প্রধান মন্ত্রী শ্রী নরেন্দ্র মোদীনা চ্যের লৌখিবা কেবিনেৎ কম্মিতী ওন ইকোনোমিক এফিয়র্স (সি.সি.ই.এ.)না ২০২১-২২গী মার্কেতিং সিজনগী ঈংথমগী মহৈ মরোং পুম্নমক্কী মিনিমম সপ্পোর্ত প্রাইজশিং (এম.এস.পি.শিং) হেনগৎপদা অয়াবা পীখ্রে। এম.এস.পি.দা হেনগৎপা অসি স্বামিনাথন কম্মিসন্না পীবা রিকম্মেন্দেসনশিংগী মতুং ইন্ননি।

মচি ওইবা চীঞ্জাকশিং মথৌ তাবা অমসুং চাবা থকপগী মওং মতৌশিংদা হোংলক্লিবা অসি য়েংলগা অমদি হৱাই-চেংৱাই অমসুং থাও শুংনবা মরুশিং ইশাগী ৱাত্তনবা পুথোকপা ঙম্নবা, সরকারনা হায়রিবা মহৈ মরোংশিং অসিগী এম.এস.পি. অসি অৱাংবা মমলদা লেপখ্রে।

এম.এস.পি.দা হেনগৎখিবা অদু লাউথোকপদা খ্বাইদগী ৱাংবা অসি হৱাই মুসোরীনা (ক্বিন্তল অমদা লুপা ৩০০) ওইখি , মতুংদা চনা অমসুং রেপসীদ অমদি হঙ্গাম (অমমমগী ওইনা ক্বিন্তল অমদা লুপা ২২৫) ওইখি অমসুং কুসুম লৈ(ক্বিন্তল অমদা লুপা ১১২) ওইখি। য়াম অমসুং গেহুগী ওইনা মথং শিৎনা ক্বিন্তল অমদা লুপা ৭৫ অমসুং লুপা ৫০ হেনগৎপগী লাউথোকখি। মমলশিংদা খেৎনরিবা অসিগী পান্দমদি লৌমীশিংনা মখল কয়াগী মহৈ মরোংশিং থাবা থৌগৎনবনি।

২০২১-২২গী মার্কেতিং সিজনগী ঈংথমগী মহৈ মরোংশিংগী মিনিমম সপ্পোর্ত প্রাইজশিং (এম.এস.পি.)

*খুনেকশিং নেকপগী, শনগারী/মেছিন নেকপা, লমগী লিজকী ভরা পীবদা চংখিবা, মরুশিং, হরশিং, মেন্যুরশিং, লৌখোঙ শেম্বগী শেলশিং, ইমপ্লিনেন্তশিং অমসুং ফার্ম শেমগৎপদা মমল হন্থরকপা, ৱার্কিং কেপিতেলগী শেন্দোই, পম্পশিং শীজিন্নবগী দিজল/মৈ অসিনচিংবা মেতরিএল ইনপুৎশিংদা চংবা শেল, অতোপ্পা মচা-মশুদা চংবা অমসুং ইমুংগী মীনা থবক শুবগী অপুনবা ভেল্যু হায়রিবশিং অসিদা চংবা পীথোকখিবা শেল পুম্নমক য়াওরগা।

২০২১-২২গী মার্কেতিং সিজনগী ঈংথমগী মহৈ মরোংশিংগী এম.এস.পি.দা হেনগৎপা অসি কেন্দ্রগী বজেৎ ২০১৮-১৯দা লাউথোকখিবা ওল-ইন্দিয়া ৱেৎতেদ এবরেজ কোস্ত ওফ প্রদক্সনগী য়ামদ্রবদা শরুক ১.৫কী চাংদা লেপনবগী পথাপকী মতুং ইন্ননি। লৌমীশিংনা মখোয়গী পুথোকপদা চংখিবা অদুদা রিতর্ন লাকপা অসি গেহুগী (১০৬%) ওইনা খ্বাইদগী ৱাংবা য়াই হায়না পান্নরি মতুংদা রেপসীদ অমসুং হঙ্গাম (৯৩%), চনা অমসুং হৱাই মুসোরী (৭৮%) লৈখি। য়ামগী ওইনা লৌমীশিংনা পুথোকপদা চংখিবা মমলশিং অদুদা রিতর্ন লাক্কদবা অসি ৬৫% ওইরবা য়াই অমসুং কুসুম লৈগী ওইনা ৫০%নি।

তেংবাং অসি এম.এস.পি.গী মওংদা লোয়ননা লৈশিনবগী মওংদা ওই। চুজাক অমদি গেহুদগী শেম্বা মহৈ মরোংশিংগী ওইনদি ফুদ কোর্পোরেসন ওফ ইন্দিয়া (এফ.সি.আই.) অমসুং মরী লৈনবা রাজ্যগী এজেন্সীশিংনা লৌমীশিংদা মখা তানা প্রাইজ সপ্পোর্ত ফংহনগনি। সরকারনা হৱাই-চেংৱাইগী বফর স্তোক অমা শেমখ্রে অমসুং প্রাইজ স্তেবিলাইজেসন ফন্দ (পি.এস.এফ.)কী মখাদা হৱাই-চেংৱাইগী দোমেস্তিক প্রোক্যুর্মেন্ত তৌরি।

প্রাইজ সপ্পোর্ত স্কিম (পি.এস.এস.), প্রাইজ দিফিসেন্সী পেমেন্ত স্কিম (পি.দি.পি.এস.) অমসুং প্রাইবেৎ প্রোক্যুর্মেন্ত এন্দ স্তোকিস্ত স্কিম (পি.পি.এস.এস.)কী পাইলোৎ স্কিম য়াওবা অমব্রেলা স্কিম “প্রধান মন্ত্রী অন্নদাতা আয় সনরক্ষন অভিয়ান” (পি.এম-আশা)না হৱাই চেংৱাইশিং অমসুং থাও শুংনবা মরুশিং লৈশিনবদা মতেং পাংগনি।

মালেম পুম্বগী কোবিদ-১৯ লায়চৎ লৈরবসু অমসুং লৈবাক পুম্বা লোকদাউন তৌরবসু সরকারনা মতম চানা খোঙথাং লৌখৎপনা মরম ওইরগা আর.এম.এস. ২০২০-২১গী গেহু তোন মিলিয়ন ৩৯রোম লৈশিনখিবগী রেকোর্দ থম্বা ঙমখি। লৈশিনবগী থবক চত্থখিবা মতম অসিগী মনুংদা লৌমী লাখ ৪৩রোমদা কান্নবা ফংহন্দুনা আর.এম.এস. ২০১৯-২০দগী চাদা ২২ হেনখি। ২০১৯-২০দা গেহু তো লাখ ৩৯০ লৈশিনখি হায়না পান্নরি অমরোমদা ২০১৪-১৫দা তোন লাখ ২৮০ লৈশিনখি। ২০১৯-২০দা হৱাই চেংৱাই মেত্রিক তো লাখ ১৫ লৈশিনখি হায়না পান্নরি অমরোমদা ২০১৪-১৫দা তোন লাখ ৩ লৈশিনখি। ২০১৯-২০দা থাও শুংনবা মরু মেত্রিক তো লাখ ১৮ লৈশিনখি হায়না পান্নরি অমরোমদা ২০১৪-১৫দা তোন লিশিং ১২ লৈশিনখি।

হৌজিক ওইবা লায়চৎকী ফীভম অসিদা, সরকারনা লৌমীশিংনা মায়োক্নরিবা অৱাবশিং কোকহন্নবা অঙম্বা থাক্তা হোৎনখি, সরকারনা লৌখৎখিবা তোঙান তোঙানবা খোঙথাংশিং অদু মখাদা পীরি:

1. এম.এস.পি.দা হেনগৎলকপগা লোয়ননা, মসিগী কান্নবা অসি লৌমী মশিং য়াম্না ফংহনবা ঙম্নবা লৈশিনবগী থবক কনখৎখি।
2. কোবিদ লাবচ৭ মনুংদা গেহু অমসুং হৱাই-চেংৱাই অমদি থাও শুংনবা মরুশিংগী প্রোক্যুর্মেন্ত সেন্তর অসি মথং শিৎনা শরুক ১.৫ অমসুং ৩ হেনগৎখি।
3. লায়চৎ মনুং অসিদা লুপা করোর ৭৫,০০০ চংনা গেহু তোন লাখ ৩৯০ লৈশিনখি মসি হৌখিবা চহিদগী চাদা ১৫ হেনখি।
4. পি.এম. কিসান সম্মান নিতি য়োজনা হৌদোকখিবগা লোয়ননা চাউরাক্না লৌমী করোর ১০দা কান্নবা ফংহনখ্রে। পুন্না কায়থখিবা শেনফম অসি চাউরাক্না লুপা করোর ৯৩,০০০ ওইখি।
5. পি.এম.কিসানগী মখাদা লায়চৎ অসিগী মনুংদা লৌমী করোর ৯গী ময়াদা লুপা করোর ৩৮০০০রোম ফংহনখ্রে।
6. হৌখিবা থা ৬ অসিদা অনৌবা কে.সি.সি. করোর ১.২৫ ফংহনখ্রে।

vii.    কালেনগী পন্থাদা লৌ উখিবা লম অসি হেক্তর লাখ ৫৭ ওই, মসি হৌখিবা চহিদগী হেক্তর লাখ ১৬ হেনখি। খারিফকী লৌ উবা অসিসু হৌখিবা চহিদগী চাদা ৫ হেনখি।

8. কোবিদ লায়চৎ মনুংদা ই-নাম মার্কেৎশিংগী মশিং অসি ৫৮৫তগী ১০০০দা হেনগৎখি। হৌখিবা চহিদা, ই-প্লেৎফোর্মদা লুপা করোর ৩৫০০০গী ললোন-ইতিক তৌখি।
9. চহি মঙাগী মতম অসিদা এফ.পি.ও. ১০,০০০ শেমগৎনবা লুপা করোর ৬৮৫০ চাদিং তৌগনি।
10. ফসল বিমা য়োজনাগী মখাদা হৌখিবা চহি ৪ অসিদা লুপা করোর ১৭৫০০গী প্রিমিয়ম থিবদা লৌমীশিংনা লুপা করোর ৭৭,০০০গী ক্লেম ফংগনি।
11. ফসল বিমা য়োজনা অসি ভোল্যুন্তরী ওই।
12.  কিসান রেল চেনবা হৌখ্রে।

দি ফার্মর্স’ প্রদ্যুস ত্রেদ এন্দ কম্মর্স (প্রোমোসন এন্দ ফেসোলিতেসন) ওর্দিনান্স, ২০২০ অমসুং ফার্মর্স (এম্পাৱর্মেন্ত এন্দ প্রোতেক্সন) এগ্রীমেন্ত ওন ফার্ম সর্ভিসেস ওর্দিনান্স, ২০২০ অসি লৌমীশিংনা মখোয়গী পোত্থোকশিং অসি লৈজরিবা এ.পি.এম.সি. মন্দি সিস্তেমগী মপালদা য়োনা য়ান্নবা আতোপ্পা চেনেলশিং ফংহন্নবা অমসুং এগ্রিবিজিনেসতা লনাই ওইনা শরুক য়াবা য়ান্নবা শেমখিবনি। ইসেন্সিএল কম্মোদিতীস (এমেন্দমেন্ত) ওর্দিনান্স, ২০২০ অসি মপুং ফাবা এগ্রি-ফুদ সপ্লাই চেনশিং শেম্নবা অমসুং ভেল্যু-এদিসন, সাইন্তিফিক স্তোরেজ, ৱেরহাউসিং অমসুং মার্কেতিং ইনফ্রাস্ত্রকচরদা লনাই সেক্তর ইনবেসমেন্ত হেনগৎহন্নবা শেমখি।

এগ্রিকলচর ইনফ্রাস্ত্রকচর ফন্দগী স্কিমগী মখাদা, লুপা করোর লাখ ১ অসি বেঙ্কশিং অমসুং ফাইনান্সিএল ইন্সতিত্যুসনশিংনা চহি অমগী শেন্দোই ৩%গী চাংদা লোনশিং ওইনা ফংহল্লি অমসুং সি.জি.তি.এম.এস.ই. (ক্রেদিৎ গরেন্তী ফন্দ ত্রস্ত ফোর মাইক্রো এন্দ স্মোল ইন্তর্প্রাইজশিং)গী মখাদা লুপা করোর ২ ফাওবগী লোনগী ক্রেদিৎ গরেন্তী ফংহল্লি। স্কিম অসিনা লৌমীশিং, পি.এ.সি.শিং, এফ.পি.ও.শিং, এগ্র-ওন্তর্প্রিনোরশিং অসিনচিংবদা কম্ম্যুনিতী ফার্মিংগী মচাক মথুমশিং অমসুং লৌরোক মতুংগী এগ্রিকলচর ইনফ্রাস্ত্রকচর শেমগৎনবা তেংপাং পীগনি।

*****