نئی دلّی ،25 ستمبر / نائب صدر جمہوریہ ٔ ہند نے معروف  موسیقار جناب ایس پی  بالا سبرا منیم کے  انتقال پر تعزیت کا اظہار کیا ہے ۔

          نائب صدر جمہوریہ نے کہا کہ ایس پی بالا سبرا منیم کے انتقال   کی افسوسناک  خبر  سن کر مجھے انتہائی صدمہ ہوا ہے ، جنہیں میں  کئی دہائیوں سے جانتا تھا ۔  یہ حقیقی طور پر موسیقی کی دنیا   کے لئے   کبھی نہ پورا ہونے والا نقصان ہے اور ذاتی طور  پر میرے لئے   ایک شدید جذباتی لمحہ ہے ۔ بے شمار چاہنے والوں کے ذریعے ایس پی بی  یا بالو   کے نام سے پکارے جانے والے بالا سبرا منیم   میرے آبائی مقام نیلّور سے تھے ۔  میں اُن کی انتہائی ستائش کرتا ہوں کیونکہ میں نے بہت مرتبہ  ان کے مسحور کن  نغمے سنے ہیں  ،  مادری زبان سے ، اُن کی شدید محبت   کو سمجھتا ہوں اور  اس طریقے کی توصیف کرتا ہوں ، جس غیر معمولی طریقے سے انہوں نے با صلاحیت نو جوان موسیقاروں کی ایک پوری نسل    تیار کی ہے ۔

          وہ  میرے دل میں  اور  پوری دنیا میں  موسیقی کے لاکھوں   شائقین کے دلوں میں ایک خلاء   چھوڑ گئے ہیں ۔ اُن کی نغمگی سے بھر پور آواز  بدقسمتی سے  نا معلوم وائرس سے خاموش   ہوگئی تھی  لیکن  اُن کی خوبصورت مسکراہٹ   اور مزاح  کی عادت ہماری  یاد وں میں ہمیشہ  بر قرار رہے گی ۔  اُن کے غیر معمولی نغمے   ہمارے کانوں میں گونجتے رہیں گے اور آنے والے طویل عرصے تک ہمارے جذبہ کو ابھارتے رہیں گے ۔

          میں  ، اُس ممتاز موسیقار  کو  خراج عقیدت پیش کرتا ہوں ،   جسے میں    خوش قسمتی سے بہت قریب سے جانتا ہوں ۔  میں بھگوان سے دعاء کرتا ہوں کہ  وہ  ان کے کنبے  کو ،  اِس  غیر متوقع  نقصان    کو برداشت کرنے کی قوت عطا فرمائے ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

( م ن ۔ و ا ۔ ع ا )

U. No.  5846