ਭਾਰਤ ਨੇ ਇਕ ਮਹੱਤਵਪੂਰਨ ਮੀਲ ਪੱਥਰ ਨੂੰ ਪਾਰ ਕਰ ਲਿਆ ਹੈ । ਪਿਛਲੇ ਲਗਾਤਾਰ 14 ਦਿਨਾਂ ਤੋਂ ਐਕਟਿਵ ਕੇਸਾਂ ਦੀ ਗਿਣਤੀ 10 ਲੱਖ ਤੋਂ ਘੱਟ ਦੇ ਅੰਕੜੇ 'ਤੇ ਬਰਕਰਾਰ ਹਨ । 

ਅੱਜ ਦੋ ਹਫਤਿਆਂ ਤੋਂ, ਐਕਟਿਵ ਕੇਸ 10 ਲੱਖ ਤੋਂ ਹੇਠਾਂ ਬਣੇ ਹੋਏ ਹਨ । 

"ਟੈਸਟ, ਟ੍ਰੈਕ, ਟਰੇਸ, ਟਰੀਟ, ਟੈਕਨੋਲੋਜੀ" ਦੀਆਂ ਕੇਂਦਰ-ਨੀਤੀਆਂ ਦੀ ਪਾਲਣਾ ਰਾਜ ਅਤੇ ਕੇਂਦਰ ਸ਼ਾਸਤ ਪ੍ਰਦੇਸ਼ ਦੀਆਂ ਸਰਕਾਰਾਂ ਵਲੋਂ ਕੀਤੀ ਗਈ ਹੈ, ਜੋ ਕਿ ਸਰਕਾਰ ਦੇ ਨਜ਼ਰੀਏ ਦਾ ਹਿੱਸਾ ਹੈ ।  ਤੇਜ਼ ਰਫਤਾਰ ਅਤੇ ਪਹੁੰਚਯੋਗ ਦੇਸ਼-ਵਿਆਪੀ ਟੈਸਟਿੰਗ ਦੇ ਜ਼ਰੀਏ ਕੇਸਾਂ ਦੀ ਸ਼ੁਰੂਆਤੀ ਪਛਾਣ ਦੇ ਹੋਰ ਉਪਾਵਾਂ ਜਿਵੇਂ ਕਿ ਤੁਰੰਤ ਅਤੇ ਕੁਸ਼ਲ ਟਰੈਕਿੰਗ ਅਤੇ ਸੰਪਰਕਾਂ ਦਾ ਪਤਾ ਲਗਾਉਣ ਸਦਕਾ ਨਤੀਜੇ ਪ੍ਰਾਪਤ ਹੋਏ ਹਨ । ਕੇਂਦਰ ਨੇ ਮਾਨਕ ਇਲਾਜ ਪ੍ਰੋਟੋਕੋਲ ਜਾਰੀ ਕੀਤਾ ਹੈ, ਜਿਸਨੇ ਸਰਕਾਰੀ ਅਤੇ ਨਿੱਜੀ ਵੱਖ-ਵੱਖ ਹਸਪਤਾਲਾਂ ਅਤੇ ਸਿਹਤ ਸਹੂਲਤਾਂ ਵਿਚ ਇਲਾਜ ਅਤੇ ਇਸਦੇ ਮਾਪਦੰਡ ਨੂੰ ਯਕੀਨੀ ਬਣਾਇਆ ਹੈ ।  

ਦੇਸ਼ ਵਿੱਚ ਪਿਛਲੇ 24 ਘੰਟਿਆਂ ਵਿੱਚ 76,737 ਮਰੀਜ ਸਿਹਤਯਾਬ ਹੋਏ ਹਨ ਜਦ ਕਿ 74,442 ਨਵੇਂ ਕੇਸਾਂ ਦੀ ਪੁਸ਼ਟੀ ਹੋਈ ਹੈ । ਪਿਛਲੇ ਦਿਨਾਂ ਵਿੱਚ ਸਿਹਤਯਾਬ ਮਾਮਲਿਆਂ ਦੀ ਗਿਣਤੀ ਨਵੇਂ ਮਾਮਲਿਆਂ ਤੋਂ ਵਧ ਗਈ ਹੈ । 

ਭਾਰਤ ਵਿੱਚ ਅੱਜ ਤੱਕ ਕੁੱਲ 55,86,703 ਸਿਹਤਯਾਬ ਮਾਮਲੇ ਦਰਜ ਕੀਤੇ ਗਏ ਹਨ । 

ਇੱਕ ਦਿਨ ਵਿੱਚ ਰਿਕਵਰੀ ਦੀ ਵੱਡੀ ਗਿਣਤੀ ਦੇ ਨਤੀਜੇ ਵਜੋਂ ਰਾਸ਼ਟਰੀ ਰਿਕਵਰੀ ਦਰ ਵਿੱਚ ਨਿਰੰਤਰ ਵਾਧਾ ਹੋਇਆ ਹੈ, ਜੋ ਮੌਜੂਦਾ ਸਮੇਂ ਵਿੱਚ 84.34% ਹੈ । 

ਨਵੇਂ ਸਿਹਤਯਾਬ ਹੋਏ 75% ਕੇਸ 10 ਰਾਜਾਂ ਅਤੇ ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਵਿੱਚ ਦਰਜ ਕੀਤੇ ਗਏ ਹਨ । ਇਕੱਲੇ ਮਹਾਰਾਸ਼ਟਰ ਵਿੱਚ 15,000 ਤੋਂ ਵੱਧ ਮਰੀਜ ਠੀਕ ਹੋਏ ਹਨ, ਇਸ ਤੋਂ ਬਾਅਦ ਕਰਨਾਟਕ ਅਤੇ ਆਂਧਰਾ ਪ੍ਰਦੇਸ਼ ਵਿੱਚ 7-7 ਹਜ਼ਾਰ ਤੋਂ ਵੱਧ ਮਰੀਜ ਸਿਹਤਯਾਬ ਹੋਏ ਹਨ ।

ਭਾਰਤ ਵਿੱਚ ਐਕਟਿਵ ਮਾਮਲੇ 9,34,427 ਹਨ । ਅੱਜ ਤੱਕ ਐਕਟਿਵ ਮਾਮਲੇ ਦੇਸ਼ ਦੇ ਪੌਜੇਟਿਵ ਕੇਸਾਂ ਦਾ ਸਿਰਫ 14.11% ਹਿੱਸਾ ਹਨ । ਇਨ੍ਹਾਂ ਦੇ ਹੌਲੀ-ਹੌਲੀ ਹੇਠਾਂ ਵੱਲ ਆਉਣ ਦਾ ਰੁਝਾਨ ਦਿਖਾਈ ਦੇ ਰਿਹਾ ਹੈ । 

10 ਰਾਜਾਂ/ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਵਿੱਚ ਐਕਟਿਵ ਮਾਮਲਿਆਂ ਦਾ 77% ਹੈ । 

ਦੇਸ਼ ਵਿੱਚ ਪਿਛਲੇ 24 ਘੰਟਿਆਂ ਵਿੱਚ ਕੁੱਲ 74,442 ਨਵੇਂ ਕੇਸ ਸਾਹਮਣੇ ਆਏ ਹਨ ।

ਨਵੇਂ ਕੇਸਾਂ ਦਾ 78% ਦਸ ਰਾਜਾਂ / ਕੇਂਦਰ ਸ਼ਾਸਤ ਪ੍ਰਦੇਸ਼ ਵਿੱਚ ਕੇਂਦਰਤ ਹੈ । ਮਹਾਰਾਸ਼ਟਰ ਵਿੱਚ 12,000 ਤੋਂ ਵੱਧ ਨਵੇਂ ਕੇਸ ਸਾਹਮਣੇ ਆਏ ਹਨ । ਕਰਨਾਟਕ ਵਿੱਚ 10,000 ਤੋਂ ਵੱਧ ਕੇਸ ਮਿਲੇ ਹਨ ।

ਪਿਛਲੇ 24 ਘੰਟਿਆਂ ਦੌਰਾਨ 903 ਮੌਤਾਂ ਦਰਜ ਕੀਤੀਆਂ ਗਈਆਂ ਹਨ । 82% ਨਵੀਆਂ ਮੌਤਾਂ 10 ਰਾਜਾਂ ਅਤੇ ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਵਿੱਚ ਦਰਜ ਕੀਤੀਆਂ ਗਈਆਂ ਹਨ । ਕੱਲ੍ਹ ਹੋਈਆਂ ਮੌਤਾਂ ਵਿਚੋਂ 36% (326 ਮੌਤਾਂ)ਮਹਾਰਾਸ਼ਟਰ ਵਿੱਚ ਹੋਈਆਂ ਅਤੇ ਉਸ ਤੋਂ ਬਾਅਦ ਕਰਨਾਟਕ ਵਿੱਚ 67 ਮੌਤਾਂ ਦਰਜ ਕੀਤੀਆਂ ਗਈਆਂ ਹਨ ।

                                                                                     ****

ਐਮਵੀ / ਐਸਜੇ