(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• ঙসি ভারতকী হৌজিক নারিবা মীশিং ৪,৩৫,৬০৩ ওইখি
• হৌখিবা পুং ২৪দা মীওই ৩১,১১৮ নৌনা নারকপদা মীওই ৪১,৯৮৫ নাবা ফগৎলকখি‍
• নাবা ফখ্রবা অপুনবা মীশিং ৮৮,৮৯,৫৮৫ ওইদুনা ফগৎলকপগী চাং চাদা ৯৩.৯৪ ওইরি‍
• পি.এম.না কোবিদ-১৯ বেক্সিন পুথোক্নবা অমসুং শানবা থবক তৌরিবা তীম অহুমগা ৱারী শাখ্রে
• পি.এম.না ফেসিলিতী ৩দা বেক্সিন পুথোকপগী অমসুং শাবগী থবক থৌওংশিং য়েংশিনখ্রে
• ইন্দিয়ন কোবিদ-১৯ ভেক্সিন দিভেলপমেন্ত অসি খোঙজেল য়াংনবা সরকারনা মিসন কোবিদ সুরক্সা লোঞ্চ তৌখ্রে

ভারতকী হৌজিক নারিবা মীশিং মখা তানা লাখ ৪.৩৫তা হন্থখ্রে, নুংতিগী ফগৎলকপনা নুংতিগী নারকপা মীশিংদগী হেন্দুনা চৎলি

ঙসি ভারতকী হৌজিক নারিবা মীশিং ৪,৩৫,৬০৩ ওইদুনা লাখ ৫গী মখাদা য়াম্না হাইথখ্রে‍। অপুনবা নাখিবা মীশিংগী মনুংদা হৌজিক নারিবা মীশিংগী চাং চাদা ৪.৬০দা হন্থখ্রে‍। নুংতিগী ফগৎলকপী মীশিংনা নুংতিগী নৌনা নারকপা মীশিংদগী হেন্দুনা চৎপনা হৌজিক নারিবা অপুনবা মীশিং হন্থরকপনি‍। হৌখিবা পুং ২৪সিদা হৌজিক নারিবা মীশিংদা মীওই ১১,৩৪৯ হন্থরকপা থেংনখি‍। হৌখিবা পুং ২৪সিদা লৈবাক্কী অপুনবা নাখিবা মীশিংদা নৌনা নারকপা মীশিং ৩১,১১৮ হাপচিনখি‍। হৌখিবা পুং ২৪দা স্তেত খরদা (কেরলা, দিল্লী, কর্নাতকা, ছতিসগরনচিংবদা) হৌজিক নারিবা মীশিং হন্থরকপা থেংনরবসু উত্তরাখন্দ, গুজরাত, অসাম অমসুং গোৱাগুম্বা অতৈশিংদদি হৌজিন নারিবা মীশিং হেনগৎলকপা থেংনখি‍। হৌখিবা পুং ২৪দা মীওই ৩১,১১৮ নৌনা নারকপদা মীওই ৪১,৯৮৫ নাবা ফগৎলকখি‍। নাবা ফখ্রবা অপুনবা মীশিং ৮৮,৮৯,৫৮৫ ওইদুনা ফগৎলকপগী চাং চাদা ৯৩.৯৪ ওইরি‍। ফখ্রবা মীশিং অমদি হৌজিক নারিবা মীশিংগী মরক্তা লৈরিবা খেন্নবা অসুম অসুম হেনগৎলক্তুনা হৌজিক ৮৪,৫৩,৯৮২ ওইরে‍। নৌনা ফগৎলকপা মীশিংগা চাদা ৭৬.৮২দি স্তেত/য়ু.তি. ১০দগীনি‍। কেরলানা মীওই ৬,০৫৫ নৌনা ফগৎলক্তুনা নোংমদা খ্বাইদগী মশিং য়াম্না ফগৎলকপা ওইখি‍। দিল্লীদা মীওই ৫,৮২৪ নৌনা ফগৎলক্তুনা মতুং ইল্লি‍। নৌনা নারকপা মীশিংগী চাদা ৭৭.৭৯দি স্তেত/য়ু.তি. ১০দগীনি‍। মহারাস্ত্রনা হৌখিবা পুং ২৪দা মীওই ৩,৮৩৭ নৌনা নারক্তুনা খ্বাইদগী য়ামব ওইখি‍। ঙরাং দিল্লীদা মীওই ৩,৭২৬ অদুগা কেরলাদা মীওই ৩,৩৮২ নৌনা নারকখি‍। হৌখিবা পুং ২৪দা মীওই ৪৮২ শিখিবদা স্তেত/য়ু.তি. ১০দগী চাদা ৮১.১২ ওইখি‍। নৌনা শিখিবা মীশিংগী চাদা ২২.৪দি মীওই ১০৮ শিদুনা দিল্লীদগী ওইখি‍। মহারাস্ত্র অমসুং ৱেস্ত বেঙ্গলদা মথংশিৎনা মীওই৮০ অমদি ৪৮ নৌনা শিখি‍।

অকুপ্পা ৱারোলগীদমক :

দোক্তর হর্স ভর্ধন্না ইন্দিয়ান রেদ ক্রোস সোসাইতি(আই আর সি এস)গা লোয়ন্না ওল্দ দিল্লি রেলৱেজ স্তেন্দা মাক্সশিং অমসুং সপোনশিং য়েন্থোকখ্রে

হকশেল অমসুং য়াইফ-য়ুম্বালগী কেন্দ্র মন্ত্রী অমসুং ইন্দিয়ান রেদ ক্রোস সোসাইতি(আই আর সি এস)কী চিয়রমেন দোক্তর হর্স ভর্ধন্না নোংমাইজিং নুমিৎতা ওল্দ দিল্লি রেলৱেজ স্তেন্দা মাক্সশিং অমসুং সপোনশিং য়েন্থোকখ্রে। মাক্স উপ্পা অমসুং খুৎ-শা য়াম্না তোইনা হাম্বগী মরুওইবা অমুক হন্না পল্লদুনা, দোক্তর হর্স ভর্ধন্না হায়খি ঐখোয়না কোবিদ লান্থেংনরকখিবা অথুবদা থা তরামাথোই মপুংফারগনি। মতম অদুগী হৌনা, ঐখোয় ইশা অমসুং অতোপ্পশিং ঙাকথোক্নবা খ্বাইদগী মরুওইবা থবক্তি লু-নান্না লৈবা অমসুং মীয়ামগী থাপ্না লৈবা অসিনি। কোবিদ থেংন্নবা ঐখোয়গী খ্বাইদগী চাউবা খুৎলায়দি মাক্স অমসুং সেনিতাইজরনি।  থৌরম অদুদা শরুক য়াখিবা মীওই খুদিংমক মাক্স শীজিন্নবগী থাগৎলদুনা দোক্তর হর্স ভর্ধন্না হায়খি মাক্স অমসুং সপোন য়েন্থোকপা অসিগী মতুংদা খ্বাইদগী মরুওইবা পাউজেল অমা লৈরি। মসিগী পান্দমদি পাউজেল শন্দোকপনি। তোঙান-তোঙানবা চেন্নেলশিং অমসুং থবকশিংগী খুৎথাংদা মীয়াম ৱাখল তাহন্নবা সরকারনা হোৎনরি। মসি থবক ওইনা পাংথোকপদা কুলিশিং, তেক্সি য়ুনিয়নশিং, থ্রি হুইল্লর য়ুনিয়নশিংনা মরুওইবা থৌদাং অমা লৌরি। ভারতকী কোবিকী ফিবমগী মতাংদা দোক্তর হর্স ভর্ধন্না হায়খি, মালেম পুম্নমক্কী ওইনা অনাবা ফগৎলকপগী চাং খ্বাইদগী ৱাংবা লৈবাকশিংগী মনুংদা ভারত অমনি। ২০২০গী জনুৱারিদা লেব ১ খক লৈরম্বদগী হৌজিক ঐখোয়গী লেব ২১৫৬ লৈরে। নোংমদা মীওই মিল্লিয়ন ১ হেন্না তেস্ত তৌরে।

অকুপ্পা ৱারোলগীদমক :

দোক্তর হর্স ভর্ধন্না ইন্দিয়ান ইন্সতিতুৎ ওফ মাস কম্মুনিকেসন(আই আই এম সি)গী মহৈরোয়শিংদা দিজিতেল ওইনা ৱা ঙাংখ্রে

হকশেল অমসুং য়াইফ-য়ুম্বালগী কেন্দ্র মন্ত্রী দোক্তর হর্স ভর্ধন্না ইরাই নুমিৎতা ইন্দিয়ান ইন্সতিতুৎ ওফ মাস কম্মুনিকেসন (আই আই এম সি)গী মহৈরোয়শিংদা দিজিতেল ওইনা ৱা ঙাংখ্রে। অহানবদা দোক্তর হর্স ভর্ধন্না মহৈরোয়শিং তরাম্না ওকখি অমসুং হৌগৎলক্লিবা পাউমীশিংগা ৱারি শান্নবা মহাক চেবাউ পীরকপদা মহাক্না থাগৎখি। দোক্তর ভর্ধন্না হায়খি, “মেদিয়ানা গনতন্ত্রগী মরিসুবা য়ুম্বী ওইনা মীয়ামগী ৱাখল্লোন শেমগৎপদা য়াম্না মরুওইবা থৌদাং লৌরি। মরম অদুনা মীয়ামদা কান্নবা কয়া ফংহনবদা পাউমীশিংগী য়াম্না চাউরবা থৌদাং অমা লৈরি”। হৌখিবা থা ১১ অসিদা লাইচৎনা মরম ওইদুনা অৱাবা তারিঙৈদা পাউমীশিংনা হোৎনখিবশিং থাগৎলদুনা দোক্তর হর্স ভর্ধন্না হায়খি, মীয়ামদা ই-পাউ পীনবা পাউমীশিং অহিং-নুংথিল চুপ্পা থবক মথৌ পাংথোকখি। ২০২০গী জনুৱারিদগী হৌখিবা কোবিদ লান অসি হৌজিক থা তরামাথোই সুরে। হায়রিবা লান মনুং অসিদা মেদিয়ানা য়াম্না কন্না মতেং পাংখি। মীয়ামদা ই-পাউ পীনবা হোৎনবদা মখোয়গী থৱায় কৎখ্রবা পাউমীশিংগী মফমদা মহাক্না ইকায়খুম্নবা উৎখি। মহাক্না হায়খি ঐগী কোরোনা লান্মীশিংগী মমিং পরেংদা পাউমীশিংসু য়াওরি।

অকুপ্পা ৱারোলগীদমক:

পি.এম.না কোবিদ-১৯ বেক্সিন পুথোক্নবা অমসুং শানবা থবক তৌরিবা তীম অহুমগা ৱারী শাখ্রে

প্রধান মন্ত্রীনা নিংথৌকাবা নুমিৎতা কোবিদ-১৯ বেক্সিন পুথোক্নবা অমসুং শানবা থবক তৌরিবা তীম অহুমগা লোইননা ভর্চ্যুএলগী মীফম পাঙথোকখ্রে। তীমশিং অদু জেন্নোবা বাইফার্মাকোতিকেল্স লিমিতেদ পুনে, বাইওলোজিকেল ই লিমিতেদ হাইদ্রবাদ অমসুং দা. রেদীস লেবোরেতোরীস লিমিতেদ হাইদ্রবাদতগী ওইখি। কোবিদ-১৯ লাকশিন্নবা বেক্সিনগী সোলুসন অমা অমা পুথোক্নবা কম্পনীশিং অসিগী সাইন্তিস্তশিংনা লৌখৎলিবা খোঙথাংশিং অসিগীদমক পি.এম.না থাগৎপা ফোঙদোকখি। বেক্সিন পুথোকপগী তোঙান তোঙানবা প্লেৎফোর্মশিংনা তৌবা ঙম্বা অদুসু খন্নখি। পি.এম.না কম্পনীশিং অদুদা রিগুলেতরী প্রোসেসশিং অমসুং মরী লৈনবা হিরমশিংগী মতাংদা মখোয়গী সজেসনশিং অমসুং ৱাখল্লোনশিং ফোঙদোরক্নবসু হায়খি। মখোয়না বেক্সিনগী অমদি ইফিকাসী অসিনচিংবা মরী লৈনবা হিরমশিংগী মাংদা অরায়বা লোলদা মীচম প্রজাদা খঙহন্নবা অহেনবা খোঙথাংশিং লৌখৎনবসু মহাক্না ৱাখল্লোন ফোঙদোকখি। বেক্সিন ফংহনবগা মরী লৈনবা লোজিস্তিক্স, ত্রান্সপোর্ত, কোল্দ চেন অসিনচিংবা হিরমশিংবু খন্নখি।

অকুপ্পা ৱারোলগীদমক :

প্রধান মন্ত্রীনা বারানসীদা দেব দিপাবলীগী মহোৎসবতা শরুক য়াখ্রে

প্রধান মন্ত্রী, শ্রী নরেন্দ্র মোদীনা নিংথৌকাবা নুমিৎতা বারানসীদা দেব দীপাবলী মহোৎসবতা শরুক য়াখ্রে। থৌরম অদুদা ৱা ঙাংলদুনা প্রধান মন্ত্রীনা হায়খ্রে মদুদি মসি কাশীগীদমক্তা অতোপ্পা অখন্নবা থৌরম অমসুনি, মহাক্না হায়খি মদুদি চহি ১০০দগী হেন্না কুইরবা মতমগী মমাংদা কাশীদগী হুরানখিবা ইমা অন্নপুর্নগী মুর্তী অমুক হন্না ফংগদৌরে। মসি কাশীগী লাইবক ফবনি। মহাক্না হায়খি মদুদি ঐখোয়গী দেবী-দেবতাশিংগী লিরবা মুর্তীশিং অসি ঐখোয়গী লাইনীং অমসুং ঐখোয়গী মমল নাইদ্রবা লন্নি।

অকুপ্পা ৱারোলগীদমক :

বারানসী, উত্তর প্রদেশতা পাংথোকপা দেব দীপাবলী মহোৎসবতা পি.এম.না পীখিবা ৱারোল

অকুপ্পা ৱারোলগীদমক :

এন.ঐচ.-১৯গী বরানসি-প্রয়াগরাজ শরুক্কী লেন তরুক য়ৌনা পাকথোকপগী প্রোজেক্ত পি.এম.না শঙ্গাখ্রে

প্রধান মন্ত্রী শ্রী নরেন্দ্র মোদীনা ঙরাং বরানসিদা এন.ঐচ.-১৯গী বরানসি – প্রয়াগরাজ শরুক লেন তরুক য়ৌনা পাকথোকপগী প্রোজেক্ত শঙ্গাখ্রে‍। থৌরমদুদা ৱা ঙাঙলদুনা, প্রধান মন্ত্রীনা হায়খিবদা মমাঙদা কাসিবু মশক থোকহনখিবদুগা লোয়ননা হৌজিক্তি ঐখোয়না লম্বী থোং ফগৎহনবগী থবক্কী মহৈ উবা ফংলে‍। বরানসি মনুং অমসুং অকোয়বদা লম্বী চিনবা হন্থহন্নবগীদমক হান্নগা মান্নদবা মওংদা অনৌবা হাইৱেশিং, পুল-ফ্লাইওভরশিং, লম্বী পাকথোকপনচিংবা থবকশিং ইচং থৌনা পায়খৎলি‍ হায়না মহাক্না হায়খি‍। প্রধান মন্ত্রীনা হায়খিবদা মফমসিদা অনৌবা মতমগী লম্বী থোং য়ৌরকপদা ঐখোয়গী লৌমীশিংনা চাউনা কান্নবা ফংগনি‍। হৌখিবা চহী খরসিদা খুঙ্গঙশিংদা অনৌবা মতমগী লম্বী থোংগা লোয়ননা কোল্দ স্তোরেজনচিংবা মচাক মথুমশিং শেমগৎনবা থৌরাং পায়খৎলি‍। মসিগীদমক্তা লুপা করোর লাখ ১গী ফন্দ শেমগৎখ্রে।

অকুপ্পা ৱারোলগীদমক:

এন.ঐচ.-১৯গী বারানসী-প্রয়াগরাজ শরুক্কী লেন-তরুক পাকথোকহনবগী প্রোজেক্ত হৌদোকপদা পি.এম.না পীখিবা ৱারোল

অকুপ্পা ৱারোলগীদমক:

পি.এম.না ফেসিলিতী ৩দা বেক্সিন পুথোকপগী অমসুং শাবগী থবক থৌওংশিং য়েংশিনখ্রে

প্রধান মন্ত্রী শ্রী নরেন্দ্র মোদীনা থাংজ নুমিৎতা বেক্সিন পুথোকপগী অমসুং শাবগী থবক থৌওংশিং কুপ্না য়েংশিন্নবা সহর অহুমদা চৎখ্রে। মহাক্না অহমদাবাদকী জাইদস বাইওতেক পার্ক, হাইদ্রবাদকী ভারত বাইওতেক অমসুং পুনগী সিরম ইন্সতিত্যুত ওফ ইন্দিয়াদা চৎখি। সাইন্তিস্তশিংগী থৌনা হাপ্পীনবা অমসুং বেক্সিন পুথোকপগী খোংচৎ অসিগী অরুবা তানফম অসিদা মখোয়না হোৎনরিবশিং অসি হেনগৎনবা মতেং পাংনবা প্রধান মন্ত্রীনা মখোয়গা হকথেংননা উন্নবীবা অসিদা মখোয়না নুংঙাইবা ফোঙদোকখি। প্রধান মন্ত্রীনা ভারতকী লমদম অসিগী ওইনা পুথোকপচা বেক্সিন অসিনা হৌজিক ফাওবদা খোংজেল য়াংনা খুমাং চাউশিনবা অসিদা চাউথোকচবা পোকই হায়না ফোঙদোকখি। মহাক্না বেক্সিন পুথোকপগী খোংচৎ অসিগা লোইননা বেক্সিন য়েন্থোকপগী থবক থৌওং হেন্না ফগৎহন্নবা পাউতাকশিং লৌদুনা ভারতনা অফবা সাইন্সকী প্রিন্সিপলশিং করম্না ঙাক্না চৎপগে হায়বগী মতাংদা ৱা ঙাংখি। প্রধান মন্ত্রীনা ভারতনা বেক্সিনশিং অসি হকচাং ফনা থম্বদা মরু ওইবা খক্তা নত্তনা মালেমগী ওইনা মরু ওই অমদি ভাইস অসিগী মায়োক্তা পুন্না লান্থেংনবদা ঐখোয়গা য়ুম্লোন্নরিবা য়াওনা অতোপ্পা লৈবাকশিংদা মতেং পাংবা অসি ভারতকী মথৌনি হায়না ফোঙদোকখি। মহাক্না সাইন্তিস্তশিংদা লৈবাক অসিনা মাগী রিগুলেতরী প্রোসেস করম্না হেন্না ফগৎহনগদগে হায়বগী মতাংদা অরোৎপা লৈতনা ফোঙদোক্নবা হায়খি। সাইন্তিস্তশিংনা মখোয়না কোবিদ-১৯ হেন্না মপুং ফানা লান্থেংননবা মখল কয়াগী অনৌবা অমদি রিপর্পজ দ্রগশিং করম্না পুথোকপগে হায়বগী শমলপ্পা ৱারোলগী প্রজেন্তেসন অমসু উৎখি।

অকুপ্পা ৱারোলগীদমক:

পি.এম.না ২৯.১১.২০২০দা ঙাংখিবা ‘মন কী বাত ২.০’গী ১৮শুবা তাঙ্কক্কী মনিপুরী ৱাহন্থোক

অকুপ্পা ৱারোলগীদমক:

প্রধান মন্ত্রীনা য়ু.কে.গী পি.এম. শ্রী বোরিস জোন্সনগা ৱারী শানখ্রে

প্রধান মন্ত্রী, শ্রী নরেন্দ্র মোদীনা য়ুনাইতেদ কিংদমগী প্রধান মন্ত্রী হিস এক্সিলেন্সী শ্রী বোরিস জোন্সনগা ইরাই নুমিৎতা তেলিফোন্দা ৱারী শানখ্রে। লুচিংবা অনিমক্না কোবিদ-১৯ লাইচৎনা মরম ওইদুনা ওইরক্লিবা শিংনবশিংগী মতাংদা ৱারী শানখি অমসুং ভেক্সিন পুথোকপগী মতাংদা ভারত অমসুং ব্রিতেনগী মরক্তা পীনরিবা তেংবাং অদু য়েংশিনখি। লুচিংবা অনিনা ব্রেক্সিৎ অমসুং পোস্ত-কোবিদকী মতুংদা ভারত-য়ু.কে. পার্তনরশিপ্পু অনৌবা মতোন অমদা পুখৎনবগী মখোয়গী অপাম্বশিং অদু অমুক হন্না ফোংদোক্নখি অমসুং ত্রেদ অমসুং ইনভেস্ত, সাইন্তিফিক রিসর্সশিং, প্রোফেস্নেল অমসুং মহৈরোইশিংগী মোবিলিতী, অমসুং দিফেন্স অমসুং সেক্যুরিতী হেনগৎহনবদা অয়াবা ফোংদোক্নখি।

অকুপ্পা ৱারোলগীদমক:

নবেম্বর ২০২০দা অপুনবা জি.এস.তি. রিভিন্যুগী লুপা করোর ১,০৪,৯৬৩ খোমগৎখি

নবেম্বর ২০২০দা অপুনবা জি.এস.তি. রিভিন্যুগী লুপা করোর ১,০৪,৯৬৩ খোমগৎখিবদা সি.জি.এস.তি.গী লুপা করোর ১৯,১৮৯, এস.জি.এস.তি.গী লুপা করোর ২৫,৫৪০, আই.জি.এস.তি.গী লুপা করোর ৫১,৯৯২ (পোৎলমশিং পুশিল্লকপদগী খোমগৎপা লুপা করোর ২২,০৭৮ য়াওরগা) অমদি সেসকী লুপা করোর ৮,২৪২ (পোৎলমশিং পুশিল্লকপদগী খোমগৎপা লুপা করোর ৮০৯ য়াওরগা) ওইখি‍। নবেম্বর থাগী ওইনা নবেম্বর ৩০, ২০২০ ফাওবদা ফাইল তৌরকখিবা সি.এস.তি.আর.-৩বি.গী অপুনবা মশিং লাখ ৮২ ওইখি‍। মহৌশাগী সেত্তলমেন্ত ওইনা লৈঙাক্না আই.জি.এস.তি.দগী সি.জি.এস.তি.দা লুপা করোর ২২,২৯৩ অমদি এস.জি.এস.তি.দা লুপা করোর ১৬,২৮৬ সেত্তল তৌখ্রে‍। কেন্দ্র লৈঙাক অমসুং স্তেত লৈঙাকশিংনা নবেম্বর, ২০২০ মনুংদা মহৌশাগী সেত্তলমেন্ত মতুংদা ফংখিবা অপুনবা শেনফম সি.জি.এস.তি.গী লুপা করোর ৪১,৪৮২ অমসুং এস.জি.এস.তি.গী লুপা করোর ৪১,৮২৬নি‍। জি.এস.তি. রিভিন্যু হান্নগী ফীভমদা হঙ্গৎলকপগী কুইদ্রিবা মওং অসিগা চুননা নবেম্বর, ২০২০গী রিভিন্যু মমাঙ চহীগী মান্নবা থাদা লৈখিবা জি.এস.তি. রিভিন্যুদগী চাদা ১.৪ হেন্না ৱাংখি‍। থা অসিদা মমাঙ চহীগী মান্নবা থাগা য়েংনবদা পোৎলমশিং পুশিল্লকপগী রিভিন্যু চাদা ৪.৯ হেনগৎখি অমদি দোমেস্তিক ত্রাঞ্জেক্সনদগী লাকপা রিভিনঞু (সর্ভিস ইম্পোর্ত য়াওরগা) চাদা ০.৫ হেনগৎখি‍।

অকুপ্পা ৱারোলগীদমক:

ইন্দিয়ন কোবিদ-১৯ ভেক্সিন দিভেলপমেন্ত অসি খোঙজেল য়াংনবা সরকারনা মিসন কোবিদ সুরক্সা লোঞ্চ তৌখ্রে

মিসন কোবিদ সুরক্সা-ইন্দিয়ন কোবিদ-১৯ ভেক্সিন দিভেলপমেন্ত মিসন অসিগীদমক লুপা কোতি ৯০০গী অহুমশুবা স্তিমুলস পেকেজ অদু ভারত সরকার(জি.ও.আই.)না লাওথোকখ্রে৷ মসিগী গ্রান্ত অসি ইন্দিয়ন কোবিদ-১৯ ভেক্সিনশিংগী রিসর্চ অমসুং দিভেলপমেন্তগীদমক বাইওতেক্নোলোজীগী দিপার্তমেন্ত(দি.বি.তি.)দা ফংহল্লগনি৷ ক্লিনিকেল দিভেলপমেন্ত অমসুং দিপ্লোইমেন্তগীদমক মেনুফেকচরিং অমসুং রিগুলেতরী ফেসিলিতেসন তৌদুনা প্রিক্লিনিকেল দিভেলপমেন্তদগী হৌদুনা কোবিদ-১৯ ভেক্সিন দিভেলপমেন্ত মিসন অসিনা প্রদক্ত দিভেলপমেন্ত হেন্না চাওখৎনা লৈনবা লৈরিবা ফন্দেদ রিসোর্চ পুম্নমক পুনশিল্লগনি৷ মসিনা ভেক্সিন কেন্দিদেৎ চাওরাক্না ৫-৬রোমগী দিভেলপমেন্তদা মতেং পাংলগনি অমসুং মখোয়শিং অসি লাইসেন্সর পীরবা য়াই অমসুং কোবিদ লাইনা শন্দোকপা অসি থিংননবা পব্লিক হেল্থ সিস্তেমশিংদা পুথোক্ননবগীদমক রিগুলেতরী ওথোরিতীশিংগী খন্না নৈননবগীদমক মার্কেৎতা পুথোক্লগনি৷ প্রি-ক্লিনিকেল অমসুং ক্লিনিকেল দিভেলপমেন্ত খোংজেল য়াংহনবা; দিভেলপমেন্তগী ক্লিনিকেল স্তেজ চংনবা ঙাইদুনা লৈরিবা নত্রগা হৌজিক হৌজিক ক্লিনিকেল স্তেজতা লৈরিবা কোবিদ-১৯ ভেক্সিন কেন্দিদেৎশিংগী লাইসেন্স পীবা, ক্লিনিকেল ত্রাইয়েল সাইৎশিং শেমগৎপা অমসুং এনিমেল স্তদীশিংগীদমক লৈরিবা ইম্ম্যুনোএসেস লেবোরেতরীশিং, সেন্ত্রেল লেবোরেতরীশিং অমসুং চান্নবা খুদোংচাবশিং হেন্না ফংহনবা, কোবিদ-১৯ ভেক্সিন দিভেলপমেন্ত সপোর্ত তৌনবা প্রদক্সন ফেসিলিতীশিং অমসুং অতোপ্পা তেস্তিং ফেসিলিতীশিং ফংহনবা অসিনা ফন্দ অসিগী খ্বাইদগী মরু ওইবা ওবজেক্তিব ওই৷

অকুপ্পা ৱারোলগীদমক:

দিল্লীগী সদর বল্লভভাই পতেল কোবিদ হোস্পিতালদা আই.সি.য়ু.গী মশিং হেনগৎহনবা

দিফেন্স রিসর্চ এন্দ দিবেলপমেন্ত ওর্গনাইজেসন (দি.আর.দি.ও.)না দিল্লী এন.সি.আর.দা কেস মশিং হেনগৎলকপা অসি য়েংলগা কেন্দ্র সরকারগী য়াথং মতুং ইন্না দিল্লী কেন্তনমেন্তদা লৈবা সদর বল্লভভাই পতেল কোবিদ হোস্পিতালদা আই.সি.য়ু.গী বেদ মশিং ৫০০তা হেনগৎহনখ্রে। বেদ পুম্নমক ওক্সিজেন সপ্পোর্ত য়াওরি। দিরেক্তর জেনরেল আর্ম ফোর্সেস মেদিকেল সর্ভিসেস (দি.জি.এ.এফ.এম.এস.), লেফতিনেন্ত জেনরেল অনুপ বনর্জি এস.এম., পি.ঐচ.এস.না হৌজিক মশিং ৱাংখৎলক্লিবা অসি থেংনবা ঙম্নবা ফেসিলিতী অসিগী অপদেৎ তৌরক্লিবা অদু লেপ্তনা য়েংশিনখি অমসুং ই-পাউ অদু দিল্লী সরকারগী পোর্তেলদা অপদেৎ তৌখি। সদর বল্লভভাই পতেল কোবিদ হোস্পিতাল অসি দি.আর.দি.ও.গী বেদ ১০০০ থাবা ফেসিলিতীনি, মসিদা দিল্লী অমদি অতোপ্পা রাজ্যশিংদগী লাকপা কোবিদ-১৯ পোজিতিব ওইবা অনাবশিং শোইদনা লায়েনবা জুলাই ৫, ২০২০দগী মথৌ তৌবা হৌহনখি। আই.সি.য়ু. বেদকী মশিং হেনগৎপা অসিনা আই.সি.য়ু. মোনিতরশিং, ঐচ.এফ.এন.সি. মেছিনশিং অসিগুম্বা অহেনবা ইক্বিপমেন্ত অমসুং হৌজিক লৈরিবা ওক্সিজেন পাইপলাইন অসি অপ-গ্রেদ তৌবা মথৌ তাখি। অমুক্তা ওইখিদ্রিবা মওংদা কেসশিংগী মশিং ৱাংখৎকপা লাকশিন্নবা এ.এফ.এম.এস.না মেদিকশিং হেনগৎহনখ্রে। আই.তি.বি.পি., সি.এ.পি.এফ. অমসুং অতোপ্পা সর্ভিসশিংদগী দোক্তর অমসুং নর্সিং স্তাফশিং য়াওশিনখ্রে অমসুং অয়ুক নুংথিল খাক্তনা মথৌ তৌরি। হোস্পিতাল অসিদা হৌজিক ফাওবদা এদমিসন ৩২৭১ লাকখি মদুগী মনুংদা অনাবা ২৭৯৬ লায়েংদুনা নাবা ফগৎখ্রে/দিসচার্জ তৌখ্রে।

অকুপ্পা ৱারোলগীদমক :

কোবিদ-১৯ লাইচৎ মনুংদা স্কুল ইজুকেসন দিপার্তমেন্তনা পায়খৎখিবা থবকশিংগী খোমজিনবা লাইরিক অমা য়ুনিয়ন ইজুকেসন মিনিস্তরনা ফোঙখ্রে

ইরাই নুমিৎতা ভর্চুএল ওইনা কোবিদ-১৯ লাইচৎ মনুংদা স্কুল ইজুকেসন দিপার্তমেন্তনা পায়খৎখিবা থবকশিংগী খোমজিনবা লাইরিক অমা য়ুনিয়ন ইজুকেসন মিনিস্তর শ্রী রমেস পোখ্রিয়াল ‘নিশাঙ্ক’না ফোঙখ্রে। থৌরম অদুদা মিনিস্তরনা হায়খি ২০২০-২১দা কোবিদ লাইচৎনা মমাঙদা অমুক্তা ওইখিদ্রিবা মওংদা মীয়ামগী হকশেলগী খুদোংচাদবা কয়া থোকহল্লে, মালেমগী লৈবাক পুম্নমক শোকহল্লে। লাইচৎ অসিনা মহৌশাগী পুন্সিদা শাথিনা অকায়বা থোকহল্লে অমসুং অঙাংশিংদা চৈথেং পীরে অমসুং লৈবাক অসিদা স্কুলশিং থিংজিল্লে। কোবিদ-১৯ লাইচৎ মনুংদা স্কুল কারিবা মহৈরোয়শিং মখোয়গী লাইরিক তম্বদা শোৎথহৌদনবা স্কুল ইজুকেসন অমসুং লিতেরেসি দিপার্তমেন্তনা পায়খৎলিবা থবকশিং হায়বদি পি.এম ই-বিদ্যা, প্রাগ্যাতা চৎন-পথাপশিং, মোনদরপন, ই-কন্তেন্ত, অতোপ্পা একাদেমিক কেলেন্দরগী মতাংদা য়ুনিয়ন মিনিস্তরনা পাউদমখি। হায়রিবা থবকশিং অসিনা লাইচৎনা থোকহনবা খুদোংচাদবশিং কোকহনবদা অচৌবা মতেং অমা পাংবদা মহাক্না হরাওবা ফোঙদোকখি। লাইরিক তাকপা অমসুং তম্বগী লমদা অনৌবা নমুনা কয়া পুথোক্নবা পায়খৎলিবা থবকশিং মিনিস্তরনা ফোঙদোকখি। য়ুমদা লাইরিক তম্বা অমসুং স্কুলদা লাইরিক তম্বা অনি অফবা মওংদা পুনশিন্দুনা মগুন লৈবা লাইরিক তম্বা ফংনবা অনৌবা চুনবা থৌরাং কয়া হৌদোকপগীদমক মিনিস্তরনা মিনিস্ত্রিগী ওফিসিএলশিং থাগৎখি।

অকুপ্পা ৱারোলগীদমক:

ই.পি.এফ.ও.না পেন্সন্নরশিংগী জিবন প্রামান পত্র পীশিনবগী অরোইবা মতম ২০২১গী ফেব্রুৱারীগী ২৮ ফাওবা শাংদোকখ্রে; ই.পি.এফ.ও.গী কান্নবা ফংলিবা পেন্সন্নর লাখ ৩৫ লৈরি

হৌজিক চৎলিবা কোবিদ-১৯গী লায়চৎ অমসুং কোরোনা ভাইরস মরক অসিদা অহল ওইরবশিং অসিনা খুদোংথীনিঙাই ওইরিবা অসি য়েংলগা, ই.পি.এফ.ও.না লাইফ সর্তিফিকেৎ (জিবন প্রামান পাত্রা-জে.পি.পি.) অসিগী পীশিনবা অরোইবা মতম ২০২১গী ফেব্রুৱারীগী ২৮ ফাওবা শাংদোকখ্রে হায়রিবা অসি ই.পি.এস. ১৯৯৫কী পেন্সন্নরগী পেন্সন লৌথোকপা অমসুং কনাগুম্বা লাইফ সর্তিফিকেৎ পীশিনহৌদবা অসি ২০২১গী ফেব্রুৱারীগী ২৮ ফাওবা শাংদোকখ্রে। হৌজিক্কী ওইনা পেন্সন্নর অমনা জে.পি.পি. অসি নবেম্বরগী ৩০ ফাওবদা মতম অমদা হেক্তা থাজিনবা য়ারি, হায়রিবা অসি পীখিবা নুমিৎ অদুদগী চহি অমগী মতম চৎনগনি। হায়রিবা অসিগুম্বা পেন্সন্নর পুন্বা লাইফ সর্তিফিকেৎ অসি ২০২১গী ফেব্রুৱারীগী ২৮ ফাওবা পীশিনবা য়াগনি। জে.পি.পি. পীশিনবগী মখল কয়াগী মওংশিং কমন সর্বিস সেন্তর (সি.এস.সি.শিং) লাখ ৩.৬৫ , পেন্সন য়েনবা বেঙ্ক লাখ ১.৩৬ পোস্ত ওফিসশিং, পোস্তমেন লাখ ১.৯০ পোস্তেল নেতৱার্ক অমসুং পোস্ত দিপার্তমেন্তগী মখাদা গ্রামীন দাক সেবক্স অসিদা পেন্সন্নরশিংনা ফংবা য়াই। পেন্সন্নরশিংনা মনাক নকপা সি.এস.সি.শিংদা লিঙ্ক (https://locator.csccloud.in/) শিজিন্নদুনা অমসুং পোস্ত ওফিসদা জে.পি.পি. পীশিনবা অসি য়ুমগী নুঙাইবা মফম অমসুং অতোপ্পা মফম অমদগী ওইবা লিঙ্কনা (http://ccc.cept.gov.in/covid/request.aspx)নি।

অকুপ্পা ৱারোলগীদমক:

অর্চর কপিল কোরোনাভাইরস পোজিতিপ ওইরে, হৌজিক লাইওং উৎত্রি

আর্মি স্পোর্তস ইন্সতিতুৎ পুনেদা চৎথরিবা নেসনেল অর্চরি কেম্পতা শরুক য়ারিবা কপিল কোরোনাভাইরস তেস্ত তৌবদা পোজিতিপ ওইরে। মহাক লাইওং উৎত্রি অমসুং মেদিকেল কাংবু অমনা য়েংশিল্লি।

অকুপ্পা ৱারোলগীদমক

বোক্সর দুর্য়োধন সিংহ নেগি কোবিদ পোজিতিপ ওইরে, লাইওং উৎথোক্ত্রি অমসুং লাইয়েং চৎথরি

হৌজিক সাই এন.এস.এন.আই.এন পতিয়ালাদা ত্রেনিং চৎথরিবা বোক্সর দুর্য়োধন সিংহ নেগি(কেজি ৬৯) কোরোনাভাইরস পোজিতিপ ওইরে। মহাক হৌজিক লাইওং উৎথোক্ত্রি অমসুং মাংজৌন্না চেকশিন-থৌরাং লৌখৎপা ওইনা কলম্বিয়া এসিয়া হোস্পিতালদা লৈখ্রে। মহাক দিৱালিগী ছুতি লৌখি অমসুং মহাক্না হল্লকপদা ক্বারেনতাইনদা লৈখি। সাইগী এস.ও.পি মতুংইন্না, মহাক্না কেম্পতা হল্লক্লবা নুমিৎ ৬গী মতুংদা মহাক তেস্ত তৌখি।

অকুপ্পা ৱারোলগীদমক:

অচৌবা দ্রগ অমসুং মেদিকেল দিভাইসশিংগা মরী লৈনবা তাং ৩০-১১-২০২০দা থিংজিনখ্রবা পি.এল.আই. স্কিমশিংগীদমক্তা ফার্মাস্যুতিকেল অমসুং মেদিকেল দিভাইস ইন্দস্ত্রীদগী য়াম্না কান্নরবা পাউখুম ফংলে,

অচৌবা দ্রগকীদমক্তা প্রদক্সন লিঙ্ক ইন্সেন্তিব (পি.আই.এল.) স্কিম অমসুং মেদিকেল দিভাইসশিংগীদমক্তা পি.এল.আই. স্কিমবু ফার্মাস্যুতিকেল অমসুং লোইননা মেদিকেল দিভাইস ইন্দস্ত্রীদগী য়াম্না ফবা পাউখুম ফংলে। ইন্দস্ত্রীনা স্কিমশিং অসিগীদমক্তা য়াম্না পবা পাউখুম পীরি, মসিদা অচৌবা দ্রগশিংগীদমক্তা পি.এল.আই. য়োজনাগী মখাদা ফার্মাস্যুতিকেল মেন্যুফেকচরর ৮৩দগী এপ্লিকেসন ২১৫ ফংখি। মতৌ অসুম্না মেদিকেল দিভাইসশিংগীদমক্তা পি.এল.আই. স্কিমগী মখাদা মেদিকেল দিভাইস মেন্যুফেকচরর ২৩দগী এপ্লিকেসন ২৮ লাকখি। এপ্লিকেসন পীশিনবগী অরোইবা তাং নবেম্বর ৩০, ২০২০দা ওইখি।

অকুপ্পা ৱারোলগীদমক:

পি.আই.বি. ফিল্দ ওফিসশিংদগী ফংবা পাউ

•           অসাম: অসামদা তেস্ত ২২,৬৮৩ পাংথোকখিবদা পোজিতিব ওইবগী চাং চাদা ০.৭২% ওইখিবগা লোইননা কেস ১৫৯ থেংনখি অমসুং কেস ৫২দি কামরুপ এম.দগীনি। পেসেন্ত ১১০ দিসচার্জ তৌখ্রে; অপুনবা কেসশিং – ২,১২,৭৭৬ লৈরি হায়না অসামগী হকশেল মন্ত্রী হিমন্তা বিস্বা সর্মানা ত্বীত তৌরকখি।

•          নগালেন্দ: অনৌবা কেস ২৭ থেংনখিবগা লোইননা নাগালেন্দগী কোবিদ-১৯গী অপুনবা মশিং অদু ১১,১৮৬ য়ৌখ্রে। এক্তিব কেসশিংনা ৯২৫ য়ৌখ্রে।

•          সিক্কিম: কোবিদ-১৯গী প্রোতোকোল: সিক্কিমদা নুমিদাংদা চৎথোক-চৎশিন তৌবা থিংখ্রে। পেসেন্ত ২৬ অমুক আইসোলেশন্দগী দিসচার্জ তৌরকখ্রে, মসিনা সিক্কিমদা কোবিদ-১৯ পেসেন্তশিং দিসচার্জ তৌইবশিংগী মশিং অদু ৪,৫৪৪দা হেনগৎখ্রে। রাজ্য অসিদা হৌজিক এক্তিব কেস ২৪৮ লৈরি।

•          মঘালয়া: মঘালয়াদা হৌখিবা পুং ২৪গী মনুংদা কোবিদ-১৯না মরম ওইরগা নৌনা শিখিবা অমত্তা থেংনখিদে, অদুগা মতম অসিগী মনুংদা রাজ্য অসিদা কোবিদ-১৯গী অনৌবা পোজিতিব কেস ৭০ থেংনখি, মসিনা মরম ওইরগা এক্তিব কেসশিংগী মশীং অদু ৭৬৩ য়ৌহনখি।

•          মহারাস্ত্র: মু্বাইদা ইনফেক্সন শন্দোরকপা থিংনবা, ব্রিহানমুম্বাই মুনিসিপাল কোর্পোরেশন (বি.এম.সি.)না মীয়াম তিনবা মফমশিংদা মাস্কশিং উপ্তনা চৎপা মী্ইশিং থেংনরবদি মখোয়দগী লুপা ২০০গী ফাইন লৌনবা ওথোরিতীশিংদা হায়খ্রে।

•          গুজরাত: গুজরাত্তা হৌখিবা পুং ২৪দা অনৌবা কেস ১৫০২ থেংনখি। রাজ্য অসিদা ফগৎলকপগী চাং অসি চাদা ৯০.০৬তা লৈরি। গুজরাত্তা হৌজিক ফাওবদা থেংনখিবা কোবিদ-১৯গী কেসশীংগী অপুনবা মশিং অদু ২,৯০,৭৮০ য়ৌখ্রে। মসিগী মনুংদা পেসেন্ত ১,৯০,৮২১দি ফগৎখ্রে। হৌখিবা পুং ২৪গী মনুংদা পেসেন্ত ১৪০১ ফগৎখি।

•          রাজস্থান: রাজস্থান সরকারনা হায়খি মদুদি স্কুলশিং, কোলেজশিং, সিনেমা, এন্তর্তেন্মেন্ত পার্কনচিংবশিং অসি দিসেম্বর ৩১ ফাওবা রাজ্য অসিদা লোন্দুনা লৈগনি। হায়রিবা খোংথাং অসি রাজ্য অসিদা কোবিদ-১৯গী কেসশিং য়াম্না ৱাংখৎলকখিবা মতুংদগী লৌখৎলকখিবনি। রাজ্য অসিদা ঙরাং কোরোনাভাইরসনা মরম ওইরগা ২০ শিখিবা থেংনখি, মসিনা শিখিবশিংগী অপুনবা মশিং অদু ২,৩১২ য়ৌহনখি। রাজ্য অসিদা অনৌবা কেস ২,৬৭৭সু থেংনখি।

•          মধ্য প্রদেশ: মধ্য প্রদেশতা, ভোপাল অমসুং ইন্দোর য়াওনা সিতী কয়া অমদা কোরোনা ইনফেক্সনগী কেসশিং হেনগৎলক্লিবা অসি য়েংলগা এদমিনিস্ত্রেশন্না অহকপা খোংথাংশিং লৌখৎখি।। হৌখিবা নুমিৎ খরা অসিদা ইন্দোরদা অনৌবা কেস ৫০০গী মথক্তা থেংনখি অমসুং ভোপালদা কেস ৩০০গী মথক্তা থেংনখি।

•          ছত্তিসগর: কোবিদ-১৯গী অনৌবা কেস ১,৩২৪ থেংনখিবা অমসুং ২১ অমুক শিখিবগা লোইননা, ছত্তিসগরগী ইনফেক্সনগী মশিং অদু নিংথৌকাবা নুমিত্তা ২,৩৭,৩২২দা হেনগৎখি অমসুং শিখিবগী মশিং অদু ২,৮৬১দা হেনগৎখি। ফগৎখিবশিংগী মশিং অদু হোসপিতাল কয়া অমদগী মীওই ১৫৩ দিসচার্জ তৌখ্রবা মতুংদা ২,১৪,৮২৬দা হেনগৎখি অদুগা নুমিৎ অদুদা পেসেন্ত ১,৫৮৬না মখোয়গী হোম আইসোলেশন অদু লোইশিনখি। রাজ্য অসিদা হৌজিক এক্তিব কেস ১৯,৬৩৫ লৈরি। রায়পুর জিলাদা অনৌবা কেস ১৮৬ থেংনখি, মসিনা শিখিবা ৬৫৬ য়াওনা অপুনবা মশিং অদু ৪৬,৫২৬ য়ৌহনখ্রে।

•          গোৱা: গোৱা সরকারনা সিতীদা তুরিস্তশিংনা মাস্কসিং উপ্তনা কোইবা চৎপা থেংনরবদি ফোতো নম্নবা অমসুং ফাইন লৌনবা ৱারেপ লৌখ্রে। হন্দক্তা, গোৱাদা তুরিস্ত কয়া অমা মাস্কশিং উপ্তবা থেংনখি অমসুং ওথোরিতীশিংগা মরম চাদনা মরৈ-শংদনবা থেংনখি। পনাজিগী মেয়র, উদয় মাদকাইকরনা নিংথৌকাবা নুমিত্তা য়াম্না মরু ওইবা ৱাফম অমা লাউথোকখি। সরকার অসিনা হৌখিবা চয়োলদদা মাস্কশিং উপ্তবগীদমক্তা লুপা ২০০দা ফাইনশিং অদু শরুক অনি হেনগৎনবা লাউথোকখিবনি।

•          কেরলা: রাজ্যগী হকশেল মন্ত্রী, কে.কে. শৈলাজানা লাক্কদবা লোকল বোদী পোলশিংগীদমক্তা কেমপেন তৌবা মতমদা কোবিদ-১৯ শন্দোরকপগী মতাংদা অৱাবা ফোংদোকখি; মন্ত্রী অসিনা খঙহনখি মদুদি করিগুম্বা ভোতরশিং অদুনা চেকশিন-থৌরাংগী পাম্বৈশিং অদু নীংথিনা ঙাক্তুনা চৎত্রবদি ফিভম অসি লাকশিনবা ঙমদনা হেনগৎলক্কনি; রাজ্য অসিদা ঙরাং মীওই ৩৩৮২ অমুক লাইনা অসিদগী নাখি। রাজ্য অসিদা হৌজিক ফাওবদা ভাইরস অসিনা মরম ওইরগা মীওই ২২৪৪গী পুন্সি মাংখ্রে।

•          তামিল নাদু: অনলোকিং তি.এন.: দিসেম্বর ৭তা কোলেজশিং অমুক হাংলগনি, দিসেম্বর ১৪দগী সমুদ্র খোংবানশিং অমসুং তুরিস্তকী মফমশিং হাংদোক্লগনি; ইকোনোমী অমুক হন্না ফগৎহন্নবগী পাম্বৈশিং অদুগী শরুক অমা ওইনা লৈবাকপোকপা নুমিত্তগী মখাতানা লোকদাউন থম্লিবশিং অদু কোমথোক্নবা রাজ্য সরকারগী থৌরাংশিং অদু লাউথোক্লদুনা মুখ্য মন্ত্রী, এদাপদি কে.পলানিস্বামিনা হায়খি মদুদি সোসিয়েল, পোলিতিকেল অমসুং এন্তরতেন্মেন্তকী থৌরমশিং অদু নুমিৎ অদুমক্তদগী ওদিতোরিয়মশিংদা পাংথোকপা য়ারগনি।

•          কর্নাতকা: কর্নাতকাগী এল্থ দিপার্তমেন্তনা নিংথৌকাবা নুমিত্তা হায়খি মদুদি সেন্তরগী পাউতাক্কী মতুং ইন্না কোবিদ-১৯ ভেক্সিনগী দিলিভরী, দিস্ত্রব্যুশন অমসুং এদমিনিস্ত্রেশনগীদমক্তা মথৌ তাবা শেম-শাগদবশিং অদু হৌখ্রে হায়না হায়খি; নিংথৌকাবা নুমিত্তগী সরকারগী পোতেন্সিয়েল ভেক্সিনেতর ৬৮,৩১৭ অমসুং লনাইগী পোতেন্সিয়েল ভেক্সিনেতর ৩৫,৩১০ মশক খঙদোকখ্রে।

•          অন্ধ্র প্রদেশ: “ইনফেক্সনগী অতোপ্পা ৱেব অমা থোরক্কনি হায়বগী মতাংদা সাইন্তিফিক ওইবা মওংদা হৌজিক ফাওবা কনফর্ম তৌবা ঙমদ্রি। তৌইগুম্বসুং অসিগুম্বা কেসশিংগী মশিংদা হেনগৎলকপা মতমদা মায়োক্ননবগীদমক্তা ঐখোয়না নীংথিনা শেম-শাদুনা লৈরে। রাজ্য অসিগী কোবিদ-১৯ মরম ওইরগা শিখিবগী চাং অসি চাদা ০.৮১নি, হায়রিবা অসি লৈবা অসিদা খ্বাইদগী নেম্মি অমসুং তেস্ত পর মিলিয়ন রেসিও অসি লাখ ১.৮তা লৈ, হায়রিবা অসি কেসলোদশিং য়াম্না ৱাংনা লৈবা রাজ্যশিংগী মরক্তা খ্বাইদগী হেন্না ৱাংবা ওইখি।

•          তেলঙ্গনা: তেলঙ্গনানা অনৌবা ইনফেক্সন ৫০২ অমসুং লাইনা অসিগা মরী লৈননা অহুম শিখিবা থেংনখিবগা লোইননা নুমিৎ খুদিংগী থেংনবা কোবিদ-১৯ কেসশিংগী মশিং হন্থরকপগী ত্রেন্দ অদু মখাতানা উবা ফংখি, মসিনা অপুনবা মশিং অদু লাখ ২.৭০গী মথক্তা য়ৌহনখি; গ্রেতর হাইদ্রবাদ মুনিসিপাল কোর্পোরেশন (জি.ঐচ.এম.সি.)না কেস ১০০ লৈখিবগা লোইননা মশিং খ্বাদগী হেন্না য়ামখি, মথংদা মেদচলমলকাজগিরিনা ৪৬ অমসুং ভদ্রাদ্রিকোথাগুদেম্না ৩৩ লৈখিদুনা তুং ইল্লি হায়না নবেম্বর ৩০দা নুমিদাংগী পুং ৮দগী অকুপ্পা মরোলশিং পীরদুনা লৈবাকপোকপা নুমিত্তা সরকারগী বুলেতিন অমনা হায়খি।

ফেক্ত চেক

*****