প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী মন্দলগী মীফম্না ইন্সতিত্যুৎ ওফ চার্তর্দ একাউন্তেন্ত ওফ ইন্দিয়া (আই.সি.এ.আই.) অমসুং সর্তিফাইদ প্রেক্তিসিং একাউন্তেন্ত, পপুৱা ন্যু গিনিয়া (সি.পি.এ. পি.এন.জি.)গী মরক্তা পপুৱা ন্যু গিনিয়াদা লৈবা কেপাসিতী বিল্দিং অমসুং একাউন্তিং, ফাইনান্সিএল অমসুং ওদিৎ নোলেজদা পুন্না থবক তৌমিন্ননবা মেমোরেন্দম ওফ অন্দর্স্তেন্দিং অমা অয়াবা পীখ্রে।

থবক্তা ওন্থোক্নবগী থৌরাং অমসুং পান্দমশিং:

ইন্সতিত্যুৎ ওফ চার্তর্দ একাউন্তেন্ত ওফ ইন্দিয়া (আই.সি.এ.আই.) অমসুং সর্তিফাইদ একাউন্তেন্ত ওফ পপুৱা ন্যু গিনিয়া (সি.পি.এ. পি.এন.জি.)না মখাগীশিং অসিদা পুন্না থবক তৌমিন্নগনিঃ

১. তেক্নিকেল ইভেন্ত, সেমিনার অমসুং কন্ফরেন্সশিং পি.এন.জি.দা পাংথোকপা

২. কোর্পোরেৎ গবর্নান্স, তেক্নিকেল রিসর্চ অমসুং ইদভাইস, ক্বালিতী এসুরেন্স, ফোরেন্সিক একাউন্তিং, কন্তিন্যুইং প্রোফেস্নেল দিবেলপমেন্ত (সি.পি.দি.) অমসুং অতোপ্পা ৱাখল মান্নবা হীরমশিংদা অঙম্বা থাক্তা মতেং পীনবা অমসুং মরী শাগৎপা।

৩. অথিংবা লৈতবা একাউন্তেন্সীগী শিনফমগা মরী লৈনবা ইনফোর্মেসনশিং ভারত অমসুং পি.এন.জি. অমসুং মালেমগী থাক্তা তঙাইফদবা লৈরকপা মতমদা লান্নবা, সি.পি.এ., পি.এন.জি. একজামিনেসনগী অখন্নবা হীরমশিংগী মোদ্যুল শাগৎপা।

৪. মহৈরোই অমসুং ফেকল্তীশিংগী একচেঞ্জগী থৌরমশিং পাঙথোকপা।

৫. পি.এন.জি.দা একাউন্তিং, ফাইনান্স অমসুং ওদিৎকী হীরমদা অতেনবা প্রোফেসনেল কোর্সশিং পীবা।

মরুওইবা ইথিলঃ

ইন্দিয়ন চার্তর্দ একাউন্তেন্ত (সি.এ.)গী লমদা লৈরিবা মীওইশিংনা লোকেল বিজিনেস কম্ম্যুনিতী অমসুং স্তেকহোল্দরশিংবু ফাইনান্সিএল রিপোর্তিংগী মতাংদা মতেং পাংবীরি অমসুং মসিবু অদুক্কী মতীক ৱাংনা থাংগৎলি। লানখৎলক্লিবা এম.ও.য়ু. অসিনা পপুৱা ন্যু গিনিয়াদা লৈবা ভারতকী চার্তর্দ একাউন্তেন্তশিংদা পোজিতিব ওইবা মমি অমা তাহন্নবা হোৎনবদা মতেং পাংলি অমসুং থাজবা পীনবা হোৎনবদা মতেং পাংগনি। আই.সি.এ.আই.গী ওইবা ওস্ত্রেলাসিয়া-ওসিনিয়াগী লমদা মপাঙ্গল কল্লবা মেম্বরশিপ ৩০০০ হেন্না লৈ অমসুং হায়রিবসি পি.এন.জি.গী চেপ্তরসু কোনশিল্লি। সি.পি.এ., পি.এন.জি.দা মতেং পীনবগীদমক খুৎয়েক পীনগদবা এম.ও.য়ূ. অসিনা লমদম অসিগী আই.সি.এ.আই.গী মীহুৎশিংদা কান্নবা ফংহনগনি অমসুং আই.সি.এ.আই.গী মীহুৎশিংগী তুংদা অহেনবা কান্নবা কয়া লাক্কনি হায়না থাজরি।

হৌরকফম

ইন্সতিত্যুৎ ওফ চার্তর্দ একাউন্ত ওফ ইন্দিয়া (আই.সি.এ.আই.) অসি "চার্তর্দ একাউন্তেন্ত এক্ত ১৯৪৯"গী মখাদা ভারতকী চার্তর্দ একাউন্তেন্তশিংগী শিনফম য়েংশিন্নবা লিংখৎখিবা স্তেত্যুতরী বোদী অমনি। সর্তিফাইদ প্রেক্তিসিং একাউন্তেন্ত পপুৱা ন্যু গিনিয়া (সি.পি.এ. পি.এন.জি.) অসি একাউন্তেন্ত এক্ত, ১৯৯৬কী মখাদা একাউন্তিং অমসুং ওদিতিংগী থাক লেপ্নবা অমসুং পপুৱা ন্যু গিনিয়াদা একাউন্তেন্সীগী শিনফম অসি হেন্না লৈরক্নবগীদমক লিংখৎখিবা মশক নাইবা একাউন্তিং প্রোফেসনেল বোদী অমনি।

*****