(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• নাবা ফগৎলকপগী চাং ৮৫% হেনখিবগা লোয়ননা ভারতনা অমুক হন্না মশিং ৱাংবা ঙমখ্রে
• নাবা ফগৎলকখ্রবা কেসশিংনা এক্তিব কেসশিংদগী লাখ ৪৮ হেনবা ঙমখ্রে
• ১৮গী নাবা ফগৎলকপগী চাংনা লৈবাক অসিগী চাংচৎতগী হেনখিবগী রিপোর্ত তৌরক্লি
• লৈবাক অসিদা হৌখিবা পুং ২৪দা ৮২,২০৩ নাবা ফগৎলকখিবগী রেজিস্তর তৌখি অমরোমদা নৌনা কনফর্ম তৌখিবা কেসশিংগী মশিং ৭২,০৪৯ ওইরি

নাবা ফগৎলকপগী চাং ৮৫% হেনখিবগা লোয়ননা ভারতনা অমুক হন্না মশিং ৱাংবা ঙমখ্রে, নাবা ফগৎলকখ্রবা কেসশিংনা এক্তিব কেসশিংদগী লাখ ৪৮ হেনবা ঙমখ্রে, রাজ্য/য়ু.তি. ১৮গী নাবা ফগৎলকপগী চাংনা লৈবাক অসিগী চাংচৎতগী হেনখিবগী রিপোর্ত তৌরক্লি

ভারতনা অচৌবা মাই পাকপা অমা ফংবা ঙমখ্রে। লৈবাক অসিগী নাবা ফগৎলকপগী চাং অসি ঙসি ৮৫% হেনখিবগা লোয়ননা হৌখিবা চয়োলশিংদা নাবা ফগৎখ্রবা কেসশিংগী মশিং য়াম্না ৱাংখিবগী মখা তানা রিপোর্ত তৌরক্লি। হৌখিবা পুং ২৪গী মনুংদা অমুক হন্না নৌনা কনফর্ম তৌখিবদগী নাবা ফগৎলকখিবা কেসশিংনা হেনখ্রে। লৈবাক অসিদা হৌখিবা পুং ২৪দা ৮২,২০৩ নাবা ফগৎলকখিবগী রেজিস্তর তৌখি অমরোমদা নৌনা কনফর্ম তৌখিবা কেসশিংগী মশিং ৭২,০৪৯ ওইরি। পুন্না নাবা ফগৎলকখিবগী মশিং অসি ৫৭,৪৪,৬৯৩ য়ৌখ্রে। মসিনা তেংবাংদুনা অমসুং লৈবাক অসিদা নাবা খ্বাইদগী মশিং য়াম্না ফগৎহন্দুনা মালেমগী মকোক থোংবা ওইবা ঙমহনখ্রে। লেপ্তনা নাবা ফগৎলকপগী চাংশিং ৱাংখৎলক্তুনা মখা তানা এক্তিব অমসুং নাবা ফগৎখ্রবা কেসশিংগী মরক্তা খেৎনবা হবা চাউ্রবা কেসশিংগী মরক্তা খেঃৎ নাবা ফগেনগৎহনবা ঙম্লি। নাবা ফগৎখ্রবা কেসশিংনা এক্তিব কেসশিংদগী (৯,০৭,৮৮৩) লাখ ৪৮ হেন্না (৪৮,৩৬,৮১০) হেনবা ঙমখ্রে। নাবা ফগৎলকখ্রবা কেসশিং অসিনা এক্তিব কেসশিংগী শরুক ৬.৩২ ওইদুনা নাবা ফগৎলকপগী মশিং লেপ্তনা হেনগৎহল্লি। লৈবাক অসিগী এক্তিব কেসলোদ অসি অপুনবা পোজিতিব কেসশিংগী ১৩.৪৪%দা হন্থহনখ্রে অমসুং লেপ্তনা হন্থরক্লি। লৈবাক অসিদা মশিং হেনগৎলক্লিবা অসিগা চান্ননা, রাজ্য/য়ু.তি. ১৮গী নাবা ফগৎলকপগী চাং অসি লৈবাক অসিগী লৈরিবা চাংচৎতগী হেনখ্রে। নৌনা নাবা ফগৎলকখ্রবা কেসশিংগী ৭৫%দি রাজ্য তরাদগী রিপোর্ত তৌরক্লি মখোয় অদুদি মহারাস্ত্র, কর্নাতকা, অন্ধ্র প্রদেশ, তামিল নাদু, কেরেলা, উত্তর প্রদেশ, ওরিশা,ছত্তিসগর, ৱেস্ত বেঙ্গ অমসুং দিল্লীনি। ১৭,০০০গী ময়াদা নাবা ফগৎলকপগা লোয়ননা লিস্ত অসিদা মহারাস্ত্রনা মকোক থংলি অমরোমদা নোংমা খক্তদা নাবা ফগৎলকখিবগী মশিং অসিদা কর্নাতকাদগী ১০,০০০ হেনখি। লৈবাক অসিদা হৌখিবা পুং ২৪দা অনৌবা কেস পুন্না ৭২,০৪৯ রিপোর্ত তৌরকখি। নৌনা কনফর্ম তৌখিবা কেসশিংগী ৭৮%দি রাজ্য/য়ু.তি. ১০দগী ওইখি। মশিং অসিদা মহারাস্ত্রনা লেপ্তনা মকোক্তা লৈরি। মসিদগী ১২,০০০ হেন্না ওইখি অমসুং কর্নাতকানা কেস ১০,০০০গী ময়া ওইদুনা মতুং ইল্লি। হৌখিবা পুং ২৪দা লৈবাক অসিদা ৯৮৬ শীখিবগী রপোর্ত তৌরকখি। হৌখিবা পুং ২৪ অসিদা কোবিদনা মরম ওইদুনা শীখিবগী ৮৩%দি রাজ্য/য়ু.তি. ১০দগী ওইখি। নৌনা শীখিবা অসিদা মহারাস্ত্রদদা ৩৭০ শীখিবগা লোয়ননা শীখিবগী ৩৭% ওইখিবগী রিপোর্ত তৌরকখি কর্নাতকানা শীখিবা ৯১গা লোয়ননা মতুং ইন্নখি।

অকুপ্পা ৱারোলগীদমক:

দা. হর্শ বর্ধন্না শ্যাম শাহ গভর্নমেন্ত মেদিকেল কোলেজ, রেৱা, মধ্য প্রদেশতা সুপর স্পেসিএলিতী ব্লোক দিজিতেল ওইনা শঙ্গাখ্রে

হকশেল অমসুং য়াইফ য়ুম্বালগী কেন্দ্রগী মন্ত্রী দা. হর্শ বর্ধন্না হকশেল অমসুং য়াইফ য়ুম্বালগী রাজ্যগী মন্ত্রাই শ্রী অশ্বিনি কুমার চৌবে, মধ্য প্রদেশকী মুখ্য মন্ত্রী শ্রী শিবরাজ সিংহ চৌহানগা লোয়ননা শ্যাম শাহ গভর্নমেন্ত মেদিকেল কোলেজ, রেৱা, মধ্য প্রদেশকী সুপর স্পেসিএলিতী ব্লোক (এস.এস.বি.) দিজিতেল ওইনা শঙ্গাখ্রে। ফমুং ২০০ থাবা সুপর স্পেসিএলিতী ব্লোক অসি ভারত সরকারগী প্রধান মন্ত্রী স্বাস্থ্যা সুরক্ষা য়োজনা (পি.এম.এস.এস.ৱাই.)গী মখাদা লুপা করোর ১৫০ থাদুনা শাখি।মসিদা ন্যুরোলোজী, ন্যুরোসর্জরী, নেপ্রোলোজী, য়ুরোলোজী, কারদিওলোজী, সি.তি.ভি.এস., নিওনেতোলোজী অমসুং পল্মোনরী মেদিসিনগী বিভাগশিং য়াওরি। এস.এস.বি. অসিদা মোদ্যুলর ওপরেসন থীএতর তরুক, সুপর স্পেসিএলিতী বেদ ২০০, আই.সি.য়ু. বেদ ৩০ অমসুং বেন্তিলেতর নিপান লৈগনি। ফেসিলিতী অসিদা পোস্ত গ্রেজ্যুৎ মহৈরোয় ১৪গী ত্রেনিং কেপাসিতীসু লৈগনি। দা. হর্শ বর্ধন্না মীয়ামদা কোবিদকা চান্নবা লমচৎ শাজৎশিং ঙাক্না চৎনবা খংহনখ্রে। মহাক্না কোবিদ শন্দোকপা লাকশিন্নবা মীয়াম তিবা মফমদা মাস্কশিং/ফেস কভরশিং উপ্নবা, হেন্দ হাইজিন ঙক্না চৎনবা অমসুং লোক খুবা, হাকথী কনবদা চৎন-কাংলোন ঙক্না চৎপা অমসুং ফীজিকেল দিস্তেন্সনত্রগা গাজ অনিগী অরাপ্পা ঙাক্না চৎপা সোসিএল ভেক্সিনগী মতাংদা মীয়ামদা নৌহৌননা নিংশিংখি।

অকুপ্পা ৱারোলগীদমক:

প্রধান মন্ত্রী শ্রী নরেন্দ্র মোদী অমসুং রসিয়ন ফেদরেসনগী প্রেসিদেন্ত ঐচ.ই. মিস্তর ভ্লাদিমির পুতিনগা ফোনদা ৱারী শানখ্রে

প্রধান মন্ত্রী শ্রী নরেন্দ্র মোদীনা রসিয়ন ফেদরেসনগী প্রেসিদেন্ত হিজ এক্সেলেন্সী ভ্লাদিমির পুতিনগা ঙসি ফোন্দা ৱারী শানখ্রে‍। প্রধান মন্ত্রীনা রসিয়ন প্রেসিদেন্ততা মহাক্কী মপোক নুমিৎ থৌরমদা য়াইফ পাউজেল পীখ্রে‍। প্রধান মন্ত্রীনা হিজ এক্সেলেন্সী পুতিনগা মতম শাংনা লোয়নরকপা অমদি মরূপ মপাঙ ওইবগী মরীবু নীংশিংলদুনা লৈবাক অনিগী মরক্তা অখন্নবা অমদি প্রিভিলেজ ওইবা স্ত্রেতেজিক পার্ত্নরসিপ মখোঙ শোমবদা মহাক্না লৌখিবা থৌদাংবু থাগৎখি‍। লুচিংবা অনিনা কোবিদ-১৯ লাইচৎনা পীরকপা শীংনবশিং য়াওনা লাক্কদৌরিবা মতমশিংদ ই-পাউ ফাওদোক ফাওজিন তৌদুনা লৈননবা য়ানখি‍। প্রধান মন্ত্রীনা প্রেসিদেন্ত পুতিনবু মীয়ামগী হকশেলগী ফীভম হান্নগী ফীভমদা হেক হঞ্জিল্লকপগা হেক য়ারিবমখৈ থুনা ভারত্তা তরাম্না ওক্নিংবগী অপামবা ফোঙদোকখি‍।

অকুপ্পা ৱারোলগীদমক:

লোন এপ্লিকেসন লৌশিনবা অমসুং থবক শুবা নুঙাইনবা পি.এম. এস.ভি.এ. নিধি অমসুং এস.বি.আই. পোর্তেলগা অনিগী মরক্তা এ.পি.আই. ইন্তিগ্রেসন অমা হৌদোকখ্রে

প্রধান মন্ত্রী স্ত্রীত ভেন্দরস আত্মানির্ভর নিধি (পি.এম. এস.ভি.এ.নিধি) স্কীমগী শরুক অমা ওইনা, হাওশিং অমসুং আর্বান এফিয়র্স মিনিস্ত্রীগী সেক্ত্রেতরি শ্রী দুর্গা শঙ্কর মিশ্রানা এপ্লিকেসন প্রোগ্রামিং ইন্তরফেস (এ.পি.আই.) ইন্তিগ্রেসন অসি পি.এম. এস.ভি.এ.নিধি অমসুং স্তেত বেঙ্ক ওফ ইন্দিয়া (এস.বি.আই.) পোর্তেলগা অনিগী মরক্তা হৌদোকখ্রে। ইন্তিগ্রেসন অসিনা পোর্তেল অনিদা অয়েৎপা লৈতনা দেতা পীবা ঙম্লগনি হায়বদি পি.এম. এস.ভি.এ.নিধি অমসুং এস.বি.আই.গী ই-মুদ্রা পোর্তেল অসিনা লোন পীবা অমসুং লোন কাইথবা অসিদা শোইদবা ওই অসমুং মসিনা স্ত্রীত ভেন্দরশিংনা স্কীম অসিগী মখাদা খুৎপায় শেলগীদমক কান্নবা ফংলি। মিনিস্ত্রী অসিনা ২০২০গী জুনগী ১দগী পি.এম. এস.ভি.এ.নিধি স্কীম অসি পিদুনা লাক্লি, হায়রিবা অসিদা কোবিদ-১৯গী লোকদাউন অসিনা শোকহল্লুরবা পুন্সি মহিং অমুক হন্না লাক্নবা খুৎপায় শেল পীরি। স্কীম অসিনা সহরগী মফম কয়া অমদি খুঙ্গংগী মফম কয়াদা ২০২০গী মার্চ ২৪দা নত্ত্রগা মদুগী মমাংদা ফমখিবা স্ত্রীত ভেন্দর লাখ ৫০দা কান্নবা ফংহন্নবা পান্দম থম্লি। ২০২০গী ওক্তোবরগী ৬ ফাওবদা পি.এম. এস.ভি.এ.নিধি স্কীম মখাদা লোন এপ্লিকেসন লাখ ২০.৫০ হেন্না ফংই।

অকুপ্পা ৱারোলগীদমক:

লোকদাউনগী মমাংদা তৌরম্বগুম্না ত্রেন থাবগী মিনিৎ ৩০গী মমাংদা রিজর্বেসনগী অনিশুবা চার্ত পীবা হৌরগনি

ইন্দিয়ন রেলৱেজনা হান্নবা চৎনরম্বা রিজর্বেসনগী অনিশুবা চার্ত পীবগী থৌওং অসি ১০/১০/২০২০দগী নৌহৌননা অমুক চৎনহন্নবা ৱারেপ লৌখ্রে। কোবিদ মমাংগী কাঙলোনগী মতুং ইন্না রিজর্বেসনগী অহানবা চার্ত অসি ত্রেন থাগদবা মতমগী পুং ৪গী মমাংদা থোক্লম্বনি। রিজর্বেসনগী অনিশুবা চার্ত অসিনা ত্রেন থাবগী মিনিৎ ৩০দগীনা ৫ ফাওবগী মনুংদা শেম্বনি। মসিগী মতম অসিগী মনুংদা রীফন্দ রুলসকী মতুং ইন্না হান্না ককখিবা তিকেৎশিং কেন্সেল তৌবসু য়ারম্মি। লায়চৎ অসিনা মরম ওইবদগী রিজর্বেসনগী অনিশুবা চার্ত থোকপা অসি ত্রেন থাবগী পুং ২গী মমাংদা ওইনা থোকপা হায়না শেমদোকখি। জোনেল রেলৱেশিংনা হায়জরকপগী মতুং ইন্না রেল পেসেঞ্জরশিংগী নুংঙাইবগী খল্লদুনা মসিগী ৱাফম অসি য়েংশিনখি অমসুং ত্রেন থাবগী মতমগী মিনিৎ ৩০গী মমাংদা রিজর্বেসনগী অনিশুবা চার্ত থোকপগী ৱারেপ অসি লৌখিবনি। মসিগা চান্নবা থৌওং অমা ওইনা মসিগী অনিশুবা চার্ত অসি থোক্ত্রিবা ফাওবা তিকেৎ ককপগী খুদোংচাবা অসি ওনলাইন অমসুং পি.আর.এস.কী কাউন্তরদা ফংগনি। সি.আর.আই.এস.তসু মসিগী অনৌবা থৌওং অসিগা মরী লৈনবা শেমদোকপশিং ১০/১০/২০২০দগী হৌদুনা শেমদোক্নবা ৱাফমসু খঙহনখ্রবনি।

অকুপ্পা ৱারোলগীদমক :

নেস্নেল স্তার্ত-অপ এৱার্দস ২০২০গী মকোক-মথঙ লাউথোকপা

রেলৱেজ অমসুং কম্মর্স অমসুং ইন্দস্ত্রী মন্ত্রী শ্রী পিয়ুশ গোয়লনা এৱার্দ ফংলবশিংবু নুংঙাইবা ফোংদোক্লদুনা হায়খি মদুদি মসিগী মনা অসিনা নহা ওইরিবা ওন্তোপ্রিনরশিংদা পুক্নিং থৌগৎপগী ইথিল পীগনি অমসুং মসিনা মখোয়গী অনৌবা থৌওং পাঙথোকপগী ৱাখল্লোনবু অনৌবা থাক্তা পুদুনা চৎকনি হায়খি। মসিগী মনা অসি পাক চাউবগী মতাংদা অমসুং অনৌবা ৱাখল্লোন, থৌওং অমসুং থবক তৌবগী মওংবু শক-খঙবগী মতাংদা য়াম্না তোপ তোপ্পনি হায়খি। মসিনা অনৌবা ইকোসীস্তেম অমবু মশক খঙবা অমসুং হরাওবা ফোঙদোকপদা নত্তনা স্তার্ত-অপকী মীওইশিংবু অহেনবা মাই পাকপগী হীরমদা চঙশিনবা ঙমহনগনি হায়না মহাক্না হায়খি। মহাক্না হায়খিবদা মখোয়গী মরক্তগী খরা অমদি লাক্কদৌরিবা মতমগী য়ুনিকোর্ন ওইরগনি মমসুং মালেম পুম্বনা শক-খঙনগদবা ভারতকী মাই পাকপগী ৱারী ওইরগনি হায়খি। মসিনা স্তার্ত-অপশিংবু হেন্না পাক-চাউথোকহন্দুনা অনৌবা মফমশিং অমসুং মীয়াম কয়াদা কান্নহনবা ঙমগনি। মন্ত্রীনা হায়খিবদা স্তার্ত-অপশিং অসিনা স্ত্রেতজিক সেক্তর কয়াদা মরু ওইবা থৌদাং কয়া লৌগনি হায়খি। অনৌবা তেক্নোলোজীশিং অসিনা শেন্মিৎলোন চাউখৎহনবদা তেংবাংগনি অমসুং মসিগী কান্নবা অসিবু মীপুম খুদুংদা ফংহনবা ঙমগনি হায়না মহাক্না হায়খি। তেক্নোলোজীনা লৈবাক অসিওগী মীপুম খুদিংদা স্কিল লৈহনবা অমসুং মগুন লৈহনবদা তেংবাংগনি। মহাক্না স্তার্ত-অপশিং অসিনা সরকারগী ই.-মার্কেৎপ্লেস্তা মিং চন্দুনা সরকারগী বিভাগশিং অমসুং অতোপ্পা কস্তমর কয়াদা মখোয়গী সেবা ফংহন্নবা ৱাফমসু থমখি। লৈবাক অসিগী মীয়াম্না থবক থীবগী মহুত্তা থবক পীবগী শক্তম অমা লৌরকপা অসিদা য়াম্না নুংঙাইবা ফাওই হায়না মহাক্না হায়খি। মহাক্না হায়খিবদা রাজ্য সরকারশিংনা ওন্তোপ্রিনরশিংদা কান্নবা অমসুং শেলগী তেংবাং কয়া পীদুনা মখোয়গী শাহৌ লৌবা ঙমজনবা থৌওং কয়া পীরি হায়না মহাক্না হায়খি। মহাক্না হায়খিবদা কোবিদ-১৯ অসি শিংনবা অমা ওইনা উবগী মহুত্তা খুদোংচাবা অমা ওইনা উবা ঙম্বা হোৎনৌ অমসুং মসিগী শিংনবা অসিগা থেংনরিবা মীওইশিংনা অনৌবা ৱাখল্লোন, থৌওং অমসুং নীংথিনা পাঙথোকপা থৌওংশিংদা মিৎয়েং চঙলগা থেংনরবদি কান্নবা মহৈ ফংগনি হায়না মহাক্না মখা তানা হায়খি।

অকুপ্পা ৱারোলগীদমক :

ভারতকী হোক্কী তিমশিং ত্রেনিং চৎথরি; অথুবদা মপুং ফারগনি হায়না কেপ্তেনশিং,কোচশিংনা থাজবা থম্লি

কোরোনাভাইরসনা মরম ওইদুনা লৈবাক শীনবা থুংনা থমখিবা লোকদাউন্না মরম ওইদুনা ত্রেনিং লেপলুরবা মতুংদা নেতাজি সুভাস সাউথর্ন সেন্তর, বেঙ্গালুরু থাদোকলুরবা ভারতকী নুপা অমসুং নুপীগী হোক্কী তিমশিং মখোয় ত্রেনিং অমুক মখা চৎথরে। অথুবদা মখোয় অমুক হন্না ফিবম ফগৎলক্কনি হায়না শান্নরোইশিংনা থাজবা থম্লি অমসুং সেন্তরদা পায়খৎলিবা চেকশিন-থৌরাংশিংদা অপেনবা পোকখি। কোবিদ পোজিতিপ ওইবদগী পোথারুরবা মতুংদা কেপ্তেন মনপ্রিৎ সিংহ য়াওনা শান্নরোই তরুক মখোয়গী কেম্পতা থুংখ্রে। সাই সেন্তর অমসুং ইম্পেনেল হোস্পিতালদা মখোয় মতেং পাংখি অমসুং চেকশিন্না শেন্নখি অমসুং হৌজিক ত্রেনিং অমুক হন্না শরুক য়ারে। মখা তানা লাইচৎ শন্দোরকপা থিংনবা সাই সেন্তরদা অকনবা থবকশিং পায়খৎলে অমসুং মখোয়গী ক্বারেনতাইন মনুংদা লাকপা শান্নরোইশিং তেস্ত তৌরে। ভারতকী নুপা অমসুং নুপীগী হোক্কী তিম অনিমক ওলেম্পিক্কী ক্বালিফাই ওইরে।

অকুপ্পা ৱারোলগীদমক :

য়ুনিয়ন মিনিস্তর দোক্তর জিতেন্দ্র সিংহনা হায়খ্রে, কোবিদ-১৯ লৈরবসু মমাং চহিদগী গেহু লৈবা চাদা ১৫ হেনগৎখি

ঙসি য়ুনিয়ন মিনিস্তর দোক্তর জিতেন্দ্র সিংহনা হায়খি কোবিদ লাইচৎ মনুংদা মোদী সরকারনা মহৈ-মরোং য়াম্না লৈরে, মসি অৱাবা তারবা মতমদা প্রধান মন্ত্রী নরেন্দ্র মোদী অমসুং মহাক্না লুচিংবা কাংবুনা লৌমীশিংগী য়াইফনবা থবক পাংথোকপগী খুদম অমনি। বাসোহলি অমসুং রিয়াসিগী লৌমীশিং, পঞ্চায়তকী মীহুৎশিং অমসুং মফম অদুগী মীওইশিংগা ৱারি শানবদা দোক্তর জিতেন্দ্রনা হায়খি, কোবিদ-১৯ লৈরবসু মমাং চহিদগী গেহু লৈবা চাদা ১৫ হেনগৎখি অমসুং লৈবাক শীনবা থুংনা গেহু তন লাখ ৩৯০ রোম লৈরে। লোকদাউন লৈরবসু কেন্দ্রনা লৌমীশিংগী থোংজিলদগী পোৎথোকশিং লৈরে।

অকুপ্পা ৱারোলগীদমক :

সোসিএল জজতিস্ত অমসুং এম্পৱারমেন্ত মিনিস্ত্রিগী দি.ই.পি.দবল্যু.দি. অমসুং ওস্ত্রেলিয়াগী মেলবোর্ন য়ুনিভর্সিতিনা শীন্দুনা ‘পুক্নিং-ৱাখল ফনা থম্বা-কোবিদ ১৯গী মতুংদা” হায়বা হিরমদা হয়েং মালেমগী মীফম পাংথোক্কনি

হয়েং ওক্তোবর ৮, ২০২০দা ভিদিও কনফরেন্সকী খুৎথাংদা সোসিএল জজতিস্ত অমসুং এম্পৱারমেন্ত মিনিস্ত্রিগী দিপার্তমেন্ত ওফ এম্পৱারমেন্ত ওফ পর্সন্স ৱিদ দিসএবিলিতিস (দি.ই.পি.দবল্যু.দি) অমসুং ওস্ত্রেলিয়াগী মেলবোর্ন য়ুনিভর্সিতিনা শীন্দুনা ‘পুক্নিং-ৱাখল ফনা থম্বা-কোবিদ ১৯গী মতুংদা” হায়বা হিরমদা মালেমগী মীফম অমা পাংথোক্কনি। মীফম অদু সোসিএল জজতিস্ত অমসুং এম্পৱারমেন্তগী য়ুনিয়ন মিনিস্তর দোক্তর থাৱারচান্দ গেহলোতনা হৌদোক্কনি অমসুং অস্ত্রেলিয়া-ইন্দিয়া ইন্সতিতুৎকী দিরেক্তর, প্রোফেসার ক্রেগ জেফরিনা কো-চিয়র ওইগনি। মীফম অদুদা নিউ দিল্লিদা লৈবা অস্ত্রেলিয়া হায় কম্মিসন্নরসু শরুক য়াগনি।

অকুপ্পা ৱারোলগীদমত:

দা. জিতেন্দ্র সিংহনা অৱাং-নোংপোক লমদমগী রাজ্যশিংনা কোরোনা লাকশিনবদা লৌরিবা থৌদাংবু থাগৎপা ফোঙদোকখ্রে

অৱাং নোংপোক লমদমগী চাউখৎ থৌরাংগী, এম.ও.এস. পি.এম.ও., পর্স্নেল গ্রীবান্সেস, পেন্সন্স, এতোমিক ইনর্জী অমসুং স্পেসকী কেন্দ্রগী রাজ্য মন্ত্রী (মনিংতম্বা চার্জ) দা. জিতেন্দ্র সিংহনা অৱাং নোংপোক লমদমগী রাজ্যশিংনা কোবিদ হেন্না মপুং ফানা লাকশিনবগীদমক থাগৎপা ফোঙদোকখি, মসিনা মরম ওইরগা মরী লৈনবা রাজ্য সরকারশিং অমসুং সিবিল সোসাইতীশিংবু মায়কৈ পুম্বদগী থাগৎনরক্লি। ইম্পার্সিএল এজেন্সীশিংনা লৈবাক পুম্বগী পাঙথোকপা সর্ভেদনা মসি অচুম্বনি হায়না উৎলি হায়না মহাক্না ফোঙদোকখি। দোনর মন্ত্রীনা মসিগী ওবজর্বেসনশিং অসি মেঘালয়গী হকশেল মন্ত্রী এ.এল. হেক্না কোবিদকা মরী লৈনবা সমস্যা কয়া খন্ননবা কৌরকপদা খংবা ঙমখিবনি।

অকুপ্পা ৱারোলগীদমক :

পি.আই.বি. ফিল্দ ওফিসশিংদগী ফংবা পাউ

•           কেরলা: ঙসি পাংথোকখিবা কেবিনেতকী মীফমদা রাজ্য অসিদা ফার্মর্স ৱেলফেয়র বোর্দ শম্নবা ৱারেপ লৌখ্রে। মসিনা কোওপরেতিব সোসাইতীশিংদা ফৌ খোমগৎনবসু শিন্নখ্রে। মরক অসিদা রাজ্যগী ইলেক্ত্রিসিতী মিনিস্তর এম.এম. মনি ঙসি কোবিদ-১৯গীদমক্তা পোজিতিব ওইখি। রাজ্য অসিদা ঙরাং কোবিদ-১৯গী অনৌবা এক্তিব কেস পুন্না ৭,৮৭১ কনফর্ম তৌখ্রে। রাজ্য অসিদা হৌজিক-হৌজিক পেসেন্ত ৮৭,৭৩৮ লাইয়েংদুনা লৈরি অমসুং মীওই লাখ ২.৩৩না ওবজার্ভেশন তৌদুনা লৈরি। কোবিদনা মরম ওইরগা শিবগী মশিং অসি ৮৮৪নি।

•          তামিল নাদু: হৌজিকমক্কীদি স্কুলশিং হাংদোকখিরোই, মহৈরোইশিংগী হেল্থ অসিনা খ্বাইদগী হেন্না মরু ওই, হায়না তি.এন.গী এজুকেশন মিনিস্তরনা হায়খি। তামিল নাদুনা কোইম্বাতোর জিলাগী মপান্দগী ভলপরাই হিল তাউন চংনবা ই-পাস তঙাইফদবা ওইহনখ্রে। চিদম্বরম এসেম্বলী কন্সতিত্বেন্সীদগী এ.আই.এ.দি.এম.কে. এম.এল.এ., কে.এ. পান্দিয়ান, য়ুমশকৈশা নুমিত্তা কোবিদ-১৯গীদমক্তা পোজিতিব ওইখ্রে; অনৌবা ইনফেক্সন ৫,০১৭ থেংনখিবগা লোইননা তামিল নাদুনা ঙরাং নোংমগী ওইবা মশিংদা খরা হন্থখিবা লৈখি; রাজ্য অসিদা ৭১ শিখিবগী পাউ লৈখি; মীওই ৫,৫৪৮ দিসচার্জ তৌখ্রে; চেন্নাইদা ১,৩০৬ পোজিতিব ওইখি।

•          কর্নাতকা: হাই কোর্তনা রাজ্য সরকারদগী কোবিদ পেসেন্তশিংগীদমক্তা জিলা-জিলাগী ওইনা লৈরিবা বেদশিং অমসুং অতো্পা মেদিকেল ফেসিলিতীশিংগী মতাংদা দেতা পীনণবা হায়খ্রে। রাজ্য সরকারনা মাস্ক উপ্তবগীদমক্তা ফাইনগী শেনফম অদু হন্থহনখ্রে; সিতীশিংদা হান্না লুপা ১০০০ ওইরম্বদগী লুপা ২৫০দা ঔইখ্রে অমসুং খুঙ্গংগী লমশিংদা হান্না লুপা ৫০০ ওইরম্বদগী লুপা ১০০দা হন্থখ্রে। সরকারনা কোদাগুদা তুরিস্তশিংগীদমক্তা কোবিদ-১৯ তেস্ত তৌবা অসি তঙাইফদবা ওইহনখি। রাজ্য অসিদা স্কুলশিং অমসুং প্রি-য়ুনিভর্সিতি কোলেজশিং হন্দক্কী থা অসিমদি লোন্দুনা লৈগনি। বেঙ্গলোর অর্বান্না ঙরাং কেস ৫০১২ থেংনদুনা নোংমদা খ্বাইদগী হেন্না ৱাংনা হেনগৎলকখিবা থেংনখি।

•          অন্ধ্র প্রদেশ: এ.পি.এস.আর.তি.সি. কার্গো সার্বিস রেভেন্যু অসি লেপ্তনা হেনগৎলক্লি, মসিনা রাজ্যনা চলাইবা শেল ফিভম য়াম্না শোল্লবা রোদ ত্রান্সপোর্ত কোরপোরেশনগী অৱাবা অদু কোকহনখি। রাজ্য অসিনা অনৌবা কোবিদ কেস ৫৭৯৫ থেংনখি, মসিনা রাজ্য অসিদা ঙরাং ৬০৪৬ অমুক ফখিদুনা অনৌবা কেসশিংদগী মশিংদগী হেঞ্জরবসু অপুনবা মশিং অদু লাখ ৭.২৯ য়ৌহনখি। পেসেন্ত ৩৩ অমুক ভাইরস অসিনা মরম ওইরগা লৈখিদ্রে লোইন-লোইননা রাজ্য পুম্বগী ওইবা মশিং অদু ৬০৫২ য়ৌহনখ্রে। অদুবু ইনফেক্সশিংদগী ফগৎখিবশিংনা হেনখি অমসুং ফগৎখিবশিংগী অপুনবা মশিং অদু লাখ ৬.৭২ ওইখি। হণ্দক্তা অতোপ্পা কেস ৪৫২ অমুক থেংনখি, মসিনা জিলা পুম্বদা লৈরিবা পোজিতিব কেসশিংগী অপুনবা মশিং অদু ৫২,৭৪২ য়ৌহনখি।

•          তেলঙ্গানা: হৌখিবা পুং ২৪দা অনৌবা কেস ২১৫৪ থেংনখি, ২২৩৯ ফগৎখি অমসুং ০৮ শিখিবগী পাউ লৈখি; কেস ২১৫৪গী মনুংদা জি.ঐচ.এম.সি.দগী কেস ৩০৩ থেংনখি। অপুনবা কেস: ২,০৪,৭৪৮; এক্তিব কেস: ২৬৫৫১; শিখিবশিং: ১১৮৯; দিসচার্জ তৌখিবশিং: ১,৭৭,০০৮। অফবা মার্কেতকী কন্দিশনশিং লৈতবা লৌমীশিংদা মতেং পাংনবগী পান্দমদা লৌখিবা মরু ওইবা ৱারেপ অমদা, তেলঙ্গানা সরকারনা ‘ৱানাকলম’(নোংজু থা)দা লোকখিবা ফৌ অমসুং লাশিং অদু লোইনমক লৈনবা ৱারেপ লৌখ্রে।

•          চান্দিগর: চান্দিগর য়ু.তি.গী এদমিনিস্ত্রেতরনা, মহৌশাদগী মী খরা হেন্না চিনবা অমসুং তিনবা মফমশিং,শেল-থুমগী ফিভমদা খরা হেন্না শোত্থরবা শরুক্তা কোরোনা আউতব্রেক থোকহন্দনবা হেল্থ এদমিনিস্ত্রেশন্দা মীৎয়েং থমগদবনি হায়না খঙহল্লখ্রে। মহাক্না দোক্তরশিংগী কমিতীদা লৈরিবা ফিভম অদুবু নুমিৎ খুদিংগী ওইবা মওংদা য়েংশিন্নবা অমসুং মদুগী মতুং ইন্না লাকশিন্নবগী পাম্বৈশিং তাক্ননবসু খঙহল্লকখ্রে।

•          হরিয়ানা: লাক্কদবা ফেস্তিব সীজন অসি য়েংলগা, হরিয়ানাগী চীফ সেক্রেতরীনা কোবিদ-১৯ ইনফেক্সনগী লাকশিন্নবগীদমক্তা মীয়ামগী মরক্তা এৱেয়রনেস অমা শন্দোক্নবা ‘কোবিদ এপ্রোপ্রিয়েত বিহেবিয়র’ কেমপেন মাইপাক্না পাংথোক্নবা মরী লৈনবা ওফিসরশিংদা খঙহল্লকখ্রে। চীফ সেক্রেতরী অসিনা হায়খি মদুদি সর্পঞ্চ, পঞ্চ, ভিলেজ সেক্রেতরী, আশা ৱার্করশিং, অমসুং অঙ্গনৱাদি ৱার্করশিংনা খুঙ্গংগী লমশিংদা লৈরিবা মীয়ামগী মরক্তা এৱেয়রনেস শন্দোকপদা মরু ওইবা থৌদাং লৌগনি, মরম অদুনা মখোয়শিং অদুনা হকথেংননা শরুক য়াহনগদবনি।

•          মহারাস্ত্র: মহারাস্ত্রগী ইন্দস্ত্রীশিংগী মন্ত্রী, সুভাশ দেসাইনা রাজ্য অসিদা লৈরিবা বিজনেস ফ্রেতর্নিতীদা থাজবা পীরকখ্রে মদুদি ইন্দস্ত্রীয়েল ওক্সিজেনগী সপ্লাই অদু অথুবা মতমদা হান্নগী ফিভমদা লাক্লগনি হায়খ্রে। হায়রিবা অসি রাজ্য সরকারনা রাজ্য অসিদা পুথোকপা ওক্সিজেনগী চাদা ৮০দি কোবিদ পেসেন্তশিংগী লাইয়েংবদা শিজিন্নবগী ওর্দর থোকখ্রবা মতুং থা অমা লৈরগা হায়রকখিবনি। হৌখিবা পুং ২৪ অসিদা কোবিদ-১৯গীদমক্তা পুলিস পার্সোনেল ১৩২ পোজিতিব ওইখ্রে অমসুং ৪ অমনা শিখ্রে, মসিনা ফোর্স অসিদা লৈরিবা অপুনবা পোজিতিব কেসশিংগী মশিং অসি ২৪,৩৮৬ য়ৌহনখ্রে। রাজ্য অসিদা লৈরিবা এক্তিব কেসশিংগী অপুনবা মশিং অসি লাখ ২.৪৭ শুখ্রে অমসুং শিখিবশিংগী অপুনবা মশিংনা ৩৮,৭১৭ শুখ্রে।

•          গুজরাত: গুজরাত্তা ফগৎলকপগী চাং অসি চাদা ৮৬.১৬ য়ৌখ্রে, মসিগা লোইননা এক্তিব কেস ১৬,৫৯৭ লৈরি। মমাংগী নুমিত্তা শিখিবশিংগী মশিং অসি ১০ ওইখি।

•          রাজস্ধান: লৈবাকপোকপা নুমিত্তা অনৌবা কেস পুন্না ২,১২১ থেংনখি, মসিগী মনুংদা খ্বাইদগী য়াম্বসি জয়পুর জিলাদগী থেংনখি (কেস ৪৬৯), মথংদা জোধপুর (কেস ২৯২) অমসুং মথংদা অলৱার (কেস ১৯৬)। মমাংগী নুমিত্তা ১৫ শিখিবগী পাউ লৈখি, অদুগা এক্তিব কেসশিংগী মশিং অসি হৌজিক ২১,২৯৪ শুখ্রে।

•          মধ্য প্রদেশ: মথ্য প্রদেশতা ফগৎলকপগী চাং অসি মখাতানা ফগৎলকখ্রে অমসুং চাদা ৮৩গী মথক্তা য়ৌখ্রে। জিলা-জিলাগী ওইনাকোরোনা ইনফেক্সনগী রিভ্যু তৌবদা কোবিদ-১৯গী খ্বাইদগী ৱাংবা অনৌবা কেস ৪২৫ অসি ইন্দোর জিলাদগী থেংনখি, মথংদা ভোপালদগী কেস ২৯৯ থেংনখি, জাবলপুরদগী ১৪১ অমসুং গ্বালিয়রদগী ৭০ থেংনখি। এক্তিব কেসশিংগী মশীং অসি হৌজিক ১৮,১৪১নি।

•          ছত্তিসগর: মীয়ামদা কোরোনা ইনফেক্সনদগী ঙাকথোক্নবা মথৌ তাবা চেকশিন-থৌরাংশিং লৌখৎনবা থৌগৎলদুনা করোনা ইনফেক্সনগী চেন অসি থদৎনবা জিলা কয়া অমদা এৱেয়রনেস কেমপেন হৌদোকখ্রে। মীয়াম্না মাস্কশিং উপকনি হায়না ৱাশক্তুনা ওনলাইন ফোর্ম অমা মেনশিন্নবা মীয়ামদা থৌগৎখ্রে। রাজ্য অসিদা হৌজিক লৈরিবা এক্তিব কেস অসি ২৭,২৩৮নি।

•          গোৱা: পেসেন্তশিং লাইয়েংবা, দ্রগ থেরাপী তৌবা, ন্যুত্রিশন অসিনচিংবশিং অসিগী মথক্তা পেসেন্তশিংনা থবক কয়া অমদা মতেংসু মথৌ তাই। হায়রিবশিং অসিবু মপুং ফাহন্নবা ই.এস.আই. হোসপিতালদা পেসেন্ত হেন্দলিং সার্বিস হৌখ্রে, মসিনা গোৱাবু সেফ পেসেন্ত হেন্দলিংগীদমক্তা সার্বিস হৌখিবা অহানবা রাজ্য ওইহনখি। রাজ্য অসিদা হৌজিক লৈরিবা এক্তিব কেসশিংগী মশিং অসি ৪,৭২০নি।

•          অসাম: অসামদা ঙরাং কোবিদ-১৯ কেসকীদমক্তা মীওই ১১৮৪ অমুক পোজিতিব ওইখি অমসুং পেসেন্ত ১৫৮৬ দিসচার্জ তৌখ্রে। অপুনবা কেস ১৮৮৯০২, এক্তিব ৩৩০৪৭ অমসুং ৭৭৮ শিখ্রে।

•          মেঘালয়া: মঘালয়াদা ঙসি কোবিদ-১৯ পেসেন্ত ১১৫ দিসচার্জ তৌখ্রে। অপুনবা এক্তিব কেস ২৩৭১ অমসুং ফগৎখিবশিংগী অপুনবা মশিং ৪৬০৬নি।

•          মিজোরাম: মিজোরামদা ঙরাং কোবিদ-১৯গীদমক্তা মীওই ২০ অমুক পোজিতিব ওইবা থেংনখি। অপুনবা কেস ২১৪৮ অমসুং এক্তিব কেস ২৬১ ওইখি।

•          নাগালেন্দ: নাগালেন্দদা কোবিদ-১৯ কনফর্ম কেস পুন্না ৬৬৬২ লৈখি, আর্মদ ফোর্সতগী ৩১৪১, তরেস কন্তেক্তশিংদগী ১৬৩৪, হল্লকখিবশিংদগী ১৫৩০ অমসুং ফ্রন্তলাইন ৱার্করশিংদগি ৩৫৭নি।

ফেক্ত চেক

*****