প্রধান মন্ত্রী, শ্রী নরেন্দ্র মোদীনা ঙসি বারানসীদা দেব দীপাবলী মহোৎসবতা শরুক য়াখ্রে।

থৌরম অদুদা ৱা ঙাংলদুনা প্রধান মন্ত্রীনা হায়খ্রে মদুদি মসি কাশীগীদমক্তা অতোপ্পা অখন্নবা থৌরম অমসুনি, মহাক্না হায়খি মদুদি চহি ১০০দগী হেন্না কুইরবা মতমগী মমাংদা কাশীদগী হুরানখিবা ইমা অন্নপুর্নগী মুর্তী অমুক হন্না ফংগদৌরে। মসি কাশীগী লাইবক ফবনি। মহাক্না হায়খি মদুদি ঐখোয়গী দেবী-দেবতাশিংগী লিরবা মুর্তীশিং অসি ঐখোয়গী লাইনীং অমসুং ঐখোয়গী মমল নাইদ্রবা লন্নি।

প্রধান মন্ত্রীনা হায়খি মদুদি করিগুম্বা থৌওং অসি হান্ননা পায়খৎলম্লবদি লৈবাক অসিনা অসিগুম্বা মুর্তী কয়া অমুক হন্না ফংলমগদবনি। মহাক্না হায়খি মদুদি লৈবাক্কী লন অসি ঐখোয়গী হক্নি। অদুমওইনমক, মীওই খরনা, লৈবাক্কী লনগী ৱাহন্থোক অসি মখোয়গী ইমুং মনুংগী ওইনা লৌরি। অদুবু ঐখোয়গীদমক্তদি, ঐখোয়গী নাৎ, ঐখোয়গী থাজবা, ঐখোয়গী মগুনশিং অসি ঐখোয়গী লন্নি! অতোপ্পশিংগীদমক্তদি, মখোয়গী মুর্তী অমদি ফোতোশিংনা ওইরি।

গুরু নানক দেবজীগী মতাংদা পল্লদুনা, প্রধান মন্ত্রীনা হায়খি মদুদি মহাক খুন্নাইগী অমসুং সিস্তেমগী রিফোর্মগী খ্বাইদগী চাউবা খুদম অমনি। মহাক্না হায়খি মদুদি খুন্নাই অমসুং লৈবাক্কী কান্নবদা করি অহোংবা লাকপগে হায়বদু করিসু নাচুংদনা মখল অমা হেক্তগী য়ানীংদবা ওপোজিসন্না থাংগৎলক্লি। অদুবু রিফোর্মশিং অদু পুম্নমক্কীদমক ময়েক শেংলকপদা পুম্নমক অমুকহন্না অফবা ওইরকই। ঐখোয়না পারা অসি গুরু নানক্তগী তমজখি।

প্রধান মন্ত্রীনা হায়খি মদুদি কাশীদা চাউখৎ-থৌরাংগী থবক হৌরকপদা প্রতেস্তরশিংনা য়েৎননবগীদমক্তা লম্বীদা থোরকখি। কাশীনা বিশ্বনাথ কোরিদোর অসি বাবাগী দরবার ফাওবা শেমগনি হায়না ৱারেপ লৌখিবদা প্রতেস্তরশিংনা মদুদা য়ানীংদবসু ফোংদোকখি। বাবাগী দরবার অসি ইমা গঙ্গাগা চহি চা কয়া লিরবা মরী লৈনরক্লি।

ভগবান কাশী বিশ্বনাথকী থৌজালদগী মহাক্না কাশীগী দিপোৎসবতা শরুক য়াবা ফংজবা অসিগীদমক প্রধান মন্ত্রীনা নুংঙাইবা ফোংদোকখি। লিরবা শহর অসিগী মগুন শিংথারদুনা, শ্রী মোদীনা হায়খি মদুদি কাশীনা য়ুগ কয়াদা মালেম অসিগী লম্বী তাক্লি। কোরোনাগী অথিংবা অসিনা মরম ওইদুনা মহাক্কী পার্লিয়াম্নতরী কন্সতিত্যুসনসু ওইরিবা শহর অসিদা লাকপা ঙমদ্রে। মহাক্না হায়খি মদুদি মহাক মীয়ামদগী লাপ্না লৈবা নত্তে অমসুং লাইচৎ অসিগী মতম অসিদা করি পাম্বৈ পুথোকসিগে হায়বসিদা মিৎয়েং চংলি। মহাক্না লাইচৎ মনুং অসিদা মীয়ামগী সেবা তৌনবগীদমক কাশীগী মীয়াম্না লৌখিবা থৌদাং অদুগীদমক থাগৎপা ফোংদোকখি।

*****