(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• ভারতকী অপুনবা ফগৎলকপা ৩৫,৪২,৬৬৩ য়ৌদুনা ফগৎলকপগী চাং চাদা ৭৭.৬৫ য়ৌরে
• ভারতকী নুমীৎ খুদিংগী অনৌবা ফগৎলকপা  চাদা ৬০দি রাজ্য ৫দগী ওইরি
• ঙসিগী ওইনা লৈবাক অসিদা এক্তিব কেসকী মশিং অসি ৯,৪৩,৪৮০ ওইরি
• কেন্দ্রগী হলশেল মন্ত্রীনা রাজ্যশিংগী মরক্তা মেদিকেল ওক্সিজেন পুথোক-পুশিন তৌবদা অথিংবা অমত্তা থমদনবা রাজ্যশিং/য়ু.তি.শিংদা খঙহনখ্রে
• উপ রাস্ত্রপতিনা মীয়ামদা কোবিদ-১৯গী মরমদা পেন্থোক্তুনা লৈথোক্তনবা অমদি মথৌ তাবা চেকশিন থৌরাংশিংগা লোয়ননা মখা চত্থনবা পাউতাক পীখি
• সরকারনা লাইফ সর্তিফিকেৎকী সবমিসনগীদমক হৌজিক লৈরিবা তাইমলাইন কোমথোকখ্রে
• বেঙ্কতগী শেন পুরিবশিংগী অৱাবা কোকহন্নবা য়েংশিনবদা অখঙ-অহৈ কাংবুনা সরকারগী মতেং পাংগনি

ভারতকী নুমিৎ খুদিংগী নাবা ফরবশিংগী মনুংদা চাদা ৬০দি রাজ্য মঙাদগী লাকপনি, অপুনবা নাবা ফরবা মশীং লাখ ৩৫.৫ য়ৌখ্রে

ভারত্তা লেপ্পা লৈতনা নাবা ফবগী রিপোর্ত লাক্লি। হৌখিবা পুং ২৪ অসিদা লৈবাক অসিদা মীওই ৭০,৮৮০ নাবা ফখ্রে। মহারাস্ত্রা খক্তদা নোংমগী মনুংদা মীওই ১৪০০০ নাবা ফখ্রে অমসুং অন্ধ্র প্রদেশতা ১০,০০০ নাবা ফখ্রে। মসিগা লোইননা অপুনবা ওইনা নাবা ফখ্রবা মশীং ৩৫,৪২,৬৬৩ ওইদুনা নাবা ফখ্রবগী চাং ৭৭.৬৫% য়ৌরে। নৌনা নাবা ফরবশিংগী মনুংদা চাদা ৬০দি রাজ্য মঙাদগী হায়বদি মহারাস্ত্রা, তমিল নাদু, অন্ধ্র প্রদেশ, কর্নাতাকা, অমসুং উত্তর প্রদেশতগীনি। হৌখিবা পুং ২৪ অসিদা অনৌবা কেস ৯৬,৫৫১ লাকখি। মসিগী মনুংদগী মহারাস্ত্রদগী ২৩,০০০ অমসুং অন্ধ্র প্রদেশতগী ১০,০০০নি। লৈবাক অসিদা লৈরিবা অপুনবা এক্তিব কেস মশীংনা হৌজিক ফাওবদা ৯,৪৩,৪৮০নি। মহারাস্ত্রনা পরিং অসিদা কেস ২,৬০,০০০ হেন্না লৈদুনা মাংজিল থারি অমসুং কর্নাতাকানা কেস ১০০০০০গী মথক্তা লৈদুনা মথংদা লৈরি। অপুনবা এক্তিব কেসকী চাদা ৭০দি খ্বাইদগী ফিবম থীনা শোকহল্লবা রাজ্য মাপন্দগীনি। মহারাস্ত্রা, কর্নাতাকা, অমসুং অন্ধ্র প্রদেশনা অপুনবা এক্তিব কেসকী চাদা ৪৮ পীরি। হৌখিবা পুং ২৪ অসিদা মীওই ১,২০৯ লৈখিদ্রে। মহারাস্ত্রদা মীওই ৪৯৫ লৈখিদ্রে মসিগী মথংদা কর্নাতাকাদা মীওই ১২৯ লৈখিদ্রে, অদুগা উত্তর প্রদেশতনা মীওই ৯৪ লৈখিদ্রে।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1653246

কেন্দ্রগী হলশেল মন্ত্রীনা রাজ্যশিংগী মরক্তা মেদিকেল ওক্সিজেন পুথোক-পুশিন তৌবদা অথিংবা অমত্তা থমদনবা রাজ্যশিং/য়ু.তি.শিংদা খঙহনখ্রে

রাজ্য খরনা তোঙান তোঙানবা এক্তশিংগী মখাদা লৈবা প্রোবিজনশিং চৎনহন্দুনা ওক্সিজেন সপ্লাইশিংগী ইন্তর-স্তেৎশিংতা কোমনা চত্থোক-চৎশিন তৌরিবা অসিদা অথিংবা থমনবা হোৎনরি অমদি রাজ্য অদুদা লৈরিবা মেন্যুফেকচরর/সপ্লাইয়রশিংনা মখোয়না সপ্লাই তৌরিবা ওক্সিজেন অদু রাজ্য অদুদা লৈরিবা হোস্পিতালশিংদা খক্তা পীনবা খঙহল্লিবা হায়বগী পাউ অসি কেন্দ্রগী হকশেলগী মন্ত্রী য়ৌখ্রে। হীরম অসিদা, হকশেলগী মন্ত্রীনা কোবিদনা নাবা অকনবা অনাবশিং লায়েংবদা হোস্পিতালশিংনা ওক্সিজেন য়াম্না মরু ওই হায়না অমুক হন্না থমখি। রাজ্যশিং/য়ু.তি.শিংদা থাবা চেরোল অমদা কেন্দ্রগী হকশেল মন্ত্রীনা কোবিদ-১৯গী লুদবা অমদি অরুবা কেসশিং লায়েংবদা মেদিকেল ওক্সিজেন মরাং কায়না ফংহনবা অমসুং লেপ্তনা সপ্লাই তৌবা হায়বা অসি য়াম্না মথৌ তাবা অমনি হায়না পুক্নিং চিংশিনখি। অমুক হন্না মখোয়দা মেদিকেল ওক্সিজেন অসি তঙাই ফদবা মীয়ামগী হকশেলগী পোৎলম অমনি হায়না খঙহনখি অমদি লৈবাক অসিদা মেদিকেল ওক্সিজেন সপ্লাইশিং তৌবদা মখল অমা হেক্তগী অপনবা থোক্লকপনা লৈবাক অসিগী অতোপ্পা শরুকশিংদা লৈরিবা কোবিদ-১৯গী লায়নানা নাহল্লিবা অনাবা মীওইশিংগী লায়েং চত্থবদা চাউনা অকায়বা থোকহনবা য়াই। লৈবাক শিনবা থুংনা ওক্সিজেন সপ্লাই মরাং কায়না ফংহনবা অমদি অতোপ্পা খোঙথাংশিংগা লোয়ননা হোস্পিতালদা লৈরিবা য়াম্না লুদবা অমসুং অরুবা কেসশিংগী ক্লিনিকেল ক্যের মপুং ফানা তৌবা ঙমহল্লি। অফবা লালোংশিং শীজিন্নবনা নাবা ফগৎলকপগী চাং ৱাখৎহল্লক্লি অমদি শীখিবা কেসকী চাং তপ্না-তপ্না হন্থহল্লি (হৌজিক্কী ওইনা ১.৬৭%)। ঙসি ফাওবদা এক্তিব ওইরিবা অনাবা মীওইশিংগী ৩.৭%দগী তাবদি ওক্সিজেন সপ্পোর্ত মথৌ তারি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1653254

সি.এস.আই.আর.-সি.দি.আর.আই, লখনৌদা কোরোনা ভাইরস (এস.এ.আর.এস.-সি.ও.ভি.-২)গী মায়োক্তা এন্তিবোদীজকীদমক সেরোলোজীকেল তেস্তিং

অকুপ্পা ৱারোসগীদমক: https://pib.gov.in/PressReleseDetail.aspx?PRID=1653349

প্রধান মন্ত্রীনা এন.ই.পি. ২০২০গী মখাদা "২১শুবা চহী চাদা স্কুল এজুকেসন" হায়বসিগী মতাংদা শীনবা কনক্লেবতা ৱা ঙাংখ্রে

প্রধান মন্ত্রী শ্রী নরেন্দ্র মোদীনা এন.ই.পি. ২০২০গী মখাদা "২১শুবা চহী চাদা স্কুল এজুকেসন" হায়বসিগী মতাংদা শীনবা কনক্লেবতা ঙসি ভিদিও কনফরেন্সকী থোংদা ৱা ঙাংখি। থৌরম অদুদা ৱা ঙাংলদুনা প্রধান মন্ত্রীনা হায়খি মদুদি নেস্নেল এজুকেসন পোলিসীনা ২১শুবা চহী চাগী ভারত্তা অনৌবা মাইওন অমা পীগদৌরি অমসুং ঐখোয়না ঐখোয়গী খুন্নাই অসিগী তুংলমচৎ শেম্নবা হোৎনবদা শরুক য়ারি। মহাক্না হায়খি মদুদি চহী কুন্থ্রারোমসিদা ঐখোয়গী পুন্সি অসি অহোংবা কয়া অমা লাকখ্রে অদুবু ঐখোয়গী এজুকেসন সিস্তেমদি মমাংগী চৎনবীদা অদুমক লেঙদনা লৈরি। অনৌবা এজুকেসন পোলিসী অসি অনৌবা ভারত অমগী অনৌবা ৱাখল্লোন, অনৌবা খুদোংচাবা ফংনবগীদমক্তনি হায়না মহাক্না হায়খি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1653279

সংসদকী নোংজু মীফম মমাংদা, রাজ্য সভাগী চিয়রমেন্ শ্রী বেনকাইয়া নাইদুনা কোবিদ-১৯ তেস্ত তৌখ্রে

২০২০গী সেপ্তেম্বর ১৪গী হৌগদৌরিবা সংসদকী নোংজু মীফমগী মশামক থৌরাং তৌবা ওইনা ঙসি রাজ্য সভাগী চিয়রমেন, শ্রী এম. বেনকাইয়া নাইদু কোবিদ-১৯ তেস্ত তৌখ্রে। রাজ্য সভাগী মেম্বরশিংদা পীখিবা চেকশিনৱা অমগী মতুংইন্না, লাক্লিবা নোংজুম মীফম শরুক য়ানবা তঙাইফদনা মেম্বর খুদিংমক কোবিদ-১৯ তেস্ত(আর.তি-পি.সি.আর) পাংথোক্কদবনি। সরকারনা অয়াবা পীরবা হোস্পিতাল অমদা নৎত্রগা পর্লিয়ামেন্ত হাওস কমপ্লেক্সতা মীফম হৌগদবা পুং ৭২গী মমাংদা এম.পি খুদিংমক মখোয়গী কোবিদ তেস্ত তৌগদবনি হায়না মেম্বরশিংদা খঙহনখ্রে। মেম্বরশিংগী খুদোংচানবা, ঙসিদগী পর্লিয়ামেন্ত হাওস এন্নেক্সতা তেস্ত সেন্তর মফম অহুম হাংদোক্লে। মীফম মনুংদা মখোয়না পর্লিয়ামেন্ত হাওসতা চংলকপা মতমদা খুদোংচাদবা অমতা থোক্তনবা ই-মেলগী খুৎথাংদা রাজ্য সভা সেক্রেতরিয়েৎতা মাংজৌন্না মখোয়গী তেস্ত রিপোর্তশিং থারক্নবা মেম্বরশিংদা খঙহনখ্রে। মখোয়না মথৌ পাংথোকপা মতমদা মেম্বরশিংগা য়াম্না নকশিন্নবা পর্লিয়ামেন্ত সেক্রেতরিয়েৎশিংগী ইমপ্লোয়িশিং অমসুং পর্লিয়ামেন্ত হাওস কমপ্লেক্সতা শীজিন্নরিবা অতোপ্পা এজেন্সিশিংগী স্তাফশিং তঙাইফদনা আর.তি-পি.সি.আর তেস্ত পাংথোক্কদবনি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1653284

উপ রাস্ত্রপতিনা মমল লৈবা মহৈ মশিং পীননবা ৱাফম থমখ্রে, মীয়ামদা কোবিদ-১৯গী মরমদা পেন্থোক্তুনা লৈথোক্তনবা অমদি মথৌ তাবা চেকশিন থৌরাংশিংগা লোয়ননা মখা চত্থনবা পাউতাক পীখি
ভারতকী উপ রাস্ত্রপতি, শ্রী এম. ভেঙ্কয়া নাইদুনা ঙসি মীপুম খুদিংমক্কী য়াইফনবগীদমক মমল লৈবা মহৈ মশিং পীবা মথৌ তাই হায়না ফোঙদোকখ্রে‍। একাদমিক্সকী ৱাংমদা চত্তুনা মমল লৈবা মহৈ মশিং তাকপীবা অমদি তম্বনা ঐখোয়গী এজুকেসন সিস্তেমগী থাদোক্নবা য়াদ্রবা শরুক অমা ওইহন্নবা ৱাফম থমখি‍। উপ রাস্ত্রপতিনা ৱাফমসি শ্রী রাম চন্দ্র মিসননা য়ুনাইতেদ নেসন্স ইন্ফোর্মেসন সেন্তর ফোর ইন্দিয়া অমসুং ভুতানগা খুৎশম্নরগা পাঙথোকপা ‘হর্তফুলনেস ওল ইন্দিয়া এসে রাইতিং ইভেন্ত’ ওনলাইন্দা হৌদোকপগী থৌরমদা ৱা ঙাঙলদুনা ফোঙদোকখিবনি‍। থৌরম অসি চহী খুদিংগী জুলাই অমসুং নভেম্বরগী মরক্তা য়ুনাইতেদ নেসন্স ইন্তরনেসনেল দে ওফ দি য়ুথ নীংশিংদুনা পাঙথোকপনি‍। নেসনেল এজুকেসন পোলিসী – ২০২০বু মমল লৈবা মহৈ মশিংদা মিৎয়েঙ থম্বগীদমক্তা থাগৎলদুনা, ভেল্যুদা মীৎয়েঙ থমবসিনা ঙল্লিঙৈ মতমদগী ঐখোয়গী তাকপী তম্বিবগী থাদোক্নবা য়াদ্রবা শরুক অমা ওইদুনা লাক্লি হায়না শ্রী নাইদুনা হায়খি‍। ঙসিগী নহাশিংবু হয়েংগী লুচিংবনি হায়রদুনা উপ রাস্ত্রপতিনা লৈবাক্কী মরাইবক নহাশিংনা শেমগদবনি হায়বা ৱাফম ফোঙদোকখি‍‍। থিজিন হুমজিনবা অমদি একাদমিয়া অমসুং ইন্দস্ত্রী পুন্না চৎমিন্নবদা হেন্না হোৎননবা ৱাফম থম্লদুনা, পব্লিক অমসুং প্রাইভেত সেক্তর অনিমক্না থিজিন হুমজিনবদা অহেনবা শেনফম থাদবা মথৌ তাই হায়না শ্রী নাইদুনা হায়খি‍। কোবিদ-১৯ লাইচৎনা ওইহল্লক্লিবা শীংনবা ফীভমশিংদা পুক্নীং চিংশিল্লদুনা, লৈবাকশিংনা অকনবা ফিরেপ উত্তুনা ফীভমসিদগী পুন্না অমদি মপাঙ্গল কন্না থোরক্নবা পুন্না হোৎনমিন্নরি হায়বা ৱাফমসু মহাক্না থমখি‍। মীওই অমগী মচৎপু চাংয়েং তৌরকপদা মতমনা য়েক্নবা ওইরকই হায়রদুনা, ঐখোয়না পাঙ্গল কন্না পুন্না হোৎনমিন্নবদা লান্থোকপা ঙম্লোইদবা খুদোংথিবা ফীভম অমত্তা লৈতে হায়না মহাক্না হায়খি‍। লাইচৎ অসিনা মীয়ামগী পুক্নীং ৱাখলদা অৱাবা খরা পোকহল্লে অমদি ফীভমসিদগী নান্থোক্নবা খ্বাইদগী ফবা লম্বীদি ইমুং মনুং পুন্না লৈমিন্নবা অমদি হিরি কোনমিন্নবনি হায়না শ্রী নাইদুনা হায়খি‍। ফীভমসিদা মীয়াম্না পেন্থোক্তুনা লৈথোক্তনবা অমদি মথৌ তাবা চেকশিন থৌরাং মখা তানা লৌখৎনবা মহাক্না মীয়ামদা পাউতাক পীখি অমদি মালেম পুম্বদা চত্থরিবা ভেক্সিনগী চাংয়েং অসিনা নোংম নৎত্রগা নোংমদি মহৈ য়াল্লকখিগনি অমদি ঐখোয়না মহি অসিবু মায়থিবা পীবা ঙম্লকখিগনি হায়না থাজবসু ফোঙদোকখি‍।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1653272

কেন্দ্রগী গৃহ মন্ত্রী শ্রী অমিৎ শাহনা গান্ধীনাগর জিল্লাদা লুপা করোর ১৫.০১গী চায়খৎ থৌরাংগী স্কিমশিং ভিদিও কনফরেন্সিংগী থোংদা হৌদোক্তুনা মীয়ামদা খুদোল তমখ্রে

কেন্দ্রগী গৃহ মন্ত্রী শ্রী অমিৎ শাহনা গান্ধীনাগর জিল্লাদা লুপা করোর ১৫.০১গী চায়খৎ থৌরাংগী স্কিমশিং ঙরাং ভিদিও কনফরেন্সিংগী থোংদা হৌদোক্তুনা মীয়ামদা খুদোল তমখ্রে। মহাক্না লুপা করোর ১১৯.৬৩গী ওইগদবা তোঙান-তোঙানবা চাউখৎ থৌরাংগী প্রোজেক্ত কয়াগী উরেপ উরোং তমখি। মসিগী মনুংদা স্মার্ত সিতী প্রোজেক্ত, গার্দেনশিং হেন্না ফজহনবা, লম্বী পাকথোকপা অমসুং নুপীগী স্কুলশিংদা অহেনবা ক্লাসরুম হাপকৎপনি। চাউখৎ থৌরাংগী প্রোজেক্তশিং অসিনা গান্ধীনাগরগী চাউখৎপগী খোংজেল হেন্না য়াংশিলহনগনি। গুজরাৎকী দিপুতী চীফ মিনিস্তর, শ্রী নিতিন পতেলসু থৌরম অদুদা ভিদিও কনফরেন্সকী খুথাংদা রুপাল খুঙ্গংদগী শরুক য়াখি। থৌরম অদুদা ৱা ঙাংলদুনা শ্রী অমিৎ শাহনা হায়খি, "প্রধান মন্ত্রী মোদীগী লুচিং মখাদা ঐখোয়না গান্ধীনাগরবু মশক থোকপা লোক সভা কন্সতিত্যুএন্সী অমা ওইহনবা ঙমগনি হায়বগী থাজবা লৈ।" কেন্দ্রগী গৃহ মন্ত্রীনা মসিমসু হায়খি, "ঐখোয়না প্রধান মন্ত্রী শ্রী নরেন্দ্র মোদীগী মীৎয়েং মখাদা লৈবাক অসিনা কোরোনা লাইচৎ লান্থেংনরি।" মসিগী মথক্তা, গুজরাত্তা কোরোনাগী মথক্তা মুখ্য মন্ত্রী শ্রী বিজয় রুপানিগী মখাদা লান্থেংনরি। লেপ্পা লৈতনা হোৎনরিবা কয়াসিগী মহৈনা ঙসিদি মী শিবগী চাং হন্থরে অমসুং নাবা ফবগী চাং হেনগৎলক্লি। মন্ত্রীনা হায়খি মদুদি "কোরোনা লান্থেংননবগী অমত্তা ঙাইরবা পাম্বৈদি মীয়াম ৱাখল লৌশিং লৈহনবা অসিনি।" মহাক্না মীয়ামদা সোসিএল দিস্তেন্সিং ঙাক্না চৎপীনবা পুক্নিং চিংশিল্লক্লি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1653075

বেঙ্কতগী শেন পুরিবশিংগী অৱাবা কোকহন্নবা য়েংশিনবদা অখঙ-অহৈ কাংবুনা সরকারগী মতেং পাংগনি

শেন্দোই কোকপীবা অমসুং শেন্দোইদগী কারকপা শেন্দোই কোকপা অমসুং মসিগা মরী লৈনবা ৱাফমশিংগী মতাংদা থেংনরিবা খুদোংচাদবশিং কোকহন্নবা, গজেন্দ্র শর্মা ভর্সেস য়ুনিয়ন ওফ ইন্দিয়া অমসুং অতোপ্পশিংগা মরী লৈন্ননা ভারতকী সু্প্রিম কোর্ততা চৎথরিবা হিয়ারিং মনুংদা তোঙান-তোঙানবা ৱাফম কয়া চোংথোরক্লে। হৌজিক ওইরিবা ফিবম অসি য়েংশিন্নবা সরকারনা অখঙ-অহৈগী কাংবু অমা শেম্লে অমসুং মসিগী মতাংদা সরকারনা লৌখিবা ৱারেপ ফজনা খঙহল্লে। ভারতকী হান্নগী সি.এ.জি, শ্রী রজিব মেহরিসিনা চিয়রপর্সন ওইদুনা এক্সপার্ত কমিতী শেমখ্রে। কমিতী অসিনা হপ্তা অমগী মনুংদা মসিগী রিপোর্ত লানখৎকনি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1653099

কোবিদ-১৯ লাইচৎনা ওইহল্লকপা মান্নবা খুদোংচাদবা ৱাফমশিংগী ৱারোইশিন পুরক্নবা ঐখোয়না মখা তানা পুন্না হোৎনমিন্নবা তাই: শ্রী গংৱর

লেবর অমসুং এম্প্লোইমেন্তকী রাজ্য মন্ত্রী (ইন-চার্জ) শ্রী সান্তোস গংৱরনা জি-২০ মেম্বরশিংদা কোবিদ-১৯ লাইচৎনা ওইহল্লকপা মান্নবা খুদোংচাদবা ৱাফমশিংগী ৱারোইশিং পুরক্নবা মখা তানা পুন্না হোৎনমিন্ননবা ৱাফম ফোঙদোকখ্রে‍। শ্রী গংৱরনা হৌখিবা নুমিদাংৱাইরমদা ভিদিও কন্ফরেন্সিংগী খুত্থাঙদা জি-২০ লেবর অমসুং এম্প্লোইমেন্ত মন্ত্রীশিংগী ভর্চুএল মীফমদা ৱা ঙাঙখিবনি‍। কোবিদ-১৯ লাইচৎনা অনৌবা মচৎ অমা পুরক্লে অমদি ঐখোয়না থবক তৌরমবা মওংদা অহোংবা অমা পুরক্লে হায়বা ৱাফম থমখি‍। লম লমগী ওইবা কোবিদ-১৯ লাইচৎকী চৈথেং লাকশিন্নবা থৌরাংশিংগী মতাঙদা ৱা ঙাঙলদুনা, শিন্মীশিংনা থেংনরিবা খুদোংচাদবশিং কোকহন্নবগীদমক্তা ভারতনা মখোয়গী থবক পীরিবশিংদা মখোয়গী শিন্মীশিংগী খুৎশুমল পীননবা পুক্নীং থৌগৎলি হায়না মহাক্না ফোঙদোকখি‍। শ্রী গংৱরনা মখা তাখিবদা মতম খরগী ওইবা লৈফম, চীঞ্জাক অমদি অনা লায়েংগী খুদোংচাবা পীননবা থৌরাং মতিক চানা লৌখৎলি‍। লংফৈদা লৈবা শিন্মীশিংদা চাননবা চীঞ্জাক য়েন্থোকপা নুংঙাইনবা ভারত লৈঙাক্না ৱন নেসন ৱন রেসন কার্দ স্কিম হৌদোক্লে হায়না শ্রী গংৱরনা পাউদমখি‍। জি-২০দা কোবিদ-১৯ অমসুং মসিগী চৈথেংগী মতাঙদা খন্নখি অমদি লাউথোক্কদবা ৱারোলদসু শিন্মীগী কৈথেলদা কোবিইদ-১৯গী চৈথেং কোকহন্নবা থৌরাংশিংসু পল্লি‍।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1653260

পি.আই.বি. ফিল্দ ওফিসশিংদগী ফংবা পাউ

•           চান্দিগর: য়ু.তি. চান্দিগরগী এদমিনিস্ত্রেতরনা তেস্তিং তৌবা হেনগৎনবা, ফমুং মশিং হেনগৎনবা অমসুং অরুবা ফিভমদা লৈবা পেসেন্তশিংগী পার্সোনেল কেবর লৌনবা মেদিকেল ইনন্সতিত্যুশন অহুমদা খঙহল্লকখ্রে।  মসিগী কোবিদকী মায়োক্তা প্রজাশিংনসু তৌফম থোকপা মথৌ অমগুম্না লৌবগী মখাসু পোল্লি। মখোয়না এদমিনিস্ত্রশনগা খুৎশম্নগদবনি অমসুং মতেং পাংগদবনি।

•           পঞ্জাব: পঞ্জাবকী মীয়ামদা থমোইনুংদগী আপীল তৌদুনা, হকশেল অমসুং য়াইফ য়ুম্বালগী মন্ত্রী, বালবির সিং সিধুনা মীয়ামদা চোংথোরক্তুনা অমসুং কোবিদ তেস্তিং তৌনবা হায়জরকখ্রে, মরমদি হোসপিতালশিংদা পেসেন্তশিংনা থেংথনা রিপোর্ত তৌবনা মরম ওইরগা লাইচৎ অসিগী মায়োক্তা থেংনরিবা লান অসিদা য়াম্না ৱানিংঙাই ওইবা মচাক অমা ওইহল্লি।

•           মহারাস্ত্র: মুখ্য মন্ত্রী, উধব থাক্রেনা হায়খি মদুদি লাক্কদবা মতমশিংদা কোবিদ-১৯গী কেস ৱাংখৎলক্কনি হায়বা দবল্যু.ঐচ.ও.না পীরকখিবা ৱার্নিং অদু য়েংলগা , রাজ্য সরকারনা ওক্সিজেন সীলিন্দর চাদা ৮০ হোসপিতালশিংদা পীরগনি অমসুং চাদা ২০না ইন্দস্ত্রীশিংদা পীরগনি হায়না ৱারেপ লৌখ্রে। মহারাস্ত্রদা শগোলশেল নুমিত্তা কোরোনাভাইরসকী কেস খ্বাইদগী ৱাংনা হেনগৎলক্তুনা ২৩,৪৪৬ থেংনখি, মসিনা অপুনবা মশিং অদু ৯,৯০,৭৯৫ য়ৌহনখি।  হৌজিক একজ্তিব পেসেন্ত লাখ ২.৬১ লেরি, মসিদা ৬৯,৪৫৬ দি পুনে জিলাদগীনি, মথংদা থানেদা ২৮,৪৬০ অমসুং মুম্বাইদা এক্তিব পেসেন্ত ২৬,৬২৯।

•           গুজরাত: রাজ্য অসিদা দোক্তর ১৫০গি মথক্তা কোবিদ-১৯ পোজিতিব ওইবা থেংনখি। অদুগা রাজকোত্তা দোক্তর চামাগী মথক্তা কোরোনাভারসনা ণাহনখি, এহমদাবাদতা এ.এম.সি.না চালাইবা হোসপিতালশিংদা থবক তৌবা দোক্তর ৫০গী মথক্তা মসিনা শোকহনখি। শগোলশেল নুমিত্তা গুজরাত্তা কোবিদকী অনৌবা কেস ১,৩৩২ থেংনকি অমসুং হিজিক এক্তিব কেস লোদকী মশিং অসি ১৬,১৯৮ শুখ্রে।

•           রাজস্থান: রাজ্য অসিদা কোবিদ-১৯ পোজিতিব ওইবগী চাং অসি ওগস্ততা ৫%দগী সেপ্তেম্বর ৬%দা হেনগৎখি। ওগস্ততা চাংচত্তা নোংমদা তেস্ত তৌবগী চাং অসি ২৫,৪০৭ ওইখি। সেপ্তেম্বরদা ২৫,৩৩৬ ওইরি। হৌখিবা পুং ২৪দা রাজ্য অসিদা কোবিদকী নৌবা কেস ৭৪০ থেংনখি, মসিনা অপুনবা মশিং অদু ৯৮,১১৬ য়ৌহনখি। মসিগী মনুংদা ১৬,৪২৭দি এক্তিব কেসশিংনি।

•           মধ্য প্রদেশ: কোবিদ-১৯গী গ্রাফ ৱাংখৎলকপদা ওক্সিজেন সপ্লাইগী অৱাৎপা লৈরিবা অসি য়েংলগা মধ্য প্রদেশ সরকারনা হোশঙ্গাবাদতা ওক্সিজেন মেন্যুফেকচরিং প্লান্ত লিংখৎনবা অমসুং মখোয়গী ইমপোর্তশিং অমসুং ইন-হাউস ইন্স্তরিয়েল প্রোদক্সন হেনগৎনবা মতম খরগী ওইবা পাম্বৈশিং লিংখৎনবা লাউথোকখ্রে। রাজ্য অসিদা কোবিদ-১৯ পেসেন্তশিংগী এক্তিব কেস লোদ অসি ১৮,৪৩৩ শুখ্রে।

•           কেরলা: সি.এম পিনারায়ি ৱজায়ন্না পাংথোকখিবা পার্তী পুম্নমক্কী ওইবা মীফম অমদা বাই-ইলেক্সন অদু এসেম্বলী সীত অনিগী ওইনা তৌনবা ইলেক্সন কমিশনদা হায়জনবা ৱারেপ লৌখ্রে। লুচিংবশিংনা হোজিক্কী এসেম্বলী তার্ম অসি ২০২১গী মেদা লোইগদবা মরম্না ইলাক্ত তৌরবা লেজিস্লেতরশিং অদুনা নীথিজনা থবক তৌবগী মতম অদু থা অহুম খক্তমক ওইরগনি হায়না তাক্লকখি। ইন্দস্ত্রীশিংগী মন্ত্রি ই.পি. জয়ারাজন কোবিদ-১৯ পোজিতিব ওইখি। কোচীদা লৈবা পি.এন.বি. ভেসপর লাইফ সাইন্সনা কোবিদ ভেক্সিনগী দ্রগ ত্রয়লশিংগী অনিশুবা তাঙ্কক্কীদমক্তা দি.সি.জি.আই.দগী অয়াবা ফংখ্রে। রাজ্য অসিদা ঙরাং কোবিদ-১৯ পোজিতিব ওইখিবা মীওই ৩৩৪৯ থেংনখি। হোজিক রাজ্য শিনবা থুংনা পেসেন্ত ২৬,২২৯ লাইয়েংদুনা লৈরি অমসুং মীওই লাখ ২.০৪  ক্বারন্তিন তৌদুনা লৈরি। শিখিবশিংগী মশিং ৩৯৬ য়ৌখ্রে।

•           তামিল নাদু: পুদুচেরীদা ইরাই নুমিৎকী অবুক্কী পুং ১০দা লোইবা হৌখিবা পুং ২৪গী মনুংদা, কোবদি-১৯গীদমক্তা মীওই ৫০৪ অমুক পোজিতিব ওইবা থেংনখি অমসুং ১২ শিখিবগী পাউ লৈখি। কোবিদকী অপুনবা মশিং ১৯০৬ য়ৌখিবা অমসুং শিবগী মশিং ৩৬৫ য়ৌরকপগা লোইননা য়ু.তি. অসিদা হৌজিক এক্তিব কেস ৪৮৭৮ লৈরি। তি.এন. হকশেল মন্ত্রী, সি. ৱিজয়াবাস্করনা হায়খি মদুদি রাজ্য অসিদা তেস্ত পোজিতিব ওইবগী চাং অসি পোজিতিব ওইবগী চাং চাদা ১১.৭দা লৈবা কৃষ্ণগিরি অমসুং কদলোর জিলাশিং নত্তনা চাদা ১০গী মখাদা লৈ।

•           কর্নাতকা: রাজ্য অসিনা অহানবা কোবিদ কেস থেংনখ্রবা মতুং থা তরুক্কী মতুংদা এক্তিব কেসশিংগী মশিং অসি ঙরাং লাখ অমা হেনখ্রে অমসুং ১,০১,৫৩৭ য়ৌখ্রে। ঐচ.সি.না এপ্রিল ০১,২০২০দগী মার্চ ৩১,২০২১ ফাওবা এমপ্লোয়ীশিংদা এমপ্লোয়রশিংনা মিনিমম ৱেজেস এক্তকী মখাদা ভেরিয়েবল দিয়রনেস এলোৱেন্স পীনবগী কর্নাতকা সরকারগী ওর্দর অদু স্তে তৌখ্রে। কর্নাতকাগী হেল্থ এক্সপার্তশিংনা পল্লকখ্রে মদুদি রাজ্য অসিদা প্লাস্মা থেরাপী মখা তানা চত্থরগনি মরমদি মসিনা কান্নবা ফংঙি হায়বা হান্নদগী খঙখিবনা সজেস্ত তৌরকখ্রবা আই.সি.এম.আর. স্তদীগী ওন্ন-তৈনবদা মসি ওইনা তৌরগনি।

•           অন্ধ্র প্রদেশ: অন্ধ্র প্রদেশতা লৈরিবা মীশিং করোর ৫.৩৪গী চাদা ২০ ময়া নক্না কোবিদ-১৯দা ইম্যুনিতী ফংখ্রে হায়না সেরো প্রিভালেন্স স্তদীনা ফোংদোরকখ্রে। সর্ভেদা থেংনরকখিবশিং অদুনা অর্বান এরিয়াশিংদা লৈবা মীশিংগী চাদা ২২.৫ অমসুং খুঙ্গংগী মফমশিংদা চাদা ১৮.২না কোবিদ-১গীদমক্তা ইম্যুনিতী ফংখ্রে। জিলা অসিদা হৌজিক ফাওবদা ৫১০ ময়া নক্না শিখ্রবসু, তিরুপতিদগী ১৭৪ থেংনখীবা অসি মীপাইনীংঙাই ওইবা ৱাফম্নি। দিস্ত্রিক্ত কল্লেক্তরনা ওফিসিয়েলশিংদা চহি ৫০গী মথক্তা লৈবশিং অদুবু হোম আইসোলেশনগীদমক্তা অয়াবা পিদনবা খঙহল্লকখ্রে।

•           তেলঙ্গানা: হৌখিবা পুং ২৪দা অনৌবা কেস ২৪২৬ থেংনখি, ২৩২৪ ফগৎখি অমসুং ১৩ শিখিবগী পাউ লৈখি; কেস ২৪২৬কী মনুংদা জি.ঐচ.এম.সি.দগী কেস ৩৩৮ থেংনখি। অপুনবা কেসশিং: ১,৫২,৬০২; এক্তিব কেসশিং: ৩২,১৯৫; শিখিবশিং: ৯৪০; দিসচার্জ তৌখিবশিং: ১,১৯.৪৬৭। হাইদ্রবাদ অমসুং দুবাইগী মরক্তা ইন্রনেস্নেল এয়র ত্রভেল হৌখ্রে; মসিনা এয়র ত্রাভেলদা চাউখৎহল্লক্লি, হায়রিবা অসিনা কোবিদ-১৯ লাইচৎ শন্দোরক্লিবা অসিগী মরক্সিদা ফগৎলকপগী শক্তম উৎলক্লি।

•           অরুনাচল প্রদেশ: অরুনাচল প্রদেশতা কোবিদ-১৯গী অনৌবা পোজিতিব কেস ১২৭ থেংনখি। ঙরাং কোবিদ-১৯দগী মীওই ৯৯ ফগৎখ্রে। আউহাতি হাই কোর্তকী ইতানাগর বেঞ্চনা লেখিদা লৈবা কোবিদ কেয়র সেন্তরদা লৈবা ইনমেতশিংদা সাইকোসোসিয়েল সপোর্ত পীনবগীদমক্তা খোংথাংশিং লৌখৎনবা ইতানাগর কেপিতল রিজন দিস্ত্রিক্ত এদমিনিস্ত্রেশনদা কঙহল্লকখ্রে।

•           অসাম: অসামদা হৌখিবা পুং ২৪দা কোবিদ-১৯গী পেসেন্ত ২১৯৭ দিসচার্জ তৌখ্রে। হৌজিক ফাওবদা কোবিদ-১৯গী পেসেন্ত পুন্না ১০৫৭০১ দিসচার্জ তৌখ্রে। রাজ্য অসিদা পুন্না এক্তিব কেস ২৯৬৮৭ য়ৌখ্রে।

•           মনিপুর: মনিপুরদা কোবিদ-১৯ পোজিতিব ওইবা মীওই ১০৮গী মথক্তা থেংনখি। চাদা ৭৭গী চাদা ফগৎলকখিবগা লোইননা ২৪৫ ফগৎখ্রে। হৌইবা পুং ২৪দা পেসেন্ত ৪ লৈখিদ্রে। সরকারনা কোবিদ-১৯গা মরী লৈনবা মথৌ তাবশিংগী মতাংদা ওনলাইন কন্সল্তেশন তৌনবগীদমক্তা গুগল প্লেস্তোরদগী দাউনলোদ তৌবা য়াবা ই.সঞ্জীৱনি ও.পি.দি.এপ. হৌদোকখ্রে।

•           মেঘালয়া: মেঘালবাদা কোবিদ-১৯গী অপুনবা কেসশিংগী মশিং অদু ১৪৩৪ য়োখ্রে। মসিগী মনুংদা ২৭২দি বি.এস.এফ. অমসুং আর্মদ ফোর্সেসশিংদগীনি। হোজিক ফাওবদা কোবিদ-১৯গী পেসেন্ত ১৮৪২ ফখ্রে।

•           মিজোরাম: মিজোরাম সরকারনা ২০২০গী সেপতেম্বর ১৭ ফাওবা আইজোল মুনিসিপাল এরিয়াদা পার্সিয়েল লোকদাউন লাউথোকখ্রে। মিজোরামদা ঙরাং কোবিদ-১৯গী অনৌবা কেস ২০ থেংনখি। রাজ্য অসিদা কোবিদ-১৯গী অপুনবা কেসশিংগী মশিং অদু ১৩৫৩ শুখ্রে। মসিগী মনুংদা ৬০৩তি এক্তিব কেসশিংনি।

•           নাগালেন্দ: নাগালেন্দগী রাজ্য অসিদা কোবিদ-১৯গী অনৌবা পোজিতিব কেস থেংনখিবা অদুগী মতুং ইন্না  কোহিমাদা মফম খরা হেন্না অমুক শিল তৌখ্রে। জৈনৌবাদজ কোলোনী, প. খেল, লোৱর নাগা বাজার, ওফিসরস হিল অমসুং জেল কোলোনীদা লৈবা য়ুমশিং সীল তৌখ্রে।

ফেক্ত চেক

*****