(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• ভারতকী অপুনবা এক্তিব কেসলোদ অসি চাউনা তাথরক্তুনা লাখ ৪.২৮দা লৈখ্রে
• হৌখিবা পুং ২৪দা থেংনবা নুংতিগী কেসকী মশিং ৩৬,৬০৪ ওইখি
• হৌখিবা পুং ২৪দা কেস ৪৩,০৬২ ফগৎখ্রে অমসুং দিসচার্জ তৌখ্রে
• ঙসিদি নাবা ফগৎলকপগী চাং অসি ৯৪.০৩% য়ৌখ্রে
• হকশেল মন্ত্রালয়না কৈথেলশিংদা কোবিদ-১৯ শন্দোকপা লাকশিন্নবা চেকশিল থৌরাংশিংগী এস.ও.পি ফোঙখ্রে
• হকশেল মিনিস্ত্রীগী তেলেমিদিসিনগী সর্বিস ই-সঞ্জীবানি ৱারী শান্নবা লাখ ৯ য়ৌখ্রে

নুমিৎ ১৩২নিগী মতুংদা ভারতকী এক্তিব কেসলোস লাখ ৪.২৮দা তাখ্রে, হৌখিবা নুমিৎ হুমনি অসিদা নুংতিগী থেংনবা অনৌবা কেসশিং লিশিং ৩০রোম ওইখি

ভারতকী অপুনবা এক্তিব কেসলোদ অসি ঙসি চাউনা তাথরক্তুনা লাখ ৪.২৮(৪,২৮,৬৪৪)দা লৈখ্রে। মসি নুমিৎ ১৩২নিগী মতুংদা খ্বাইদগী তাবা ওইখি। জুলাই ২৩, ২০২০দা অপুনবা এক্তিব কেস ৪,২৬,১৬৭ ওইখি।

এক্তিব কেসশিংগী মশিংদা চাউনা হন্থরকখ্রে। ভাররকী এক্তিব কেসলোদ অসিদা ভারতকী অপুনবা পোজিতিব কেসশিংগী ৪.৫১% খক্তা ওইখি। লৈবাক অসিগী কোবিদকী মশিংদা হাপচিল্লক্লিবা নুংতিগী থেংনবা অনৌবা কেসশিং অসি হৌখিবা নুমিৎ হুমনি অসিদা লিশিং ৩০রোম ওইখি। হৌখিবা পুং ২৪দা থেংনবা নুংতিগী কেসকী মশিং ৩৬,৬০৪ ওইখি। হৌখিবা পুং ২৪দা কেস ৪৩,০৬২ ফগৎখ্রে অমসুং দিসচার্জ তৌখ্রে। হৌখিবা নুমিৎ মঙানি অসিদা নুংতিগী থেংনবা অসিদগী নুংতিগী ফগৎলকপা কেসশিংগী মশিংনা হেন্দুনা লাক্লি। অনৌবা কেসশিংদগী নৌনা ফগৎলকপগী মশিংনা হেনগৎলক্তুনা খেৎনরকপা অসিনা ঙসিদি নাবা ফগৎলকপগী চাং অসি ৯৪.০৩% য়ৌখ্রে। পুন্না ফগৎলকখিবা কেস ৮৯,৩২,৬৪৭ ওইখি। ফগৎলকপা কেসশিং অমসুং এক্তিব কেসশিংগী মরক্তা লৈরিবা খেৎনবা অসি তপ্না-তপ্না হেনগৎলক্তুনা ঙসি লাখ ৮৫ হেনখ্রে অমদি হৌজিক ৮৫,০৪,০০৩ ওইরি। নৌনা ফগৎলকখ্রবা কেসশিংগী ৭৮.৩৫%দি রাজ্য/য়ু.তি, ১০দগী ওইখি। ফগৎলকপা কেস ৬,২৯০গা লোইননা মহারাস্ত্রনা নৌনা নোংমদা ফগৎলকপগী মশিং খ্বাইদগী য়াম্না রিপোর্ত তৌরকখি। কেরেলাদা মীশিং ৬,১৫১ ফগৎখি অমদি দিল্লীনা ৫,০৩৬ ওইদুনা মতুং ইনখি। অনৌবা কেসশিংগী ৭৭.২৫%দি রাজ্য অমসুং য়ু.তি.১০দগী ওইখি। কেরেলানা নুংতিগী থেংনবা কেস ৫,৩৭৫ ওইদুনা খ্বাইদগী য়াম্না রিপোর্ত তৌখি। অনৌবা কেস ৪,৯৩০গা লোইননা মহারাস্ত্রনা মতুং ইনখি। হৌখিবা পুং ২৪দা কেস ৫০১ শীখিবগী রিপোর্ত তৌরকখি। নৌনা শীখিবগী ৭৯.৮৪%দি রাজ্য/য়ু.তি.তরাদগী ওইখি। মহারাস্ত্রনা শীখিবা (৯৫) ওইদুনা খ্বাইদগী য়াম্বা ওইখি। মথং শিৎনবা শীখিবা ৮৬ অমসুং ৫২ ওইদুনা দিল্লী অমসুং ৱেস্ত বেঙ্গলনা মতুং ইনখি।

অকুপ্পা ৱারোলগীদমক:

হকশেল মন্ত্রালয়না কৈথেলশিংদা কোবিদ-১৯ শন্দোকপা লাকশিন্নবা চেকশিল থৌরাংশিংগী এস.ও.পি ফোঙখ্রে

হকশেল অমসুং য়াইফ-য়ুম্বাল মন্ত্রালয়না লৈবাক অসিদা কোবিদ ১৯ শন্দোকপা লাকশিন্নবা ঙাক্না চৎকদবা ঙাকথোক্না অমসুং চেকশিল থৌরাংশিংগী স্তেন্দর্দ ওপরেতিং প্রোসিজরশিং (এস.ও.পি.শিং) থোকখ্রে। হকশেল মন্ত্রালয়না কৈথেলগী মফমশিং অসি মশিং য়াম্লবা মীয়াম্না মখোয়গী নুমিৎ খুদিংগী তঙাই ফদবশিংগী, পোৎ লৈনবগী, হরাও-ফিয়োংগী অমসুং চান্নবা চীঞ্জাক্কীদমক্তা চৎলি হায়বা ৱাফম অসি খঙলদুনা কোবিদ-১৯ শন্দোকপা লাকশিন্নবা প্রোতোকোল অমা শেমখ্রে। কোবিদকী লাইচৎ অসিগী চৈরক অসিদা শেন্মীৎলোনগী থবক থৌরমশিং তপ্না-তপ্না হাংদোরক্লি, কৈথেলশিংদা মী তিনবা হেনগৎলক্লি। অসিগুম্বা মী য়াম্না তিনবা মফমশিংদা কোবিদ১৯গী চুনবা চৎন-লোনচৎশিং ঙাক্না চৎতবা অসিনা কোরোনাভাইরসকী লাইনা অসি শন্দোকপা য়াবগী ফীভমদা লৈ। দোক্যুমেন্ত অসিদা কোবিদ-১৯ শন্দোকপা ঙাকথোক্নবা কৈথেলগী মফমশিংদা অখন্নবা থৌরাংশিং লৌখৎপগী মথক্তা মখল কয়াগী চেকশিল থৌরাংশিং অদু য়াওরি। গাইদলাইনশিং অসি রিতেল অমসুং হোল্সেলগী কৈথেল অনিমক্তা চৎনকনি। অচৌবা কৈথেল খরদা মোলশিং/হাইপরশিং/সুপরমার্কেৎশিং লৈবসু য়াই।

অকুপ্পা ৱারোলগীদমক:

হকশেল মিনিস্ত্রীগী তেলেমিদিসিনগী সর্বিস ই-সঞ্জীবানি ৱারী শান্নবা লাখ ৯ য়ৌখ্রে

মশক থোক্না মায় পাকপা অমদা, ই-সঞ্জীবানি, নেস্নেল তেলেমিদিসিন হকশেল মিনিস্ত্রীনা ঙসি ৱারি শান্নবা লাখ ৯ মপুং ফাখ্রে। ই-সঞ্জীবানি মখাদা খ্বাইদগী ৱাংনা ৱারি শাখিবা মকোক থংবা স্তেত ১০ অমসুং ই-সঞ্জীবানিগী ও.পি.দি. প্লেতফোর্ম অদুদি তামিল নাদু (২,৯০,৭৭০), উত্তর প্রদেশ (২,৪৪,২১১), কেরলা (৬০,৪০১), মধ্যা প্রদেশ (৫৭,৫৬৯), গুজরাত (৫২,৫৭১), হিমাচল প্রদেশ (৪৮,১৮৭), অন্ধ্র প্রদেশ (৩৭,৬৮১), উত্তরাখন্দ (২৯,১৪৬), কর্নাতাকা (২৬,৯০৬), অমসুং মহারাস্ত্রা (১০,৯০৩) অসিনি। তেলেমেদিসিন অসি ইন্তরনেৎতা অনাবশিংবু লাপ্না লায়োং খংদোকপা অমসুং লায়েংবগী অনৌবা মখল অমনি। ই-সঞ্জীবানিনা ভর্চুএল ওইবা মিতিং তৌদুনা লম্বী লমদাং নুঙাইতবা মফমদা লৈবা অনাবশিংগা অমসুং দোক্তর অমদি স্পেসিএলিস্তশিংগা ভিদিও কনফরেন্সকী খুত্থাংদা ৱারি শান্নবা ফংহল্লি। মসিগী অরাপ্পদগী ৱারী শান্নবা অসিদা, ই-সঞ্জীবানি ইলেক্ত্রোনিক্স ওইবা প্রেসক্ত্রিপসন পীদু হিদাক ফংহন্নবদা শিজিন্নৈ। কোবিদ-১৯ লায়চৎ মনুংদা অরাপ্পদা লৈবা অনাবাশিং অসি খুদোংচাবা পীনবা স্তেত ২৮ অসিদা হকশেল মিনিস্ত্রীনা ই-সঞ্জীবানি অসি হৌদোকখিবনি। মসিগী স্তেতশিং অসিনা য়াম্না কন্না হোৎনদুনা তেলেমেদিসন সর্বিস অসি মতম শাংনা লৈনবা হোৎনরি।

অকুপ্পা ৱারোলগীদমক:

দবল্যু.ঐচ.ও. ৱর্ল্দ মেলেরিয়া রিপোর্ত ২০২০: ভারতনা মেলেরিয়াগী পোৎলুম হন্থহনবদা মখা তানা চাউনা কান্নবা ফংখ্রে

মেথমেতিকেল প্রোজেক্সনশিংদা য়ুম্ফম ওইবা দবল্যু.ঐচ.ও.না ফোঙবা ৱর্ল্দ মেলেরিয়া রিপোর্ত (দবল্যু.এম.আর.) ২০২০না মালেম শিনবা থুংনা লৈরিবা কেসশিং উৎলিবা অসিনা ভারতনা মেলেরিয়াগী পোৎলুম অসি হন্থহনবদা চাউনা ফগৎলে হায়বা তাকখি। খ্বাইদগী ৱাংনা নাবা লৈবাক্তা ভারত খক্তনা ২০১৮দগী ২০১৯দা ১৭.৬% হন্থরকপগী রিপোর্ত তৌখি। ২০১৮গা য়েংনবদা ২০১৮দা এন্যুএল পেরেসাইতিক ইন্সিদেন্স (এ.পি.আই.) অসি ২৭.৬% হন্থখ্রে অমসুং ২০১৮গা য়েংনবদা ২০১৯দা ১৮.৪% হন্থখ্রে। ভারতনা ২০১২তগী হৌনা এ.পি.আই. অমদগী তানা লৈখি। রিজন পুম্বগী ওইনা য়েংবদা ভারতনা কেসশিং অসি চাউরাক্না মিলিয়ন ২০দগী মিলিয়ন ৬তা চাউনা তাথরকপা ওইখি।

অকুপ্পা ৱারোলগীদমক:

কেন্দ্র সরকারগী থবক তৌবা মীওইশিংগী অয়ুস দে কিয়ার থেরাপি সেন্তরশিং অয়াবা পীরে

অয়ুর্বেদা, য়োগা অমসুং নেচরোপেথি লায়য়েং মখলশিংগী মখাদা কেন্দ্র সরকারগী থবক তৌবা মীওইশিংগী অমসুং পেন্সন ফংলবশিংগীদমক দে কিয়ার থেরাপি সেন্তর হাংদোক্নবা থৌরাং হকশেল অমসুং য়াইফ-য়ুম্বাল মন্ত্রলয়না অয়াবা পীরে। অয়ুর্বেদা, য়োগা অমসুং নেচরোপেথিগী লনাই দে কিয়ার সেন্তরশিং সেন্ত্রেল গভর্নমেন্ত হেল্থ স্কিম(সি জি ঐচ এস)কী মখাদা অথুবদা ইমপেনেল তৌরগনি, মসি মমাংদা স্কিম অসিনা এল্লোপেথিগী দে কিয়ার সেন্তরশিং ইমপেনেল তৌখিবা অদুগা চপ মান্নবা মওংনি। সেন্ত্রেল গভর্নমেন্ত হেল্থ স্কিমগী কান্নবা ফংলিবা থবক তৌরিবা অমসুং পোথারবা মীওই খুদিংমক হায়রিবা সেন্তরশিং অসিদগী কান্নবা লৌবা য়াগনি। মীয়াম মরক্তা অয়ুস অনা-লায়য়েংগী থবকশিং পাম্নবা হেনগৎলক্লিবা অসি য়েংলগা অমসুং সেন্ত্রেল গভর্নমেন্ত হেল্থ স্কিমগী কান্নবা ফংলিবশিংগীদমক মিনিস্ত্রিনা খোঙথাং অসি লৌখৎলকপনি। দে কিয়ার থেরাপি সেন্তরশিং অহানবা ইমপেনেল তৌবগী থবকশিং চাংয়েং ওইনা চহি অমা দিল্লি অমসুং এন.সি.আরদা পায়খৎকনি অমসুং মতুং তারকপদা অতোপ্পা মফমশিংদা পায়খৎনবা খন্নগনি।

অকুপ্পা ৱারোলগীদমক:

শ্রী লঙ্কা ইকোনোমিক সম্মিৎ ২০২০ হৌদোকপদা ফাইনান্স মিনিস্তরনা মরুওইবা ৱারোল ফোঙদোকখ্রে

ঙসি ভর্চুএল ওইনা ২০সুবা শ্রী লঙ্কা ইকোনোমিক সম্মিৎ(এস এল ই এস)হৌদোকপদা ফাইনান্স অমসুং কোর্পোরেত এফেয়ার্সকী য়ুনিয়ন মিনিস্তর শ্রীমতি নিরমালা সিতারমন্না মরুওইবা ৱারোল ফোঙদোকখ্রে। শ্রী লঙ্কা ইকোনোমিক সম্মিৎ অসি শেন্মিৎলোন অমসুং ললোন-ইতিক্কী ৱাফমশিং খন্ননবা শ্রী লঙ্কাগী মাংজিল থারিবা ফোরম সিলোন চেম্বর ওফ কমর্স(সি সি সি)না চহিগী ওইনা শীনবা থৌরমনি। চহি অসিগী থৌরমগী পান্দমদি “ রোদমেপ ফোর তেক-ওফ: দ্রাইভিং এ পিপল-সেন্ত্রিক ইকোনোমিক রিভাইবেল” হায়বনি। হৌদোকপা থৌরমদা শ্রী লঙ্কাগী প্রসিদেন্ত গোতাবায়া রাজপাকসানা চীফ গেস্ত ওইনা শরুক য়াখি। লাইচৎনা থোকহনবা খুদোংচাদবশিং কোকহন্নবা ভারতনা পায়খৎলিবা থবকশিংগী মতাংদা ফাইনান্স মিনিস্তরনা পাউদমখি। ফাইনান্স মিনিস্তরনা হায়খি ভারতকী ‘অত্মানির্ভর ভারত অভিয়ান’ অমসুং ‘মশাগী ওক্নবা পুথোকপা শ্রী লঙ্কা’গী পান্দম অসি মতেং পাংনবা অমসুং অমনা অমবু শৌগৎনবনি অমসুং মসিনা লৈবাক অনিমক্কী শেন-থুমগী থবকশিং অমুক হন্না হিঙ্গৎহনবদা মতেং পাংনবদা মখা তানা শীজিন্নগনি। ভারত অমসুং শ্রী লঙ্কাগী মরক্তা মতেং পাংনবা অসিনা তুংকোইনা চাউখৎপদা মতেং পাংগনি অমসুং মসি লৈবাক অনিমক্কী মীয়াম চাউখৎহন্নবা তঙাইফদবনি।

অকুপ্পা ৱারোলগীদমক:

২০২০দা রেলৱেজ ফ্রাইৎনা লোদিং তৌবা খ্বাইদগী ৱাংবগী রেকোর্দ থমখ্রে অমসুং হৌখিবা চহিগী চপ মান্নবা মতম অসিগী চাংদম্নবদা নবেম্বরদা ৯% হেনগৎখি

২০২০গী নবেম্বর থাদা ইন্দিয়ন রেলৱেজকী তানখিবা শেল অমদি লোদিং তৌখিবগী ওইনা ফ্রাইৎকী মশিং অসি মখা তাবা মশিং ৱাংলি। মিসন মোদতা ইন্দিয়ন রেলৱেজকী নবেম্বর ২০২০গী থা অসিদা লোদিং তৌখিবা ফ্রাইৎনা হৌখিবা চহিগী চপ মান্নবা মতম অসিদা লোদিং তৌখিবা অমসুং তানখিবা শেলশিং অদুদগী হেনখ্রে। ২০২০গী নবেম্বর থাদা ইন্দিয়ন রেলৱেজকী লোদিং অসি মিলিয়ন তোন ১০৯.৬৮ ওইখি মসি হৌখিবা চহিগী চপ মান্নবা মতমগা (মিলিয়ন তোন ১০০.৯৬) চাংদম্নবদা ৯% হেন্না হেনখি। মতম অসিআ ইন্দিয়ন রেলৱেজনা ফ্রাইৎ লোদিংদগী লুপা করোর ১০৬৫৭.৬৬ তানখি মসিসু হৌখিবা চহিগী চপ মান্নবা মতমগা (লুপা করোর ১০২০৭.৮৭)) চাংদম্নবদা লুপা করোর ৪৪৯.৭৯ (৪%) হেন্না হেনখি। ২০২০গী নবেম্বর থাদা ইন্দিয়ন রেলৱেজকী লোদিং অসি মিলিয়ন তোন ১০৯.৬৮ ওইখি মসিদা কোইলা মিলিয়ন তোন ৪৮.৪৮, আইরন ওর মিলিয়ন তোন ১৩.৭৭, চেং-হৱায় মিলিয়ন তোন ৫.১, হার মিলিয়ন তোন ৫.৪১ অমসুং সিমেন্ত (ক্লিঙ্কর য়াওদনা) মিলিয়ন তোন ৬.৬৩ য়াওখি। মতম অসিগী মনুংদা নবেম্বর ২০২০দা নোংমদা লোদ তৌবা ৱেগোনগী চাংচ* অসি ৫৮,৭২৬নি মসি ওক্তোবর, ২০২০দগী (ৱেগোন ৫৬,১২৮) ৪.৬% হেনখি। হরাও কুমহৈগী ছুতি লৈরবসু অমদি সাইক্লোন নিভারনা ফ্রাইৎ লোদিংদা অপনবা থোকহল্লবসু, ইন্দিয়ন রেলৱেজসনা হৌখিবা থা অহুম (ওক্তোবরদা ১৫%, সেপ্তেম্বরদা ১৫%) অসিদা মখা তানা মশিং ৱাংনা রেজিস্তর তৌদুনা তপ্না-তপ্না শেন্মীৎলোন ফগৎলক্লি হায়বা তাক্লি।

অকুপ্পা ৱারোলগীদমক:

নাম্মা শোইরবা মীওইশিংগী শক্তী পীনবগী নেস্নেল এৱার্দকী এৱার্দি খন্নবা নেস্নেল সেলেক্সন কম্মিতিগী মিতিং অসি হৌজক ওইরিবা কোবিদ-১৯গী ওইবা লায়চৎ অসিনা মরম ওইদুনা য়ৈথোকখ্রে

নাম্মা শোইরবা মীওইশিংগী শক্তী পীনবগী নেস্নেল এৱার্দ অসি ‘ইন্তরনেস্নেল দে ওফ পর্সন ৱিথ দিসএবিলিতি’ হায়না নাম্মা শোইরবা মীওইশিংনা পীরিবা/হৈ-শিংবা অসিগীদমক শকখঙনদুনা লাক্লি অমসুং হায়রিবা অসি সরকারগী ওর্গানাইজেসন অমসুং ইন্সতিত্যুসন্না শকখঙবিবা অমনি অমসুং লনাইগী কাংবুনা নাম্মা শোইরবা মীওইশিংগী শক্তী পীনবগীদমক চহি খুদিংগী দিসেম্বরগী ৩দা পাংথোকপনি। লোয়ননা নাম্মা শোইরবা মীওইশিংগী শক্তী পীনবগী দিপার্তমেন্তনা (দিব্যাঙজান), মিনিস্ত্রী ওফ সোসিএল জস্তিস অমসুং এমপাৱরমেন্তনা ২০২০গী জুলাইগী ২৫দা এদভর্তাইজমেন্ত অমা থোক্তুনা ২০২০গী নেস্নেল এৱার্দকী এপ্লিকেসনগীদমক কৌরি। এপ্লিকেসন/নোমিনেসন অসি দিপার্তমেন্ত অসিনা লৌশিনগনি। ফল ওইনা, খনবগী মওং অসি চে-চাংদা য়াওরিবা মরিক চুম্বা অমসুং এপ্লিকান্তশিংনা পীরিবা রেকোর্দশিং অসি য়েংলগা লৌখৎকনি। মদুগী মতুংদা, মসি নেস্নেল সেলেক্সন কম্মিতিদা পীগনি। লোয়ননা নেস্নেল সেলেক্সন কম্মিতিনা ০১.১২.২০২০দা মিতিং অমা শিনখি। অদুবু, হায়রিবা মিতিং অসি হৌজিক ওইরিবা কোবিদ-১৯গী লায়চৎ অসিনা মরম ওইদুনা য়ৈথোকখিবনি। ফিবম অসি হেক ফগৎলকপগা নেস্নেল সেলেক্সন কম্মিতিনা মীয়াম্না মাংজৌননা খংহল্লগা মিতিং অসি পাংথোক্কনি।

অকুপ্পা ৱারোলগীদমক:

পি.আই.বি. ফিল্দ ওফিসশিংদগী ফংবা পাউ

•           মহারাস্ত্র: হৌখিবা পুং ২৪দা অনাবশিং অদুগী মশিংদগী ফগৎখিবআ পেসেন্তশিংগী মশিংনা হেনগৎলকপগা লোইননা কোবিদ-১৯গী ফগৎলকখিবা কেসশিংগী মশিংদা তপ্না-তপ্না হেনগৎলকখি থেংনখি। মহারাস্ত্রদা কোবিদ-১৯গী ফগৎলকপগী চাং অসি চাদা ৯২.৪৯ লৈরি অদুগা কেস ফেতেলিতী রেত অসি চাদা ২.৫৮তা লৈখি। থা তরেতকী মতুংদা অহানবা ওইনা মুম্বাইদা লৈবাকপোকপা নুমিত্তা কোবিদনা মরম ওইরগা শিখিবগী চাং অসি সিঙ্গল দিজিৎ ৯দা থেংনখি। রাজ্য অসিদা লৈরিবা এক্তিব কেসশিংগী মশীং অসি হৌজিক ৮৯,০৯৮ ওইখি।

•          গুজরাত: গুজরাত হাই কোর্তনা মাস্কশিং উপ্তবশিংগীদমক্তা ওইনা কোবিদ-১৯ কেয়র সেন্তরশিংদা কমপলসরী কম্যুনিতী সার্বিস তৌহন্নবা ওর্দর থোকখ্রে অমসুং রাজ্য সরকারদা নোতিফিকেশন অমা থোক্নবা খঙহল্লকখ্রে। মরক অসিদা গুজরাতনা কোবিদ-১৯ আর.তি.-পি.সি.আর. তেস্তকী মমল অদু লুপা ৮০০দা লেপখ্রে। রাজ্য অসিদা লৈরিবা এক্তিব কেসশিংগী মশিং অদু ১৪,৮৮৫ ওইখি।

•          রাজস্থান: সেন্ত্রেল তীম অমা রাজস্থানদা লৈরিবা কোবিদ-১৯গী ফিভম অদু য়েংশিন্নবা ঙসি জয়পুরদা চৎখি। নিতি আয়োগকী মেম্বর, দা. বিনোদ কুমার পোলনা লুচিংবা সেন্ত্রেল তীম অমা ঙসি অয়ুক হেল্থ দিপার্তমেন্তকী ওফিসিয়েলশিংগা লোইননা কোবিদ-১৯ ইনফেক্সনগী স্তেত লেভেল রিভ্যু অমা পাংথোকখি। জয়পুর অমসুং জোধপুরদা লৈরিবা ইনফেক্সনগী ফিভম অদুসু য়েংশিনখি। হৌখিবা চয়োল অমদা রাজ্য অসিদা অনৌবা কেসশিংগী মশিংদা হন্থরকপা থেংনখি। অদুবু জয়পুর, জোধপুর অমসুং কোতাদা য়াম্লবা কেস মশিং কয়া থেংনখি অমসুং এক্তিব কেস পুম্নমক্কী চাদা ৩৪দি জয়পুর খক্তদগীনি, অদুগা চাউরাক্না এক্তিব পেসেন্তশিংগী চাদা ২২দি জোধপুরদগীনি।

•          অসাম: অসামদা ঙরাং কোবিদ-১৯গীদমক্তা তেস্ত তৌবদা মীওই ২২২ অমুক পোজিতিব ওইরম্বা থেংনখি অমসুং পেসেন্ত ১৩৫ দিসচার্জ তৌখ্রে। অপুনবা কেসশিংগী মশিং অদু ২১২৯৯৮তা হেনগৎখ্রে, দিসচার্জ তৌখিবা পেসেন্তশিংগী অপুনবা মশিং অদু ২০৮৫২৮ ওইখি, ক্তিব কেস ৩৪৮৬ লৈরি অমসুং পুন্না ৯৮১ শিখ্রে।

•          কেরলা: রাজ্য সরকারনা কোবিদ-১৯ ইনভেস্তিগেশন গাইদলাইনশিং অমুক হন্না রিভাইস তৌখ্রে। মসিগী মতুং ইন্না আর.তি.পি.সি.আর. তেস্তশিং অদু চহি ৬০ হেল্লবশিং, মীরোল্লবী নুপীশিং, মালন্যুত্রিশন লৈবা অঙাংশিংগীদমক্তা ওইনা কন্তেনমেন্ত হেক হৌরকপা মতম অদদগী পাংথোকপা হৌগনি। ওলদ এজ হোমশিংদা লৈরিবা পুম্নমক্কী ওইনসু থা অমগি মনুংদা অমুরক্তি আর.তি.পি.সি.আর. তেস্ত তৌগনি। মরক অসিদা রাজ্য সরকারনা চলাইবা কেরলা স্তেত দ্রগস অমসুং ফার্মসভুতিকেলস লমিতেদনা লোকেল বোদী পোলশিংদা শিজিন্ননবা সেনিতাইজর লিতর লাখ ২.৫ পুথোকখ্রে। হায়রিবা অসি লাক্কদবা চয়োলদা পাংথোক্কদবা লোকেল  বোদী পোলশিংদা রাজ্য অসিদা লৈরিবা বুত ৩৪,৭৮০দা শিজিন্নগনি। মসি কোবিদ-১৯ থোরক্লবা মতুংদা কেরলাদা ইহান হানবা ওইনা পাংথোক্কদবা মীখলনি।  সাবরিমালা লোর্দ অয়প্পা তেমপলদা দর্শন তৌনবগীদমক্তা অহেনবা কুপনশিংগীদমক্তা ওনলাইন বুকিংশিং অদু ঙসিদগী হৌখ্রে। ৱীকদেশিংদা দিভোতীশিংগী অদু  হান্নগী ১,০০০দগী ২,০০০দা হেনগৎখ্রে।

•          তামিল নাদু: সি.এম. এদপদী পলানিস্বামিনা সভাপতি ওইদুনা সাইক্লোন বুরেভীনা লাক্কনি হায়না থাজনরিবা মতম অদুগী মমাংদা রিভ্যু তৌনবগী মীফম অমা পাংথোকখ্রে; মদুরাই, কন্ন্যকুমারি, থুথুকুদি অমসুং তিনেলভেলি জিলাশিংদা এন.দি.আর.এফ.কী তীম মাপল থাদোকখ্রে হায়না সি.এম.না হায়খি। “অনেম্বা মফমশিংদা লৈবা মীশিং অদু ইভাক্যুৱেত তৌনবা ওফিসিয়েলশিংদা খঙহনখ্রে। অসিগুম্বা সেন্তরশিংদা তঙাইফদনা চংবা মচাকশিং অদু ফংহল্লগনি, হায়রিবা মফমশিং অসিদা হেন্দ সেনিতাইজরশিংসু পীগনি অমসুং ফিজিকেল দিস্তেন্সিংসু ঙাক্না চৎহনগনি,” হায়না মহাক্না হায়খি। সাউদর্ন রেলৱেজনা অখন্নবা ত্রেন মাপল অমুক মথৌ তৌহল্লগনি; অখন্নবা ত্রেন মাপল অসিগীদমক্তা রিজার্ভেশনশিং তৌবা অদু দিসেম্বর ২দা অয়ুক্কী পুং ৮দা হাংদোক্লগনি।

•          কর্নাতকা। রাজ্য অসিদা কোভেক্সিনগী তায়েলশিং অদু মাইপাক্লগনি অমসুং কর্নাতকানা কোবিদ-১৯ ভেক্সিন য়েন্থোক্নবগীদমক্তা মতি চানা শেম-শাদুনা লৈরি, হায়না হেল্থ অমসুং মেদিকেল এজুকেশনগী মন্ত্রী, দা. কে. সুধাকরনা হায়খি। হায়রিবা ৱাফমশিং অসি মহাক্না ৱিদেহি ইন্সতিত্যুত ওফ মেদিকেল সাইন্স অমসুং রিসর্চ সেন্তরদা ভারত বায়োতেক্কী কোভেক্সিনগী অহুমসুবা তাঙ্কক্কী ক্লিনিকেল ত্রায়েলশিং অদু হৌদোকখ্রবা মতুংদা হায়খিবনি। কোবিদ অসি য়েলগা, স্তেত তেক্নিকেল এদভাইজরী কমিতীনা ন্যু য়িয়র পব্লিক সেলেব্রেশনদা অথিংবা থম্নবা হায়খ্রে অমসুং দিসেম্বর ২৬তগী জনুৱারী ১ফাওবা নুমিদাংদা করফ্যু থমজিনখ্রে।

•          অন্ধ্র প্রদেশ: রাজ্য অসিনা লৈবাকপোকপা নুমিত্তা স্তেত ইলেক্সন কমিশন (এস.ই.সি.)না লেপখিবা ফেব্রৱারী ২০২১দা লোকেল ইলেক্সনশিং পাংথোক্নবগী ৱারেপ অদুবু চেলেঞ্জ তৌরদুনা হাই কোর্ত্তা পেতিশন অমা থাংগৎখ্রে। পঞ্চায়ত রাজ দিপার্তমেন্ত প্রিন্সিপাল সেক্রেতরী, গোপাল কৃষ্ণ দ্বিৱেদিনা মসি মাইকৈ অমখক্তনা লেপখিবা ৱারেপ্নি হায়না হায়খি অমসুং মতিক চানা তাথোক-তাশিন তৌদনা ফেব্রৱারীদা মীখলশিং পাংথোক্তনবা এস.ই.সি. খঙহন্নবা হাই কোর্ত্তা তকশিনখ্রে। শ্রী দ্বিৱেদিনা হায়খি মদুদি সরকার অসিগী খ্বাইদগী মরু ওইবা ৱাফমদি মীয়ামগী হকশেলগী ফিভমবু য়েংশিনবনি অমসুং সরাকরগী মছিনরী পুম্নমক্না কোবিদ-১৯ শন্দোরকপা থিংননবা কন্না হোৎনরি হায়না পল্লদুনা লোকেল ইলেক্সনশিং পাংথোক্নবগীদমক্তা এস.ই.সি.না থোকখিবা ওর্দর অদু কেন্সেল তৌনবা কোর্ত্তা তকশিনখ্রে।

•          তেলঙ্গনা: হৌখিবা পুং ২৪দা অনৌবা কেস ৫৬৫ থেংনখি, ৯২৫ ফগৎখি অমসুং ১ শিখি; অপুনবা কেসশিং: ২,৭০,৮৮৩; এক্তিব কেসশিং: ৯,২৬৬; শিখিবশিং: ১৪৬২; দিসচার্জ তৌখিবশিং: ফগৎলকপগী চাং চাদা ৯৬.০৩ ওইখিবগা লোইননা ২,৬০,১৫৫ দিসচার্জ তৌখি, অদুগা লৈবাক অপুনবগী ওইনা ফগৎলকপগী চাং অসি চাদা ৯৪ ওইখি। হাইদ্রবাদতা জি.ঐচ.এম.সি.গী মীখলদা ২০১৬দা লৈখিবা রেকোর্দ ৪৫.২৯% অমসুং ২০০৯দা লৈখিবা রেকোর্দ ৪২.০৪%গী মায়োক্তা ফাইনল ভোতিং পর্সেন্তেজ ৪৬.৬% লৈখি।

ফেক্ত চেক

*****