ভারত্তা হৌখিবা নুমিৎ নিনি অসি থংন-থংননা নুংতিগী নৌনা নারকপা মীশিং ৩০,০০০গী ময়াদা থেংনরি‍। হৌখিবা পুং ২৪সিদা নৌনা নারকপা মীশিং ২৯,১৬৩ থেংনখি‍। লৈবাকসিদা হৌখিবা নুমিৎ ১০নিসিদা নুংতিগী নৌনা নারকপা মীশিং ৫০,০০০গী মখাদা ওইদুনা চৎলি‍।

ফীভম অসিনা মীয়াম্না কোবিদকা চুনবা হৌন-লোনচৎ পাক শন্না ইনবগী মওং তাকপগা লোয়ননা য়ুরোপ অমদি অমেরিকাগী লৈবাক কয়াদা নোংমগী নৌনা নারকপা মীশিং ৱাথনা হেনগৎলকপা থেংনরিবসিগী য়েংলুরগা মরুওইবা অমসু ওইরি‍।

নুংতিগী ফগৎলকপা মীশিংনা নুংতিগী নৌনা নারকপা মীশিংদগী হেন্দুনা চৎপগী ফীভম অসি মখা চত্থরকপা ওইনা হৌখিবা পুং ২৪সিদা মীওই ২৯,১৬৩ নৌনা নারকপদা মীওই ৪০,৭৯১ নাবা ফগৎলকখি‍।

লৈঙাক অসিনা লৈবাক পুম্বদা অৱাংবা থাক্কী তেস্তিং মখা চত্থরি‍। ঙসি ফাওবদা তৌখিবা অপুনবা তেস্ত মশিং ১২,৬৫,৪২,৯০৭নি‍। মসিনা অপুনবা পোজিতিভিতীগী চাং চাদা ৭.০১দা হন্থহল্লকপা ঙমহল্লে‍।

হৌজিক নারিবা মীশিং ৪,৫৩,৪০১ ওইদুনা অপুনবা নাখিবা মীশিংগী চাদা ৫.১১ খক্তমক ওইরি‍।

অপুনবা ফখ্রবা মীশিং ৮২,৯০,৩৭০ শুরে‍। মসিগা লোয়ননা ফগৎলকপগী চাং ঙসি চাদা ৯৩.৪২দা হেনগৎলক্লে‍।

হৌখিবা পুং ২৪সিদা ফগৎলকখিবা মীশিংগী চাদা ৭২.৮৭দি স্তেত/য়ু.তি. তরাদগীনি‍।

কেরলানা নারমবা মীশিং ৬,৫৬৭ নেগেতিব ওইবা থেংনদুনা খ্বাইদগী মীশিং য়াম্না ফগৎলকপা ওইখি‍। ৱেস্ত বেঙ্গলদা নোংমদা ফগৎলকপা মীশিং ৪,৩৭৬ ওইখি অদুগা দিল্লীদা ৩,৫৬০ ফগৎলকখি‍।

নৌনা নারকপা মীশিংগী চাদা ৭৫.১৪দি স্তেত/য়ু.তি. তরাদগীনি‍।

হৌখিবা নুমিৎ খরনিসিদা নৌনা নারকপা মীশিং হেনগৎলকপগী ফীভম থেংনখিবা দিল্লীদা ঙরাং নৌনা নারকপা মীশিং শুপ্নতগী ৩,৭৯৭ থেংনখি‍, অদুগা ৱেস্ত বেঙ্গলনা মীওই ৩,০১২ নৌনা নারক্তুনা মতুং ইনখি‍। কেরলাদা নৌনা নারকপা মীশিং ২,৭১০ থেংনখি‍।

নৌনা শিখিবা মীশিং ৪৪৯গী মনুংদা চাদা ৭৮.৪০দি স্তেত/য়ু.তি. তরাদগীনি‍।

নৌনা শিখিবা মীশিংগী শরুক মঙা থোকপগী অমা হেনবা, চাদা ২২.৭৬তি মীওই ৯৯ শিদুনা দিল্লীদগী ওইখি‍। মহারাস্ত্রদা মীওই ৬০ শিখিবগী পাউ লাকখি অদুগা ৱেস্ত বেঙ্গলনা (৫৩) মতুং ইল্লি‍।

****