উপ-রাস্ত্রপতিগী লোইশঙ
ভারতকী উপ রাস্ত্রপতিনা মমিং লৈরবা শৈশকপা শ্রী এস. পি. বালাসুব্রমনিয়মনা লৈখিদবদা অৱাবা ফোংদোকখ্রে
মসি ঐহাক্কী ওইনা য়াম্না থম্মোয় শোকপা মিকুপ অমনি – উপ রাস্ত্রপতি
Posted On:
25 SEP 2020 2:16PM by PIB Imphal
উপ রাস্ত্রপতিনা মমিং লৈরবা শৈশকপা শ্রী এস. পি. বালাসুব্রমনিয়মনা লৈখিদবদা অৱাবা ফোংদোকখ্রে
মহাক্কী মপুং ফাবা ৱারোল মখাদা পীরি -
“ঐহাক্না এস. পি. বালাসুব্রামান্যিমনা খংহৌদনা লৈখিদবদা য়াম্না থিনা নুঙাইতবা ফাওই। মহাক অসি ঐগা দিকেদ কয়া অমা খংনরবা মীশক্নি। মসি তশেংনা ইশৈ-নোংমাইগী লমদা মেনশিনবা ঙম্লরোইদবা মাংজবা অমনি অমসুং ইশাগী ওইনা থম্মোয় শোক্নিংঙাই ওইবা মীকুপ অমনি। এস.পি.বি. নত্ত্রগা বালু অসি মহাক্কী মশিং খংদ্রবা ঐহাক্কী পোক্নফম লমদম নেলোরদা লৈবা মহাকপু পামজবশিংনা য়াম্না পাম্না কৌনবা মিংনি। ঐহাক্না মহাক্কী য়াম্না ফজরবা খোঞ্জেল তাবদা হায়নিংঙাই লৈতনা পামজবা ফাওই, মহাক্না মহাক্কী মমালোলবু পামজনা নুংশিজবা অমসুং নহা ওইরিবা শৈশকপা কয়াদা তোপ-তোপ্পা মওং উৎপা অসিদা হায়নিংঙাই লৈতনা খোইদাজৈ।
মহাক্না ঐহাক্কী থম্মোয়দা অমসুং মালেম অসিগী ইশৈ পামজবা মিলিয়ন কয়াগী থম্মোয়দা মুৎনাইদনা লৈহৌরগনি। মহাক্কী খোইথুম্নরবা খোঞ্জেল অসি লাইবক থিবা অমদা তমথিরবা ভাইরস অমনা মাংহনখি। অদুম ওইনমক, মহাক্কী হরাও মীনোক অমসুং মহাক্কী ফাগী জুগাই অসিনা নিংশিংদুনা অদুম লৈহৌরহগনি। মহাক্কী মপা লৈত্ত্রবা ইশৈশিং অসিনা ঐখোয়গী নাকোং অসিদা নিন্দুনা লৈরগনি অমসুং লাক্কদৌরিবা মতম কয়াদসু ঐখোয়গী ৱাখলদা লৈহৌরগনি।
মসিনা ঐঙোন্দা মহাকপু নক্না খংনরুবগী নুঙাইজবা অদু ফাওদুনা ইকাই খুম্নবা উৎলি। ঐহাক্না মপু ইবুংঙোদা মহাক্কী ইমুং মনুংদা থৌনা পীদুনা খংহৌদনা লৈখ্রিদবগী অৱাবা কোক্নবা নীজরি”।
**********
(Release ID: 1659009)
Visitor Counter : 226
Read this release in:
English
,
Urdu
,
Hindi
,
Marathi
,
Bengali
,
Assamese
,
Punjabi
,
Tamil
,
Telugu
,
Kannada
,
Malayalam