ইন্দিয়াগী এক্তিব কেস অসি লেপ্পা লৈতনা হাইথরকপগী পাউদম তৎতনা লৈরি। থা অসিগী ওইনা এক্তিব কেস লাখ ৯গী মখাদা লৈরিবা অসিগী মতুং নুমিৎ নিনিশুবা অসিদগী লেপ্পা লৈতনা হায়থরক্লি।

হৌখিবা পুং ২৪ অসিগী মনুংদা এক্তিব কেস ৮,৮৩,১৮৫ রেজিস্তর তৌখি।

হৌজিক্কী ওইনা লৈবাক অসিদা এক্তিব কেস অসি অপুনবা পোজিতিব কেস্তগী শুপ্নতগী ১২.৬৫% ওইদুনা লৈরি। মসি লৈবাক অসিগী অপুনবা কেস্তা ১/৮ ওইদুনা চৎলি। 

অপুনবা অনাবা ফগৎলকপগী মশিং অসি লাখ ৬০ (৫৯,৮৮,৮২২) নক্না লৈরি, মসি এক্তিব কেস্তগী হেন্দুনা খেন্নবা লৈরি।

পুং ২৪ অসিগী মনুংদা অনাবা ফগৎলকপা অমসুং ময়ুমদা হনখিবা মশিং ৮২,৭৫৩নি অমদি অনৌবা কেস্না ৭৩,২৭২ লৈরি। লৈবাক অসিগী ওইনা ফগৎলকপগী চাং অসি ৮৫.৮১%দা হেনগৎলক্লি।

অনাবা ফগৎলকপগী চাং অসি স্তেত/য়ু.তি. ১৮না লৈবাক পুম্বগী চাংদগী হেন্দুনা চৎলি।

হায়রিবা অসি স্তেত/য়ু.তি.শিংনা সেন্তরগী থৌরাংশিংগা খুৎশম্নদুনা খুমাং চাওশিল্লবা তেস্তিং, ত্রেক্কিং, অথুবা মতমদা হোস্পিতালদা পুবা অমসুং মতিক চাবা লায়েং চৎথবদগীনি।

হায়রিবা অনাবা ফগৎলকপগী চাং ৭৬%দি স্তেত/য়ু.তি. ১০দা পুন্না লৈবা ওইরি।

মহারাস্ত্রনা নোংমদা অনাবা ১৭,০০০ ফগৎতুনা খ্বায়দগী য়াম্বা ওইরি।

পুং ২৪ অসিগী মনুংদা অনৌবা কেস ৭৩,২৭২ রেকোর্দ তৌরি

৭৯% অমদি স্তেত/য়ু.তি. ১০ অসিদগীনি। মহারাস্ত্রনা হৌজিকসু মীওই ১২,০০০ কেস ওইদুনা অনৌবা কেস খ্বায়দগী য়াম্বা ওইরি অমসুং মথংদা কর্নাতকানা কেস ১১,০০০ ওইদুনা চৎলি।

পুং ২৪ অসিগী মনুংদা অশিবা মশিং ৯২৬কী পাউদম লৈরি। মসিদা ৮২% মুক্তি স্তেত/য়ু.তি. ১০ অসিদগীনি।

মহারাস্ত্রা খক্তদা অনৌবা অশিবগী চাং অসি ৩২% হেনবগী পাউদম লৈরি (অশিবা ৩০২)।

*****