এরো ইন্দিয়া-২১গী ১৩শুবা থৌরম অসি ইং ২০২১গী ফেব্রুৱারি ৩দগী ৭ ফাওবা  বেঙ্গালুরু, করনাতকাগী য়েলাহঙ্কাদা লৈবা এয়র ফোর্সকী স্তেসন্দা পাঙথোক্লগনি। ঙাকশেল মন্ত্রীনা নই-দিল্লীদা এরো ইন্দিয়া ২১গী ৱেবসাইৎ, https://aeroindia.gov.in , লোঞ্চ তৌদুনা মফমগী বুকিং তৌবগী হৌবগী অয়াবা পীখ্রে।

এরো ইন্দিয়া ২০২১গী ৱেবসাইৎ অসিনা এসিয়াগী খ্বাইদগী চাউবা এরোশো অসিগী শোক্ন-শম্নদবা ওনলাইনগী ইন্তর্ফেস অমা ওইগনি অমসুং মসিদা মন্ত্রালয়গী অনৌবা পোলিসী অমসুং খোঙথাংশিংগী ৱারোলগী মথক্তা লৈবাক অসিদা শাজবা এয়রক্রাফৎ অমসুং হেলিকোপ্তরশিংগী মওং মতৌগা মরী লৈনবা ৱারোল কয়া য়াওবতা নত্তনা একজিবিতর অমসুং থৌরম অসিবু য়েংবা লাক্কদবা মীওইশিংগী মরী লৈনবা ৱাফম কয়া অমা য়াওগনি। ঙাকশেল মন্ত্রীনা থৌরম অসিবু মাই পাকপা থৌরম অমা ওইনবা য়াইফ পাউজেলসু পীখি।

অহানবা লাকপদা খুদোংচাবা পীবদা য়ুম্ফম ওইদুনা একজিবিতরশিংনা মখোয়গী তঙাই ফদবগী মতুং ইন্না ওনলাইন্দা রেজিস্তর তৌবা অমসুং মফম বুক তৌবগী খুদোংচাবা ফংগনি অমসুং মরী লৈনবা শেল পীবগী থৌওংসু এরো ইন্দিয়া ৱেবসাইৎ অসিদা পাঙথোকপা য়াগনি। একজিবিতরশিংনা ওক্তোবর ৩১, ২০২০গী মমাংদা মফম বুক তৌবা মতমদা শেলগী দিস্কাউন্তসু ফংগনি।

কারবার তৌবা অমসুং থৌরম অসিবু য়েংবা লাকপা মীওইশিংনা করবার অমসুং মীয়ামগী নুমিৎশিংগী মনুংগী ইং ২০২১গী ফেব্রুৱারি ৩দগী ৭ ফাওবদা থৌরম অসি য়েংবগী তিকেৎশিং ৱেবসাইৎ অসিদগী ককপা য়াগনি। থৌরম অসিগী মতাংদা পাউ ফোঙনিংবা মীদিয়াগী মীওইশিংনা ৱেবসাইৎ অসিদা রেজিস্তর তৌবা য়াগনি। একজিবিতরশিং অমসুং য়েংবা লাকপা মীওইশিংনা ৱাহং হংবা অমসুং ফীদবেক পীবা য়ানবা ৱেবসাইৎ অসিদা অখন্নবা থৌওং অমসু য়াওহল্লে। থৌরম অসিবু তেক্ত কায়দনা পাঙথোকপা য়ানবা হকশেলগী হীরমদা লাক্লিবা মীওইশিংনা ইনগদবা কাঙলোনশিংসু ৱেবসাইৎ অসিদা পীরি।

ৱেবসাইৎ অসি শিজিন্নবদা লায়হল্লি অমসুং থৌরম অসিদা শোক্ন-শম্নদবা মওংদা য়েংবা য়াবগী খুদোংচাবা কয়া অমসু পীনবা পান্দম থম্লি অমসুং থৌরম অসিগী মতাংদা কান্নবা ই-পাউ কয়া ফংহন্দুনা অমসুং চৎলিবা লায়চৎ অসিগা মরী লৈনবা চেকশিন কাঙলোনশিং অমসুং থৌওংশিং কয়া থবক ওইনা পাঙথোক্তুনা থৌরম অসি য়েংবা লাক্লিবা মীওইশিংগী থাজবা হেনগৎহন্নবা থৌওংগী হীরমশিং ৱেবসাইৎ অসিদা য়াওরি।

নীংশিংবা য়াবদি ঙাকশেল মন্ত্রী শ্রী রাজনাথ সিংহনা হন্দক্তা পাঙথোকখিবা লৈবাক অনিগী ৱারী শাবগী রসিয়া খোঙচত্তা এরো ইন্দিয়া-২১গী থৌরম অসিগী মতাংদা পল্লমখিবগা লোয়ননা ময়ায়থংবা এসিয়াগী লৈবাকশিং অমসুং রসিয়াগী ঙাকশেল মন্ত্রী অমসুং ইন্দস্ত্রীগী মীওই কয়া অমসু থৌরম অসি য়াওবা লাক্নবা বার্তোন তৌরম্লবনি।

দিফেন্সকী পোত্থোক পুথোকপগী সেক্রেতরী শারী রাজ কুমার অমসুং ঙাকশেল মন্ত্রালয়গী সেনিয়র ওফিসিএলশিংসু ৱেবসাইৎ লোঞ্চ তৌবগী থৌরম অসিদা শরুক য়াখি।

*****