রাস্ত্রপতিগী লোইশঙ

রাস্ত্রপতি কোবিন্দনা ওজাশিংদা নেস্নেল এৱার্দশিং পীখ্রে, কোবিদ মনুংদা দিজিতেলগী খুৎথাংদা লাইরিক তাকপীখিবা ওজাশিংগী থৌদাং থাগৎখি, নেস্নেল এজুকেসন পোলিসিনা অঙাংশিংগী তুংদা দরকার ওইরক্কদবশিং থৌরাং তৌগনি

Posted On: 05 SEP 2020 1:19PM by PIB Imphal

ঙসি ভর্চুএল ওইনা পাংথোকপা অহানবা মনা য়েন্থোকপগী থৌরমদা লৈবাক অসিগী ওজা ৪৭দা ভারতকী রাস্ত্রপতি শ্রী রাম নাথ কোবিন্দনা নেস্নেল এৱার্দশিং পীখ্রে। রাস্ত্রপতিনা মহাক্কী ৱারোলদা মনা ফংলবা ওজাশিং থাগৎখি অমসুং স্কুলগী এজুকেসন ফগৎহন্নবা ওজাশিংনা পায়খৎলিবা থবকশিং থাগৎখি। নেস্নেল এৱার্দ ফংলবশিংগী চাদা ৪০ রোম নুপীশিংনি অমসুং লাইরিক তাকপী-তম্বীবগী লমদা নুপীশিংনা লৌরিবা থৌদাং রাস্ত্রপতিনা থাগৎখি।

দোক্তর এস.রাধাকৃষ্ণন ইকায়খুম্না উৎলদুনা, রাস্ত্রপতি কোবিন্দনা হায়খি মহাক মিৎয়েং শানবা, রাজনিতিৱালা অমসুং শিংথানিংঙাই ওইরবা ওজা অমনি। মহাক্না লৈবাক অসি চাউখৎনবা হোৎনরম্বশিং ইকায়খুম্বা উৎপা ওইনা অমসুং ওজাশিং ইকায়খুম্নবা উৎপা ওইনা মহাক্কী মপোক নুমিৎতা ওজাগী নুমিৎ থৌরম পাংথোকপনি। থৌরম অসিনা ঐখোয়গী ওজাশিং ইকায়খুম্নবা উৎনবগী খুদোংচাবা অমা পীরে। অঙাংশিংগী লমচৎ-শাজৎ অমসুং লৌশিং শেমগৎতুনা ওজাশিং অসি তশেংনা লৈবাক শেমগৎপা মীওইশিংনি।

কোবিদ-১৯ লাইচৎ মনুংদা দিজিতেল তেক্নোলোজিগী মরুওইবা পল্লদুনা মহাক্না হায়খি অঙাংশিং লাইরিক তাক্নবা ঐখোয়গী ওজাশিংনা মসিগী তেক্নোলোজি অসি শীজিন্নরি। এজুকেসন অসি হেন্না কান্ননবা অমসুং মহৈরোইশিং অনৌবা তেক্নিকশিং খুৎলোইনবা ওজাশিং দিজিতেল তেক্নোলোজিশিংগী অনৌবা লৌশিং তানশিনবা অসি য়াম্না মরুওই। ওনলাইন এজুকেসনগী থবক অসিনা তঙাইফদনা মমা-মপাশিংগা ওজাশিংগা খুৎশম্নদুনা চৎমিন্নরে অমসুং অঙাংশিং লাইরিক তম্বগী অনৌবা লম্বীদা থৱায় য়াওহল্লে। ত্রাইবেল অমসুং মনুং-হুঞ্জিনবা মফমশিংগী অঙাংশিংসু কান্নবা ফংনবা থবক পায়খৎকদবনি।

নেস্নেল এজুকেসন পোলিসিগী মতাংদা রাস্ত্রপতি কোবিন্দনা হায়খি নৌনা হৌদোক্লিবা পোলিসি অসিনা ঐখোয়গী অঙাংশিংনা তুংদা দরকার ওইরক্কবশিং থৌরাং তৌগনি অমসুং তোঙান-তোঙানবা মরী লৈনবশিং তান্নরবা মতুংদা শেম্বনি। পোলিসি অসি মাইপাকহনবা অমসুং কান্নবা ওইহনবদা হৌজিক ওজাশিংনা মরুওইবা থৌদাং লৌগদবনি। অনৌবা এজুকেসন পোলিসি অসি থবক ওইনা পাংথোক্নবা ওজাশিং মতিক চাহন্নবা থবকশিং পায়খৎলে অমসুং খ্বাইদগী মতিক চাবশিং খক এজুকেসনগী লমদা থবক তৌনবা খনগনি।

য়ুনিয়ন এজুকেসন মিনিস্তর রামেস পোখ্রিয়াল ‘নিসানক’না তরাম্না ওকপগী ৱারোল পীখি অমসুং এজুকেসনগী রাজ্য মন্ত্রী সঞ্জয় ধোত্রেনা থাগৎৱাহৈ পীখি।

*****



(Release ID: 1651587) Visitor Counter : 89