ସ୍ୱାସ୍ଥ୍ୟ ଓ ପରିବାର ମନ୍ତ୍ରଣାଳୟ
ଦେଶରେ ଗତ 35 ଦିନ ଧରି ଦୈନିକ ନୂଆ କରୋନା ପଜିଟିଭଙ୍କ ତୁଳନାରେ ସୁସ୍ଥ ସଂଖ୍ୟା ଅଧିକ
● କ୍ରମାଗତ 5 ସପ୍ତାହ ଧରି ସକ୍ରିୟ ମାମଲା ହ୍ରାସ ପାଇ ଚାଲିଛି
Posted On:
07 NOV 2020 11:42AM by PIB Bhubaneshwar
ଗତ ପ୍ରାୟ ଏକ ମାସ ହେଲା ଦୈନିକ ଭାରତରେ ଦେଖାଯାଉଥିବା ନୂଆ ପଜିଟିଭ୍ ମାମଲା ତୁଳନାରେ ଅଧିକ ଆକ୍ରାନ୍ତ ସୁସ୍ଥ ହେଉଛନ୍ତି ।
ଗତ 24 ଘଣ୍ଟା ମଧ୍ୟରେ 50,356 ନୂଆ ପଜିଟିଭ୍ ମାମଲା ଆସିଥିବା ବେଳେ 53,920 ଜଣ ସୁସ୍ଥ ହୋଇଛନ୍ତି । ଗତ 5 ସପ୍ତାହ ଧରି ଏହି ଧାରା ବଜାୟ ରହିଛି । ଦେଶରେ ମୋଟ କରୋନା ସକ୍ରିୟ ମାମଲା ହ୍ରାସ ପାଇବା ଦିଗରେ ଏହା ଗୁରୁତ୍ୱପୂର୍ଣ୍ଣ ଭୂମିକା ନେଇଛି, ଯାହାକି ଏବେ 5.16 ଲକ୍ଷ ରହିଛି ।
![](https://static.pib.gov.in/WriteReadData/userfiles/image/image0017ZVX.jpg)
ଗତ ପାଞ୍ଚ ସପ୍ତାହ ଧରି ଦୈନିକ ହାରାହାରି ପଜିଟିଭ୍ ମାମଲା ମଧ୍ୟ ହ୍ରାସ ପାଇଚାଲିଛି । ଅକ୍ଟୋବର ମାସ ପ୍ରଥମ ସପ୍ତାହରେ ଦୈନିକ ହାରାହାରି ପଜିଟିଭ୍ ମାମଲା 73 ହଜାର ଥିବା ବେଳେ ଏବେ ତାହା 46 ହଜାରକୁ ହ୍ରାସ ପାଇଛି ।
ନିମ୍ନମୁଖୀ ଧାରାରେ ଥିବା କରୋନା ସକ୍ରିୟ ମାମଲା ଆଜି 5,16,632ରେ ରହିଛି । ଏହା ଦେଶର ମୋଟ ପଜିଟିଭ୍ ମାମଲାର ମାତ୍ର 6.11% ।
ଦେଶରେ ମୋଟ 78,19,886 ଜଣ ସୁସ୍ଥ ହୋଇଥିବା ବେଳେ ଏହା ଫଳରେ ଜାତୀୟ ସୁସ୍ଥତା ହାର 92.41%କୁ ବୃଦ୍ଧି ପାଇଛି । ଏବେ ସୁସ୍ଥ ସଂଖ୍ୟା ଏବଂ ସକ୍ରିୟ ମାମଲା ମଧ୍ୟରେ ପାର୍ଥକ୍ୟ ରହିଛି 73,03,254 ।
ନୂଆ ସୁସ୍ଥଙ୍କ ମଧ୍ୟରୁ 79% ଆସିଛନ୍ତି 10ଟି ରାଜ୍ୟ/କେନ୍ଦ୍ରଶାସିତ ଅଞ୍ଚଳରୁ ।
ମହାରାଷ୍ଟ୍ରରେ ଗୋଟିଏ ଦିନରେ ସର୍ବାଧିକ 11,060 ଜଣ ସୁସ୍ଥ ହୋଇଥିବା ବେଳେ ରାଜ୍ୟରେ ମୋଟ ସୁସ୍ଥଙ୍କ ସଂଖ୍ୟା 15,62,342କୁ ବୃଦ୍ଧି ପାଇଛି ।
![](https://static.pib.gov.in/WriteReadData/userfiles/image/image002O945.jpg)
ଜାତୀୟ ଧାରାକୁ ବଜାୟ ରଖି 18 ରାଜ୍ୟ/କେନ୍ଦ୍ରଶାସିତ ଅଞ୍ଚଳରେ ଜାତୀୟ ସୁସ୍ଥ ହାରରୁ ଅଧିକ ସୁସ୍ଥ ହୋଇପାରୁଛନ୍ତି ।
![](https://static.pib.gov.in/WriteReadData/userfiles/image/image003449U.jpg)
ନୂଆ ପଜିଟିଭ୍ ମାମଲା ମଧ୍ୟରୁ 77% ଆସିଛନ୍ତି 10 ରାଜ୍ୟ/କେନ୍ଦ୍ରଶାସିତ ଅଞ୍ଚଳରୁ ।
ଗତ 24 ଘଣ୍ଟା ମଧ୍ୟରେ ନୂଆ ପଜିଟିଭ୍ ମାମଲାରେ କେରଳ ଓ ମହାରାଷ୍ଟ୍ରକୁ ଦିଲ୍ଲୀ ପଛରେ ପକାଇଦେଇଛି । ଦିଲ୍ଲୀରେ 7178 ପଜିଟିଭ୍ ମାମଲା ଆସିଥିବା ବେଳେ କେରଳରେ 7002 ଏବଂ ମହାରାଷ୍ଟ୍ରରେ 6870 ମାମଲା ଆସିଛି ।
![](https://static.pib.gov.in/WriteReadData/userfiles/image/image0045BP6.jpg)
ଗତ 24 ଘଣ୍ଟା ମଧ୍ୟରେ ଦେଶରେ 577 ଜଣଙ୍କର କରୋନାରେ ମୃତ୍ୟୁ ହୋଇଛି ।
ଏଥିରୁ ପ୍ରାୟ 83% ମୃତ୍ୟୁ ହୋଇଛି 10 ରାଜ୍ୟ/କେନ୍ଦ୍ରଶାସିତ ଅଞ୍ଚଳରେ । ମହାରାଷ୍ଟ୍ରରେ 27.9%ରୁ ଅଧିକ ମୃତ୍ୟୁ (161 ମୃତ୍ୟୁ) ହୋଇଥିବା ବେଳ ଏହା ପଛକୁ ଦିଲ୍ଲୀ ଓ ପଶ୍ଚିମବଙ୍ଗରେ ଯଥାକ୍ରମେ 64 ଓ 55 ଜଣଙ୍କ ମୃତ୍ୟୁ ହୋଇଛି ।
![](https://static.pib.gov.in/WriteReadData/userfiles/image/image005U9WI.jpg)
**********
(Release ID: 1671101)
Visitor Counter : 200
Read this release in:
English
,
Urdu
,
Marathi
,
Hindi
,
Bengali
,
Manipuri
,
Punjabi
,
Gujarati
,
Tamil
,
Telugu
,
Kannada
,
Malayalam