প্রধানমন্ত্রীগী লোইশঙ

প্রধান মন্ত্রীনা দা. বলাসাহেব ৱিখে পতিল মশানা ইজবা 'দেহ বেচ্বা করানি' কৌবা পুন্সি ৱারী ফোংখ্রে

প্রভারা রুরেল এজুকেসন সোসাইতীবু 'লোকনেতে দা. বলাসাহেব ৱিখে প্রভারা রুরেল এজুকেসন সোসাইতী' হায়না নৌনা মিংথোনখ্রে

দা. বলাসাহেব ৱিখে পতিলনা হোৎনজবা অমসুং কত্থোকপীরিবা কয়া অসিনা তুংদা লাক্কদবা চারোল কয়াদা ইথিল পীরগনিঃ প্রধান মন্ত্রী

Posted On: 13 OCT 2020 2:44PM by PIB Imphal

প্রধান মন্ত্রী শ্রী নরেন্দ্র মোদীনা দা. বলাসাহেব ৱিখে পতিল মশানা ইজবা 'দেহ বেচ্বা করানি' কৌবা পুন্সি ৱারী অমা ভিদিও কন্ফরেন্সিগী থোংদা ঙসি ফোংখ্রে। মহাক্না প্রভারা রুরেল এজুকেসন সোসাইতীবু 'লোকনেতে দা. বলাসাহেব ৱিখে পতিল প্রভারা রুরেল এজুকেসন সোসাইতী' হায়না নৌনা মিংথোনখি।

থৌরম অদুদা ৱা ঙাংলদুনা প্রধান মন্ত্রীনা হায়খি, কনাগুম্বা অমনা ৱিখে পতিলগী পুন্সিগী ৱারী অসি মহারাস্ত্রগী মফম অমহেক্তদা থেংনগনি। মহাক্না হায়খি, বলাসাহেব ৱিখে পতিলনা দা. ভিথালরাও ৱিখে পতিলগী খোঙ্গুল লীদুনা চৎলি অমসুং মহাক্কী পুন্সি মহারাস্ত্রা চাওখৎনবগীদমক কত্থোকখি। মহাক্না মখা তারদুনা হায়খি মদুদি খুঙ্গংগী মীয়াম, লাইরবা, লৌমী কয়াগী পুন্সিবু লায়হন্নবা হোৎনবা অমসুং মখোয়গী অৱাবা কোকহন্নবা হোৎনবনা ৱিখে পতিলগী পুন্সিগী মরুইবা মশক ওইখি। 

প্রধান মন্ত্রীনা হায়খি, ৱিখে পতিলজিনা মতম চুপ্পদা খুন্নাই অসিগী য়াইফনবগীদমক হোৎনখি অমসুং মতম চুপ্পদা রাজনিতীবু খুন্নাই অসিদা অফবা অহোংবা পুরক্নবা অমসুং লাইরবা অমসুং খুঙ্গং কয়াগী খুদোংচাদবশিং কোক্নবগী পাম্বৈ অমা ওইনবগীদমক হোৎনখি। মহাক্না হায়খি মদুদি বলাসাহেব ৱিখে পতিলগী খোঙথাং অসিনা মহাকপু অতোপ্পা ময়ামদগী তোঙানহনলিবনি। মহাক্না হায়খি মদুদি বলাসাহেব ৱিখে পতিলগী মশানা ইজবা পুন্সি ৱারী অসি ঐখোয় পুম্নমক্তা য়াম্না মরুওই, মরমদি মহাক্না খুঙ্গং চাউখৎনবা, লাইরবশিংগী, মখোয়গী মহৈ মশিংগী, মহারাস্ত্রগী কোওপরেতিবশিং মায় পাক্নবা হোৎনরিবা কয়া অসিনা তুংদা লাক্কদবা চারোল কয়াদা ইথিল পীহৌরগনি।

প্রধান মন্ত্রীনা পনখি মদুদি দা. বলাসাহেব ৱিখে পতিলনা লাইরবা, লৌমীশিংগী অৱাবা অমসুং চৈনাশিংবু মুন্না খঙখি। মরম অসিনা মহাক্না লৌমীশিংবু অমত্তা ওইনা পুনশিনখি, কোওপরেতিবশিংগা শম্নহনখি। প্রধান মন্ত্রীনা হায়খি, অতলজিগী সরকারগী মতমদা মন্ত্রী অমা ওইনা মহাক্না মারাস্ত্রা য়াওনা লৈবাক অসিদা লৈরিবা কোওপরেতিবশিংবু পুক্নিং থৌগৎখি।

প্রধান মন্ত্রীনা হায়খি মদুদি খুঙ্গংগী এজুকেসন অসি লৈবাক অসিদা কয়া কন্না খন্নদে, দা. বলাসাহেব ৱিখে পতিলনা খুঙ্গংশিংদা লৈবা নহাশিংবু প্রভারা রুরেল এজুকেসন সোসাইতীগী থোংদা শক্তি পীনবা হোৎনখি। সোসাইতী অসিগী থোংদা মহাক্না খুঙ্গংগী নহাশিংগী এজুকেসন অমসুং স্কিল চাওখৎনবা হোৎনখি।

প্রধান মন্ত্রীনা হায়খি মদুদি ৱিখে পতিলজিনা খুঙ্গংগী লৌউশিংউদা মহৈ মশিংগী মরুওইবা মুন্না খঙখি। ঙসিদি লৌমীশিংবু ওন্ত্রপ্রিনর্শিপকী মাইকৈদা লুচিংদুনা পুনবা অমসুং মখোয়বু ওন্ত্রপ্রিনর ওইহন্নবগী খুদোংচাবা কয়া শেম্লে।

প্রধান মন্ত্রীনা হায়খি মদুদি নীং তম্লবা মতুংদা লৈবাক অসিদা চানবা ফৌ চেঙ মরাং কায়না লৈত্রিঙৈ মতমদদি লৈঙাক্কী মরুওইবা পান্দম অসি করম্না মহৈ মরোং হেনগৎহনগদগে হায়বসিনি। অদুবু পোত্থোক পুথোক্নবা হোৎনবসিদা লৌমীশিংগী শেন্দোংগী ৱাখলদি য়াওরমদে। মহাক্না হায়খি মদুদি লৈবাক অসিনা হৌজিক্তি লৌমীশিংগী চাগা হেনগৎনবা পান্দম থম্লি, অমসুং মসিগী লম্বী অসিদা লম্বীদা লেপ্পা লৈতনা চঙশিল্লি, মসিগী মনুংদা, এম.এস.পি. হেনগৎপগী ৱারেপ, য়ুরিয়াদা নীম কুপ্পা অমসুং হেন্না ফরবা ক্রোপ ইন্স্যুরেন্স পীবা য়াওরি। মহাক্না মখা তাখি মদুদি পি.এম.-কিসান সম্মান নিধি য়োজনাগুম্বা থৌরাং কয়ানা মরম ওইদুনা হৌজিক্তি লৌমীশিংনা অতোপ্পশিংদা অপীকপা চাদিংগীদমক তাংজদ্রে। মসিদগী হেন্দোক্তুনা মমাংদা লৌখৎখিদ্রিবা থবক কয়া কোল্দ চেন, মেগা ফুদ পার্ক অমসুং এগ্রো প্রোসেসিং ইনফ্রাস্ত্রকচরশিং ফগৎনবগীদমক পায়খৎলি।

বলাসাহেব ৱিখে পতিলগী মহৌশাগী ফিবমগী মতুং ইন্না লৌউশিংউ তৌবগী  লৌউশিংউগী মহৌশাদগী লৈরক্লবা লৌশিং ঙাক্তুনা থমগদবনি হায়বসিগী মতাংদা পল্লদুনা প্রধান মন্ত্রীনা হায়খি মদুদি ঐখোয়না লৌশিং কয়া অসিবু ঙাক্তুনা থমগদবনি অমসুং লৌউশিংউগী অনৌবা অমসুং অরিবা মেথদশিং পুনশিন্নগদবনি। মসিগী হীরম অসিগী মতাংদা মহাক্না চু লোকপগী খুদম পীখি, মসিদা অনৌবা অমসুং অরিবা লৌউশিংউগী পাম্বৈশিং শীজিন্নৈ। মহাক্না হায়খি মদুদি হৌজিক্তি ইন্দস্ত্রীশিংসু চিনি শুংনবা অমসুং চুশাংদগী ইথানোল লৌথোক্নবা লিংখৎলে।

প্রধান মন্ত্রীনা হায়খি মদুদি দা. বলা সাহেব ৱিখে পতিলনা মতম চুপ্পদা মহারাস্ত্রগী খুঙ্গংশিংগী থক্নবা ঈশিং অমসুং ঈথৈ লৌখোংগী খুদোংচাদবশিং কোক্নবা হোৎনবীখি। মহাক্না হায়খি মদুদি প্রধান মন্ত্রী কৃশি সিঞ্চায়ী য়োজনাগী মখাদা, মহারাস্ত্রদা চহী কয়া পন্দুনা লৈরুরবা প্রজেক্ত ২৬ অথুবদা লোইশিন্নবা য়াঙনা হোৎনরি। মসিগী প্রোজেক্তশিং অসি হেক লোইশিনবগা, লম হেক্তর লাখ ৫ রোম ঈথৈ লৌখোংগী খুদোংচাবশিং ফংলগনি হায়না মহাক্না মখা তাখি।

মহাক্না হায়খি, মসিগা মান্ননা জুলাই ২০১৮দা, মহারাস্ত্রদা ঈথৈ লৌখোংগী মেজর অমসুং মাইনর প্রোজেক্ত ৯০ হেন্না হৌখ্রে। প্রোজেক্তশিং অসি লাক্কদবা চহী ২-৩ অসিদা লোইশিনবগা লম হেক্তর লাখ ৪রোমদি ঈথৈ লৌখোংগী খুদোংচাবা ফংলগনি। মহাক্না হায়খি মদুদি অতল গ্রাউন্দ ৱাতর স্কিমসু মহারাস্ত্রগী লৈনুংগী ঈশিংগী থাক নেম্বা জিল্লা ১৩দা পায়খৎলি।

প্রধান মন্ত্রীনা হায়খি মদুদি জল জীবন মিসনগী মখাদা, মহারাস্ত্রগী ইমুং খুদিংমক্তা পাইপকী থক্নবা ঈশিং ফংহন্নবগী থবকসু য়াঙনা হোৎনরি। মহারাস্ত্রগী ইমুং লাখ ১৯ হেন্না পাইপকী থক্নবা ঈশিং হৌখিবা চহীদা ফংহনখ্রে। মসিগী মনুংদগী, লাইরবা ইমুং লাখ ১৩না হায়রিবা খুদোংচাবা অসি কোরোনা লাইচৎকী মনুংদা ফংখি।

মহাক্না হায়খি মদুদি মুদ্রা স্কিম্না খুঙ্গংশিংদা মশানা মশাদা থবক পীজবগী লম্বী হেনগৎখ্রে। লৈবাক অসিগী শেল্ফ হেল্প গ্রুপশিংগা শম্নবা নুপী করোর ৭ হেন্না লুপা করোর লাখ ৩ হেনবগী লোন পীখে। মহাক্না হায়খি মদুদি লৌমী, ঙামীশিংদা বেঙ্কশিংদগী লায়না লোন লৌবা য়ানবগীদমক কিশান ক্রেদিৎ কার্দকী খুদোংচাবা পীখ্রে। হান্না কিসান ক্রেদিৎ কার্দ লৈরমদবা অপীকপা লৌমীগী ইমুং করোর অনি মখায় হেনবনা হৌজিক্তি খুদোংচাবা অসি ফংলে।

প্রধান মন্ত্রীনা হায়খি মদুদি খুঙ্গংগী লমদা লৈরিবা লাইরবশিংদা মশানা মশা থাজবা হেনগৎনবনা ইরোমদোম লেপচবগী ৱারেপ্তা পাঙ্গল হেনগৎহনগনি। বলাসাহেব ৱিখে পতিলনসু খুঙ্গংশিংদা মরোমদোম লেপচবা ঙম্নবগী থাজবসি পোকহনবা পামজখি।

********



(Release ID: 1664046) Visitor Counter : 24