ইলেক্সন কমিসন
তোঙান তোঙানবা স্তেতশিংদা মরক্কী মীখল তৌগদবা ৱাৎলি
Posted On:
04 SEP 2020 2:41PM by PIB Imphal
তোঙান তোঙানবা স্তেতশিংদা পাঙথোক্কদবা ৱাৎলিবা মরক্কী মীখল তৌননবগী মতাঙদা ঙসি কম্মিসন্না মীফম পাঙথোকখ্রে। হৌজিক্কী ওইনা এসেমব্লী/পার্লিয়মেন্তরী কন্সতিতুএন্সী ৬৫দা মরক্কী মীখল পাঙথোক্কদবা ৱাৎলি, মসিগী মনুংদা ৬৪না তোঙান তোঙানবা স্তেতশিংগী স্তেত লেজিস্লেতিব এসেমব্লীগীনি অদুগা ১ (অমা)না হাঙদুনা লৈরিবা পার্লিয়ামেন্তরী কন্সতিতুএন্সীগীনি।
কম্মিসন্না মরী লৈনবা স্তেতশিংগী চীফ সেক্রিতরীশিং/ চীফ ইলেক্তোরেল ওফিসরশিংদগী মফম খরদা কা হেন্না নোং কন্না চুবা অমদি লাইচৎনচিংবা অতৈ মরমশিংগী য়েংলগা মতম খরা য়ৈথোকপীনবা হায়রকপা রিপোর্তশিং অমসুং পাউদমশিং অমুক হন্না নৈনখি।
বিহারগী জেনেরেল মীখল তৌগদবা ৱাৎলিবা অমদি নবেম্বর ২৯, ২০২০ ফাওবগী মনুংদা লোইশিনবা মথৌ তাবা অসিগী য়েংলগা কম্মসিন্না মরক্কী মীখল ৬৫ অমসুং বিহারগী জেনেরেল এসেমব্লী মীখল মতম অমত্তদা পাঙথোক্নবা ফিরেপ লৌরে। মখোয়শিং অসি পুনশিনবগী অচৌবা মরমশিংগী মরক্তা অমদি সি.এ.পি.এফ./অতৈ লো অমসুং ওর্দরগী ফোর্সশিং চত্থোক চৎশিন তৌবা অমসুং মরী লৈনবা চত্থোক চৎশিনগী পাম্বৈশিংদা কোম্নবনি।
বিহার জেনেরেল এসেমব্লী মীখল অমসুং হায়রিবা মরক্কী মীখলশিংগী মতম কম্মিসন্না মতম চানা লাউথোরক্কনি।
*****
(Release ID: 1651308)
Visitor Counter : 180