শেল-থুম মন্ত্রালয়গী এক্সপেন্দিচর বিভাগনা ঙসি রাজ্য ২০দা কৈথেলদগী পুবগী থৌওংগী খুত্থাংদা লুপা করোর ৬৮,৮২৫গী অহেনবা শেনফম শাগৎপগী অয়াবা পীখ্রে।

জি.এস.তি.বু থবক ওইনা পাঙথোকপদা শোত্থবগী শেনফম মেনখৎনবা শেল-থুম মন্ত্রালয়না রাজ্যশিংদা পীখিবা ওপসনশিংগী মনুংদা ওপসন-১ খনখিবা রাজ্যশিংগী ওইনা মখোয়গী গ্রোস স্তেৎ দোমেস্তিক প্রদক্ত (জি.এস.দি.পি.)কী ০.৫০%গী চাংদা শেনফম পুশীনবগী অয়াবা পীখ্রে।

ওগস্ত ২৭, ২০২০দা পাঙথোকখিবা জি.এস.তি. কাউন্সিলগী মীফমদা মসিগী ওপসন অনি অসি পুথোকখিবনি অমসুং মসিগী মতাংদা রাজ্যশিংদা ওগস্ত ২০, ২০২০দা পাউ ফাওখিবনি। রাজ্য ২০না ওপসন-১ খনখি। মখোয়শিং অদুদি- আন্ধ্র প্রদেশ, অরুনাচল প্রদেশ, অসম, বিহার, গোৱা, গুজরাত, হরয়ানা, হিমাচল প্রদেশ, করনাতকা, মধ্য প্রদেশ, মহারাস্ত্রা, মনিপুর, মেঘালয়, মিজোরম, নাগালেন্দ, ওরিশা, সিক্কিম, ত্রিপুরা, উত্তর প্রদেশ অমসুং উত্তরাখন্দনি। রাজ্য নিপালদি মখোয়গী অপাম্বা ওপসন হৌজিক ফাওবা খন্দ্রি।

ওপসন-১ খনবা রাজ্যশিংনা ফংগদবা খুদোংচাবশিং মখাদা পীরিঃ

ক) শেল পুহনবগী থৌওং ওইনা শোত্থরিবা শেনফম অসি মেনখৎনবা শেল-থুম মন্ত্রালয়না শিনবা  শেল পুবগী অখন্নবা ৱিন্দো অমা। হীরম অসিগী মতাংদা রাজ্যশিং অসিগী অপুনবদা শোত্থরিবা শেনফম অসি চাউরাক্না লুপা করোর লাখ ১.১ ওইগনি হায়না পানরি।

খ) কোবিদকী লায়চৎ অসি য়েংলদুনা শেমদোকপগী হীরমশিং  য়াওহন্দনা অহেনবা ওইনা পুশীল্লিবা জি.এস.দি.পি.গী ২%গী মনুংদগী ০.৫%গী অরোইবা ইন্সতোল্মেন্ত পুবগী অয়াবা অসি সরকারনা পীখ্রে।

এক্সপেন্দিচর বিভাগনা মে ১৭, ২০২০দা রাজ্যশিংনা জি.এস.দি.পি.গী ২% ফাওবগী অহেনবা শেনফম পুবগী অয়াবা পীখ্রে। মসিগী অকক্না লৈবা ২%গী ০.৫%গী অরোইবা ওইনা থীগদবা ইন্সতোল্মেন্ত অসিগা ভারত সরকারনা পীরিবা শেমদোকপগী হীরম মরিগী মনুংদগী অহুমগা মরী লৈনৈ। অদুবু, ওপসন-১ খনখিবা রাজ্যশিংগী ওইনদি জি.এস.তি.বু থবক ওইনা পাঙথোকপদা থেংনরিবা শোত্থরিবা শেনফম অসি মেনখৎনবা জি.এস.দি.পি.গী ০.৫%গী অরোইবা ইন্সতোল্মেন্ত ফংনবা শেমদোকপগী থৌওং পাঙথোকপগী হীরমশিং য়াওহন্দ্রে। মতৌ অসুম্না ওপসন-১ খল্লিবা রাজ্যশিংনা কৈথেলদগী শেল পুবগী থৌওংগী খুত্থাংদা অহেনবা শেনফম লুপা করোর ৬৮,৮২৫ শাগৎপগী অয়াবা পীখ্রে। অখন্নবা শেল পুবগী ৱিন্দোগী মতাংগী থবকশিং অসিদি তোঙান্না পাঙথোক্কনি।

রাজ্যশিংগী ওইবা অকুপ্পা ৱারোলশিং মখাদা পীরিঃ

*****