প্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সকী থোংদা এম.পি.শিংগী মথোল লোংবা ফ্লেৎশিং শঙ্গাখ্রে। ফ্লেৎশিং অসি নই দিল্লীগী দা. বি. দি. মার্গতা লৈবনি। চহি ৮০দগী হেন্না লিরবা অমনবা বঙ্গলো নিপান ফ্লেৎ ৭৬ শানবা নৌনা শেমজিন শাজিনখিবনি।

থৌরম অদুদা ৱা ঙাংলদুনা, প্রধান মন্ত্রীনা হায়খি মদুদি পার্লিয়ামেন্তকী মেম্বরশিংগীদমক্তা মথোল লোংবা ফ্লেৎশিংদা গ্রীন বিল্দিং নোর্মশিং য়াওহনখি। মহাক্না থজবা ফোংদোকখি মদুদি অনৌবা ফ্লেৎশিং অসিনা লৈগদৌরিবা অমদি এম.পি. পুম্নমকপু শোইদ-ঙামদনা অমদি মশা-মউ ফনা থমগনি। মহাক্না হায়খি মদুদি এম.পি.শিংগী লৈফম অসি মতম কুইনদগী লৈরক্লবা সমস্যা অমনি, অদুবু হৌজিক্তি মসি লোইশিল্লে। মহাক্না হায়খি মদুদি চহি তরাগী খুজিং কয়া লিরবা সমস্যাশিং য়ৈথোক্তুনা থম্বগী মহুত্তা, মদুগী পাম্বৈ থিদোক্লবতদা লোইশিনবা ঙম্মি। মহাক্না দিল্লীদা অসিগুম্বা চহি কয়াদগী লোইশিন্দনা লৈরক্লবা, সরকার অসিনা তৌদুনা অমসুং অপীবা মতমগী মমাংদা লোইশিনখিবা কয়া পনখি। মহাক্না হায়খি মদুদি প্রধান মন্ত্রী অতল বিহারী ভাজপেয়ীগী মতমদা, অম্বেদকর নেস্নেল মেমোরিয়েলগী মতাংদা ঙাংনবা হৌখি, মদু চহি ২৩ শাংনা ঙাইরক্লবা মতুংদা সরকার অসিনা শাখ্রে। মহাক্না হায়খি মদুদি সেন্ত্রেল ইনফোর্মেসন কমিশনগী অনৌবা বিল্দিং, ইন্দিয়া গেৎকী মনাক্তা ৱার মেমোরিয়েল অমসুং নেস্নেল পুলিস মেমোরিয়েল সরকার অসিনা শাখিবা অদু মতম কুইনা পন্দুনা লৈরকখিবনি।

প্রধান মন্ত্রীনা ফোংদোকখি মদুদি এম.পি. পুম্নমক্না পার্লিয়ামেন্তকী প্রদক্তিবিতীদা প্রদক্ত অমসুং প্রোসেস্তা পুক্নীং চংখি অমসুং মায়কৈ অসোমদা অনৌবা মতোন অমা লাম্বা ঙমখি। মহাক্না লোকসভাগী স্পীকরবু থাগৎখি মদুদি মহাক্না হাউস্তা মঙোন্দা শিন্নবা থবক্কীদমক প্রদক্তিব অমসুং প্রোসিদ্যুরেল ওইবা মওংদা পাংথোকখি। মহাক্না নুংঙাইবা ফোংদোকখি মদুদি অনৌবা কাংলোনশিং অমসুং চেকশিন-থৌরাংগী পাম্বৈ কয়ামরুমগা লোইননা লাইচৎ অসিগী মনুংদসু পার্লিয়ামেন্তকী থবক-থৌরম পাংথোকখি। মহাক্না হায়খি মদুদি নোংজু মীফম নীংথিজনা পাংথোকপা ঙম্ননবা হাউস অনিমক্না চয়োলগী অরোইবা নুমিৎ ফাওবা থবক তৌখি।   

মহাক্না হায়খি মদুদি নহারোলশিংগীদমক্তা চহি ১৬-১৮ অসি য়াম্না মরুওইবা মতম্নি, ঐখোয়না ২০১৯গী মীখলগা লোইননা ১৬শুবা লোকসভাগী মতম মপুং ফাখ্রে অমসুং মতম অসি লৈবাক্কী খোংজেল অমসুং চাউখৎ-থৌরাংগীদমক্তা পুৱারী ওইবা মওংদা য়াম্না মরু ওই। মহাক্না হায়খি মদুদি ১৭শুবা লোকসভাগী মতম ২০১৯দা হৌখ্রে অমসুং লোকসভা অসিদা মতম অসিগী মনুংদা লৌখিবা ৱারেপশিং, লোকসভানা পুৱারী ওইবা ৱারেপ খরা লৌরে। মহাক্না থাজবা থমখি মদুদি মথংগী (১৮শুবা) লোকসভা অসিসু লৈবাক অসিবু অনৌবা চহি তরাগী খুজিং অমদা মাংদা পুখৎপদা য়াম্না মরুওইবা থৌদাং য়াগনি।

*****