ভারতনা অতোপ্পা মশক থোকপা মায় পাকপা অমসু ফংলে‍। লৈবাক্কী ফগৎলকপগী চাং ঙসি চাদা ৯০ য়ৌরে‍। হৌখিবা পুং ২৪দা মীশিং ৬২,০৭৭ ফগৎলক্তুনা ময়ুমদা হলহনখ্রে অদুগা নৌনা নারে খংলবা মীশিংনা ৫০,১২৯ ওইরি‍।

মায় পাকপা অসি অপুনবা হৌজিক নারিবা মীশিং অসুম অসুম হন্থরক্তুনা নুমিৎ হুম্নি থংন-থংননা লাখ ৭কী মখাদা থম্লিবা ফীভমসিনা মতেং পাংশিল্লি‍।

হৌজিক্কী ওইনা নারিবা মীশিং ৬,৬৮,১৫৪ ওইদুনা লৈবাকসিগী অপুনবা নাখিবা মীশিংগী চাদা ৮.৫০ খক্তমক ওইরি‍।

অপুনবা ফগৎলকপা মীশিংসু লেপ্তনা হেনগৎলক্লি‍। হৌজিক ফাওবদা মখোয়গী মশিং ৭০,৭৮,১২৩ ওইরি‍। ফগৎলকপা মীশিং হেনগৎলকপগা লোয়ননা খেন্নবসু হেনগৎলক্লি‍। ফখ্রবা মীশিং অমদি নারিবা মীশৎংগী মরক্তা লৈরিবা খেন্নবা লাখ ৬৪ (৬৪,০৯,৯৬৯) লানখ্রে‍।

হৌখিবা চয়োল অমসিদা নোংমদা শিবা মীশিং ১০০০গী মখাদা পাউ লাক্লি‍। অশিবা মশিং ওক্তোবর ২দগী হৌরগা ১১০০গী মখাদা ওইরি‍।

নৌনা ফগৎলকপা মীশিংগী চাদা ৭৫দি স্তেত/য়ু.তি. ১০দা হায়বদি মহারাস্ত্র, কর্নাতকা, কেরলা, তামিল নাদু, ৱেস্ত বেঙ্গল, দিল্লী, অন্ধ্র প্রদেশ, অসাম, উত্তর প্রদেশ, অমসুং ছত্তিসগরদা নৈশিন্দুনা লৈবা থেংনৈ‍।

তেলী অসি নোংমদা মীওই ১০,০০০গী মথক্তা ফগৎলক্তুনা মহারাস্ত্রনা মাঙজিল থারি‍।

হৌখিবা পুং ২৪সিদা নৌনা নারে খঙলবা মীশিং ৫০,১২৯ থেংনখি‍।

নৌনা থেংনবা অনাবশিংগী চাদা ৭৯দি স্তেত অমসুং য়ু.তি. ১০দগীনি‍। কেরলানা নৌনা শাবা মীশিং ৮,০০০গী মথক্তা থেংনদুনা খ্বাইদগী য়ামবা ওইরি অদুগা মহারাস্ত্রনা নৌনা নাবা মীশিং ৬,০০০গী মথক্তা ওইদুনা মতুং ইল্লি‍।

হৌখিবা পুং ২৪সিদা মীশিং ৫৭৮ শিখিবগী পাউ লাকখি‍। মসিগী মনুংদা চাদা ৮০গী ময়াদি স্তেত/য়ু.তি. ১০দা নৈশিন্দুনা লৈ‍।

মহারাস্ত্রনা নোংমদা মীশিং ১৩৭ শিদুনা খ্বাইদগী য়ামবা ওইরি‍।

ভারতকী তেস্তিং লেব নেতৱর্কসু ঙসি অনৌবা মায় পাকপা অমা ফংলে‍। অপুনবা লেব মশিং ২০০০ হেল্লে‍। পুনেদা লেব অমখক্তদগী হৌরকখিবা অসিনা, লৈঙাক্কী লেবোরেতরী ১১২৬ অমদি লনাই লেবোরেতরী ৮৭৭ য়াওনা পুন্না লেব মশিং ২০০৩ শুরে‍।

****