহল্লগনি। মসিদা তৌখিবা প্রজেন্তেসন অদুদসু নুমিৎ কয়ানিদগী হোৎনরক্লি, করি করি হোৎনরি, হৌজিক কদাই ফাওবা য়ৌশিল্লে অমসুং কয়াদা চেকশিন্না ঐখোয়না চংশিল্লিবনো হায়বসিগী মতাংদা শন্দোক্না তাকখ্রে।

মরূপশা,

মসিগী মতাংদা হৌখিবা মতমদা ঐগী রাজ্যশিংগী মুখ্যমন্ত্রী পুম্নমক্কা কুইনা ৱারীসু শানখি। ভেক্সিন কাপ্পগী মতাংদা রাজ্য সরকারশিংদগী ৱাফম কয়ামরুমসু ফংজখি। নুমিৎ খরনিগী মমাংদা ঐগী মেদ ইন ইন্দিয়া ভেক্সিন শাননবা হোৎনরিবা সাইন্তিস্তশিংগী তীমগসু কুইনা কান্নবা মওংদা ৱারী শাখ্রে। সাইন্তিস্তশিংগা উনবগী তাঞ্জাসু ফংজখি। অমসুং ভারতকী সাইন্তিস্তশিং অসি মায় পাক্নবা কন্না হোৎনরি। মখোয়গী কনফিদেন্স য়াম্নামক মপাঙ্গল কল্লি। হৌজিক লৈবাক কয়ামরুমগী ভেক্সিনগী মমিং কৈথেলদা ঐখোয়না তাবা ফংলি। অদুবু মালেমগী মিৎয়েং অসি মমল হোংবা খ্বাইদগী ফবা ভেক্সিন্দা থম্লি অমসুং মরম অসিনা মালেমগী মিৎয়েং ফারত্তা থম্লকপা অসি মশানা তাবনি। অহমদাবাদ, পুনে অমসুং হাইদ্রাবাদ চৎতুনা ঐনা মসিসু য়েংখি মদুদি মেন্যুফেকচরিংগী মতাংদা লৈবাক অসিনা শেম শারি।

ঐখোয়গী ভারতকী মেন্যুফেকচরর আই.সি.এম.আর., দিপার্তমেন্ত ওফ বাইওতেক্নোলোজী অমসুং গ্লোবেল ইন্দস্ত্রীগী অতৈ শক্নাইরবশিংগা য়াম্না নকশিন্ননা লৈদুনা খোংজেল মান্ননা থবক তৌমিন্নরি। অদোম অমরোমদা মসি য়াবীগনি মদুদি পুম্নমক্না কিশি তাখৎতুনা শেম-শারি। চাউরাক্না ওইথোকপা য়াবা ভেক্সিন ৮ ত্রায়েলগী তোঙান তোঙানবা তাঙ্কক্তা লৈরি অমসুং মদুগী মেন্যুফেকচরিং ভারত্তা তৌগনি। মসিগী মতাংদা ৱারীসু শানরি, ভারতকী মশাগী তোঙান তোঙানবা ভেক্সিন অহুমগী ত্রায়েল তোঙান তোঙানবা তাঙ্কক্তা লৈরি। এক্সপর্তশিংনা মসি য়ারি মদুদি হৌজিক কোরোনাগীদমক্তা য়াম্না কুইানা ঙাইননরোই। মথংগী চয়োল খরদা কোরোনাগী ভেক্সিন পুথোক্লগনি হায়না পানরি। সাইন্তিস্তশিংদগী অয়াবা হেক ফংবগা, ভারত্তা ভেক্সিন কাপ্পগী খোংজং হৌরগনি। ভেক্সিন কাপ্পগী অহানবা তাঙ্কক্তা কনাদা ভেক্সিন কাপকনি, মসিগী মতাংদসু কেন্দ্র সরকারনা রাজ্য সরকারশিংদগী ফংবা সজেসনশিংগী মতুং ইন্না থবক তৌরি। মসিদা মরুওইনা কোরোনাগী অনাবশিং লায়েংবদা য়াওরিবা হেল্থ কেয়র ৱাকরশিং, ফ্রন্তলাইন ৱাকরশিং অমসুং হান্নদগী অরুবা লাইনানা নাদুনা লৈরিবা অহল ওইরবশিংদা কাপ্পকনি।

মরূপশা,

ভেক্সিনগী দিস্ত্রিব্যুসনগী মতাংদসু কেন্দ্র অমসুং রাজ্য সরকারগী তীমশিংনা পুন্না থবক তৌমিন্নরি। ভারত্তা ভেক্সিন দিস্ত্রিব্যুসন এক্সপর্তাইজ অমসুং কেপাসিতীসু লৈজৈ। মালেমগী অতৈ লৈবাকশিংগা য়েংনরুবদা লম অসিদা ঐখোয় য়াম্না ফরি। ঐখোয়গী ভেক্সিন কাপ্পগী মতাংদা মালেমগী খ্বাইদগী চাউবা অমসুং খহ-হৈরবা নেতৱর্কসু লৈরি। মসিগী মপুং ফানা কান্নবা লৌগনি। অহেনবা কোল্দ চেন ইক্বুইপমেন্ত, অতৈ লোজিস্তিক্সকী মথৌ তাবশিং, রাজ্য সরকারশিংগী মতেংদগী মসিগী মতাংদসু য়েংশিল্লি। কোল্দ চেনবু অমুক্কা হেন্না মপাঙ্গল কলহন্নবসু লোইননা ওইথোকপা য়াবা কয়ামরুমদসু খন্নরি। অতোপ্পা অনৌবা পাম্বৈ কয়ামরুমসু পাংথোক্লি। ভারতনা অখন্নবা সোফৱেয়র অমসু শেম্লে কো-ৱিন, মসিদা কোরোনা ভেক্সিনগী কান্নবা ফংলবশিং, ভেক্সিনগী ফংলিবা স্তোক অমসুং স্তোরেজগা মরী লৈনবা রিএল তাইম ইনফোর্মেসন লৈগনি। ভারত্তা কোরোনা ভেক্সিনগী রিসর্সকা মরী লৈনবা থৌদাংগীদমক্তা অখন্নবা তাস্ক ফোর্স অমা শেমখি। অমসুং ভেক্সিনগা মরী লৈনবা খোংজংগী থৌদাং নেস্নেল এক্সপর্ত গ্রুপতা পীখি। মসিদা তেক্নিকেল এক্সপর্ত, কেন্দ্র সরকারগী মরী লৈনবা মন্ত্রালয়শিং অমসুং দিপার্তশিংগী ওফিসরশিং, জোন খুদিংমক্কী মতুং ইন্না রাজ্য সরকারশিংগী মীহুৎশিংসু য়াওরি। লৈবাক অসিগী অমসুং লম লমগী মথৌ তাবা পুম্নমক্কী মতুং ইন্না ৱারেপ অদু নেস্নেল এক্সপর্ত গ্রুপ্না অপুনবা মওংদা লৌগনি।

মরূপশা,

ভেক্সিনগী মমল কয়া ওইগনি, মসিগী মতাংদসু ৱাহং হংলকপা অসি মশানা তাবনি। কেন্দ্র সরকারনা মসিগী মতাংদা রাজ্য সরকারশিংগা লোইননা ৱারী শানরি। ভেক্সিনগী মমলগী মতাংদা ৱারেপ, মীয়ামগী হকশেলদা মরুওইবা থমদুনা লৌগনি। অমসুং রাজ্য সরকারশিংনা মসিদা মপুং ফানা শরুক য়াগনি।

মরূপশা,

লৈবাক অমা ওইনা ভারতনা লৌখিবা ৱারেপ, ভারতনা খোংজেল য়াংনা সাইন্তিফিক ওইবা মওং শিজিন্নখিবা, মদুগী ফল উবা ফংলে। ভারত অসি ঙসিদি নুংতিগী তেস্তিং য়াম্না তৌবা লৈবাকশিংগী মনুংদা অমা ওইরে। ভারত কোরোনাগী মরমদগী মী শিবগী চাং য়াম্না হন্থরবা লৈবাকশিংগী মনুংদসু য়াওরে। ভারতনা মতৌ অসুম্না কোরোনাগী মায়োক্তা চংশিল্লিবা লানজং অসিদা, ভারত মচা খুদিংমক্কী ফিদমনীংঙাই ওইরবা অনীংবা অপাম্বা অদু উৎথোক্লি। চাউখৎলবা লৈবাকশিং, অফবা মেদিকেল ইনফ্রাস্ত্রকচর লৈবা লৈবাকশিংগা চাংদম্নবদসু ভারতনা লাঞ্জং অসি হেন্না ফবা মওং কয়াদা চংশিল্লি অমসুং মসিগী অদুক্কী য়াম্লবা মীয়ামগী থৱাই কল্লি। ঐখোয় ভারত মচাশিংগী খাংবা কনবা, ঐখোয় ভারত মচাশিংগী থৌনা, ঐখোয় ভারত মচাশিংগী তৌবা ঙম্বা অসি, লানফম অপুনবা অসিগী মনমুংদা চাংদম্নীংঙাই লৈতবনি, অমুক্তা ওইখিদ্রিবা মওংদনি। ঐখোয়না শুপ্নগী ঐখোয়গী মীয়ামগীদমক্তা ৱাবা তৌখিদে অতোপ্পা লৈবাকশিংগী মীয়াম্বুসু কন্ননবা ঙম্লিমখৈ হোৎনখি। 

মরূপশা,

ফ্রেবুৱারী-মার্চকী চিংনবতনা থল্লবা, অকিবগী ফিভমদগী হৌরগা ঙসি দিসেম্বরগী থাজবা অমসুং অশাতনা থল্লবা ফিভম অসিগী মরক্তা ভারনা য়াম্না শাংবা খোংচৎ চৎখ্রে। হৌজিক ঐখোয় ভেক্সন ফংহন্নবগী মায়কৈদা লেপ্লি, অদুনা মীয়াম্না শরুক য়াবা, সাইন্তিফিক এপ্রোচ অদুমক, তেংবাং পীনবা অদুমক তুংদসু য়াম্না মরুওই। অদোম খঙ হৈরবা পুম্নমক্কী সজেসনসু মতম মতমগী মতুং ইন্না কান্নবা থৌদাং য়ারক্কনি। অদোম পুম্নমক্না খঙবীরি মদুদি অসুক য়াম্না পাক-চাউরবা ভেক্সিন কাপ্পগী খোংজং চংশিল্লকপদা মখল কয়াগী তোকঙাশিংসু খু্ন্নাইদা শন্দোরকই। তোকঙাশিং অসি মীয়ামগী অমদি লৈবাক্কী মায়োক্তা ওই। মরম অসিনা ঐখোয় দল পুম্নমক্কী থৌদাংনি মদুদি লৈবাক অসিগী মীয়াম্বু অদুক্কী মতিক খঙহনগদবনি, মখোয়বু করিগুম্বা তোকঙা অমা হেক্তগী কনগদবনি। ঐনা রাজনীতি দল পুম্নমক্কী খঙ-হৈরবশিংদা হায়জরি মদুদি ঙসি পুম্নমক্না ঙাংবগী মতম ফংদ্রে, অদুবু ঐনা হায়জরি মদুদি অদোম্না অইবা ওইনা থাবীরকউ, অদোমগী সজেসন অদু য়াম্না কান্নগনি। অদোমগী সজেসনশিং অদু লুম্না লৌগনি অমসুং স্কিমদসু মদু মরুওইনা লৌগনি।

হায়জরিবা পুম্নমক অসিগা লোইননা ঙসি অদোম পুম্নমকপু হন্না হন্না তৌবীমল খঙবা ফোংদোকচরি। অদোম্না মতম কাইথোকপীরি, হন্না হন্না থাগৎচরি!!

***