ଗତ ପ୍ରାୟ ଏକ ମାସ ହେଲା ଦୈନିକ ଭାରତରେ ଦେଖାଯାଉଥିବା ନୂଆ ପଜିଟିଭ୍ ମାମଲା ତୁଳନାରେ ଅଧିକ ଆକ୍ରାନ୍ତ ସୁସ୍ଥ ହେଉଛନ୍ତି ।

ଗତ 24 ଘଣ୍ଟା ମଧ୍ୟରେ 50,356 ନୂଆ ପଜିଟିଭ୍ ମାମଲା ଆସିଥିବା ବେଳେ 53,920 ଜଣ ସୁସ୍ଥ ହୋଇଛନ୍ତି । ଗତ 5 ସପ୍ତାହ ଧରି ଏହି ଧାରା ବଜାୟ ରହିଛି । ଦେଶରେ ମୋଟ କରୋନା ସକ୍ରିୟ ମାମଲା ହ୍ରାସ ପାଇବା ଦିଗରେ ଏହା ଗୁରୁତ୍ୱପୂର୍ଣ୍ଣ ଭୂମିକା ନେଇଛି, ଯାହାକି ଏବେ 5.16 ଲକ୍ଷ ରହିଛି ।

ଗତ ପାଞ୍ଚ ସପ୍ତାହ ଧରି ଦୈନିକ ହାରାହାରି ପଜିଟିଭ୍ ମାମଲା ମଧ୍ୟ ହ୍ରାସ ପାଇଚାଲିଛି । ଅକ୍ଟୋବର ମାସ ପ୍ରଥମ ସପ୍ତାହରେ ଦୈନିକ ହାରାହାରି ପଜିଟିଭ୍ ମାମଲା 73 ହଜାର ଥିବା ବେଳେ ଏବେ ତାହା 46 ହଜାରକୁ ହ୍ରାସ ପାଇଛି ।

ନିମ୍ନମୁଖୀ ଧାରାରେ ଥିବା କରୋନା ସକ୍ରିୟ ମାମଲା ଆଜି 5,16,632ରେ ରହିଛି । ଏହା ଦେଶର ମୋଟ ପଜିଟିଭ୍ ମାମଲାର ମାତ୍ର 6.11% ।

ଦେଶରେ ମୋଟ 78,19,886 ଜଣ ସୁସ୍ଥ ହୋଇଥିବା ବେଳେ ଏହା ଫଳରେ ଜାତୀୟ ସୁସ୍ଥତା ହାର 92.41%କୁ ବୃଦ୍ଧି ପାଇଛି । ଏବେ ସୁସ୍ଥ ସଂଖ୍ୟା ଏବଂ ସକ୍ରିୟ ମାମଲା ମଧ୍ୟରେ ପାର୍ଥକ୍ୟ ରହିଛି 73,03,254 ।

ନୂଆ ସୁସ୍ଥଙ୍କ ମଧ୍ୟରୁ 79% ଆସିଛନ୍ତି 10ଟି ରାଜ୍ୟ/କେନ୍ଦ୍ରଶାସିତ ଅଞ୍ଚଳରୁ ।

ମହାରାଷ୍ଟ୍ରରେ ଗୋଟିଏ ଦିନରେ ସର୍ବାଧିକ 11,060 ଜଣ ସୁସ୍ଥ ହୋଇଥିବା ବେଳେ ରାଜ୍ୟରେ ମୋଟ ସୁସ୍ଥଙ୍କ ସଂଖ୍ୟା 15,62,342କୁ ବୃଦ୍ଧି ପାଇଛି ।

ଜାତୀୟ ଧାରାକୁ ବଜାୟ ରଖି 18 ରାଜ୍ୟ/କେନ୍ଦ୍ରଶାସିତ ଅଞ୍ଚଳରେ ଜାତୀୟ ସୁସ୍ଥ ହାରରୁ ଅଧିକ ସୁସ୍ଥ ହୋଇପାରୁଛନ୍ତି ।

ନୂଆ ପଜିଟିଭ୍ ମାମଲା ମଧ୍ୟରୁ 77% ଆସିଛନ୍ତି 10 ରାଜ୍ୟ/କେନ୍ଦ୍ରଶାସିତ ଅଞ୍ଚଳରୁ ।

ଗତ 24 ଘଣ୍ଟା ମଧ୍ୟରେ ନୂଆ ପଜିଟିଭ୍ ମାମଲାରେ କେରଳ ଓ ମହାରାଷ୍ଟ୍ରକୁ ଦିଲ୍ଲୀ ପଛରେ ପକାଇଦେଇଛି । ଦିଲ୍ଲୀରେ 7178 ପଜିଟିଭ୍ ମାମଲା ଆସିଥିବା ବେଳେ କେରଳରେ 7002 ଏବଂ ମହାରାଷ୍ଟ୍ରରେ 6870 ମାମଲା ଆସିଛି ।

ଗତ 24 ଘଣ୍ଟା ମଧ୍ୟରେ ଦେଶରେ 577 ଜଣଙ୍କର କରୋନାରେ ମୃତ୍ୟୁ ହୋଇଛି ।

ଏଥିରୁ ପ୍ରାୟ 83% ମୃତ୍ୟୁ ହୋଇଛି 10 ରାଜ୍ୟ/କେନ୍ଦ୍ରଶାସିତ ଅଞ୍ଚଳରେ । ମହାରାଷ୍ଟ୍ରରେ 27.9%ରୁ ଅଧିକ ମୃତ୍ୟୁ (161 ମୃତ୍ୟୁ) ହୋଇଥିବା ବେଳ ଏହା ପଛକୁ ଦିଲ୍ଲୀ ଓ ପଶ୍ଚିମବଙ୍ଗରେ ଯଥାକ୍ରମେ 64 ଓ 55 ଜଣଙ୍କ ମୃତ୍ୟୁ ହୋଇଛି ।

**********