(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• ঙসি মীশিং মিলিয়ন অমদা শীখিবগী মশিং ৮১ ওইবগা লোয়ননা লেপ্তনা ভারতনা খ্বাইদগী তানা রিপোর্ত তৌরক্লি
• অনৌবা কনফর্ম কেসশিংদগী নাবা ফগৎলকপনা হেন্না রেজিস্তর তৌদুনা হৌখিবা পুং ২৪দা অনৌবা কনফর্ম কেস ৬৩,৩৭১গী মথক্তা ৭০,৩৩৮ নোংমদা নাবা ফগৎলকখি
• হৌজিক্কি ওইনা এক্তিব কেস ৮,০৪,৫২৮ ওইদুনা লৈবাক অসিগী অপুনবা পোজিতিব কেসশিংগী ১০.৯২% খক্তমক ওইরি
• নাবা ফগৎলকপগী মশিং য়ামখৎলকপা অসিনা লৈবাক অসিগী নাবা ফগৎলকপগী চাং মখা তানা হেনগৎহন্দুনা ৮৭.৫৬% য়ৌখ্রে
• কেরলা, কর্নাতকা, রাজস্থান, ছত্তিসগর অমসুং ৱেস্ত বেঙ্গলদা হায় লেবেল সেন্ত্রেল তিমশিং থাজিনখ্রে

#Unite2FightCorona

#IndiaFightsCorona

মালেমদা ভারতনা মখা তানা মীশিং মিলিয়ন অমদা শীখিবগী খ্বাইদগী তানা রিপোর্ত তৌরক্লি, হৌখিবা নুমিৎ ১৪ অসিদা ১১০০দগী তানা শীখিবগী রিপোর্ত তৌরকখ্রে, রাজ্য/য়ু.তি. ২২গী মিলিয়ন অমদা শীখিবগী চাং অসি লৈবাক্কী লৈরিবা চাংচৎ অসিদগী তাই

ঙসি মীশিং মিলিয়ন অমদা শীখিবগী মশিং ৮১ ওইবগা লোয়ননা লেপ্তনা ভারতনা খ্বাইদগী তানা রিপোর্ত তৌরক্লি। ওক্তোবর ২দগী হৌদুনা লেপ্তনা ১১০০দগী তানা শীখিবগী রিপোর্ত তৌরকখ্রে। ফলশিং অসি রাজ্য/য়ু.তি. ২২না মপুং ফানা লাকশিনখিবা অমসুং মিলিয়ন অমদা শীখিবা অসি লৈবাক অসিগী লৈরিবা চাংচৎ অসিগা চাংদম্নবদা তানা রিপোর্ত তৌরক্লিবা অসিনা ফগৎপা হেনহনখি। লেপ্পা লৈতনা কেস ফেতেলিতী রেৎ হন্থরক্লি। হৌজিক ওইরিবা মশিং ১.৫২% অসি মার্চ ২২, ২০২০দগী খ্বাইদগী তাবা ওইরি। ঙসি ফাওবদা, তেলি-সেসন ২৩ পাঙথোকখ্রে অমসুং রাজ্য/য়ু.তি. ৩৪দা লৈবা ইন্সতিত্যুসন ৩৩৪না মসিদা শরুক য়াখি। অনৌবা কনফর্ম কেসশিংদগী নাবা ফগৎলকপনা হেন্না রেজিস্তর তৌবগী চৎনবী অসি ঙাক্লদুনা হৌখিবা পুং ২৪দা অনৌবা কনফর্ম কেস ৬৩,৩৭১গী মথক্তা ৭০,৩৩৮ নোংমদা নাবা ফগৎলকখি। পুন্না নাবা ফগৎলকখিবা অসি ৬৪,৫৩,৭৭৯ ওইখি। নাবা ফগৎলকখ্রবা কেসশিং অমসুং এক্তিব কেসশিংগী মরক্তা লৈরিবা খেৎনবা অসি লাখ ৫৬ হেনখ্রে (৫৬,৪৯,২৫১)। নাবা ফগৎখ্রবা কেসশিং অসি এক্তিব কেসশিংদগী হৌজিক শরুক ৮ হেনখ্রে। এক্তিব কেসশিং অসি লেপ্তনা হন্থরক্লি। হৌজিক্কি ওইনা এক্তিব কেস ৮,০৪,৫২৮ ওইদুনা লৈবাক অসিগী অপুনবা পোজিতিব কেসশিংগী ১০.৯২% খক্তমক ওইরি। নাবা ফগৎলকপগী মশিং য়ামখৎলকপা অসিনা লৈবাক অসিগী নাবা ফগৎলকপগী চাং মখা তানা হেনগৎহন্দুনা ৮৭.৫৬% য়ৌখ্রে। নৌনা নাবা ফগৎলকখ্রবা কেসশিং অসিগী ৭৮%দি রাজ্য/য়ু.তি. ১০দগী ওইখি। মহারাস্ত্র মথন্তনা নোংমদা ১৩,০০০ নাবা ফগৎতুনা খ্বাইদগী য়াম্বা ওইখ্রে। অনৌবা কেসকী ৭৯%দি রাজ্য অমসুং য়ু.তি. ১০দগী ওইখি। কেস ১০,০০০গী মথক্তা থেংনবগা লোয়ননা মহারাস্ত্রনা অনৌবা কেস মশিং য়াম্না রিপোর্ত তৌকপা রাজ্য ওইরি অমদি কেস ৮,০০০গা লোয়ননা কর্নাতকানা মতুং ইনখি। হৌখিবা পুং ২৪দা কেস ৮৯৫ শীখিবগী রিপোর্ত তৌরকখি। মসিগী মনুংদা ৮২%গী ময়াদি মহারাস্ত্র, কর্নাতকা, ৱেস্ত বেঙ্গল, তামিল নাদু, ছত্তিসগর, অন্ধ্র প্রদেশ, উত্তর প্রদেশ, পঞ্জাব, ওরিশা অমসুং দিল্লী রাজ্য/য়ু.তি. তরা অসিদগী ওইখি। নৌনা শীখিবা অসিগী ৩৭% হেনবদি মহারাস্ত্রদগী রিপোর্ত তৌরকখি (শীখিবা ৩৩৭)। রাজ্য/য়ু.তি. ১৩না মীশিং মিলিয়ন অমদা শীখিবগী মশিং অসি লৈবাক্কী ওইরিবা চাংচৎতগী তানা রিপোর্ত তৌরক্লি।

অকুপ্পা ৱারোলগীদমক:

কেন্দ্রনা কেরলা, কর্নাতকা, রাজস্থান, ছত্তিসগর অমসুং ৱেস্ত বেঙ্গলদা হায় লেবেল সেন্ত্রেল তিমশিং থাজিনখ্রে

হকশেল অমসুং য়াইফ-য়ুম্বাল মন্ত্রালয়না কেরেলা, কর্নাতকা, রাজস্থান, ছত্তিসগর অমসুং ৱেস্ত বেঙ্গলদা হায় লেবেল সেন্ত্রেল তিমশিং থাজিনখ্রে। হৌখিবা নুমিৎ খরা অসিদা রাজ্যশিং অসিদগী অনৌবা কোবিদ কেসশিংগী মশীং হেনগৎলকপগী রিপোর্ত তৌরক্লি। তিম অমমমদা জোইন্ত সেক্রেতরী অমা (রাজ্য মশাগী নোদেল ওফিসর), পব্লিক হেল্থকী হীরমশিং য়েংশিন্নবা পব্লিক হেল্থ এক্সপর্ত অমা, লাইনা অসিদগী ঙাকথোক্নবা খোঙথাংশিং অমসুং রাজ্যনা ঙাক্না চৎলিবা ক্লিনিকেল মেনেজমেন্ত প্রোতোকলশিং য়েংশিল্লিবা ক্লিনিসিয়ন অমা য়াওরি। তিম অসিনা লাকশিন্নবা, সর্ভিলেন্স চত্থবা, তেস্ত তৌবা, লাইনাদগী ঙাকথোক্নবা অমসুং পোজিতিব কেসশিংগী মপুং ফানা ক্লিনিকেল মেনেজমেন্ত তৌরিবা অসিগী মপাঙ্গল কনখৎহন্নবা হোৎনরিবা অসিদা মতেং পাংগনি। সেন্ত্রেল তিমশিং অসিনা মতম চানা দাইগনোসিস অমসুং ফোলো-অপ তৌবগা মরী লৈনবা খুদোংচাদবশিং মপুং ফানা য়েংশিনবদসু মতেং পাংগনি।

অকুপ্পা ৱারোলগীদমক:

এফ.এস.এস.এ.আই.না শিনবা ‘ৱার্ল্দ ফুদ দে’গী থৌরমদা দা. হর্শ বর্ধন্না ময়াই তাংবল লৌখ্রে

হকশেল অমসুং য়াইফ-য়ুম্বামগী কেন্দ্রগী মন্ত্রী দা. হর্শ বর্ধন্না ঙসি ‘ৱার্ল্দ ফুদ দে’গী থৌরমদা ময়াই তাংবল লৌখ্রে। হায়রিবা থৌরম অসি এফ.এস.এস.এ.আই.না শিনখিবনি। চহি অসিগী থিমদি গ্রো, নোরিশ, সস্তেন তুগেদর অসিনা ওইখি। দা. হর্শ বর্ধন্না হায়খি লায়চৎ অসিনা মরম ওইরগা মালেমদা অমুক্তা থোকখিদ্রিবা অৱাবা মায়োক্নবা অসিনা চীঞ্জাক, মচি ওইবা চীঞ্জাক, হকশেল, ইম্ম্যুনিতী অমসুং সস্তেনেবিলিতীদা নৌহৌনা মীৎয়েং চংলি। মহাক্না হায়খি, “এফ.এস.এস.এ.আই.গী ইৎ রাইৎ ইন্দিয়া মুফমেন্ত অসিনা মহৌশাগী সস্তেনেবল ওইবা মওং অমদা মীপুম খুদিংমক অফবা অমসুং হকচাং ফবা চীঞ্জাক চানবা পান্দম থম্লি। প্রজা পুম্নমক্তা অফবা অমসুং মচি ওইবা চীঞ্জাক শোইদনা ফংহন্নবা হোৎনবা অদুগী শরুক অমনি। মসিনা ফুদ সেফতীগী ইকোসিস্তেমশিং ফগৎহনগনি অমসুং ঐখোয়গী প্রজাশিংগী লুনানবা অমসুং হকচাং ফগৎপা হেনগৎহনগনি।” চহি অসিগী মরু ওইনা মীৎয়েং চংলিবা অসি ফুদ সপ্লাই চেন্দগী ত্রান্স ফেৎশিং লৌথোকপনি। পার্সিএলী হাইদ্রোজিনেতেদ বেজিতেবল ওইলশিং (পি.ঐচ.ভি.ও.শিং) (খুদম ওইনা বনস্পতি, শোর্তেনিং, মর্গারিন অসিনচিংবা), অহৌবা অমসুং অতাওবা চীঞ্জাকশিংদা য়াওরিবা ফুদ তোক্সিন অমা ওইরিবা ত্রান্স ফেৎ অসি ভারত্তা লৌনগন্দবা লাইনাশিং নাবা হেনগৎলক্লিবা অসিগী মরু ওইবা মরম অমা ওইরি। দা. হর্শ বর্ধন্না ফোঙদোকখি, “ত্রান্স ফেৎ অসি কার্দিওবাস্কুলর দিজিজশিং (সি.ভি.দি.)গী হৌরকফম ওইরি। সি.দি.ভি. থোকহল্লিবা মরম অসি লৌথোকখিবা অসি মরু ওইনা কোবিদ-১৯গী মতম অসিগা চান্নৈ মরমদি সি.দি.ভি. লৈবা মীওইশিংদা শীবা ফাওবা য়ানা খুদোংথিবা থোকহনবা য়াই।”

অকুপ্পা ৱারোলগীদমক:

দাঃ হর্শ বর্ধন্না প্রধান মন্ত্রীনা কোবিদকী মায়োক্তা জন আন্দোলন অমা শেমগৎনবা লাওরিবা খোল্লাগী পাউজেল অসি ইন্দিয়ন রেদ ক্রোস সোসাইতীগী মেম্বরশিংদা য়ৌহনখ্রে

হকশেল অমসুং য়াইফ য়ুম্বালগী কেন্দ্র মন্ত্রী দাঃ হর্শ বর্ধন্না মহাক্কী চেয়রমেন ওইবগী থৌদাংগা লোয়ননা ভিদিও কনফরেন্সিংগী খুত্থাংদা ইন্দিয়ন রেদ ক্রোস সোসাইতী অমসুং সেন্ত জোহন’স এম্ব্যুলেন্সকী চহিগী ওইবা মীফমদা শরুক য়াখ্রে। ভারতকী রাস্ত্রপতি অমসুং ইন্দিয়ন রেদ ক্রোস সাইসাইতী অমসুং সেন্ত জোহন এম্ব্যুলেন্স (ইন্দিয়া)গী প্রসিদেন্ত শ্রী রাম নাথ কোবিন্দজীদা মহাক্না আই.আর.সি.এস.তা লেপ্তনা শৌগৎপগীদমক থাগৎপা ফোঙদোক্লদুনা হায়খি, “আই.আর.সি.এস.তা অসিগুম্বা মখলগী ভর্চুএলগী খুথাংদা মীফম পাঙথোকপা অসি অহানবনি। অদুম ওইনমক ঐখোয় পুম্নমক্না খঙলিবগুম্না মসিগী চৎনবী অসি ঐখোয়গী পুন্সিগী ‘অনৌবা মহৌশা’নি। হৌজিক চৎলিবা কোবিদ-১৯গী লায়চৎ অসিনা ঐখোয় পুম্নমকপু অসিগুম্বা মওংদা হিংহল্লে”। আই.আর.সি.এস.না মীওই কয়াগী পুন্সি কনবা অমসুং মীয়ামগী কাঙলুপ অচৌবশিংগী পুন্সিবু নুংঙাইহনবগী চহি ১০০শুরকপা অসিদা মসিগী মেম্বরশিংবু থাগৎপা ফোঙদোক্লদুনা মহাক্না মেম্বরশিংদা থা তরা চঙশিল্লক্লবা লায়চৎ অসিগী মতাংদা পুক্নিং চীংশিনখি। মহাক্না মখা তাবা ওইনা অসুম্না হায়খি, “ লৈবাক খুদিংমক্না মসিগী চৈথেং অসি মাগী মাগী ওইবা মওংদা হন্থহন্নবা হোৎনরি। ভারতকী ওইনসু কেন্দ্র সরকারনা য়াম্না ঙন্না থবক পায়খৎপা হৌখি অমসুং মদুদগী হৌনা লায়চৎ অসিগী মপুং ওইবা চৈথেংবু হন্থহন্নবা হায়দুনা খোঙথাং কয়া অমা পায়খত্তুনা লাক্লি”।

অকুপ্পা ৱারোলগীদমক:

প্রধান মন্ত্রীনা এফ.এ.ও.গী ৭৫শুবা কুমওন পাঙথোক্নবা লুপা ৭৫গী নীংশিং শেনয়েক ফোঙখ্রে

প্রধান মন্ত্রী শ্রী নরেন্দ্র মোদীনা ভিদিও কনফরেন্সিংগী খুত্থাংদা এফ.এ.ও.গী ৭৫শুবা কুমওন পাঙথোক্নবা লুপা ৭৫গী নীংশিং শেনয়েক ফোঙখ্রে। হন্দক্তা পুত্থোকখিবা বাইওফোর্তিফাইদ ওইরবা মহৈ-মরোংশিংগী মখল ১৭পু মহাক্না লৈবাক্তা শিন্নখ্রে। থৌরম অসিদা ৱা ঙাংবদা প্রধান মন্ত্রীনা মচি ওইবা চিঞ্জাক ফংদবগী ফিভম অসিবু লোইশিন্নবা হোৎনদুনা লেপ্তনা থবক তৌরিবা মালেম শিনবা থুংবগী মীওইশিংবু থাগৎখ্রে। মহাক্না হায়খিবদা ঐখোয়গী লৌউবা মরুপশিং – ঐখোয়গী চিঞ্জাক পীরিবশিং, ঐখোয়গী লৌউ-শিংউবগী সাইন্তিস্তশিং, ঐখোয়গী অঙ্গনৱাদি আশাগী থৌমীশিং অসিনা মচি ওইবা চিঞ্জাক ফংদবগী মায়োক্তা চঙশিল্লিবা ইহৌ অসিগী য়ূম্ফম ওইরি। মখোয়গী থবক-কনবগী থৌওংশিং অসিনা ভারতকী চানবা চিঞ্জাক থমফমশিং অসিবু থন্না লৈহনবতা নত্তনা সরকারনা খ্বাইদগী লায়রবা মীওইশিংদা মসিবু য়ৌহনবদসু মখোয়না তেংবাংলি। মহাক্না মখা তানা হায়খিবদা মখোয়না হোৎনরিবশিং অসিগী মরম্না ভারতনা কোরোনাগী ইরাং মনুং অসিদা ফাওবা মচি ওইবা চিঞ্জাক ফংদবগী মায়োক্তা অকনবা মওংদা লান্থেংনবা ঙম্লিবনি হায়খি।

অকুপ্পা ৱারোলগীদমক:

ফুদ এন্দ এগ্রীকলচর ওর্গানাইজেসনগী চহি ৭৫ মপুং ফারকপা অসিগী থৌরম পাংথোক্নবা নিংশিং শেলয়েক ফোংবদা প্রধান মন্ত্রীনা থম্বিখিবা ৱারোল

অকুপ্পা ৱারোলগীদমক:

খ্বাইদগী ফবা অমসুং অনিসুবা খ্বাইদগী ফবা কমান্দ হোস্পিতালগী রক্সা মন্ত্রী ত্রোফী লান্থোকখ্রে

আর্ম্দ ফোর্স মেদিকেল সর্ভিসেস (এ.এফ.এম.এস.)কী ২০১৯গী ওইনা খ্বাইদগী ফবা অমদি অনিসুবা খ্বাইদগী ফবা অনা লায়েশঙগী রক্সা মন্ত্রী ত্রোফী ঙসি মফমসিদা ঙাকশেল মন্ত্রী, শ্রী রাজনাথ সিংহনা লান্থোকখ্রে‍। কমান্দ হোস্পিতাল (এয়র ফোর্স) বেঙ্গলুরুনা খ্বাইদগী ফবা অদুগা কমান্দ হোস্পিতাল (ইস্তর্ন কমান্দ) কোল্কতানা অনিসুবা খ্বাইদগী ফবা কমান্দ হোস্পিতাল ২০১৯গী ওইনা খনখি‍। থৌরমদুদা ৱা ঙাঙলদুনা দাইরেক্তর জেনেরেল আর্ম্দ ফোর্সেস মেদিকেল সর্ভিসেস লেফ্তনেন্ত জেনেরেল অনুপ বেনর্জীনা ওপরেসন মনুং অমদি ইংনা চীক্না লৈরিঙৈ মনুং অনিমক্তা লোয়ন-লোয়ননা হ্যুমেনিতরিয়ন সর্ভিস অমসুং অৱা অনা তারকপদা তেংবাং পীবগী মথৌ তারকপা খুদিংমক্তা শীংনবা খুদিংমক থেংননবা এ.এফ.এম.এস.না শেম শাদুনা লৈ হায়বা ৱাফম থমখি‍। মতম পুম্নমক্তা শিন্ফমসিদা খ্বাইদগী ফবা ফীভম ফংহন্নবা লেপ্লিবা এ.এফ.এম.এস.কী খোঙফম মহাক্না অমুক হন্না থমখি‍।

অকুপ্পা ৱারোলগীদমক :

কলচরেল মিনিস্ত্রীনা সেন্ত্রেল সেক্তর স্কীম ‘কালা সংস্কৃতী বিকাস য়োজানা’(কে.এস.ভি.ৱাই,)গী মখল কয়াগী স্কীমগী মচাক কয়াগী মখাদা ভর্চুএল/ওনলাইন মোদতা তৌগদবা কলচরেলগী থৌরমশিংগী চৎন-কাংলোন ফোংখ্রে

কোবিদকী লায়চৎ শন্দোরকপা অসিনা কালা অমসুং সংস্কৃতী সেক্তরগী থৌরমশিং হায়বদি ইনপর্সন একজিবিসন, ইবেন্তস অমসুং পর্ফোমেন্সশিং অসি তোকপা নত্ত্রগা য়ৈথোকপা তৌবনা য়াম্না অকাইবা ফংলি। অদুম ওইনমক কালাকারশিং অমসুং কলচরেল মিনিস্ত্রীগী ইন্সতিত্যুৎশিংনা য়াম্না কন্না থৱায় য়াওনা হোৎনদুনা দিজিতেল ফমবাক্তা অতোপ্পা উপাই অমা শিজিন্নদুনা মতিক চাবা চে-চাংগা লোইননা হোৎনরি। কলচরগী মিনিস্ত্রী (পর্ফোমিং আর্তস ব্যুরিও) না স্কীম কয়া অমা‘কালা সংস্কৃতী বিকাস য়োজানা’গী মখাদা ফংহল্লি, হায়রিবা অসিদা থৌরম কয়া অমা য়াম্লবা ভাবোক্কীদমক গ্রান্তশিং অসি কাইথবা/অয়াবা পীরি। মরক অসিদা ভাবোক য়ামদবগীদমক্তদি হন্দক্তা অয়াবা পীখ্রে, ফিবম অসি য়েংলগা কলচর মিনিস্ত্রীনা মখাগী চৎন-কাংলোন অসি হান্ননা ভর্চুএল মোদ থৌরম পাংথোক্নবা ‘কালা সংস্কৃতী বিকাস য়োজানা’(কে.এস.ভি.ৱাই.)গী মখাদা মখল কয়াগী স্কীম ফংখ্রবা কালাকার/ওর্গানাইজেসনশিংগী মতেং ওইনবা শেমখিবনি।মখোয়না স্কীম অসিগী মখাদা হান্নগুম্না স্তেজদা মশা য়াওনা থৌরম পাংথোকত্রবসু মখোয়না হৌজিক ওইরিবা ফিবম অসি য়েংলগা শেলগী ওইবা মতেং ফংহনগনি।

অকুপ্পা ৱারোলগীদমক :

পি.আই.বি. ফিল্দ ওফিসশিংদগী ফংবা পাউ

•           পঞ্জাব: সর্পঞ্চশিংদা মখোয়গী খুঙ্গংগী মকোক ওইনা মথৌ নিংথিনা তৌনবা খংহল্লদুনা  মুখ্য মন্ত্রীনা হকশেলগী ফীভম চেকশিন্না য়েংশিন্নবা অমসুং কোবিদকী লাইওংশিং উৎলকপা মীওইশিং তেস্ত তৌনবা পুক্নিং থৌগৎনবা খংহনখ্রে।

•          হরিয়ানা: লাক্কদৌরিবা কুমহৈগী পন্থা অসি য়েংলগা হরিবানাগী চীফ সেক্রেতরীনা মরী লৈনবা ওফিসরশিংদা মীওইশিং চত্থোক চৎশিনগা মরী লৈননা অমসুং দুকানশিংদা মী চিনবা য়াবগী ওইথোকপা লৈবনা স্তেন্দর্দ ওপরেতিং প্রোসিদ্যুর (এস.ও.পি.) অথুবা মতমদা থোক্নবা য়াথং পীখ্রে। 

•          হিমাচল প্রদেশ: ইন্দিয়ন রেদ ক্রোস সোসাইতী অমসুং সেন্ত জোন এম্বুলেন্স (ইন্দিয়া)গী চহিগী অপুনবা মীফমদা ৱা ঙাংলদুনা রেদ ক্রোস সোসাইতীগী প্রসিদেন্ত ওইরিবা গবনর শ্রী বন্দারু দত্তত্রেয়না হায় হিমাচল প্রদেশকী স্তেৎ রেদ ক্রোস সোসিতীনা কোরোনা লায়চৎ অসিগী মনুংদা শিংথানীংঙাই ওইবা থৌদাংশিং লৌখি অমসুং লাইরবা অমসুং তোল্ল-তারবশিং মতেং পাংনবা মাংজিল থানা থোরকখি।

•          অরুনাচল প্রদেশ: ঙসিকোবিদ-১৯না মরম ওইরগা মীওই অমসু অরুনাচল প্রদেশতা লৈখিদবা লোয়ননা লৈখিদবগী মশিং ৩০ শুখ্রে। মরক অসিদা হৌখিবা পুং ২৪ অসিআ রাজ্য অসিদা মীওই ২০৩ পোজিতিব ওইবা থেংনখি অমসুং অনাবা মীওই ১৯৫না ভাইরস অসিদগী ফগৎলকপা থেংনখি। অরুনাচল প্রদেশকী চিম্ফুদা লৈবা ফমুং ৪২ লৈবা দেদিকেতেদ কোবিদ-১৯ হোস্পিতাল (দি.সি.ঐচ.) অসি ফমুং ১৫২ লৈবা হোস্পিতালদা অপগ্রেদ তৌখ্রে।

•          অসাম: অসামগী হকশেল মন্ত্রী হিমন্ত বিস্বা সর্মনা ঙরাং অনাবা মীওই ১,২৬৩ দিসচার্জ তৌখ্রে হায়না ত্বীৎ তৌখি। দিসচার্জ তৌখিবা অনাবগী মশিংনা এক্তিব ওইরিবা অনাবদগী শরুক ৬ হেনখ্রে। অপুনবা দিসচার্জ তৌখিবা অনাবা মীওইনা ৮৫.০৯% অমসুং এক্তিব ওইরিবা অনাবা মীওইনা ১৪.৪৭%নি। 

•          মনিপুর: মফম মফমগী লোকদাউনগী মেপ্পিং হৌখ্রে; মনিপুরদা কোবিদ-১৯না মীওই অমসু লৈখিদ্রে।

•          মেঘালয়: মেঘালয়দা কোবিদ-১৯ এক্তিব ওইরিবা অপুনবা কেস অসি ২৪৪৫নি, অপুনবা বি.এস.এফ. অমসুং আর্মদ ফোর্সেসনা ১১৭নি অতোপ্পনা ২,৩২৮নি অমসুং অপুনবা ফগৎখ্রবনা ৫,৬৪৬নি।

•          মিজোরাম: ঙরাং মিজোরামদা কোবিদ-১৯ কেস মাপল অমসুং কনফর্ম তৌখ্রে। অপুনবা কেস ২,২২৯নি, এক্তিব কেসনা ১০৮নি।

•          নাগালেন্দ: নাগালেন্দগী অপুনবা কোবিদ পোজিতিব ওইবা মশিং ৭,৪৯২গী মনুংদা ৩,৩৯৫না সিক্যুরিতী পর্সনেলশিংনি, ২,১৩৪না কন্তেক তৌরুবশিংনি, ১,৫৮৬না মপান্দগী হল্লকপশিংনি অমসুং ৩৭৭না ফ্রন্তলাইন ৱার্করশিংনি। 

•          সিক্কীম: অনোয়া কেস ৪১গা লোয়ননা সিক্কীমগী কোবিদ-১৯গী অপুনবা মশিং ৩৫০০ শুখ্রে; এক্তিব কেসনা ৩১২নি।

•          কেরেলা: থা ৬কী শাংলবা মতমগী মতুংদা মমিং লৈরবা লোর্দ অয়াপ্পা তেম্পলদা হয়েংদগী হৌরগা লাইনিংবশিংনা চংবা য়ারগনি। মরক অসিদা ঙসি মীওই মরী অমগা লৈখিদবগী রিপোর্ত তৌরদুনা রাজ্য অসিদা কোবিদনা লৈখিদবা অপুনবা মশিং ১০৯৩ শুখ্রে। রাজ্য অসিদা ঙরাং অনৌবা কোবিদ-১৯ কেস ৭,৭৮৯ রিপোর্ত তৌখি। হৌজিক ফাওবদা অনাবা মীওই ৯৪,৫১৭ লায়েং চত্থরি অমসুং রাজ্য পুম্বদা মীওই লাখ ২.৪৯না ওবজর্বেসন তৌরি।   

•          তামিল নাদু: কোবিদকী মনুংদা ফৌ তোন লাখ ১২গী মথক্তা লৈশিখ্রে হায়না চীঞ্জাক্কী মন্ত্রী আর. কমরাজনা ফোঙদোকখ্রে। মন্ত্রীনা হায় মসিগী লায়চৎ অসিগী মনুংদা পুন্না তোন লাখ ১২.৭৭ লৈশিনবা অসি খ্বাইদগী য়াম্না লৈশিনবনি অমসুং লৌমীশিংদা লুপা করোর ২,৪১৬.০৫ ফংহনখ্রে।   মদুরাইদা কোইদ-১৯আ মরম ওইরগা লৈখিদবা ৪০০ হেনখ্রে; তামিল নাদু অআনবা কোবিদনা লৈখিদবা অদু জিলা অসিদা মার্চ ২৫দা রিপোর্ত তৌখি।

•          কর্নাতকা: আর.তি.-পি.সি.আর.গী নেগেতিব কেস খরদা কোবিদ-১৯গী লাইওং উৎলকপা থেংনবনা রাজ্য অসিগী হকশেল বিভাগনা সরকার অমদি লনাই হোস্পিতালশিংদা অসিগুম্বা কেসশিং অসি লায়েংবদা সিন্দ্রোমিক এপ্রোচ অমা চেকশিন্না লৌখৎনবা খঙহনখ্রে। হরাও-কম্মৈগী পন্থা লাকপগা ইরোইননা কোদাগু, মাইশুর অমসুং মন্গী দ্যালমকোয়বাশিংনা লাকপা মফমশিং অসি লাইনা শন্দোকপা লাকশিন্নবা থিংজিনখ্রে।

•          অন্ধ্র প্রদেশ: রাজ্যনা কোবিদ-১৯ লায়চৎনা মরম ওইরগা মাংখিবং ৱার্কিং দেশিং অদু ফুকৎনবা স্কুলগী ছুতিশিং ককথনবা ৱারেপ লৌখ্রে। রাজ্য সরকার অসিনা নবেম্বর ২দগী অমুক হন্না হাংনবা ৱারেপ লৌখ্রে অমদি এজুকেসন ওফিসিএলশিংনা চৎলিবা চহি অসিগী কেলেন্দে অমা শেম্নবা থবক চত্থরি মরমদি ৱার্কিং দেশিং অসি থা মঙারোম মাংখ্রে। কোবিদ-১৯গী তেলী অসি শগোলশেল নুমিৎতা কেস ৪,০০০হেন্না হেগৎতুনা অপুনবা মশিং লাখ ৭.৭১ হেনখ্রে। অদুবু ফগৎখিবা ৫,৬২২গা লোয়ননা এক্তিব কেসশিং ৪০,০৪৭দা হন্থখ্রে।

•          তেলঙ্গনা : অনৌবা কেস ১৫৫৪, ফগৎলকপা ১৪৩৫ অমসুং শীখিবা ৭ হৌখিবা পুং ২৪ অসিদা রিপোর্ত তৌরকখি; কেস ১৫৫৪ অসিগী মনুংদা কেস ২৪৭দি জি.এম.ঐচ.সি.দগী রিপোর্ত তৌরকখি। অপুনবা কেস: ২,১৯,২২৪; এক্তিব কেস: ২৩,৩১৫; শীখিবা: ১২৫৬; দিসচার্জ তৌখিবা: ১,৯৪,৬৫৩। এফ.আই.সি.সি.আই., এ.এস.সি.আই. অমসুং এফ.তি.সি.সি.আই.না দিপেলপ তৌবা কোবিদ-১৯ পর্ফোর্মেন্স ইন্দেক্স অসিগী মতুং ইন্না খা থংবা রাজ্য মঙাগী মনুংদা তেলঙ্গনা সরকারনা খ্বাইদগী মাই পাক্না লাকশিল্লি।

******