ভারতনা ৭৫,০০০গী ময়াদা নোংমদা খ্বাইদগী ৱাংনা নাবা ফগৎলকপগী রেজিস্তর তৌবা নুমিৎ অসিদা তেস্ত তৌবগীসু রিকোর্দ থম্বা ঙমখ্রে। হৌ্রখিবা পুং ২৪দা কোবিদ সেম্পল লাখ ১১.৫ হেন্না তেস্ত তৌখ্রে।

ভারত অসি নোংমদা তেস্ত মশিং ৱাংনা তৌবগী রিপোর্ত তৌরকখ্রবা লৈবাক খরগী মনুংদা অমনি। নোংমদা তেস্ত তৌবা ঙম্বগী চাং অসি হান্ননা লাখ ১১ লানখ্রে। হৌখিবা পুং ২৪দা তেস্ত ১১,৫৪,৫৪৯ তৌখিবগা লোয়ননা ভারতনা লৈবাক অসিগী দাইগনোস্তিক কেপাসিতী অসিগী মপাঙ্গল মখা তানা কনখৎলক্লি।

মাই পাকপা অসিগা লোয়ননা অপুনবা তেস্ত তৌখিবগী মশিং অসি করোর ৫.১৮ (৫,১৮,০৪,৬৭৭) লানখ্রে।

লৈবাক শিনবা থুংনা অৱাংবা থাকশিংদা মতম চানা দাইগনোসিস তৌবগী খুত্থাংদা চানবা লায়েং মাংজৌননা পীনবা পোজিতিব কেসশিং আইসোলেৎ তৌনবা নত্রগা হোস্পিতালদা পুখৎনবা কান্নরবা খুদোংচাবশিং ফংহল্লি। মসিনা মরম ওইরগা শীবগী চাং অসি হন্থহল্লি (ঙসি ১.৬৯%) অমসুং থুনা ফগৎপা ঙমহল্লি।

তোঙান তোঙানবা কান্নরবা খোঙথাংশিংগী খুত্থাংদা লৈবাক শিনবা থুংনা দাইগনোস্তিক লেবশিং হেনগৎহনবদা অমসুং লায়না তেস্ত তৌহনবদা অচৌবা শাফু অমা ওইরি। মাই পাকপা অসিদা য়ুম্ফম ওইরগা তেস্তস পর মিলিয়ন (তি.পি.এম) অসি ৩৭,৫৩৯দা খঙহেন হেনগৎখ্রে। মসি মখা তানা হেনগৎলক্লি।

জনুৱারী ২০২দা পুনেদা তেস্তিং লেব অমা লৈরম্বদগী ঙসি লৈবাক অসি লেব মশিং ১৬৭৮ শুখ্রে মসিদা সরকারগী সেক্তরগী ১০৪০ অমসুং লনাই লেব ৬৩৮ য়াওরি। মসিদা য়াওরিবা অদুদি:

• রিএল-তাইম ত্রুনেৎ  আর.তি.-পি.সি.আর.দা য়ুম্ফম ওইবা তেস্তিং লেবশিং: ৮৫৪ (সরকার: ৪৬৯ + লনাই: ৩৮৫)

• ত্রুনেৎতা য়ুম্ফম ওইবা তেস্তিং লেবশিং: ৭০৩ (সরকার: ৫৩৭ + লনাই: ১৬৬)

• সি.বি.এন.এ.এ.তি.দা য়ুম্ফম ওইবা তেস্তিং লেবশিং: ১২১ (সরকার: ৩৪ + লনাই: ৮৭)

তেক্নিকেল ইসু, চৎন-কাংলোন অমদি পাউতাক্কী ৱারোলশিংগা মরী লৈনবা কোবিদ-১৯গী মতাংদা অচুম্বা অমদি অনৌবা ৱাফমশিংগীদমক চাং নায়না চঙবিয়ু: https://www.mohfw.gov.in/ and @MoHFW_INDIA

কোবিদ-১৯গা মরী লৈনবা তেক্নিকেল ওইবা ৱাহংশিং technicalquery.covid19[at]gov[dot]in দা অমদি অতোপ্পা ৱাহংশিংনা ncov2019[at]gov[dot]in অমদি @CovidIndiaSeva দা থারকপা য়াগনি‍।

কোবিদ-১৯গী মতাংদা হংবিনিংবা লৈরগনি, হকশেল অমদি য়াইফ-য়ুম্বাল মন্ত্রালয়গী তেংবাং নম্বরদা কোল তৌবিয়ু: +91-11-23978046 নৎত্রগা 1075 (তোল ফ্রী). কোবিদ-১৯গী মতাংদা স্তেত/য়ু.তি.শিংগী তেংবাং নম্বরশিংগী লিস্ত ফংফম https://www.mohfw.gov.in/pdf/coronvavirushelplinenumber.pdf

*****