ആരോഗ്യ, കുടുംബക്ഷേമ മന്ത്രാലയം
കോവിഡ് 19: കഴിഞ്ഞ 35 ദിവസമായി, പുതുതായി രോഗമുക്തരായവര് രോഗബാധിതരേക്കാള് കൂടുതല്
ചികിത്സയിലുള്ളവരുടെ എണ്ണം കഴിഞ്ഞ അഞ്ച് ആഴ്ചയായി ക്രമേണ കുറയുന്നു
Posted On:
07 NOV 2020 11:42AM by PIB Thiruvananthpuram
ഇന്ത്യയുടെ പ്രതിദിന രോഗമുക്തരുടെ എണ്ണം ഒരു മാസത്തിലേറെയായി ദിവസേനയുള്ള പുതിയ രോഗികളുടെ എണ്ണത്തേക്കാള് അധികമായി തുടരുന്നു. 50,356 പേര്ക്കാണ് കഴിഞ്ഞ 24 മണിക്കൂറിനിടെ രാജ്യത്ത് പുതുതായി കോവിഡ് സ്ഥിരീകരിച്ചത്. എന്നാല്, ഈ കാലയളവില് 53,920 പേര് രോഗമുക്തരായി. ഈ പ്രവണത കഴിഞ്ഞ അഞ്ച് ആഴ്ചയായി തുടരുകയാണ്. നിലവില് 5.16 ലക്ഷം പേരാണ് രാജ്യത്ത് ചികിത്സയിലുള്ളത്.
![](https://static.pib.gov.in/WriteReadData/userfiles/image/image0017ZVX.jpg)
കഴിഞ്ഞ അഞ്ച് ആഴ്ചയായി പ്രതിദിന ശരാശരി രോഗബാധിതരില് തുടര്ച്ചയായ കുറവുണ്ടായി. ഒക്ടോബര് ആദ്യ വാരത്തില് ശരാശരി പുതിയ കേസുകള് 73,000 ല് നിന്ന് 46,000 ആയി കുറഞ്ഞു. നിലവില് ചികിത്സയിലുള്ളവര് 5,16,632 പേരാണ്. രാജ്യത്തെ ആകെ രോഗബാധിതരുടെ 6.11% മാത്രമാണിത്.
രാജ്യത്തെ ആകെ കോവിഡ് രോഗമുക്തരുടെ എണ്ണം 78,19,886 ആണ്. ദേശീയ രോഗമുക്തി നിരക്ക് 92.41 ശതമാനമായി വര്ധിച്ചു. രോഗമുക്തരും ചികിത്സയിലുള്ളവരും തമ്മിലുള്ള അന്തരം നിലവില് 73,03,254 ആണ്.
രോഗമുക്തരായവരില് 79 ശതമാനവും 10 സംസ്ഥാനങ്ങളിലാണ്/കേന്ദ്രഭരണപ്രദേശങ്ങല്ലാണ്. മഹാരാഷ്ട്രയിലാണ് കൂടുതല്. 11,060 പേര് രോഗമുക്തരായി. മഹാരാഷ്ട്രയിലെ ആകെ രോഗമുക്തര് 15,62,342.
![](https://static.pib.gov.in/WriteReadData/userfiles/image/image002O945.jpg)
18 സംസ്ഥാനങ്ങളില്/കേന്ദ്രഭരണപ്രദേശങ്ങളില് രോഗമുക്തി നിരക്ക് ദേശീയ ശരാശരിയേക്കാള് കൂടുതലാണ്.
![](https://static.pib.gov.in/WriteReadData/userfiles/image/image003449U.jpg)
പുതുതായി രോഗബാധിതരായവരില് 77 ശതമാനവും 10 സംസ്ഥാനങ്ങളിലാണ്/കേന്ദ്രഭരണപ്രദേശങ്ങളിലാണ്. കഴിഞ്ഞ 24 മണിക്കൂറിനിടെ 7,178 കേസുകള് റിപ്പോര്ട്ട് ചെയ്ത ഡല്ഹി മഹാരാഷ്ട്രയെയും കേരളത്തെയും മറികടന്നു. കേരളത്തില് 7,002 പുതിയ കേസുകള് റിപ്പോര്ട്ട് ചെയ്തു. 6,870 പുതിയ കേസുകളാണ് ഇന്നലെ മഹാരാഷ്ട്രയില് റിപ്പോര്ട്ട് ചെയ്തത്.
![](https://static.pib.gov.in/WriteReadData/userfiles/image/image0045BP6.jpg)
കഴിഞ്ഞ 24 മണിക്കൂറിനിടെ 577 കോവിഡ് മരണങ്ങള് രേഖപ്പെടുത്തി. പത്ത് സംസ്ഥാനങ്ങളിലാണ്/കേന്ദ്രഭരണപ്രദേശങ്ങല്ലാണ് ഇതിന്റെ ഏകദേശം 83 ശതമാനവും. മരണങ്ങളില് 27.9 ശതമാനവും മഹാരാഷ്ട്രയിലാണ് (161 മരണം). ഡല്ഹി, പശ്ചിമ ബംഗാള് എന്നിവിടങ്ങളില് യഥാക്രമം 64 ഉം 55 ഉം പേര് മരിച്ചു.
![](https://static.pib.gov.in/WriteReadData/userfiles/image/image005U9WI.jpg)
***
(Release ID: 1670926)
Visitor Counter : 196
Read this release in:
English
,
Urdu
,
Marathi
,
Hindi
,
Bengali
,
Manipuri
,
Punjabi
,
Gujarati
,
Odia
,
Tamil
,
Telugu
,
Kannada