نئی لّی ، 25 اکتوبر / بھارت نے ایک اور   سنگِ میل طے کیا ہے ۔  صحت یابی کی قومی شرح آج 90 فی صد تک پہنچ گئی ہے ۔ پچھلے 24 گھنٹے کے دوران   62077 افراد صحت یاب ہوئے ہیں اور انہیں  چھٹی دے دی گئی ہے  ، جب کہ  نئے  تصدیق شدہ  مریضوں کی تعداد  50129 ہے ۔

          یہ کامیابی   کل  زیر علاج مریضوں   کی تعداد میں مسلسل کمی کی وجہ سے حاصل ہوئی ہے   ،  جو مسلسل تیسرے دن بھی   7 لاکھ سے کم رہی ہے ۔ 

          سر دست  زیر علاج مریضوں کی تعداد  کل متاثرہ  افراد   کا 8.50 فی صد ہے ، جو  668154 ہے ۔

          صحت یاب ہونے والے  کل افراد کی تعداد بھی  مسلسل بڑھ رہی ہے ۔  اب تک ان کی تعداد  7078123  ہو چکی ہے ۔ صحت یاب ہونے والوں کی  تعداد میں  اضافے کے ساتھ   یہ  فرق مسلسل بڑھ رہا ہے ۔  صحت یاب ہونے والے افراد اور زیر علاج  افراد کے درمیان  فرق  64 لاکھ  (6409969 ) سے زیادہ ہو چکا ہے  ۔

          پچھلے ایک ہفتے سے مسلسل  1000 سے کم اموات کی اطلاع مل رہی ہے اور 2 اکتوبر سے اموات کی تعداد 1100 سے کم ہے ۔

          صحت یاب ہونے والے مریضوں میں 75 فی صد کا تعلق   ، اُن 10 ریاستوں / یو ٹی سے  ہے ، جن  میں مہاراشٹر ،  کرناٹک ، کیرالہ  ، تمل ناڈو ، مغربی بنگال  ، دلّی ، آندھرا پردیش ، آسام  ، اتر پردیش اور چھتیس گڑھ شامل ہیں ۔     

          مہاراشٹر میں صحت یاب ہونے والوں کی تعداد سب سے زیادہ ہے ، جو ایک ہی دن میں 10000 سے زیاد ہ ہے ۔

          پچھلے 24 گھنٹے  میں  50129 نئے مصدقہ  مریضوں کی اطلاع ہے ۔

          نئے مصدقہ معاملات  میں 79 فی صد کا تعلق  10 ریاستوں اور یو ٹی سے ہے  ۔ کیرالہ   میں اب بھی   نئے معاملات کی سب سے زیادہ تعداد ملنے کی اطلاع ہے ، جہاں 8000 سے زیادہ نئے معاملات سامنے آئے ہیں ، جس کے بعد  6000 سے زیادہ معاملات  مہاراشٹر میں درج کئے گئے ہیں ۔

          پچھلے 24 گھنٹے کے دوران  578 اموات کی خبر ہے  ۔ ان میں سے تقریباً 80 فی صد کا تعلق مذکورہ 10 ریاستوں / یو ٹی سے ہے ۔

          مہاراشٹر میں نئی اموات سب سے زیادہ ہیں ، جہاں  137 اموات درج کی گئی ہیں ۔ 

          بھارت کے ٹسٹنگ لیب نیٹ ورک  نے بھی آج ایک اور  کامیابی حاصل کی ہے ۔ اب  لیبس کی تعداد 2000 سے زیادہ ہو گئی ہے ۔ پونے میں  صرف ایک لیب   کے ساتھ آغاز کے بعد  اب ملک میں لیبس کی کل تعداد 2003 ہو گئی ہے ، جس میں  1126 سرکاری لیبس اور 877 پرائیویٹ لیبس شامل ہیں ۔

۔۔۔۔۔۔۔۔۔۔۔ ۔۔۔۔۔۔۔۔۔۔ ۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔ ۔۔۔ ۔۔۔۔۔۔۔۔۔۔

( م ن ۔ و ا ۔ ع ا ) 

U. No. 6689