য়ুমলৈ-কৈরৈ মন্ত্রালয়

কেন্দ্রগী হোম মিনিস্তর, শ্রী অমিৎ শাহনা ঙসি নেভীগী নুমিত্তা ভারতকী নেভী নুংঙাইবা ফোংদোকখ্রে

“ঐনা নেভীগী নুমিত্তা, ভারতকী নেভীগী থৌনা ফরবা মীওইশিং অমসুং মখোয়গী ইমুং-মনুংদা ঐগী নুংঙাইবা ফোংদোকচরি”

“ভারতনা ঐখোয়গী সুমদ্রগী ঙমখৈশিং ঙাক্নবগীদমক মখোয়গী লেংদ্রবা ফিরেপ অমসুং মহৌশাগী খুদোংথিবা থৌদোক থোকপা মতমদা লৈবাক অসিগী সেবা তৌবগীদমক্তা মসিগী অকিবগী মশক ওইরবা ব্লু ৱাতর ফোর্সকীদমক চাউথোকচরি”

Posted On: 04 DEC 2020 1:47PM by PIB Imphal

কেন্দ্রগী হোম মিনিস্তর, শ্রী অমিৎ শাহনা ঙসি নেভিগী নুমিত্তা ভারতকী নেভীগী মফমদা নুংঙাইবা ফোংদোকখ্রে। ত্বীৎ অমদা মহাক্না হায়খি, “ঐনা নেভীগী নুমিত্তা, ভারতকী নেভীগী থৌনা ফরবা মীওইশিং অমসুং মখোয়গী ইমুং-মনুংদা ঐগী নুংঙাইবা ফোংদোকচরি। ভারতনা ঐখোয়গী সুমদ্রগী ঙমখৈশিং ঙাক্নবগীদমক মখোয়গী লেংদ্রবা ফিরেপ অমসুং মহৌশাগী খুদোংথিবা থৌদোক থোকপা মতমদা লৈবাক অসিগী সেবা তৌবগীদমক মসিগী অকিবগী মশক ওইরবা ব্লু ৱাতর ফোর্সকীদমক চাউথোকচরি।

দিসেম্বর ৪ অসিদা চহি খুদিংগী নেভীগী নুমিৎ পাংথোক্লি। লৈবাক অসিগী অমসুং ভারতকী নেভীগী পুৱারীদা নুমিৎ অসি য়াম্না মরু ওইরি, মরমদি ১৯৭১গী ভারত-পাকিস্তানগী লানফমদা, ওপরেসন ত্রাইদেন্তকী মতমদা ভারতকী নেভীগী মিসাইল বোৎশিংনা মায় পাক্না মসিগী মিসাইলশিং জহাজশিংদা কাপখি। ১৯৭১গী ওপরেসন মনুংদা, ভারতকী নেভীনা লানগী মপোৎ মচৈ পুবা পাকিস্তানগী জহাজ কয়া লুপহনখি। আই.এন.এস. বিক্রান্তকী দেক্তগী ফাইতর এয়রক্রাফনা, চিত্তাগোং অমসুং খুলনাদা য়েক্নবগী হিথাংফম অমসুং এয়রফিল্দশিংদা লান্দাদুনা জহাজশিং, দিফেন্স ফেসিলিতীশিং অমসুং ইন্সতোলেসনশিং থুগাইখি। করাচীদা মিসাইল স্ত্রাইক অনিমক্না অমসুং বিক্রান্তকী এয়র স্ত্রাইকশিংনা মতম অদুগী নোংপোক পাকিস্তান্দা পাকিস্তানগী লান্মীশিংবু মায়থিবা পীখি।

***



(Release ID: 1678282) Visitor Counter : 11