তেক্সতাইল মন্ত্রালয়
তেক্সতাইল মন্ত্রালয়না #লোকেল4দিৱালী খোংজং হৌদোকখ্রে
ভারতকী হেন্দিক্রাফশিং লৈদুনা অমসুং খুদোল পীনদুনা পুম্নমক্না দিৱালী পাংথোক্নবা অপীল তৌখ্রে
प्रविष्टि तिथि:
11 NOV 2020 1:15PM by PIB Imphal
হেন্দিক্রাফ অসি ভারতকী অথোইবা নাৎকী লন-থুমগী খুদম অমনি অমসুং মসি লৈবাক অসিগী মীয়ামগী হিংননবগী মরুওইবা পাম্বৈ অমসু ওইরি। লম অসি নুপীশিংদা শক্তি শিন্নবগী মিৎয়েংদসু অদুক্কী মতিক মরুওইরি মরমদি হেন্দিক্রাফকী আর্তিসানশিং অমসুং নুপী শিন্মীশিংগী মশিং চাহা ৫৫%দগী ওইরি।
প্রধান মন্ত্রীনা হায়খি মদুদি ভারতকী হেন্দিক্রাফ শিজিন্নবা অসি ঐখোয়গী শিন্থা ওইগদবনি অমসুং মসিগী মরমদা অদুক্কী মতিক মীয়ামদা খঙহনগদবনি।
তেক্সতাইল মন্ত্রীনা পুম্নমক্তা তৌখিবা অপীল মখাদা পীরিঃ
“প্রধান মন্ত্রী শ্রী নরেন্দ্র মোদীনা নবেম্বর ৯দা ফোংদোকখিবা ৱাফম মতুং ইন্না লাক্লো ঐখোয় পুম্নমক অমত্তা ওইনা লমদম অসিদা শাবা ফি অমসুং হেন্দিক্রাফকী ললোন-ইতিকপু শৌগৎলসি। মদু লৈবাক্কী কাম্বীবু ওইরো নত্ত্রগা পর্দা হায়বদি য়ান্দুনা থমগদবা করিগুম্বা পোৎলম, য়ুমদা থাবা মোম্পাক ফিদক, অমসুং অদোম্না অদোমগী মরী-মতা, মরূপ মপাংশিংদা খুদোল পীবা মতমদা হেন্দিক্রাফকী পোৎলমশিংবু পীবীয়ু, হন্দক্কী দিৱালী অসিদা মসি লৈবীয়ু। ফী শাবা, আর্তিসান, লমদমসিগী অমসুং অপীকপা বিজিনেস তৌবশিংগী থোংদা দিৱালীগী লৈব-য়োনবদা পুক্নীং থৌগৎপীনবা চানবীদুনা অদোম্না মসি অদোমগী ত্বীতরদা, ফেসবুক্তা অমসুং ইন্সাগ্রামদা উৎপীয়ু অমসুং হেশতেগ #লোকেল4দিৱালী শিজিন্নবীয়ু। অদোম্না অপাম্বা পোৎশক – ফিবু ওইরো নত্ত্রগা অদোম্না খুদোল তৌবা পাম্বা নত্ত্রগা য়ুমগীদমক শিজিন্নবা পাম্বা হেন্দিক্রাফকী পোৎশক অদু, অদোম্না লৈরুবা মফম অদুগী মীশক অদুবু #লোকেল4দিৱালীনা তেগ তৌবীয়ু। লাকও অসিগুম্বা মচৎ অসিগী মতেংদগী ঐখোয় অসিগুম্বা শিংনবগী মতম অসিদা লৈবা-য়োনবদা মতেং পাংলসি অমসুং অদোমগী তেংবাং অসিনা মতম অসিদা অদুক্কী মতিক মথৌ তাবশিংগীদমক্তা তাঞ্জা অমা অমুক হন্না ফংহল্লগনি।”
***
(रिलीज़ आईडी: 1671968)
आगंतुक पटल : 260
इस विज्ञप्ति को इन भाषाओं में पढ़ें:
Telugu
,
Odia
,
English
,
Urdu
,
हिन्दी
,
Marathi
,
Bengali
,
Assamese
,
Punjabi
,
Gujarati
,
Tamil
,
Kannada