খুরুমজরি। কুম্হৈগী পন্থা অসিদা তরাম্না ওক্লি

ঐহাক্না নখোয়বু তরাম্না ওকপদা য়াম্না নুংঙাইবা ফাওই। ঐখোয়গা লোইননা নখোয়না থবক তৌমিন্নবা হেনগৎহন্নবগী নখোয়গী অপাম্বা অদু উবদা ঐহাক্না য়াম্না হরাওই। ঐহাক্না থাজৈ মদুদি ঐখোয় খুদিংমক্কী ৱাখল্লোনদা হেন্না ফজনা খঙমিন্নবনা নখোয়গী প্লানশিং অমসুং ঐখোয়গী ভিজনগী মরক্তা হেন্না চুশিন্নবা পুরক্কনি।

মরূপশিং,

হন্দক্কী চহি অসিদগী, ভারতনা মালেমগী লাইচৎ অসিগা থৌনা ফনা লান্থেংনবদা, মালেম অসিনা ভারতকী লৈবাক্কী ওইবা লিচৎ অদু উবা ফংখি। মালেম অসিনসু ভারতকী অশেংবা মপাঙ্গল অদু উখি। মসিনা ভারত মচাশিংবু  খঙলিবা মগুনশিং: থৌদাং লৌবগী ৱাখল্লোনশিং অদু মায়পাক্না পুথোরকখি। মীনুংশিগী ৱাখল্লোন। লৈবাক্কী অপুনবগী শক্তম। অনৌবা ৱাখল্লোন পুথোকপগী মৈরিক। ভাইরস অসিগা লান্থেংনবা নত্ত্রগা ইকোনোমিক স্তেবিলিতী পুরকপা ওইগেরা, ভারতনা হন্দক্কী লাইচৎ অসিদা শিংথানীংঙাই ওইবা মওংদা অখাং কনবা অদু উৎখি। মসিগী অখাং কনবা অসি ঐখোয়গী সীস্তেম মপাঙ্গল, ঐখোয়গী মীয়ামদগী মতেং অমসুং ঐখোয়গী পোলিসীশিংগী স্তেবিলিতীনা থৌনা হাপ্লিবনি। মসি ঐখোয়গী সীস্তেমগী মপাঙ্গল অসিনা মরম ওইরগা ঐখোয়না মীওই চাউরাক্না মিলিয়ন ৮০০দা ফুদ-গ্রেনশিং, মীওই মিলিয়ন ৪২০দা শেল, অমসুং ইমুং চাউরাক্না মিলিয়ন ৮০দা থোংনবা গ্যাস লেম্না পীবা ঙম্লিবনি। মসি সোসিয়েল দিস্তেন্সি ঙাক্না চৎপা অমসুং মাস্কশিং উপ্পা মীয়ামগী মতেংনা মরম ওইরগা ভারতনা মালেমগী খ্বাইদগী হেন্না পাম্নবা ইনভেস্তমেন্ত দেস্তিনেসনশিংগী মরক্তা অমা ওইনা থোরকপা ঙম্লিবনি।

মরূপশিং,

ঐখোয়না অরিবা চৎনবীশিং লৈতবা অনৌবা ভারত অমা শেমগৎলিবনি। ঙসিদি, ভারত অসি হোংলক্লে অমসুং অফবগীদমক্তা। ফিস্কেল ইরেস্পোন্সিবিলিতীদগী হৌরগা ফিস্কেল প্রুদেন্স ফাওবা, হাই ইনফ্লেশন্দগী হৌরগা লো ইনফ্লেশন ফাওবা, রেকলেস লেন্দিংদগী তৌদুনা নন পর্ফোর্মিং এসেতশিং লৈহনবদগী হৌরগা মেরিত্তা য়ুমফম ওইবা লেন্দিং ফাওবা, ইনফ্রাস্ত্রকচর দিফিজিত্তগী হৌরগা ইনফ্রাস্ত্রকচর সর্প্লস ফাওবা, নীংথিনা য়েংশিন্দবা অর্বান গ্রোথতগী হৌরগা হোলিস্তিক ওইবা অমসুং চাং চপ মান্নবা গ্রোথ ফাওবা অমসুং ফিজিকেলদগী হৌরগা দিজিতেল ইনফ্রাস্ত্রকচর ফাওবা। 

মরূপশিং,

ভারতনা আত্মনির্ভর ওইননবা তাল্লিবা অসি ভিজন খক্তা নত্তে, মসি নীংথিনা প্লান তৌরবা ইকোনোমিক স্ত্রেতেজী অমনি। ভারতপু মালেমগী মেন্যুফেকচরিং পাৱর-হাউস অমা ওইনবা ঐখোয়গী বিজনেসশিংগী কেপেবিলিতীশিং অমসুং ঐখোয়গী ৱার্করশিংগী হৈ-শিংবা অদু শিজিন্নবদা পান্দম থম্বা স্ত্রেতেজীনি, অনৌবা ৱাখল্লোনশিং পুথোক্নবগীদমক্তা মালমগী সেন্তর অমা ওইহন্নবা ঐখোয়গী তেক্নোলোজীগী মপাঙ্গল শিজিন্নবদা পান্দম থম্বা স্ত্রেতেজীনি, ঐখোয়গী য়ামলবা হ্যুমেন রিসোর্সশিং অমসুং মখোয়গী তেলেন্তশিং অদু শিজিন্নদুনা মালেমগী চাউখৎ-থৌরাংদা শরুক য়ানবা পান্দম থম্লিবা স্ত্রেতেজীনি।

মরূপশিং,

ঙসিদি, ইনভেস্তরশিংনা এনভাইরনমেন্তেল, সোসিয়েল অমসুং গোভর্নেন্স স্কোর ৱাংনা লৈবা কম্পনীশিংগী মায়কৈদা তম্না চংশিল্লি। ভারতনা হান্নদগী মসিগী মতাংদা রেঙ্ক ৱাংনা লৈবা সীস্তেমশিং অমসুং কম্পনীশিং লৈ। ভারতনা ই.এস.জি.দা চপ মান্নবা মিৎয়েং থম্বগা লোইননা চাউখৎলকপগী লম্বী অদুগী মতুং ইন্দুনা চৎপদা থাজৈ।

মরূপশিং,

ভারতনা নখোয়দা দাইভর্সিতীগা লোইন-লোইননা দেমোক্রেসী, দেমোগ্রাফী, দিমান্দ পীরি। ঐখোয়গী দাইভর্সিতী অসুম্না তৌই, মসিদা নখোয়না মার্কেত অমগী মনুংদা মার্কেত ময়াম অমা ফংগনি। মসিদা পোকেত সাইজ ময়াম অমা অমসুং প্রিফরেন্স ময়াম অমগা লোইননা লাক্কনি। মসিদা ৱেদর ময়াম অমা অমসুং চাউখৎ-থৌরাংগী লেভেল ময়াম অমগা লোইননা লাক্কনি। মসিগী দাইভর্সিতী অসিদা দেমোক্রেতিক, ইনক্লুসিব অমসুং আইন ঙাক্না চৎপা সীস্তেম অমদা ওপন মায়ন্দশিং অমসুং ওপন মার্কেতশিংগা লোইননশু লাক্কনি।

মরূপশিং,

ঐহাক্না খ্বাইদগী ফবা ফাইনান্সিয়েল ব্রেনশিং খরগী মরক্তা ঐহাক্না ৱা ঙাংলি হায়সি ঐহাক্না খঙই। অনৌবা ৱাখল্লোনশিং অমসুং চাউখৎপগী অনৌবা হিরমশিংবু সস্তেনেবল বিজনেস প্রপোজিশনশিংদা ওন্থোকপা ঙম্বশিংনি। মতম অসিমক্তদা, ঐহাক্না নখোয়গী ত্রস্ততা ফন্দশিং অদু খ্বাইদগী হেন্না ফবা অমসুং অশোই-অঙাম য়াওদনা তুং কোইনগী ওইবা রিতর্নশিং পীনবা নখোয়না মথৌ তারিবশিং অদু খঙই।

মরম অদুনা মরূপশিং,

ঐহাক্না মরু ওইনা থমজনীংই মদুদি ঐখোয়গী খোংথাং অসি ইশুশিংগীদমক্তা তুং-কোইনগী ওইবা অমসুং সস্তেনেবল ওইবা সোল্যুশনশিং ফংনবনি। অসিগুম্বা খোংথাংশিং অসি নখোয়গী মথৌ-তারিবশিং অদুগা য়াম্না নীংথিনা পুনশিল্লি। ঐহাক্না খুদম খরা শিজিন্নদুনা শন্দোক্না তাকচগে।

মরূপশিং,

ঐখোয়না ঐখোয়গী মেন্যফেকচরিং পোতেন্সিয়েল অদু ফগৎহন্নবা অনৌবা খোংথাং কয়া অমা লৌখৎখ্রে। ঐখোয়না জি.এস.তি. ওইনা ৱান নেসন অমসুং ৱান তেক্স সীস্তেমদা মতেং পাংখি, হায়রিবা অসি কোর্পোরেত তেক্সকী চাং খ্বাইদগী নেম্বশিংগী মরক্তা অমা ওইরিবা , অমসুং মেন্যুফেকচররশিংগীদমক্তা অহেনবা ইন্সেন্তিব। ইনকম তেক্স এসেস্মেন্ত অমসুং আপীলগীদমক্তা ফেস-লেস রেজিম। ৱার্করশিংগী য়াইফবা অমসুং এম্প্লোয়রশিংগীদমক্তা ইজ ওফ দুইং বিজনেসকী অনৌবা লেবর লোগী রেজিম। অখন্নবা সেক্তরশিংদা প্রোদক্সনগা শম্নবা ইন্সেন্তিব স্কীমশিং। ইনভেস্তরশিংগী মতেং পাংনবা হেন্না মপাঙ্গল কনখৎহল্লবা ইন্সতিত্যুসনগী ওইবা এরেঞ্জমেন্তশিং।

মরূপশিং,

ঐখোয়না নেস্নেল ইনফ্রাস্ত্রকচর পাইপলাইনগী মখাদা ত্রিলিয়ন দোলর ১.৫ ইনভেস্ত তৌনবগী অচৌবা প্লান অমা লৈ। অহানবা ওইনা হৌদোক্কদবা মল্তি-মোদেল কনেক্তিবিতী ইনফ্রাস্ত্রকচর মাস্তর প্লান অমা ফাইনেলাইজ তৌখ্রে। ভারতনা লৈবাক শিনবা থুংনা হাইৱেশিং, রেলৱেশিং, মেত্রোশিং, ৱাতর-ৱেশিং, এয়রপোর্তশিংগী য়াম্না চানরবা ইনফ্রাস্ত্রকচর শেমগৎপগী মতাংদা খোং থাংজিনখ্রে। ঐখোয়না নিয়ো-মিদল ক্লাসকীদমক্তা কোম্না লৈবা ঙমগদবা য়ুম মিলিয়ন কয়া অমা শাগৎলি। ঐখোয়না অচৌবা সিতীদা খক্তা নত্তনা অপীকপা সিতীশিং অমসুং তাউনশিংদসু ইনভেস্তমেন্তশিং তৌরকপা পাম্মি। গুজরাতকী গীফ সিতী অসি মসিগী য়াম্না অফবা খুদম্ননি। ঐখোয়না অসিগুম্বা সিতীশিং অসিগী চাউখৎ-থৌরাংগীদমক্তা মিশন-মোদ স্কীমশিং পাইখৎলক্লি।

মরূপশিং,

মেন্যুফেকচরিং বেজ কনখৎহন্নবগীদমক্তা অমসুং মালেমগী থাক্তা লৈবা ইনফ্রাস্ত্রকচর শেমগৎনবগীদমক্তা ওইবা ঐখোয়গী স্ত্রেতেজীগুম্না ফাইনান্সিয়েল সেক্তরগীদমক্তা ঐখোয়গী স্ত্রেতেজী অদুসু হোলিস্তিক ওই। ঐখোয়না লৌখৎলকখিবা মরু ওইবা খোঙথাং খরগী মনুংদা কমপ্রিহেন্সিব বেঙ্কিং সেক্তর রিফোর্মশিং য়াওরি। ফানান্সিয়েল মার্কেতশিং কনখৎহনবা। ইন্তর্নেস্নেল ফাইনান্সিয়েল সার্বিস সেন্তরগীদমক্তা য়ুনিফাই তৌরবা ওথোরিতী। খ্বাইদগী লিবরেল ওইবা এফ.দি.আই. রেজিমগী মনুংদা অমনি। ফোরেন কেপিতেলগীদমক্তা খ্বাইদগী ফবা তেক্স রেজিম। ইনফ্রাস্ত্রকচর ইনভেস্তমেন্ত ত্রস্ত অমসুং রিয়ল এস্তেত ইনভেস্তমেন্ত ত্রস্তগুম্বা ইনভেস্তমেন্ত ভেহিকলশিংগীদমক্তা চুনবা পোলিসী রেজিম। ইন্সোলভেন্সী অমসুং বেঙ্ক্রপসী কোদ ইম্প্লিমেন্ত তৌবা। দাইরেক্ত বেনিফিৎ ত্রান্সফর অমসুং রু-পেকার্দশিং অমসুং ভিম-য়ু.পি.আই.গুম্বা ফিন-তেক্তা য়ুমফম ওইবা পেমেন্ত সীস্তেমশিং অসিগী খুত্থাংদা ফাইনান্সিয়েল এম্পাৱরমেন্ত তৌবা।

মরূপশিং,

অনৌবা ৱাখল্লোন পুথোকপা অমসুং দিজিতেলগী মতাংদা অনৌবা খোংথাংশিং পাইখৎপা হায়বসি হান্নদগী সরকারগী পোলিসীশিং অমসুং রিফোর্মশিংগী ওইনা য়াম্না মরু ওই। ঐখোয়না মালেম অসিদা স্তার্ত-অপশিং অমসুং য়ুনিকর্নশিংগী মশিং খ্বাইদগী য়াম্না লৈবশিংগী মরক্তা অমনি। ঐখোয় হৌজিক ফাওবদা য়াম্না য়াংনা চাউখৎলক্লি। ২০১৯দা লৈখিবা গ্রোথ রেৎ অদুনা নুমিৎ খুদিংগী চাংচত্তা স্তার্ত-অপ ২দগী ৩ ফাওবা লিংখৎলক্লি হায়বা তাক্লি।

মরূপশিং,

ঐখোয়গী সরকার অসিনা লনাইগী এন্তর্প্রাইজশিং চাউখৎহন্নবা খোংথাং কয়া অমা পাইখৎলকখ্রে। মমাংদা অমুক্তা উখ্রিবা থাক্তা এসেতশিংগী স্ত্রেতেজী দিসইনভেস্তমেন্ত অমসুং মোনিতাইজেশন তৌবা। পব্লিক সেক্তর অন্দর্তেকিংশিংদা লৈবা ঐখোয়গী শিয়র অদু চাদা ৫১গী মখাদা পুথরক্নবা মরু ওইবা ৱারেপ। অনৌবা সেক্তরশিং খুদম ওইনা কোল, স্পেস, এতোমিক ইনর্জী, রেলৱেজ, সিভিল এবিয়েশন অমসুং দিফেন্সতা প্রাইভেৎ পার্তিসিপেশনগীদমক্তা ওইবা পোলিসী রিজিমশিং। পব্লিক সেক্তরগী ফুৎ-প্রিন্তরেস্নেলাইজ তৌনবগীদমক্তা অনৌবা পব্লিক সেক্তর অন্দরতেকিংস পোলিসী।

মরূপশিং,

ঙসি, ভারতকী সেক্তর খুদিংমক্না মেন্যুফেকচরিং, ইনফ্রাস্ত্রকচর, তেক্নোলোজী, এগ্রিকলচর, ফাইনান্স অমসুং হেল্থ অমসুং এজুকেশনগুম্বা সোসিয়েল সেক্তরশিংদা ফাওবা চাউখৎলক্লি। এগ্রিকলচরদা ঐখোয়গী খ্বাইদগী নৌবা রিফোর্মশিং অদুনা ভারতকী লৌমীশিংগা পুনশিন্নবা অনৌবা ওইথোকপা য়াবা কয়া অমা থোরক্লি। তেক্নোলোজী অমসুং অনৌবা প্রোসেসিং তৌবগী পাম্বৈশিং অসিগী মতেংনা, ভারত অসি অথুবা মতমদা এগ্রিকলচর এক্সপোর্ত হব অমা ওইনা ওইরক্লনি। নেস্নেল এজুকেশন পোলিসী অসিনা মফম অসিদা ফোরেন য়ুনিভর্সিতীশিংগী কেম্পস লিংখৎপদা অয়াবা পীরি। নেস্নেল দিজিতেল হেল্থ মিশন অসিনা ফিন-তেকশিংগীদমক্তা খুদোংচাবা পীরি।

মরূপশিং,

মালেমগী ইনভেস্তর কম্যুনিতী অসিনা ঐখোয়গী ফ্যুচরদা থাজবা উৎলকপসিদা ঐহাক য়াম্না হরাওই। হৌখিবা থা ৫ অসিদা মমাংগী চহিগা চাংদম্নবদা এফ.দি.আই. চংলকপদা চাদা ১৩ হেনগৎলকপা উবা ফংখি। মসিগী রাউন্দ-তেবল অসিদা নখোয়না হকথেংননা শরুক য়াবা অসিনা থাজবা অমুক্কসু হেন্না হনেগৎহল্লি।

মরূপশিং,

করিগুম্বা নখোয়না থাজনীংঙাই ওইবগা লোইননা রিতর্নশিং পাম্লবদি, ভারত অসি মদু ওইথোক্কদবা মফম্নি। করিগুম্বা নখোয়না দেমোক্রেসীগা লোইননা দিমান্দ পাম্লবদি, ভারত অসি মদু ওইথোক্কদবা মফম্নি। করিগুম্বা সস্তেনেবিলিতীগা লোইননা স্তেবিলিতী পাম্লবদি, ভারত অসি মদু ওইথোক্কদবা মফম্নি। করিগুম্বা নখোয়না গ্রীন এপ্রোচকা লোইননা চাউখৎপা পাম্লবদি, ভারত অসি মদু ওইথোক্কদবা মফম্নি।

মরূপশিং.

ভারতকী গ্রোথ অসি মালেমগী ইকোনোমিক রিসর্জেন্স পুরকপা ঙম্বগী পোতেন্সিয়েল লৈ। ভারতকী মায় পাকপা অমা হেক্তদা মালেমগী চাউখৎ-থৌরাং অমসুং য়াইফবদা য়াম্না চাউনা অহোংবা পুরক্কদৌরিবনি। অরিংবা অমসুং ভাইব্রেন্ত ওইবা ভারতনা মালমগী ইকোনোমিক ওর্দরগী স্তেবিলাইজেশন পুরকপদা শরুক য়াগনি। ঐখোয়না ভারতপু মালেমগী গ্রোথ রিসর্জেন্সকী ইঞ্জিন অমা ওইহন্নবা অঙম্বা মখৈ তৌগনি। মাংদা চাউখৎপগী য়াম্না নুংঙাইবা মতম অমা লৈরি। ঐহাক্না নখোয়বু মশিগী শরুক অমা ওইনবা তরাম্না কৌরি।

ময়াম্বু অমুক্কা হন্না থাগৎচরি!

******