ସ୍ୱାସ୍ଥ୍ୟ ଓ ପରିବାର ମନ୍ତ୍ରଣାଳୟ
ଭାରତର କୋଭିଡ ସୁସ୍ଥ ହାର 83 ପ୍ରତିଶତ ଅତିକ୍ରମ କଲା
ସକ୍ରିୟ ମାମଲା ତୁଳନାରେ ସୁସ୍ଥ ସଂଖ୍ୟା 41.5 ଲକ୍ଷ ଅଧିକ
Posted On:
29 SEP 2020 12:19PM by PIB Bhubaneshwar
ଭାରତରେ କୋଭିଡ ସୁସ୍ଥଙ୍କ ସଂଖ୍ୟା ବଢୁଛି । ଗତ 24 ଘଣ୍ଟାରେ ଚିହ୍ନଟ ନୂଆ ମାମଲା ତୁଳନାରେ ସୁସ୍ଥଙ୍କ ସଂଖ୍ୟା ଅଧିକ ରହିଛି । ଏହାସହିତ ଭାରତର କୋଭିଡ ସୁସ୍ଥ ହାର ମଙ୍ଗଳବାର 83 ପ୍ରତିଶତ ଅତିକ୍ରମ କରିଛି ।
ଗତ 24 ଘଣ୍ଟାରେ ଦେଶରେ 70,589 ନୂଆ ମାମଲା ଚିହ୍ନଟ ହୋଇଥିବା ବେଳେ 84,877 ସୁସ୍ଥ ହୋଇଛନ୍ତି । ସମୁଦାୟ ସୁସ୍ଥଙ୍କ ସଂଖ୍ୟା 51,01,397 ଛୁଇଁଛି ।
ନୂଆ ସୁସ୍ଥ ମାମଲା ମଧ୍ୟରେ 10ଟି ରାଜ୍ୟ, ଯଥା- ମହାରାଷ୍ଟ୍ର, କର୍ଣ୍ଣାଟକ, ଆନ୍ଧ୍ରପ୍ରଦେଶ, ତାମିଲନାଡୁ, ଉତ୍ତର ପ୍ରଦେଶ, ଦିଲ୍ଲୀ, ଓଡିଶା, କେରଳ, ପଶ୍ଚିମବଙ୍ଗ ଓ ମଧ୍ୟପ୍ରଦେଶରୁ 73 ପ୍ରତିଶତ ପଞ୍ଜିକୃତ ହୋଇଛି ।
ପ୍ରାୟ 20 ହଜାର ସୁସ୍ଥ ତାଲିକା ସହ ମହାରାଷ୍ଟ୍ର ଶୀର୍ଷରେ ଥିବା ବେଳେ କର୍ଣ୍ଣାଟକ ଓ ଆନ୍ଧ୍ରପ୍ରଦେଶରେ ଗୋଟିଏ ଦିନରେ 7 ହଜାର ଲେଖାଏଁ ସୁସ୍ଥ ହୋଇଛନ୍ତି ।
ଅଧିକ ସଂଖ୍ୟକ ରୋଗୀ ସୁସ୍ଥ ହେଉଥିବାରୁ ସକ୍ରିୟ ମାମଲା ଓ ସୁସ୍ଥ ସଂଖ୍ୟା ମଧ୍ୟରେ ପାର୍ଥକ୍ୟ ବଢିବାରେ ଲାଗିଛି ।
ସୁସ୍ଥଙ୍କ ସଂଖ୍ୟା ସକ୍ରିୟ ମାମଲା (9,47,576) ତୁଳନାରେ ଅଧିକ (41,53,831) ରହିଛି । ସକ୍ରିୟ ରୋଗୀଙ୍କ ତୁଳନାରେ ସୁସ୍ଥ ହାର 5.38 ଗୁଣ ଅଧିକ ରହିଥିବାରୁ ସୁସ୍ଥ ସଂଖ୍ୟା କ୍ରମାଗତ ଭାବେ ବଢୁଥିବା ସ୍ପଷ୍ଟ ହୋଇଛି ।
ଦେଶରେ ସମୁଦାୟ ପଜିଟିଭ ମାମଲା ମଧ୍ୟରୁ ଏବେ ସକ୍ରିୟ ରୋଗୀଙ୍କ ସଂଖ୍ୟା 15.42 ପ୍ରତିଶତ ରହିଛି ଓ କ୍ରମାଗତ ଭାବେ ହ୍ରାସ ପାଉଛି ।
ଗତ 24 ଘଣ୍ଟା ମଧ୍ୟରେ ଦେଶରେ ସମୁଦାୟ 70, 589 ନୂଆ ମାମଲା ଚିହ୍ନଟ ହୋଇଛି ।
ଚିହ୍ନଟ ହୋଇଥିବା ନୂଆ ମାମଲାଗୁଡିକ ମଧ୍ୟରୁ 73 ପ୍ରତିଶତ 10 ରାଜ୍ୟ/କେନ୍ଦ୍ରଶାସିତ ଅଂଚଳରେ ଚିହ୍ନଟ ହୋଇଛି ।
ମହାରାଷ୍ଟ୍ର ଏହି ସୂଚୀରେ ଶୀର୍ଷରେ ରହିଛି । ମହାରାଷ୍ଟ୍ରରେ 11 ହଜାରରୁ ଅଧିକ ମାମଲା ଚିହ୍ନଟ ହୋଇଥିବା ବେଳେ କର୍ଣ୍ଣାଟକରେ 6 ହଜାରରୁ ଅଧିକ ମାମଲା ଚିହ୍ନଟ ହୋଇଛି ।
ଗତ 24 ଘଣ୍ଟା ମଧ୍ୟରେ ଦେଶରେ 776ଟି ମୃତ୍ୟୁ ହୋଇଛି ।
କୋଭିଡ ମୃତ୍ୟୁ ମାମଲାର 78 ପ୍ରତିଶତ 10 ରାଜ୍ୟ/କେନ୍ଦ୍ରଶାସିତ ଅଂଚଳରେ ହୋଇଛି ।
ନୂଆ ମୃତ୍ୟୁ ମାମଲା ମଧ୍ୟରେ ମହାରାଷ୍ଟ୍ରରେ 23 ପ୍ରତିଶତ ଅଧିକ ମୃତ୍ୟୁ ହୋଇଛି । ମହାରାଷ୍ଟ୍ରରେ 180ଟି କୋଭିଡ ମୃତ୍ୟୁ ହୋଇଥିବା ବେଳେ ତାମିଲନାଡୁରେ 70 ମୃତ୍ୟୁ ହୋଇଛି ।
**********
(Release ID: 1660126)
Visitor Counter : 207
Read this release in:
Malayalam
,
English
,
Urdu
,
Marathi
,
Hindi
,
Manipuri
,
Bengali
,
Assamese
,
Punjabi
,
Gujarati
,
Tamil
,
Telugu
,
Kannada