কেন্দ্রগী মন্ত্রী মন্দলদা লৈবিরিবা ঐহাক্কী খোংবুরোই শ্রীমান নরেন্দ্র সিংহ তোমারজী, শ্রীমতী স্মৃতি ইরানীজী, পুরুষোত্তম রুপালাজী, কৈলাশ চৌধরীজী, শ্রীমতী দেবাশ্রী চৌধরীজী, ফুদ অমসুং এগ্রীকলচর ওর্গানাইজেসনগী মীহুশিং, অতৈ খং-হৈরবশিং অমদি ঐহাক্কী নুংশিরবা ইচিল-ইনাওশিং খুদিংমকপু ৱর্ল্দ ফুদ দেসিদা য়াইফ পাউজেল পীজরি। মচি ওইবা চিঞ্জাক চাবা ৱাৎপসি লৈহন্দনবা মালেমপুম্বদা লেপ্তনা হোৎনরিবশিংগী মফমদা নুংঙাইবা ফোংদোকচরি।

ঐখোয়গী ভারতকী লৌমী মরূপশিংসি ঐখোয়গী চিঞ্জাক ফংহনবিরিবা, এগ্রো-সাইন্তিস্ত, আঙ্গনবাদী-আশাগী থৌমীনা মচি ৱাৎপা চিঞ্জাক চাবগী মায়োক্তা খোংজং চংশিন্নবগী ঐখোয়গী অকনবা লানবন অমনি, অকনবা য়ুম্ফম্নি। মখোয়শিংসিগী হোৎনজমলসিনা ভারতকী চিঞ্জাক্কী গোদাউন থন্না লৈরিবশিংসি লাপ্না লৈরিবা লাইরবশিংদা য়ৌহন্নবা সরকারগী মতেংসু পাংলি।  হোৎনরিবা থবকশিং অসিমক্না ভারতনা কোরোনাগী লুরবা তানফমসিদসু মচি ওইবা চিঞ্জাক চাবা ৱাৎপগী মায়োক্তা কন্না লান্থেংনরি।

মরূপশিং, ঙসি অসি ফুদ এন্দ এগ্রীকলচর ওর্গানাইজেসনগী ওইনা য়াম্না অথোইবা নুমিৎনি। ঙসি মসিগী মরুওইবা ওর্গানাইজেসনসি চহি ৭৫ মপুং ফারে। চহিশিংসিদা মসিগী ওর্গানাইজেসনসিনা ভারত য়াওনা মালেমপুম্বদা এফ.এ.ও.না লৌউবগী পোত্থোক পুথোকপা হেনগৎহন্নবা তৌবদা, চরা হেনবা কোকহন্নবা অমদি মচি ওইবা হেনগৎহনবদা অচৌবা থৌদাং লৌরি। ঙসিগী লুপা ৭৫গী অথোইবা শেলয়েক অসি চৎনহনখিবসিনা বিষ্ণুগী মায়কৈদগী ভারতকী মীওই করোর ১৩০দগী হেনবনা  অদোমগী থৌগল অদু ইকাই খুম্নবিবগা মান্নরে। এফ.এ.ও.গী ৱর্ল্দ ফুদ প্রোগ্রামসিনা হন্দক চহিসিদা নোভেল পীছ প্রাইজ ফংখিবসি য়াম্না চাউনা মায় পাকপা পুরকপা অমনি। মসিদসু ঐখোয়গী তেংবাংনবা অমদি ঐখোয়না শম্নবগী পুৱারী লৈবসিদা  ভারতনা নুংঙাই। দা. বিনয় রঞ্জন সেন্না এফ.এ.ও.গী দাইরেক্তর জেনরেল ওইখিবা মতমদা মহাক্কী লমজিংখাখক্তদা ৱর্ল্দ ফুদ প্রোগ্রাম অসি হৌদোকখিবনি হায়বসি ঐখোয় পুম্বনা খংনরবা ৱাফম্নি।  দা. সেন্না চাক্তাংবা অমদি চারা হেনবগী অৱাবা অসি য়াম্না নকশিন্না খংখি। থৌশিল-থৌরম শেম্বা ওইরবা মতুংদা মহাক্না পাক-চাউনা থবক তৌখিবা অদু ঙসিসু মালেমপুম্বদা কান্নরক্লি। মহাক্না হনখিবা মরু অদুনা ঙসি মদুগী খোংচৎ অদুনা নোভেল পীছ প্রাইজফাওবা য়ৌখ্রে।   

মরূপশিং, এফ.ও.এ.না হৌখিবা চহি কয়াদা মচি ওইবা চিঞ্জাক চাবা ৱাৎপগী মায়োক্তা  ভারতনা লান্থেংনখিবা অদুসু য়াম্না নক্না উখি।  লৈবাক অসিগী তোঙান-তোঙানবা থাক্তা, বিভাগ খরনা হোৎনবা হৌখি, অদুবু মখোয়গী দাইমেন্সন অদু অকক্নবা ওইখিবা নত্রগা মচেৎ-মচেৎ চোইনা তাখি। চহি নৌনা মীরোনবা, মহৈ-মশিং ৱাৎপা, ই-পাও ৱাৎপা, অশেংবা ঈশিং মতিক চানা ফংবগী খুদোংচাবা লৈতবা, লু-নান্দবনচিংবা মরম কয়াশিংসিনা ঐখোয়না খল্লুবা মহৈ অদু মচি ওইবা চিঞ্জাক চাবা ৱাৎপগী মায়োক্তা লান্থেংনবদা ফংগদবা অদুগুম ফংবা ঙম্লমখিদে। ঐহাক্না গুজরাতকী মুখ্য মন্ত্রী ওইরিঙৈদা মসিগী অশেংবা ৱাফমশিং অসি য়েংলগা মফমদুদা স্কীম কয়া অমদা থবক তৌবা হৌখি। লুরিবদি কদাইদনো, রিজল্তশিং করিগী ফংদ্রিবনো অমদি রিজল্তশিং অসি মতৌ করম্না ফংগদগে হায়বগী মতাংদা য়াম্না শাংনা গুজরাত্তা খংবা-উবা ঙমখি। খং-হৈখিবশিং অদুনা ইং কুমদা ২০১৪দা লৈবাক অসিগী থৌগল তৌনবগী তাঞ্জা ফংজখিবদা ঐহাক্না অনৌবা মওংদা থবক কয়া তৌবা হৌখি। 

ঐখোয় ইন্তিগ্রেতেদ এপ্রোচতা মাংজিল থানা চংশিনসি, হোলিস্তিক এপ্রোচতা চংশিনসি। সিলোস কয়াসি লৈহন্দনা ঐখোয় মল্তী-দাইমেন্সনেলগী লাল্লোংদা থবক পায়খৎলি। মায়কৈ অমদা নেস্নেল ন্যুত্রিসন মিশন হৌদোকখি অদুগা মায়কৈ অমদা মচি ওইবা চিঞ্জাক চাবা ৱাৎপগী ফেক্তর খুদিংদা থবক তৌখি।  য়াম্না অচৌবা থাক্তা ইমুং অমদি খুন্নাইগী মচৎ-মওং হোংহন্নবসু থবক তৌখি। স্বচ্ছ ভারত মিশনগী মখাদা ভারত্তা অমাংশঙ করোর ১১দগী হেন্না শাখি। অরাপ্পা মফমশিংদা অমাংশঙ শাবদগী লু নাল্লকপদগী দাইরিয়াগুম্বা লায়না কয়া হন্থনা উখি।  মতৌ অসিগুম্না মিশন ইন্দ্রধনুষকী মখাদা মীরোল্লিবা মমা ওইবিশিং অমদি অঙাংশিংবু তীকা কাপ্নবগী দাইমেন্সন অদু য়াংনা হেনগৎহনখি। মসিনা ভারত অসিমক্তদা শেমখিবা রোতাভাইরসকুম্বা তীকাসু হাপচিনখ্রে।  মীরোল্লিঙৈগী মতম অমদি অঙাং পোক্ত্রিঙৈগী মমাং নুমিৎ ১০০০ অসিগী খল্লগা মমা অমদি অঙাং অনিমক মচি ওইবা চিঞ্জাক অমদি চেকশিন্না থম্বিনবগীদমক্তা অচৌবা কেম্পেন অমা হৌদোকখি। জল জীবন মিশনগী মখাদা খুঙ্গংগী য়ুম খুদিংদা পাইপনা থক্নবা ঈশিং য়ৌহন্নবগীদমক্তা য়াংনা থবক চত্থরি।

ঙসি লৈবাক অসিগী লাইরবা ইচে-ইচল, ইচাশিংদা লুপা ১ পীবা সেনিতেসন পেদশিং ফংহন্বা তৌরি। হোৎনরিবশিং অসিনা লৈবাক অসিদা অহানবা ওইনা মহৈ তম্নবগীদমক্তা ইচানুপীশিংদা গ্রেস এনরোলমেন্ত রেসিও অসি ইতচানুপাশিংদগী ইচানুপীশিংনা হেনখ্রে। ইচানুপীশিংগী লুহোংবা য়াবগী মতিক চাবা চহি অসি করিনো হায়বা লেপ্নবগীসু মরুওইবা ৱা খন্নরি।  ঐঙোন্দা ৱারেপসি থুনা লৌনবা, কম্মিতীগী রিপোর্ত অসি হৌজিকফাওবা করিগী লাক্ত্রিবনো হায়বগী মায়কৈ খুদিংদগী অসিগুম্বা মিৎকুপ-নাহুম শিংবা ইচানুপীশিংগী চিঠিশিংসু লাকই। ঐহাক্না অদুগুম্লবা ইচানুপীশিংদুদা য়াম্না থুনা রিপোর্ত লাকপগা সরকারনা থবক পায়খৎকনি হায়বগী থাজবা পীজরি।

মরূপশিং, মচি ওইবা চিঞ্জাক চাবা ৱাৎপসি লৈহন্দনবা মরুওইবা মায়কৈদা থবক অমমুক পায়খৎলি।  হৌজিক লৈবাকসিদা অসিগুম্বা মহৈ-মরোংশিংসি হেনগৎহন্নবা তৌরিবসিদা মচি ওইবা পোৎলম-প্রোতিন, আইরন, জিঙ্কনচিংবা হেন্না য়াওই।  মরু অচৌবা চনানগুম্বা রাগী, জ্বার, বাজরা, কোদো,ঝাঙ্গোরা, বার্রী, কোতকীগুম্বা মহৈ-মরোংশিং হেন্না থোকহন্নবা, মীশিংনা মশাগী চাক্লেন্দা হাপ্নবা কন্না হোৎনরি। ঐহাক্না ঙসি ইং ২০২৩বু ইন্তর্নেস্নেল ইয়র ওফ মিলেত্স হায়না লাউথোক্নবগীদমক্তা ভারতনা পুখৎখিবা ৱাফমসি মপুং ওইনা শৌগৎপীবগীদমক্তা ঐহাক্না ঙসি এফ.এ.ও.বু থোইদোক্না থাগৎচরি।

মরূপশিং, ভারতনা ইন্তর্নেস্নেল য়োগা নুমিৎকী ৱাফম থাঙ্গৎখিবা মতমদা মদুগী মরুমদা পুম্নমক্কী য়াইফনবা-পুম্নমক্কী নুংঙাইনবগী ৱাখল্লোন অসি লৈখি।  জিরো বজ্জেত্তা হোলিস্তিক ৱেলনেসকী লাইশোন অসি ভারতনা মালেমপুম্বগী লৈবাকশিংদা য়ৌহনবা পামখি।  ইং কুমজা ২০২৩গী ওইনা ইন্তর্নেস্নেল ইয়র ওফ মিলেত্স লাউথোক্নবগী পুখৎখিবা ৱাফমসিগী মরুমদা ঐখোয়গী থম্মোইনুংদা অসিগুম্বা ৱাখল্লোন অসি লৈখি।

মসিনা ভারত্তা নত্তনা মালেমপুম্বদা চাউনা কান্নহল্লগনি। অমনা মচি ওইবা চিঞ্জাকপু পুক্নিং থৌগৎকনি, মখোয়সি ফংবা হেনগৎলগনি। অতোপ্পা অমনা ইথৈ-লৌখোং শেম্নবগী পাম্বৈ লৈজদবা, নোংগী মখা পোনবা অসিগুম্বা পীক্না লৌ উবা লৌমীশিংগী লৈজবা লম খরখক্তুদগী য়াম্না কান্নরগনি।  মসিগী পীক্না অমদি ময়াই ওইরপ্না লৌ উবা লৌমীনা অয়াম্বনা মশাগী লমদা অপৌবা মরুশিং থাই। ঈশিং ৱাবা মফমদা পোত্থোক নিংথিনা লোক্তে, মফমশিংদুদসু অচৌবা মহৈ-মরোং লোকপনা লৌমীশিংদা য়াম্না মতেং ওই।  হায়বদি ইন্তর্নেস্নেল ইয়র ওফ মিলেৎসিগী ৱাফম পুখৎপা অসি মচি ওইবা চিঞ্জাক য়াবা অমদি পীক্না লৌ উবা লৌমীশিংগী চাগা অনিমক অসিগা মরি লৈনৈ। 

মরূপশিং, ভারত্তা পোষন অভিয়ানসি হেন্না কনখৎহল্লগদবা মরুওইবা থৌরাং অমা ঙসি পায়খৎখ্রে।  ঙসি গেহু অমসুং ফৌ য়াওনা মহৈ-মরোং কয়া অমগী মরু মখল ১৭ লৈবাকসিগী লৌমীশিংদা ফংহল্লগনি। । ঐখোয়গীসিদা তোইনা ঐখোয়না মহৈ-মরোংশিংগী মান্নবা মখল অসিদা মচি ওইবা পোৎলম নত্রগা মাইক্রো-ন্যুত্রিএন্তকী অৱাৎপা লৈ। মসিগী মহৈ-মরোংশিং অসিগী অফবা মখল, বাইও-ফোর্তিফাই তৌরবা মখল, মসিগী অৱাৎপশিং অসি লৈহন্দনবা চে-হৱাই অসি মচি ওইবা হেনগৎহল্লি। হৌখিবা চহি খরসিদা লৈবাক অসিদা অসিগুম্বা মখলশিং অমদি মরুশিং অসিদা শিংথানিংঙাই ওইবা রিসর্চ কয়া তৌখ্রে অমদি ঐহাক্না মসিগীদমক্তা এগ্রীকলচর য়ুনিভর্সিতীশিং, সাইন্স, এগ্রীকলচরেল সাইন্সশিং অসিগীদমক্তা মখোয়গী মফমদা য়াম্না নুংঙাইবা ফোংদোকচরি। ২০১৪গী মমাংদা শুপ্নতগী মখল অমখক্তমক লৌমীশিংদা ফংহনখিবা অদু ঙসি তোঙান-তোঙানবা মহৈ-মরোংশিংগী বাইও ফোর্তিফাই তৌরবা মখল ৭০ লৌমীশিংদা ফংহল্লি। মসিদা বাইও ফোর্তিফাই তৌরবা মখলশিং, ইরমগী অমদি পারি-পুরিগী ওইবা মহৈ-মরোংশিংগী মতেংদগী শেমগৎখ্রে হায়বসিদা ঐহাক নুংঙাই।  

মরূপশিং, হৌখিবা থা খরসিদা লৈবাকপুম্বনা কোরোনাগী তানফমসিদা চারা হেনবা- মচি ওইবা চিঞ্জাক চাবা ৱাৎপগী ৱা কয়া খন্নখি। য়াম্না খং-হৈরবশিংনা করি থোক্লগদবা, করম্বা মওংদা থোক্লগদবা হায়বগী অৱাবা ফোংদোক্নরক্লি। ৱানরিঙৈসিদা ভারতনা হৌখিবা থা ৭-৮সিদা চাউরাক্না লাইরবা করোর ৮০মুক্তা লেম্না চেং ফংহল্লি। মতাংসিদা ভারতনা চাউরাক্না লুপা করোর লাখ অমা-মখাইমুক্কী চানবা পোৎলমশিং লাইরবশিংদা লেম্না য়েনখি। অদুগা কেম্পেন অসি হৌদোক্নবা তৌখিবা মতমদা চেং নত্রগা গেহুগা কোন্ননা হৱাই অসিসু লেম্না ফংহন্নবা তৌখি।

লাইরবশিংগী মফমদা, ফুদ সেক্যুরিতীগী মফমদা ভারতকী অচেৎপা ৱাফম্নি। ইন্তর্নেস্নেল ওইবা মফমদসু মসিগী মতাংদা তানা খন্নৈ অদুবু ঙসি লেম্না চানবা পোৎলমশিং পীরিবা ভারতকী নাগরিকশিংগী মশিং অসি য়ুরোপিয়ন য়ুনিয়ন অমদি অমেরিকাপুম্বগী অপুনবা মী মশিংদগীসু হেল্লি।  অদুবু কয়ারক হন্না ঐখোয়গী পুন্সি অসিদা অচৌবা ত্রেদ অমা চত্থহৌই। ফুদ সেক্যুরিতীগী ওইনা ভারতনা তৌরিবা অসিগী মতাংদসু অসিগুম্বা খরা থোকখি।  ঐহাক্কী ৱাহং খরা লৈ, মসিদা ঐখোয়গী ইন্তর্নেস্নেল এক্সপর্তশিং অসিনা ভারত অসি মসিগী মায়কৈরোমদা করি ফংবা ঙম্লবগে হায়বা মখোয়না ফাওরমগনি। ইং কুমজা ২০১৪ ফাওবদা শুপ্নতগী রাজ্য ১১দা ফুদ সেক্যুরিতী এক্ত অসি চৎনখিবা অদুগী মতুংদা লৈবাক পুম্বদা য়াম্না নিংথিনা মসি চৎনবা ঙমখ্রে হায়বসি অদোম ময়াম খংবিরব্রা?

কোরোনাগী মরম্না মালেমপুম্বনা লান্থেংনরি, মসিদা ভারতকী লৌমীশিংনা হন্দক হৌখিবা চহিদা পোত্থোক পুথোকখিবগী রেকোর্দসু থুগাইখ্রে হায়বসি অদোম খংবিরব্রা? সরকারনা গেহু, চেং-ফৌ অমদি হৱাইশিংগী মখল খুদিংগী চানবা পোৎলম লৈনবা অরিবা রেকোর্দ থুগাইখ্রে হায়বা অদোম খংবিরব্রা?  হৌখিবা থা ৬সিগী মতমসিগা য়েংনবদা ইসেন্সিএল এগ্রীকলচরেল কোমোদিতীশিংগী এক্সপোর্ত অসি চাদা ৪০ হেন্না হেনগৎখ্রে হায়বা অদোম খংবিরব্রা? লৈবাক অসি রাজ্য অমদি য়ুনিয়ন তেরিতোরী ২৮দা ফুদ সেক্যুরিতী অসি নিংথিনা লেপথোক্নবা ‘ৱান নেসন ৱান রাসন কার্দ’কী সিস্তেমসু চৎহনখ্রে হায়বা অদোম খংবিরব্রা?

মরূপশিং, ঙসি ভারত্তা লেপ্তনা অনৌবা মওংদা শেমদোকপশিংসিদগী গ্লোবেল ফুদ সেক্যুরিতীগী মফমদা ভারতকী অচেৎপা ৱাফম অদু উহল্লি।  লৌ উবা অমদি লৌমী অসি হেন্না মপাঙ্গল হেনগৎহন্নবা ভারতকী পব্লিক দিস্ত্রিব্যুসন সিস্তেমফাওবদা মথং-মথং ফগৎহল্লি। হন্দক্তা অচৌবা এগ্রীকলচরেল রিফোর্ম তৌখিবা অদুদা লৈবাক অদুগী এগ্রীকলচরেল সেক্তর অসি পাকথোক-চাউথোকহন্নবা, লৌমীশিংগী চাগা হেনগৎহন্নবা য়াম্না মরুওইবা থৌরাং পায়খৎখ্রে।

মরূপশিং, ঐখোয়গীসিদা এ.পি.এম.সিকী সিস্তেম অসি চহি কয়াদগী চৎনরক্লি, মসিদগী মশাগী ওইবা শক্তম অমা লৈরে, মখোয়গী ওইবা মপাঙ্গল অমা লৈরে। হৌখিবা চহি ৬সিদা লৈবাক অসিগী লৌউ-শিংউগী মন্দিশিং অসিদা হেন্না ফবা ইনফ্রাস্তরকচর শেমগৎনবা লুপা করোর লিশিং অনি মখাইদগী হেন্না ইনভেস্ত তৌখ্রে। মন্দিশিং অসিদা আই.তি. ইনফ্রাস্ত্রকচর শেমগৎনবগীদমক্তা লুপা করোর কয়া অমা চাদিং তৌখ্রে। মন্দিশিং অসি ই-নাম হায়বদি নেস্নেল এগ্রীকলচরেল মার্কেৎকসু শম্নহল্লগনি। এ.পি.এম.সি.গী ৱায়েল-পথাপ অসি শেমদোকখ্রে, মসিগী পান্দম অসি মসিগী এ.এপি.এম.সি. অসি হেন্না হিদান্ননিংঙাই ওইহনবনি। লৌমীশিংনা চংবা শেল অদু শরুক অমগা-মখাই হেনবা মমলগী এম.এস.পি. ওইনা ফংনবা থৌরাং কয়া পায়খৎখ্রে।

মরূপশিং, এম.এস.পি. অমসুং সরকারনা পোৎ লৈবা অসি লৈবাকসিগী ফুদ সক্যুরিতীগী মরুওইবা শরুক্নি।

মসিগীদমক্তা সাইন্তিফিক ওইনা ফর-ফরবা সিস্তেমশিংগা লোয়ননা ফর-ফরবা থবকশিং য়েংশিন-খোৎচিনবসু লৈনবা অমদি মখা তানা লৈহনবা হায়বসি য়াম্না মথৌ তাই অমদি ঐখোয়না মসিগীদমক্তা চপ য়ুংনা লেপ্লি। অনৌবা ওপ্সনশিংদগী লৈবাক অসিগী পীক্না লৌ উবা লৌমীশিংনা মন্দিফাওবা য়ৌবা ঙমদবনা নম্ফুদা মরক্তা হাইবা মীশিংদা মশাগী পোত্থোকশিং য়োনখিবা অদু হৌজিক কৈথেল অদু মশানা লীক্না লৌ উবা লৌমীশিংগী থোংজিলদা লাক্লগনি হায়বসি শোইদ্রবনি। মসিনা লৌমীনা হেন্না মমল য়াম্না য়োনবদা নত্তনা মরক্তা লৈবা মীশিং অদু লৈতবদগী লৌমীশিং নান্থোরক্লগনি অমদি চুম্না পোৎ লৈবশিংনসু, অচম্বা কঞ্জুমরশিংনসু কান্নরগনি।  মসিদা নত্তনা ঐখোয়গী নহা ওইরিবশিংসু, এগ্রো-স্তার্তঅপশিংগী মওংদা লৌমীশিংগীদমক্তা অনৌবা সিস্তেমশিং শেম্বা ঙম্নবা অনৌবা লম্বিশিং হাংদোক্লগনি।

মরূপশিং, পীক্না লৌ উবা লৌমীশিং মপাঙ্গল হেনগৎহন্নবগীদমক্তা ফার্মর প্রদ্যুসর ওর্গানাইজেসনশিং হায়বদি লৈবাকসিদা এফ.পি.ও.শিংগী অচৌবা নেতৱর্ক অমা শেমগৎনবা তৌরি। লৈবাক অসিদা ফার্মর্স প্রদ্যুসর ওর্গানাইজেসন লিশিং ১০না য়াংনা থবক পাংথোক্লি। পীক্না লৌ উবা লৌমীশিংগী মায়কৈদগী ওর্গানাইজেসনসু মার্কেৎকা লোয়ননা মমল ঙাংনবা য়ারগনি। মসিগী এফ.পি.ও.শিং অসি পীক্না লৌ উবা লৌমীশিংগী পুন্সি অসি হোংহনগদৌরিবা অসিগুম্না শঙ্গোম অমদি চীনীগী লমদা কো-ওপরেতিব মুভমেন্ততগী খুঙ্গংশিংগী নুপীশিংনা সেল্ফ হেল্প মুভমেন্তশিং অসি মপুং ফানা হোংহল্লে।

মরূপশিং, ভারত্তা চেং-হৱাই মাংহনবা অসি মতম চুপ্পগী ওইবা অরুবা ফিভম অমা অদুম্মক ওইদুনা  লাক্লি। অদুবু হৌজিক্তি ইসেন্সিয়ল কোমোদিতিস এক্ত অসিনা মরম ওইদুনা অওনবা খরদি পুরক্লগনি। হৌজিক্তি খুঙ্গংশিংদা হেন্না ফবা ইনফ্রাস্ত্রকচর শেম্ননবা সরকারগা লোইন্না অতোপ্পাশিংদসু খুদোংচাবা ফংলগনি। মসিদা ঐখোয়গী এফ.পি.ও.শিংগী থৌদাং চাওনা লৈ। সরকারনা হন্দক্তা লুপা করোর লাখ অমা ইনফ্রাসত্রকচর ফন্দ লোন্চ তৌখ্রে। ফন্দ অসিদগী এফ পি ও না খুংগশিংদা সপ্লাই চেন অমদি ভেলু এদিসন কেপাসিতি শেম্লি।

মরূপশিং, অহুমশুবা ৱায়েল-পথাপ শেমখিবা অসিদগী লৌমীনা মহৈ-মরোংগী মমল কাখৎ-কুমথ অসিদগী কোকহল্লগনি অমদি লৌ উবদা অনৌবা তেক্নোলোজীসু হেনগৎহল্লগনি। মসিগী মখাদা লৌমীদা ওপ্সন হেন্না পীবগা লোয়ননা মসি ৱায়েল-পথাপকী মওংদা শোই-ঙামহন্দনবা থবক তৌখ্রে। লৌমীনা প্রাইভেৎ এজেন্সী নত্রগা ইন্দস্ত্রীগা য়াশিন্নবা তারবদি লৌ লোক্ত্রিঙৈগী মমাংদা পোত্থোক্কী মমল লেপথোক্নগনি। মসিগীদমক্তা মরু, হার, মেছিনরী পুম্নমক্তা য়াশিন্নবা য়ারবা ওর্গানাইজেসন্না অদুম্মক পীগনি।

মরুওইবা ৱাফম অমনা করিগুম্বা লৌমীনা করিগুম্বামরম অমদগী য়াশিন্নবা অদু থুগাইবা পাম্লবদি ফাইন অমত্তা থিরোই। অদুবু লৌমীগা য়াশিন্নবা পাম্বা লুপশিংনা য়াশিন্নবা অদু থুগাইবা পাম্লবদি ফাইন থিগনি। অদুগা য়াশিন্নবা অসি শুপ্নতগী মরুখক্তদা তৌগদৌরিবরা হায়বসিসু চেকশিনগদবনি। লৌমীগী লম অদুদা মখল অমত্তগী খুদোংচাদবা অমত্তা লৈররোই। হায়বদি লৌমীনা মখল খুদিংগী শোই-ঙামদনবা অসি মসিগী ফগৎহন্নবা তৌবশিং অসিগী থোংদগী নিংথিনা শেমখ্রে। ভারতকী লৌমী অসি মপাঙ্গল লৈরবদি মহাক্কী চাগাসু হেনগৎলগনি, অদু ওইরবদি মচি ওইবা চিঞ্জাক চাবা ৱাৎপগী মায়োক্তা তৌবা কেম্পেনসু অদুক্কী মতিক মপাঙ্গল লৈরগনি। ভারত অমসুং এফ.এ.ও.গী মরক্তা হেনগৎলক্লিবা চান্ননা থবক পাংথোকমিন্নবা অসিনা মসিগী কেম্পেন অসি হেন্না খোংজেল হেনগৎহল্লগনি হায়না ঐহাক্না থাজৈ।  

ঐহাক্না অমুক্কা হন্না অদোম ময়াম পুম্নমকপু এফ.ও.এ.গী চহি ৭৫ শুরকপা অসিদা য়াইফ-পাউজেল পীজরি। অদোমগী ওইনসু চাউখৎপা পুরক্নবা অমদি মালেম অসিগী ওইনা লাইরবদগী লাইরবা নাগরিকশিংগী পুন্সি মহিং অসিদা থেংনরিবা অৱাবশিং অসিদগী কোকচনবা ৱাখল্লোন অসিগা লোয়ননা থৌনা-পাঙ্গল অরৈবমখৈ পুথোক্তুনা মালেমপুম্বগী মীওই কাংলুপশিংগা লোয়ননা থবক তৌমিন্ননবগী ঐখোয়গী ৱাশক অদু অমুক হন্না নিংশিংবগা লোয়ননা অমুক হন্না য়াইফ-পাউজেল পীজরি।  হন্না-হন্না থাগৎচরি ।

থাগৎচরি!