PIB Headquarters

কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন

Posted On: 17 SEP 2020 6:29PM by PIB Imphal

Coat of arms of India PNG images free download

(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

  • হৌখিবা পুং ২৪দা কোবিদ নারবা মীওই ৮২,৯৬১ নাবা ফখ্রে, নাবা ফবগী চাং চাদা ৭৮.৬৪ য়ৌরে
  • হৌজিক ফাওবদা অনাবা মীওই লাখ ৪০ হেন্না (৪০,২৫,০৭৯) নাবা ফখ্রে
  • ঙসি ফাওবদা লৈবাক অসিদা অপুনবা এক্তিব কেস লাখ ১০ (১০,০৯,৯৭৬) হেনখ্রে
  • এক্তিব কেসকী তঙ্খায়গী ময়া (চাদা ৪৮.৪৫)দি রাজ্য অহুম- মহারাস্ত্র, কর্নাতকা অমসুং আন্ধ্র প্রদেশতা লৈরি
  • ২০২৪গী মার্চ ফাওবদা জনঔশধি কেন্দ্রশিংগী মশিং ১০৫০০দা হেনগৎলগনি
  • লাইচৎ অসিনা মরম ওইরগা মহৈলোইশঙশিং থোং লোনবনা মহৈ তম্লিবা অঙাংশিংদা চেং-চাক, হৱাই, থাওনচিংবা (চাক-য়েনশাং থোংবদা চংবা মমলগা মান্ননা) ফুদ সেকুরিতী এলাৱেন্স(এফ.সি.আই.) পীনবা রাজ্যগী সরকার অমসুং য়ু.তি. লৈঙাক শাশনদা খঙহনখ্রে

ভারতনা নুমিৎ নিনি থংনা-থংননা অনাবা ৮২,০০০ হেন্না ফগৎপগী রেকোর্দ থমখ্রে, পুন্না নাবা ফগৎলকখিবা অসি লাখ ৪০ হেনখ্রে, নাবা ফগৎলকখ্রবা কেসশিংনা এক্তিব কেসশিংদগী লাখ ৩০ হেন্না হেনখ্রে

ভারতনা থংনা-থংননা নুমিৎ নিনিদা নাবা ফগৎলকপগী মশিং খ্বাইদগী য়াম্না রেজিস্তর তৌখ্রে। হৌখিবা নুমিৎ নিনি অসিদা অনাবা মীওই ৮২,০০০ হেন্না লায়েংখ্রে অমদি দিসচার্জ তৌখ্রে। হৌখিবা পুং ২৪দা এক্তিব কেস ৮২,৯৬১ অসি কোবিদতগী নাবা ফগৎহনবা ঙমখ্রে। নাবা ফগৎলকখিবগী মশিং অসি য়াম্না ৱাংবনা লৈবাক অসিগী নাবা ফগৎলকপগী চাংগী কর্ফ অসি মখা তানা হাইগৎলক্লি। ঙসিগী ওইনা মসি ৭৮.৬৪%দি লৈরি। হৌজিক ফাওবদা অনাবা মীওই লাখ ৪০ হেন্না (৪০,২৫,০৭৯) ফগৎপা ঙমখ্রে। ঙসি নাবা ফগৎলকখ্রবা কেসশিংনা এক্তিব কেসশিংদগী লাখ ৩০ (৩০,১৫,১০৩) হেন্না হেনখ্রে অমসুং শরুক মরি হেনখ্রে। নাবা ফগৎলকপগী থাক অসি ৱাংখৎলকপনা মরম ওইরগা হৌখিবা নুমিৎ ৩০নি অসিদা ফগৎলকখ্রবা কেসশিংগী মশিং অসিদা ১০০% হেনগৎপা ঙমহনখ্রে। নৌনা নাবা ফগৎলকখ্রবা অসিগী শরুক মঙা থোকপগী অমা হেন্না মহারাস্ত্রদগী (১৭,৫৫৯) ওইখি অমরোমদা নৌনা নাবা ফগৎলকখ্রবশিংগী ৩৫.৮৭%দি অন্ধ্র প্রদেশ (১০.৮৪৫), কর্নাতকা (৬৫৮০), উত্তর প্রদেশ (৬৪৭৬) অমসুং তামিল নাদু (৫৭৬৮) রাজ্যশিং অসিদগী ওইখি। রাজ্যশিং অসি পুল্লগা নৌনা নাবা ফগৎলকপগী অপুনবগী ৫৭.১% ওইখি। লৈবাক অসিগী এক্তিব কেসশিংগী অপুনবগী মশিং অসি ঙসি ফাওবদা লাখ ১০ (১০,০৯,৯৭৬) হেনখ্রে। এক্তিব কেসশিংগী তঙ্খায়গী ময়া (৪৮.৪৫%)দি রাজ্য ৩দগী ওইখি; মহারাস্ত্র, কর্নাতকা অমসুং অন্ধ্র প্রদেশ। উত্তর প্রদেশ অমসুং তামিল নাদুগী রাজ্যশিং অসিগা পুল্লগা রাজ্য ৫ অসিনা অপুনবা এক্তিব কেসশিংগী ৬০%গী ময়া ওইখি। হৌখিবা পুং ২৪দা লৈখিদবা কেস ১১৩২ রিপোর্ত তৌরকখি। মহারাস্ত্রদা নৌনা লৈখিদবা কেস ৪৭৪গা লোয়ননা নৌনা লৈখিদবগী ৪০%দি রাজ্য অসিদগী ওইখি। হৌখিবা পুং ২৪দা লৈখিদবগী ২৫.৫%দি মখাদা পীরিবা রাজ্য মরি, উত্তর প্রদেশ (৮৬), পঞ্জাব (৭৮), অন্ধ্র প্রদেশ (৬৪). ৱেস্ত বেঙ্গল (৬১) অসিদগী ওইখি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1655483

ইং ২০২৪গী মার্চ লোইশিল্লকপা ফাওবগী মনুংদা জনঔশধি কেন্দ্রগী মশিং ১০৫০০ য়ৌহন্নবা সরকারনা পান্দম থমখ্রে
কেন্দ্রগী কেমিকেলস অমসুং ফর্তিলাইজর মন্ত্রী শ্রী দি.ভি. গৌদানা মরু ওইনা লায়রবা মীওইশিংগী ওইনা মীয়াম খুদিংদা হিদাক-লাংথকশিংবু অহোঙবা মমলদা ফংহন্নবা হায়দুনা ভারত সরকারনা মার্চ ২০২৪ ফাওবগী মনুংদা প্রধান মন্ত্রী ভারতিয় জনঔশধি কেন্দ্র (পি.এম.বি.জে.কে.)গী মশিং অসি ১০৫০০ য়ৌহন্নবা পান্দম থম্লে হায়খি। পি.এম.বি.জে.কে. অসি হীরম অসিগী মতাংদা থবক পায়খৎপগী এজেন্সী ওইরিবা প্রধান মন্ত্রী ভারতিয় জনঔশধি পরিয়োজনা পি.এম.বি.জে.পি.)না ফার্মাস্যুতিকেলস বিভাগ (এম./ও. সি. অমসুং এফ.)কী মখাদা লৈবা ব্যুরো ওফ ফার্মা পি.এস.য়ু. ওফ ইন্দিয়ানা শেমগৎপনি। মসিগী থৌওং অসিগী মতুং ইন্না লৈবাক অসিগী জিলা খুদিংদা জনঔশধি কেন্দ্রশিং লৈগনি। মসিনা লৈবাক্কী কাচিন কোয়াগী মফম খুদিংদা লৈবা মীওইশিংদা হিদাক কয়া অহোঙবা মমলদা ফংহনগনি। সেপ্তেম্বর ১৫, ২০২০ ফাওবদা লৈবাক অসিগী অপুনবা দুকান মশিং অসি ৬৬০৩দা হেনগৎখ্রবনি। ইং ২০২০-২১দগী ২০২৪-২৫ ফাওবগী মতমগী ওইনা অয়াবা পীরবা লুপা করোর ৪৯০গী শেনফম লৈরদুনা পি.এম.বি.জে.পি.না মগুন লৈবা হিদাকশিংগী মমলশিংবু য়াম্না তাথহন্দুনা লৈবাক অসিগী মীয়ামশিংদা, মরু ওইনা লায়রবশিংদা হিদাক কয়া ফংহল্লি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1655545

তসেংবা মমলদা তঙাই ফদবা মেদিকেলগী খুৎলাইশিং ফংহন্নবা হায়দুনা এন.পি.পি.এ.না খু ইমপ্লান্ত তৌবগী সিলিং প্রাইস অসি সেপ্তেম্বর ১৪, ২০২১ ফাওবা শাংদোকখ্রে

তসেংবা মমলদা তঙাই ফদবা মেদিকেলগী খুৎলাইশিং ফংহন্নবা হায়দুনা কেমিকেলস অমসুং ফর্তিলাইজর মন্ত্রালয়গী ফার্মাস্যুতিকেলস বিভাগকী মখাদা লৈবা হিদাক্কী মমল লেপ্পগী থৌওং পায়খৎলিবা নেস্নেল ফার্মাস্যুতিকেলস প্রাইসিং ওথোরিতী (এন.পি.পি.এ.)না খু ইমপ্লান্ত তৌবগী সিলিং প্রাইস অসি চহি অমগা হেন্না সেপ্তেম্বর ১৪, ২০২১ ফাওবা শাংদোকখ্রে। মসিগী থৌওং অসিনা লৈবাক অসিগী অচম্বা মীওইশিংগী লুপা করোর ১৫০০মুক তুংশিলহনবা ঙম্লগনি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1655460

কোবিদ-১৯গী মনুংদা পেন্সন লৌরিবশিংগী য়াইফনবা খোংথাংশিং

কেন্দ্রগী অৱাং নোংপোক লমদম চাউখৎ থৌরাং মন্ত্রালয় (দোনর), এম.ও.এস. পি.এম.ও., পার্সনেল, পব্লিক গ্রিভান্সেস, পেন্সন্স, এতোমিক ইনর্জী অমসুং স্পেসকী রাজ্যগী মন্ত্রী দা. জিতেন্দ্র সিংহনা রাজ্য সভাদা ঙসি অইবা পাউখুম ওইনা কোবিদ-১৯গী মনুংদা পেন্সন লৌরিবশিংগীদমক খোংথাং কয়া লৌখৎখ্রে হায়না হায়খ্রে। পেন্সন অমসুং পেন্সনর্স ৱেলফিয়র বিভাগনা তম্বা ঙমদবা কোবিদ-১৯ লাইচৎনা মরম ওইদুনা লোকদাউন থমজিনখিবদগী হৌনা পেন্সন ফংলিবশিংগী পেন্সন অমসুং রিতায়র্মেন্ত বেনিফিৎশিং মতম চানা পীনবা অমসুং মখোয়বু হকচাং ফনা থম্নবা অমসুং কোবিদ-১৯ লাইচৎকী মতাংদা মুন্না খঙনবা খোংথাং কয়া লৌখৎখি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1655667

লৈবাক শিনবা থুংনা লৈরিবা অঙ্গনৱাদিশিংদা কোবিদ-১৯ লায়চৎকী চৈথেং

দিজাস্তর মেনেজমেন্ত এক্ত ২০০৫কী মখাদা হোম পুবা মন্ত্রালয়না থোকপা য়াথেংশিংগী মতুং ইন্না, লৈবাক অসিদা লৈরিবা অঙ্গনৱাদি সেন্তর পুম্নমক কোবিদ-১৯না পীবা চৈথেং অসি হন্থহন্নবা থোং লোনহনখি। ২০২০গী জুলাই থাদা রাজ্যশিং/য়ু.তি.শিং লোয়ননা পাঙথোকখিবা খন্ন-নৈনবা অদুদা অয়াম্বা রাজ্যশিংনা কোবিদ-১৯গী লায়চৎ অসিগী মশিং হেনগৎলকপা অসিদা অঙ্গনৱাদি সেন্তরশিং হাংবদা খুদোংচাবা অদু ফোঙদোকখি।অদুম ওইনমক, অঙ্গনৱাদি বেনিফিসরীশিংদা মচি ওইবা চীঞ্জাকশিং লেপ্তনা ফংহন্নবা অঙ্গনৱাদি ৱার্করশিং অমসুং হেল্পরশিংনা বেনিফিসরীশিংগী ময়ুমদা মচি ওইবা চান্নবা চীঞ্জাকশিং য়েন্থোকখ্রে।মখা তানা, মন্ত্রালয় অসিনা বেনিফিসরীশিংগী ময়ুমদা নুমিৎ ১৫গী মনুংদা অমুরক অঙ্গনৱাদি ৱার্করশিংনা চানবা চীঞ্জাকশিং অমসুং মচি ওইবা চীঞ্জাক য়েন্থোকহন্নবা রাজ্যশিং/য়ু.তি.শিংদা মথৌ তাবা পাউতাকশিং পীখ্রে। মসিগী মথক্তা অঙ্গনৱাদি ৱার্করশিং অমসুং অঙ্গনৱাদি হেল্পরশিংনা কম্ম্যুনিতী সর্ভিলেন্স, এৱ্যেরনেস পীবা নত্রগা মতম মতমগী মতুং ইন্না মখোয়দা পীবা থবকশিংদা লোকেল এদমিনিস্ত্রেসনগী মতেং পাংলি। মসিগী ই-পাউ অসি ৱুমেন অমসুং চাইল্দ দিবেলপমেন্তগী কেন্দ্রগী মন্ত্রী স্ম্রীতি জুবিন ইরানিনা রাজ্য সভাদা ঙসি অইবা পাউখুম ওইনা পীখি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1655608

এজুকেসন মন্ত্রালয়না কোবিদ-১৯ লাইচৎ মনুংদা মহৈলোইশঙ কাদুনা মহৈ তম্লিবা অঙাংশিংদা লাইরিক তম্বীনবা তোঙান-তোঙানবা খোংথাংশিং লৌখৎখ্রে

কোবিদ-১৯ লাইচৎকী মনুংদা এজুকেসন মন্ত্রালয়না রাজ্য অমসুং য়ূ.তি.শিংগা তাংকক কয়াদা তান্নদুনা কোবিদ-১৯ মনুংদা মহৈরোইশিংনা মহৈ তম্বা লেপ্তনবা খোংথাং কয়া লৌখৎখি। পি.এম. ই.বিদ্যা কৌবা খোংথাং অমা দিজিতেল/ওনলাইন/ওন-এয়র এজুকেসনগা মরী লৈনবশিং পুনশিন্দুনা মহৈ তম্বদা মলতি মোদ অমা পাঙথোকপা য়ানবগীদমক লৌখৎখি। দিকশা হায়বসি রাজ্য অমসুং সেন্ত্রেল সরকারদা গ্রেদ ১দগী ১২ ফাওবদা লৈবা স্কুল এজুকেসনগী প্লেৎফোর্ম অমনি। মসি স্কুল এজুকেসনগী 'ৱান নেসন; ৱান দিজিতেল প্লেৎফোর্ম' অমনি। 'মনোদর্পন'দা কোবিদ অমসুং মতুংদা মহৈরোই, ওজা অমসুং ইমুং মনুংশিংদা মেন্তেল হেল্থ অমসুং ইমোসনেল ৱেলবিইংগী সাইকোসোসিএলগী মতেং পীনবগীদমক তোঙান-তোঙানবা মখলগী থবক থৌরমশিং পীরি। পাউদম অসি হ্যুমেন রিসোর্স দিবেলপমেন্ত মন্ত্রালয়গী রাজ্যগী মন্ত্রী শ্রী রমেশ পোখ্রিয়াল 'নিশাঙ্ক'না রাজ্য সভাদা ঙসি অইবা পাউখুম ওইনা পীখিবনি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1655697

কোবিদ লায়চৎ মনুংদা ত্রাইবেল মীয়ামবু মতেং পাংনবা সরকারনা লৌখৎখিবা খোঙথাংশিং

ত্রাইবেল এফিয়র্স মন্ত্রালয়না (এম.ও.তি.এ.)না কোবিদ-১৯ লায়চৎ মতুংদা শেন্মীৎলোনগী ফীভম ফগৎহন্নবা থৌরাংশিং ইমপ্লিমেন্ত তৌনবা/থবক্তা ওন্থোক্নবা রোদমেপ শেম্নবা অমসুং মথৌ তাবা খোঙথাংশিং লৌখৎনবা ওফিসরশিংগী তিম অমা শেমখ্রে। কোরোনা ভাইরস লায়চৎ অসিনা মরম ওইদুনা লৈবাক অসিদা তাংনা থোকপা অমসুং য়াম্না অৱাবা ফীভম অসি য়েংলগা ত্রাইবেল গেদররশিংদা মথৌ তারিবা মতেং ফংহন্নবা এম.ও.তি.এ.না মাইনর ফোরেস্ত প্রদ্যুস (এম.এফ.পি.)গী মিনিমম সপ্পোর্ত প্রাইস (এম.এস.পি.) শেমদোকখ্রে। এম.এফ.পি. প্রোক্যুর্মেন্ত তৌবগী খুত্থাংদা ত্রাইবেলশিংদা ইনকম লাক্নবা থবক থৌরমশিংদা থৌনা হাপ্পা ওইনা এম.এফ.পি.গী শেমদোক্লবা এম.এস.পি.গী গাইদলাইনশিং মে ১, ২০২০দা থোকখি, মসিনা এম.এফ.পি.শিংগী এম.এস.পি.গী মমলশিং হেনগৎহনখি অমসুং ত্রাইবেল গেদররশিংদা ইনকম হেন্না ফংহনবদা মতেং পাংখ্রে। মসিগী মথক্তা মে ২৬, ২০২০দা এম.এস.পি.গী মখাদা  এম.এফ.পি.গী লিস্ত অসিদা অনৌবা পোৎলম ২৩ হাপচিন্দুনা স্কিম অসিগী মখাদা লৈবা এম.এফ.পি.শিং অসিগী অপুনবা মশিং অসি ৭৩ শুখ্রে। হায়রিবা পোৎলমশিং অসিদা ত্রাইবেল গেদররশিংনা খোমজিনবা লৌউ-শিংউ অমসুং হোর্তিকলচরগী প্রদ্যুসশিং য়াওরি। ত্রাইবেল এফিয়র্স মন্ত্রালয়গী কোবিদ রেস্পোন্স তিমনা সেদ্যুল্দ ত্রাইবকী হিনবগী পাম্বৈ অমসুং হকশেলগী ওইনা কোবিদ-১৯ পেন্দেমিক রেস্পোন্স প্লান অমা শেমখী। হায়রিবা অসি ত্রাইবেল এফিয়র্সকী সেক্রেতরীনা অয়াবা পীখ্রে অমসুং মথৌ তাবা খোঙথাংশিং লৌখৎনবা তোঙান তোঙানবা স্তেকহোল্দরশিংগী মরক্তা হান্না খঙহনখ্রে। রাজ্যশিং/য়ু.তি.শিংদা রাজ্যগী তি.এস.গী ফন্দশিং শীজিন্ননবা খঙহনবগা লোয়ননা মন্ত্রালয় অসিগী তোঙান তোঙানবা স্কিমশিংগী মখাদা ৱফমশিং অসিগী পুম্নমক য়াওরবা প্রপোজল অমা পীশিনখ্রে। মসিগী ই-পাউ অসি ঙসি রাজ্য সভাদা ত্রাইবেল এফিয়র্সকী রাজ্যী কেন্দ্রগী মন্ত্রী শ্রীমতি রেনুকা সিংহ সরুতানা অইবা পাউখুম ওইনা পীখি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1655632

লোকদাউন মনুংদা মহৈরোইশিংদা চানা থক্নবা পীবা

লাইচৎ অসিনা মরম ওইরগা মহৈলোইশঙশিং থোং লোনবনা মহৈ তম্লিবা অঙাংশিংদা চেং-চাক, হৱাই, থাওনচিংবা (চাক-য়েনশাং থোংবদা চংবা মমলগা মান্ননা) ফুদ সেকুরিতী এলাৱেন্স(এফ.সি.আই.) পীনবা রাজ্যগী সরকার অমসুং য়ু.তি. লৈঙাক শাশনদা খঙহনখ্রে৷ হায়রিবা ৱারেপ অসি লৈরিবা ফিভম অসিগী মতুং ইন্না মশা মশাগী রাজ্যশিং অমসুং য়ু.তি.শিংনা লেপখিবনি৷ কোবিদ-১৯না মরম ওইরগা ওইহল্লিবা ফিভম অসি য়েংলগা তঙাই ফদনা লৌখৎতবা য়াদ্রবা থৌরাং লৌখৎন্নবগীদমক রাজ্যশিং অমসুং য়ু.তি.শিংদা খঙহনখ্রে৷ হায়রিবা ৱারোল অসি ৱুমেন অমসুং চাইল্দ দিভেলপমেন্তকী কেন্দ্রগী মন্ত্রী শ্রীমতি সম্রিতি জুবিন ইরানিনা ঙসি রাজ্য সভাদা অইবা চেরোল অমদা পীশিনখি৷

অকুপ্পা ৱারোলগীদমক: https://pib.gov.in/PressReleseDetail.aspx?PRID=1655617

লোকদাউন মনুংদা নুপীবু ওৎ নৈবা

এপ্রিল ২০২০দগী জুন ২০২০ ফাওবগী ওইনা নেসনেল লিগেল সর্ভিসেস ওথোরিতী (এন.এ.এল.এস.এ.)দগী ফংবা পাউগী মতুং ইন্না, দোমেস্তিক ভাইওলেন্স কেস ২৮৭৮তা লিগেল এদ অমসুং তেংবাং পীখ্রে অমদি প্রোতেক্সন ওফ ৱুমেন ফ্রোম দোমেস্তিক ভাইওলেন্স এক্ত, ২০০৫ (পি.দব্লিউ.দি.ভি.এ.)গী মখাদা কেস ৪৫২দা পিতিসন ফাইল তৌখ্রে‍। কেস ৬৯৪ পাউতাক পীদুনা/ৱাতেমদুনা লোইশিনখ্রে‍। মন্ত্রালয়না ২৫.০৩.২০২০দা থোকখিবা পাউতাক ৱারোলদা লৈবাক শিনবা থুংবা লোকদাউন মনুংসিদা ঙাকশেলগা মরী লৈনবা হীরমশিংদা নুপীশিংদা ঙাক্লৌ পীরিবা মখোয়গী ৱন স্তোপ সেন্তর স্কিমগী মখাদা লৈবা ৱন স্তোপ সেন্তরশিং (ও.এস.সি.শিং) অমসুং য়ুনিভর্সেলাইজেসন ওফ ৱুমেন হেল্পলাইন স্কিমগী (তোল ফ্রী তেলিফোনিক সোর্ত কোদ ১৮১গী খুত্থাঙদা) মখাদা লৈবা ৱুমেন হেল্পলাইনশিং (দব্লিউ.ঐচ.এল.) মথৌ তৌদুনা লৈননবা ৱাফম থমখি‍। হায়রিবা পাউতাক ৱারোল অদুদা, প্রোতেক্সন ওফ ৱুমেন ফ্রোম দোমেস্তিক ভাইওলেন্স এক্ত, ২০০৫গী মখাদা লৈবা প্রোতেক্সন ওফিসরশিং অমসুং দৌরী প্রোহিবিসন এক্ত, ১৯৬১গী মখাদা লৈবা ‘দৌরী প্রোহিবিসন ওফিসরশিং’দা লোকদাউন মনুংদা ওৎপী নৈবিবনা শোকহল্লবা নুপীশিংদা ঙাকথোকপা অমদি শৌগৎপিবগা মরী লৈনবা সর্ভিসশিং মখা তানা পীননবা পাউতাক পীখি‍। ৱাফম অসি ৱুমেন এন্দ চাইল্দ দেভেলপমেন্তগী কেন্দ্র মন্ত্রী শ্রীমতি স্মৃতি জুবিন ইরানিনা ঙসি রাজ্য সভাদা অইবা পাউখুম ওইনা পীখিবনি‍।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1655619

কোবিদ-১৯ লাইচৎ মরক্তা এভিএসন ইন্দস্ত্রি অমুক হিঙ্গৎনবা পায়খৎলিবা থবকশিং

কোবিদ লাইচৎনা এভিএসন সেক্তরদা পীরিবা চৈথেং হন্থহন্নবা থবক খুদিংমক পায়খৎলে। কোবিদ-১৯ লাইচৎনা মরম ওইদুনা, লৈবাক মনুংগী এয়র সর্বিস য়াম্না চেকশিন্না অমুক হন্না থবক হৌরে। অহানবদা ২০২০গী কালেনগী মতমগী শরুক অহুম থোকপগী শরুক অমা(চাদা ৩৩)খক থবক তৌবা য়াহনখি, মতুং তারকপদা ২০২০গী জুন ২৬দা চাদা ৪৫ হেনগৎলে অমসুং ২০২০গী সেপ্তেম্বরদা চাদা ৬০ হেনগৎলে। মথক্কী অথিংবশিং অসি লৈতনা রিজনেল কন্নেক্তিবিতি স্কিম -উরান ফ্লাইতশিং পাইবা তৌবা য়ারে। অফগানিস্থান, বাহরেন, কানাদা, ফ্রান্স, জর্মনি, ক্বাতর, মালদিবস, য়ু.এ.ই, য়ু.কে অমসুং য়ু.এস.এ য়াওনা লৈবাকশিংগা লোয়ন্না এয়র-বব্বলশিং নৎত্রগা এয়র-লিঙ্কশিং লৈরে। মসি কোবিদ-১৯ লাইচৎনা মরম ওইদুনা মালেমগী ফ্লাইতশিং থবক লেপ্লিবা মতম অসিদা অমুক হন্না মালেমগী পেসেঞ্জর সর্বিস অমুক হৌনবা মতম খরগী ওইনা পায়খৎপা থৌরাংনি। দরকার ওইরকপা মতমদা মথৌ পাংথোক্নবা মরুওইবা এয়রপোর্তশিংদা লৈরিবা কার্গো তর্মিনেলশিংদা মতিক চাবা চেকশিন-থৌরাং পায়খৎলে। ৱাফম অসি ঙসি লোক সভাদা অইবা ওইনা পীবা পাউখুম অমদা সিবিল এভিএসনগী রাজ্য মন্ত্রী (ইন্দিপেন্দেন্ত-চার্জ) শ্রী হারদিপ সিংহ পুরিনা ফোঙদোকখিবনি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1655672

বন্দে ভারত মিসনগী মখাদা মীরমদগী য়ুমদা পুরকখিবা ভারত মচাশিংগী অকুপ্পা ৱারোল

বন্দে ভারত মিসন অসিদা ভারতকী অমসুং মীরমগী ওপরেতরশিংগা লোয়ননা চার্তরদ ফ্লাইৎ য়াওনা ভারত মচাশিংবু য়ুমদা পুরক্নবা অখন্ননা পায়খিবা ফ্লাইৎশিং য়াওরি। এক্সতর্নেল এফিয়র্স (এম.ই.এ.) মন্ত্রালয়না ৩১/৮/২০২০ ফাওবগী মনুংদা পীরকখিবা পাউগী মতুং ইন্না ভারত মচাশিং ময়ুমদা পুরক্নবা অপুনবা ফ্লাইৎ ৫৮১৭ (লৈবাক অসিদা পায়রকখিবা) পায়রকখি। য়ুমদা হল্লকখিবা মীওইশিংনা লাকখিবা তোঙান তোঙানবা লৈবাকশিংগা লোয়ননা মখোয়গী রাজ্যশিংগী অকুপ্পা মরোলশিং এনেক্সর-এ.দা য়াওরি। মসিগী ই-পাউ অসি রাজ্য (আই./সি.), সিবিল এবিএসন মন্ত্রী শ্রী হরদীপ সিংহ পুরিনা অইবা পাউখুম ওইনা ঙসি রাজ্য সভাদা পীখিবনি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1655209

কোবিদ-১৯ লাইচৎ মনুংদা শান্নরোইশিং অমসুং কোচশিংগী সরকারনা চেকশিন-থৌরাংশিং লৌখৎলে

স্পোর্তস ওথোরিতী ওফ ইন্দিয়া (সাই)না শান্নরোইশিং অমসুং কোচশিং মতেং পাংবদা শেন-থুম ককথবা অমতা লৈতে। মখা তানা মখোয়গী ত্রেনিং পাংথোক্নবা লোকদাউন মনুংদা শান্নরোইশিংদা খুদোংচাবশিং পীরি। ৱাফম অসি ঙসি লোক সভাদা অইবা ওইনা পীবা পাউখুম অমদা য়ুথ এফিয়ার্স অমসুং স্পোর্তসকী রাজ্য মন্ত্রী(ইন-চার্জ) শ্রী কিরেন রিজিজুনা থমখিবনি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1655642

কোবিদ-১৯ লাইচৎনা মরম ওইদুনা গৱাদা পাংথোক্কদবা ৩৬সুবা নেস্নেল গেমস য়ৈথোক্লে

কোবিদ-১৯ লাইচৎনা মরম ওইদুনা ২০২০গী ওক্তোবর ২০দগী ২০২০গী নবেম্বর ৪ ফাওবা গৱাদা পাংথোক্কদবা ৩৬সুবা নেস্নেল গেমস য়ৈথোক্লে। ৩৬সুবা নেস্নেল গেমসকীদমক শান্নবগী মচাক-মথুমশিং শেমগৎনবা লুপা করোর ৯৭.৮০গী কেন্দ্রগী মতেং গৱা সরকারদা পীখ্রে। ৱাফম অসি ঙসি লোক সভাদা অইবা ওইনা পীবা পাউখুম অমদা য়ুথ এফেয়ার্স অমসুং স্পোর্তসকী রাজ্য মন্ত্রী (ইন-চার্জ) শ্রী কিরেন রিজিজুনা থমখিবনি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=16556423

 

পি.আই.বি. ফিল্দ ওফিসশিংদগী ফংবা পাউ

•           চানদিগর: য়ু.তি. চান্দিগরগী এদমিনিস্ত্রেতরনা চান্দিগরদা লৈরিবা হেন্না খুদোংথিনিংঙাই ওইরবা অহল ওইরবা প্রজাশিংনা গাইদলাইনশিং অয়াম্বা ঙাক্না চত্তুনা অমসুং য়ুমদা লৈখিবদা অপেনবা ফোংদোকখি। মহাক্না মফম অদুদা লেরিবা মীপুম খুদিংমক্তা মশানা অথিংবা থমদুনা অমসুং য়াম্না মরু ওইবা নত্রবদি থোরক্তনবা আপীল তৌখি। এদমিনিস্ত্রেতরনা হায়খি মদুদি লৌগদবা থৌদাংঅসি হৌজিক্তি মফম অসিদা লৈরিবশিংনা কোবিদকী প্রোতোকোলশিং অসি চেকশিন্না ঙাক্না চত্তুনা মশানা মশাবু তেক্ত-কাইদনা লৈবদুনি। মহাক্না হাইজেনিক ওইবা প্রক্তিসশিং অমসুং মাস্ক উপ্পগী মতাংদা প্রজাশিংদা খঙহন্নবগীদমক্তা আই.ই.সি. এক্তিভিতীশিং খরা হেন্না পাংথোক্নবগীদমক্তা খঙহল্লকখ্রে।

          পঞ্জাব: সরকারগী মেদিকেল কোলেজশিং অমসুং হোসপিতালশিংদা ওক্সিজেনগী সপ্লাই হেনগৎহন্নবা, পঞ্জাব মেদিকেল এজুকেশন অমসুং রিসর্চ মন্ত্রীনা সপ্লাই চেন কনখৎহন্নবা অমসুং মতম চুপ্পদা সীলিন্দর ২০০গী ইনভেন্তরী লৈহন্নবা রাজ্য অসিগী সরকারগী মেদিকেল কোলেজ অহুমগী প্রিন্সিপালশিংদা খঙহনখ্রে। মহাক্না হোসপিতালশিংদা গ্যাসকী সপ্লাইদা অপনবা লৈহন্দনবা তেলিফোন্দা ওকসিজেন সপ্লায়রশিংদা খঙহল্লকখ্রে।

          হিমাচল প্রদেশ: রাজ্য সরকারনা কেন্দ্রগী য়ুম্লৈ-কৈরৈ মন্ত্রালয়না অখন্ননা পীখিবা নোর্মশিং অমসুং স্তেন্দার্দ ওপরেতিং প্রোসিজর (এস.ও.পি.শিং) নীথিনা ঙাক্না চত্তুনা ২০২০গী সেপ্তেম্বর ১৫দগী রাজ্য অসিদা বারশিং হাংদোকপগী অয়াবা পীখ্রে। ওর্দর অসিগী মতুং ইন্না সোসিয়েল দিস্তেন্সিং তৌদনা লিকর অমত্তা য়োল্লোদবনি অমসুং মখৌয়না সেনিতাইজরশিং থমগদবনি অমসুং থর্মল স্কেন্নিংগী খুদোংচাবা লৈহনগদবনি। আই.এল.আই. সীম্তমশিং মোনিতর তৌনবা স্তাফ পুম্নমক্কী হেল্থ চেকঅপশিং চাং নাইনা তৌবদা নত্তনা এন্ত্রী পোইন্তশিংদা হেন্দ ৱাশ অমসুং সেনিতাইজর থমগদবনি।

          অরুনাচল প্রদেশ: অরুনাচল প্রদেশতা কোবিদ-১৯গীদমক্তা মীওই ২২১ পোজিতিব ওইবা থেংনখি অমসুং মীওই ১২৯ দিসচার্জ তৌখ্রে। ১৮৯২ এক্তিব ওইরি অমসুং ১৩ শিখিবগা লোইননা ৪৭৮৭ দিসচার্জ তৌখ্রে।

          অসাম: অসামদা ঙরাং কোবিদ-১০গীদমক্তা মীওই ২৩৯৪ অমুক পোজিতিব ওইবা থেংনখি অমসুং মীওই ২৪৬৪ দিসচার্জ তৌখ্রে, এক্তিব ২৯০৯১ অমসুং দিসচার্জ তৌখিবা পেসেন্তশিংগী অপুনবা মশিং ১১৯৩৬৪। অপুনবা কেস ১৪৮৯৬৮ অমসুং ৫১১ শিখ্রে।

          মনিপুর: মনিপুরদা কোবিদ-১৯গীদমক্তা মীওই ১১০ পোজিতিব ওইবা থেংনখি অমসুং ফগৎলকপগী চাং চাদা ৭৮ ওইবগা লোইননা ১০৩ ফগৎখ্রে।

          নাগালেন্দ: নাগালেন্দদা, ঙসি অনৌবা পোজিতিব কেস ৪৩ থেংনখি অমসুং ১১১ ফগৎখি। দিস্ত্রিক্ত হোসপিতাল দিমাপুরদা সেপ্তেম্বর ২১দগী নন-কোবিদ সার্বিসশিং মথৌ তৌবা হৌরগনি।

          মহারাস্ত্র: রাজ্যগী হকশেল দিপার্তমেন্তনা থাদোকখিবা বুলেতিনগী মতুং ইন্না য়ুমশকৈশা নুমিত্তা নোংমদা অনৌবা কেস ২৩,৩৬৫ হেনগৎলকখিবগা লোইননা মহারাস্ত্রগী কোবিদ-১৯গী মশিং অসি লাখ ১১.২১ হেনগৎলকখ্রে। নোংমখক্তদা ৪৭৪ শিখিবগা লোইননা রাজ্য অসিদা শিখিবশিংগী অপুনবা মশিং ৩০,৮৮৩। মরক অসিদা রাজ্যগী হকশেল মন্ত্রী, রাজেশ তোপেনা হায়খি কোবিদ-১৯ কেসশিং হেনগৎলক্লিবা অসি লৌখৎখিবা অনলোকিং তৌবগী থৌওং অসিগী মওং অমসুং মীয়াম্নসু চৎখদবা নোর্মশিং ঙাক্না চত্তবনা মরম ওইরগা থোকখিবনি। মসিগা মরী লৈনবা থৌওং অমদা, পুনে মুনিসিপাল কোর্পোরেশন (পি.এম.সি.)না দুকানশিং অমসুং মারকেতশিংদা মখোয়গী প্রেমাইসেসতা কোবিদ ইনফেক্সনগী মায়োক্তা ঙাকথোক্নবগী পাম্বৈশিং লৌখত্তবা কমর্সিয়েল এস্তাব্লিশমেন্তশিং ক্রেক দাউন তৌনবা হোৎনবা ওইনা মেম্বর অহুমগী স্ক্বাদ অমা থানবা ৱারেপ লৌখ্রে।

          গুজরাত: গুজরাত সরকারনা লনাইগী লেবোরেতরীশিংদা কোবিদ-১৯গীদমক্তা আ.র.তি.-পি.সি.আর. তেস্ত তৌবগী মমল হন্থহনখ্রে। লনাইগী হোসপিতালশিংদা আর.তি.-পি.সি.আর. তেস্ত তৌবদা হৌজিক লৌরিবা লুপা ২,৫০০গী মহুত্তা হৌজিক্তি লুপা ১,৫০০ ওইনা লৌরগনি। করিগুম্বা সেমপল অদু য়ুমদগী লৌবা ওইরবদি লুপা ২,০০০ লৌগনি। গুজরাতনা হৌখিবা পুং ২৪গি মনুংদা কোবিদ-১৯গী অনৌবা কেস ১,৩৬৪ থেংনখি। রাজ্য অসিদা অপুনবা কেসশিংগী মশিং অদু লাখ ১.১৭ হেনখ্রে, অদুগা এক্তিব কেসশিংগী মশিং অসি ১৬,২৯৪নি।

          ছত্তিসগর: য়ুমশকৈশা নুমিত্তা অনৌবা পোজিতিব কেস ৩১৮৯ থেংনখি, মসিনা রাজ্যগী কোবিদ-১৯গী মশিং অসি ৭৩,৯৬৬ য়ৌহনখ্রে , অদুগা হৌজিক ছত্তিসগরদা এক্তিব কেস ৩৭,৯৬৬ লৈরি। হোসপিতাল কয়া অমদগী ফদুনা পেসেন্ত ৬৮৯ দিসচার্জ তৌখিবগা লোইননা ফগৎলকখিবশিংগী অপুনবা মশিং অসি ৩০,৬১১ শুখ্রে।

          কেরলা: রাজ্য সরকারনা করিগূম্বা অসীম্তমেতিক ওইরবদি কোবিদ-১৯ লৈরবা মাইগ্রেন্ত লেবররশিংনা থবক তৌবাগী অয়াবা পীরিবা নোতিফিকেশন অদু শেমদোক্নবা ৱারেপ লৌখ্রে। অসীম্তমেতিক মাইগ্রেন্ত লেবররশিংনা তোঙান্না মার্ক তৌরবা জোনশিংদা থবক তৌবা য়াবগী অয়াবা পীখিবা ওর্দর অদুনা মরম ওইরগা খোংথাং অসিবু দোক্তরশিংগী সেক্সন অমনা য়ানিংদবা ফোংদোকখিবদগী চয়েৎনবা লৈখি। মরক অসিদা মঙারকশুবা ওইনা ঙসি মন্ত্রী কে.তি. জলীলগী রেজিগ্নেশন দিমান্দ তৌরদুনা পোলিতিকেল আউৎফিত কয়া অমনা প্রোতেস্ত তৌরকপদগী রাজ্য শিনবা থুংনা কোবিদ প্রোতোকোলশিং খোংগাওনখি। মফম কয়া অমদা প্রোতেস্ত তৌরিবশিং অদুবু তানখাইনবগীদমক্তা পুলিসনা লাথিচার্জ তৌখি অমসুং ৱাতর কেননশিং শিজিন্নখি। কেরলাদা ঙরাং কোবিদ কেস ৩,৮৩০ থেংনদুনা নোংমদা খ্বাইদগী ৱাংবা ওইখি। হৌজিক্কী ওইনা পেসেন্ত ৩২,৭০৯ লাইয়েংদুনা লৈরি অমসুং রাজ্য শিনবা থুংনা মীওই পুন্না ২,১১,০৩৭ ওবজার্ভেশন তৌদুনা থম্লি। শিবগী মশীং অসি হৌজিক্তি ৪৮০ শুখ্রে।

          তামিল নাদু: হাই কোর্তনা ই-পাস সীস্তেমগী মায়োক্তা পি.আই.এল. প্লীগী মতাংদা রাজ্যদা নোতিস অমা থোকখ্রে মরমদি কেন্দ্রগী গাইদলাইনশিংগী মতুং ইন্না রাজ্যশিংনা চৎথোক-চৎশিন তৌবদা অথিংবা থম্লোইদবনি হায়রদুনা। তামিল নাদুগী হকশেল অমসুং য়াইফ য়ুম্বাল দিপার্তমেন্তনা শেমখিবা মনুংগী রিপোর্তকী শরুক অমদি মীয়ামদা ফংহল্লিবা রাজ্যগী কোবিদ-১৯ দেতা অমসুং রিপোর্ত্তা য়াওরিবা অদুদা খেৎনবশিং উবা ফংঙি হায়না মীদিয়ানা পাউদমখি; রাজ্যগী হকশেলগী সেক্রেতরী, জে. রাধাকৃষ্ণননা মরম ওইরগা দুপ্লিকেত এন্ত্রীশিং অসি লৈখিবনি। রাজ্য অসিনা ঙরাং অনৌবা কেস ৫,৬৫২ থেংনখি অমসুং ৫৭ শিখিবগী পাউ লৈখি। কেসকী মশিং ৫,১৯,৮৬০ য়ৌখ্রে; মীওই ৫,৭৬৮ দিসচার্জ তৌখ্রে; চেন্নাইদা অনৌবা এনফেক্সন ৯৮৩ থেংনখি।

          কর্নাতকা: মুখ্য মন্ত্রী, বি.এস. য়েদিয়ুরাপ্পানা হায়খি রাজ্য সরকার অসিনা হন্দক্কী চহি অসিদা রাজ্য অমসুং কেন্দ্র সরকারগী প্রোগ্রামশিংগী মখাদা এগ্রিকলচরেল অমসুং নন-কলচরেল এক্তিভিতীশিংগীদমক্তা লুপা করোর ৩৯,৩০০গী শেলগী মতেং পীরগনি। বি.বি.এম.পি.না লনাইগী হোসপিতাল ৩৬তা সরকারগী ওর্দরগী মতুং ইন্না ফমুংশিং অদুগী ৫০% পীখিদবগী নোতিস থোকখ্রে।

          অন্ধ্র প্রদেশ: রাজ্যগী দিপার্তমেন্ত ওফ এজুকেশন্না কোবিদ-১৯গী মরক অসিদা কেন্দ্র সরকারনা থোকখিবা অনলোক ৪.০গী দাইরেক্তিবশিং ঙাক্না চত্তুনা স্কুলশিং হাংদোকপগী মতাংদা গাইদলাইনশিং থোকখ্রে। মসিগী মতুং ইন্না সরকারগী মরী লৈনবা দিপার্তমেন্তশিংনা সেপ্তেম্বর ২১দগী মখোয়গী এরিয়াদা স্কুলশিং হাংদোক্নবা মিৎয়েং থম্লি। ‘কন্তেনমেন্ত জোনশিংগী মপান্দা লৈবা পব্লিক, প্রাইভেত অমসুং এদেদ এজুকেশনেল ইন্সতিত্যুশনশিং খক্তমক হাংগনি। ওনলাইন তীচিং, তেলি-কাউন্সেলিং, এজুকেশন, অসিনচিংবশিং অসিগীদমক্তা চাউরাক্না ওজাশিংগী চাদা ৫০ খক্তমক শরুক য়াবা য়াগনি। য়ুমশকৈশা নুমিত্তা মী্ই ১৮ ভাইরস অসি কন্ত্রেক্ত তৌখিবগা লোইননা স্তেত এসেম্বলীদা হৌজিক ফাওবদা পুন্না এমপ্লোয়ী ১৫৭ কোরোনা পোজিতিব ওইবগী কনফর্ম তৌখি।

          তেলঙ্গানা: রাজ্য অসিদা হৌখিবা পুং ২৪দা অনৌবা কেস ২১৫৯ থেংনখি, ২১০৮ ফগৎখি অমসুং ০৯ শিখি; কেস ২১৫৯গী মনুংদা কেস ৩১৮তি জি.ঐচ.এম.সি.দগীনি। অপুনবা কেসশিং: ১,৬৫,০০৩: এক্তিব কেসশিং: ৩০,৪৪৩; শিখিবশিং: ১০০৫; দিসচার্জ তৌখিবশিং: ১,৩৩,৫৫৫। তেলঙ্গানা স্তেত লেজিসলেতিব কাউন্সিলগী মন্সুন সেশন অমসুং এসেম্বলী অদুকোবিদ-১৯ শন্দোরক্লিবা অসিগী মরক্সিদা এম.এল.সি.শিং, এম.এল.এ.শিং, লেজিসলেচর স্তাফ অমসুং পুলিস পার্সোনেল অশোই-অঙাম য়াওদনবা য়ুমশকৈশা নুমিত্তগী মতম কক্তনা য়ৈথোকখ্রে।

*****



(Release ID: 1655908) Visitor Counter : 10