প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেবিনেৎ কম্মিতী ওন ইকনোমিক এফিয়র্সকী মীফমদা লাক্কদৌরিবা চুগী পন্থা ২০২০-২১গী ওইনা দিসেম্বর ১, ২০২০দগী নবেম্বর ৩০, ২০২১ ফাওবা ইথানোল সপ্লাই ইয়র (ই.এস.ৱাই.) ২০২০-২১গী মনুংদা ইথানোল ব্লেন্দেদ পেত্রোল (ই.বি.পি.) প্রোগ্রামগী মখাদা তোঙান তোঙানবা চুদা য়ুম্ফম ওইবা রো মেতরিএলসশিংদগী শুংবা মমল ৱাংবা ইথানোলগী মমল লেপ্পা য়াওনা অয়াবা পীখ্রে:

(i) সি হেবী মলাসেস রুৎতগী শেম্বা ইথানোলকী মমল অসি লিতর অমদা লুপা ৪৩.৭৫ ওইরম্বদগী লিতর অমদা লুপা ৪৫.৬৯দা হেনগৎখ্রে,

(ii) বি হেবী মলাসেস রুৎতগী শেম্বা ইথানোলকী মমল অসি লিতর অমদা লুপা ৫৪.২৭ ওইরম্বদগী লিতর অমদা লুপা ৫৭.৬১দা হেনগৎখ্রে,

(iii) চুহি/সিনি/সিনি মহিগী রুৎতগী শেম্বা ইথানোলকী মমল অসি লিতর অমদা লুপা ৫৯.৪৮ ওইরম্বদগী লিতর অমদা লুপা ৬২.৬৫দা হেনগৎখ্রে,

(iv) অহেনবা ওইনা জি.এস.তি. অমসুং ত্রান্সপোর্তেসন চার্জশিংসু থীগদবনি। অরাপ্পা মফমদা ইথানোল অসি দিসইনসেন্তিবাইজ তৌদনবা ওইবা য়াবা ত্রান্সপোর্তেসন চার্জশিং লেপথোক্নবা ও.এম.সি.শিংদা খঙহনখ্রে।

(v) রাজ্য মনুংদা লোকেলাইজ তৌবা ইন্দস্ত্রীদা খুদোংচাবা ফজনা ফংহন্নবা অমসুং ইথানোল পুবদা হঙ্গল-হন্দা তৌবা হন্থনবা, ওইল মার্কেতিং কম্পনীশিং (ও.এম.সি.শিং)না ত্রান্সপোর্তেসনগী মমল, ফংবা ফংদবা অসিনচিংবা তোঙান তোঙানবা ফেক্তরশিং অসি য়েংলগা তোঙান তোঙানবা সোর্সশিংদগী লাকপা ইথানোলগী অহানবা খুদোংচাবা পীনবা ক্রাইতেরিয়া অদু লেপথোক্কনি। খুদোংচাবা পীবা অসি পুথোক্লিবা রাজ্য/য়ু.তি.অদুগী লৈরিবা এক্সাইজকী ঙমখৈশিং অদুগী মখা পোনগনি। মসিদী মতুংদা মথৌ তাবগী মতুং ইন্না অতোপ্পা রাজ্যশিংদগী ইথানোল পুশিল্লকপগী ওইনা মান্নবা ওর্দর থোক্কনি।

দিস্তিলর পুম্নমক্না স্কিম অসিগী কান্নবা লৌবা য়াগনি অমসুং মখোয় অয়াম্বনা ই.বি.পি. প্রোগ্রামগীদমক ইথানোল সপ্লাই তৌরবা য়াই। ইথানোল সপ্লাইয়রশিংদা মতিক চাবা মমল পীবনা চু থারিবা লৌমীশিংনা শেল পুথবা হন্থহনবদা মতেং পাংগনি, অসুম্না চু থারিবা লৌমীশিংগী অৱাবা হন্থহনগনি।

সরকারনা ইথানোল ব্লেন্দেদ পেত্রোল (ই.বি.পি.) প্রোগ্রাম ইমপ্লিমেন্ত তৌরি অমরোমদনা ও.এম.সি.শিংনা ইথানোল ১০% ফাওবা য়াল্লবা পেত্রোল য়োল্লি। অতোপ্পা পাম্বৈ অমসুং মহৌশাদা শোক্লোইদবা ফ্যুলশিং শীজিন্নবা থৌগৎনবা এপ্রিল ১, ২০১৯দগী প্রোগ্রাম অসি য়ুনিয়ন তেরিতরী ওইরিবা এন্দামান নিকোবর অমসুং লক্ষদ্বীপকী ইথৎশিং নত্তনা ভারত পুম্বদা চৎনখি। খোঙথাং অসিনা মথৌ তাবা ইনর্জীদা ইমপোর্ত তৌবা হন্থহন্নবা অমসুং লৌউ-শিংউগী সেক্তরদা খুমাং চাউশিন্নহনবা ঙম্লগনি। 

২০১৪দগী হৌনা সরকারনা ইথানোলগী এদমিনিস্তর তৌরবা মমল খঙহনখ্রে। অহানবা ওইনা ২০১৮গী মনুংদা সরকারনা ইথানোল পুথোকপদা শীজিন্নবা রো মেতরিএলশিংদা য়ুম্ফম ওইরগা ইথানোলগী তোঙান তোঙানবা মমলশিং লাউথোকখি। ৱারেপশিং অসি ইথানোল সপ্লাই তৌবা অসি চাউনা হেনগৎহনখি অমদি পব্লিক সেক্তর ও.এম.সি.শিংনা ইথানোল লৈশিনবা অসি ইথানোল সপ্লাই ইয়র (ই.এস.ৱাই.) ২০১৩-১৪দা লিতর করোর ৩৮ ওইরম্বদগী ই.এস.ৱাই. ২০১৯-২০দা লিতর করোর ১৯৫তা হেনগৎপা ঙমখ্রে।

স্তেকহোল্দরশিংদা মতম শাংনা কান্নবা পীন্নবা ৱাখল্লোন অমগা লোয়ননা এম.ও.পি. এন্দ এন.জি.না “ই.বি.পি. প্রোগ্রামগী মখাদা মতম শাংনা চৎকদবা ইথানোল লৈশিন্নবগী পোলিসী” ফোঙখি। মসিগা লোয়ননা ও.এম.সি.শিংনা ইথানোল সপ্লাইয়রশিংগী ৱান তাইম রেজিস্ত্রেসন মপুং ফানা লোইশিনখ্রে। ও.এম.সি.শিংনা মখা তানা সেক্যুরিতী দিপোজিৎকী শেনফম অসি ৫%দগী ১%দা হন্থদুনা ইথানোল সপ্লাইয়রশিংদা লুপা করোর ৪০০রোমগী কান্নবা ফংহনখ্রে। ও.এম.সি.শিংনা নন-সপ্লাই ক্বান্তিতীদা হান্না ৫% ওইরম্বদগী ১%দা চান্নবা পেনাল্তী থীহন্দুনা  সপ্লাইয়রশিংদা লুপা করোর ৩৫রোমগী কান্নবা ফংহনখ্রে। হায়রিবশিং অসিনা ইজ ওফ দুইং বিজিনেস হেনগৎহনগনি অমসুং আত্মানির্ভর ভারতকী থৌরাংশিংগী পান্দম ফংহনবা ঙমগনি।

চিনি পুথোকপগী লেপ্তবা সর্প্লস অসিনা চিনিগী মমল হন্থহল্লি। মসিগা ইরোইননা চিনিগী ইন্দস্ত্রীনা লৌমীশিং শেল পীবা ঙমদবা অসিনা চু থাবা লৌমীশিংগী শেন্দোন হেনগৎহল্লি। সরকারনা চু থারিবা লৌমীশিংগী শেন্দোক কোকহন্নবা ৱারেপ কয়া লৌখি।

লৈবাক অসি চনি পুথোকপা হন্থহন্দুনা লমদম অসিদা ইথানোল পুথোকচনবা ৱাখল্লোন অমগা লোয়ননা সরকারনা বি হেবী মলাসেস, চহি, চিনি অমসুং চিনি মহি দাইবর্জন য়াহন্দুনা ইথানোল পুথোকপা য়াওনা তোঙান তোঙানবা খোঙথাংশিং সরকারনা লৌখৎলি। চুগী ফিয়র এন্দ রিম্যুনরেতিব প্রাইস (এফ.আর.পি.) অমসুং চিনিগী এক্স-মিলগী মমল অসি কয়ারক হোংখ্রে, তোঙান তোঙানবা চুদা য়ুম্ফম ওইবা রো মেতরএলশিংদগী শুংবা ইথানোলগী এক্স-মিলগী মমল অসি লেপথোকপা মথৌ তারে।

*********