ঙসি মীশিং মিলিয়ন অমদা শীখিবগী মশিং ৮১ ওইবগা লোয়ননা লেপ্তনা ভারতনা খ্বাইদগী তানা রিপোর্ত তৌরক্লি।

ওক্তোবর ২দগী হৌদুনা লেপ্তনা ১১০০দগী তানা শীখিবগী রিপোর্ত তৌরকখ্রে।

ফলশিং অসি রাজ্য/য়ু.তি. ২২না মপুং ফানা লাকশিনখিবা অমসুং মিলিয়ন অমদা শীখিবা অসি লৈবাক অসিগী লৈরিবা চাংচৎ অসিগা চাংদম্নবদা তানা রিপোর্ত তৌরক্লিবা অসিনা ফগৎপা হেনহনখি।

লেপ্পা লৈতনা কেস ফেতেলিতী রেৎ হন্থরক্লি। হৌজিক ওইরিবা মশিং ১.৫২% অসি মার্চ ২২, ২০২০দগী খ্বাইদগী তাবা ওইরি।

কোবিদ লাকশিন্নবা অমসুং য়েংশিন্নবা পোলিসীগী শরুক ওইনা কেন্দ্র সরকারনা কোবিদ শন্দোকপা লাকশিনবা খক নত্তনা কোবিদকী ফীভম লুবা অনাবশিংদা অফবা ক্লিনিকেল ক্যের ফংহন্দুনা শীবা হন্থহনবা অমসুং থৱায় কনবদসু মীৎয়েং চংলি। কেন্দ্র অমসুং রাজ্য/য়ু.তি. সরকারশিংনা পুন্না হোৎনবা অসিনা লৈবাক শিনবা থুংনা হেল্থ ফেসিলিতীশিং ফগৎহনবা ঙমখ্রে। দেদিকেতেদ কোবিদ হোস্পিতাল ২২১২না ক্বালিতী লৈবা মেদিকেল ক্যের পীরি। কেন্দ্র সরকারনা ক্লিনিকেল ত্রীৎমেন্ত প্রোতোকলদা য়াওবা স্তেন্দর্দ ওফ ক্যের গাইদলাইনশিংসু থোকখ্রে মসিনা সরকার অমসুং লনাইগী মফমশিংদা কোবিদ নাবা মীওই পুম্নমক্তা অফবা ক্বালিতীগী মেদিকেল ক্যের ফংহনবা ঙমহনখ্রে।

এম্স, নই দিল্লীনা শীবা হন্থহন্নবা অরুবা অনাবা মীওইশিংগী ক্লিনিকেল মেনেজমেন্ত তৌবদা আই.সি.য়ু. দোক্তরশিংগী কেপাসিতীশিং হেনগৎহন্নবা তোপ-তোপ্পা থৌরাং অমা পাইখৎপা হৌখ্রে। চয়োল অমদা অনিরক, লৈপাকপোকপা অমসুং ইরাইদা রাজ্যগী হোস্পিতালশিংগী আই.সি.য়ু.শিংদা মথৌ তৌরিবা দোক্তরশিংগীদমক লৌশিং লৈবা অমসুং লম অসিগী এক্সপর্তশিংনা তেলি/ভিইও কন্সল্তেসন সেসনশিং পাঙথোক্লি। সেসনশিং অসি জুলাই ৮, ২০২০দগী হৌখ্রে।

ঙসি ফাওবদা, তেলি-সেসন ২৩ পাঙথোকখ্রে অমসুং রাজ্য/য়ু.তি. ৩৪দা লৈবা ইন্সতিত্যুসন ৩৩৪না মসিদা শরুক য়াখি।

অনৌবা কনফর্ম কেসশিংদগী নাবা ফগৎলকপনা হেন্না রেজিস্তর তৌবগী চৎনবী অসি ঙাক্লদুনা হৌখিবা পুং ২৪দা অনৌবা কনফর্ম কেস ৬৩,৩৭১গী মথক্তা ৭০,৩৩৮ নোংমদা নাবা ফগৎলকখি। পুন্না নাবা ফগৎলকখিবা অসি ৬৪,৫৩,৭৭৯ ওইখি। নাবা ফগৎলকখ্রবা কেসশিং অমসুং এক্তিব কেসশিংগী মরক্তা লৈরিবা খেৎনবা অসি লাখ ৫৬ হেনখ্রে (৫৬,৪৯,২৫১)। নাবা ফগৎখ্রবা কেসশিং অসি এক্তিব কেসশিংদগী হৌজিক শরুক ৮ হেনখ্রে।

এক্তিব কেসশিং অসি লেপ্তনা হন্থরক্লি।  হৌজিক্কি ওইনা এক্তিব কেস ৮,০৪,৫২৮ ওইদুনা লৈবাক অসিগী অপুনবা পোজিতিব কেসশিংগী ১০.৯২% খক্তমক ওইরি। নাবা ফগৎলকপগী মশিং য়ামখৎলকপা অসিনা লৈবাক অসিগী নাবা ফগৎলকপগী চাং মখা তানা হেনগৎহন্দুনা ৮৭.৫৬% য়ৌখ্রে।

নৌনা নাবা ফগৎলকখ্রবা কেসশিং অসিগী ৭৮%দি রাজ্য/য়ু.তি. ১০দগী ওইখি। মহারাস্ত্র মথন্তনা নোংমদা ১৩,০০০ নাবা ফগৎতুনা খ্বাইদগী য়াম্বা ওইখ্রে।

অনৌবা কেসকী ৭৯%দি রাজ্য অমসুং য়ু.তি. ১০দগী ওইখি। কেস ১০,০০০গী মথক্তা থেংনবগা লোয়ননা মহারাস্ত্রনা অনৌবা কেস মশিং য়াম্না রিপোর্ত তৌকপা রাজ্য ওইরি অমদি কেস ৮,০০০গা লোয়ননা কর্নাতকানা মতুং ইনখি।

হৌখিবা পুং ২৪দা কেস ৮৯৫ শীখিবগী রিপোর্ত তৌরকখি।

মসিগী মনুংদা ৮২%গী ময়াদি মহারাস্ত্র, কর্নাতকা, ৱেস্ত বেঙ্গল, তামিল নাদু, ছত্তিসগর, অন্ধ্র প্রদেশ, উত্তর প্রদেশ, পঞ্জাব, ওরিশা অমসুং দিল্লী রাজ্য/য়ু.তি. তরা অসিদগী ওইখি।

নৌনা শীখিবা অসিগী ৩৭% হেনবদি মহারাস্ত্রদগী রিপোর্ত তৌরকখি (শীখিবা ৩৩৭)।

রাজ্য/য়ু.তি. ১৩না মীশিং মিলিয়ন অমদা শীখিবগী মশিং অসি লৈবাক্কী ওইরিবা চাংচৎতগী তানা রিপোর্ত তৌরক্লি।

****