হৌখিবা পুং ২৪দা তেস্ত লাখ ১১.৭ হেন্না পাংথোক্তুনা ভারতনা অতোপ্পা মাইপাকপা অমা পুরক্লে।

ভারতনা নোংমগী মনুংদা মশিং খ্বাইদগী য়াম্না অনাবা ফগৎলে। হৌখিবা পুং ২৪দা কোবিদ-১৯ অনাবা মীওই ৬৮,৫৮৪ ফরে অমসুং হোস্পিতালশিংদগী হনখ্রে। মসিদগী অনাবা ফরবা মশিং লাখ ৩০ রোম(২,৯৭০,৪৯২)য়ৌরে।

মসিগা লোয়ন্না ভারতকী কোবিদ-১৯ অনাবশিংগী মরক্তা ফগৎলকপগী চাং চাদা ৭৭ হেল্লে। অনাবা ফরবা মীওই মশিংনা এক্তিব কেস মশিং(৮,১৫,৫৩৮)দগী লাখ ২১.৫ হেল্লে।

হৌজিক ফাওবদা অনাবা ফরবা মীওই মশিংনা এক্তিব কেস মশিংগী শরুক ৩.৬ হেল্লে। রেকোর্দ ওইনা অনাবা ফগৎলকপা অসিদগী লৈবাক অসিগী এক্তিব কেস মশিং হন্থরক্লে অমসুং হৌজিক অপুনবা কেসশিংগী চাদা ২১.১৬ খক এক্তিব কেস ওইরি।

হোস্পিতালশিংদা ফজনা লায়েংনবা, য়ুমদা নাইতোম লৈরিবশিং য়েংশিনবা, নন-ইভাসিব ওক্সিজেন শীজিন্নবা, অনাবশিং ফজনা অমসুং মতম চানা লায়েংনবা এম্বুলেন্সশিংগী থবক ফগৎহনবা, কোবিদ-১৯ লায়েংলিবা দোক্তরশিং এ.আই.আই.এম.এস নিউ দিল্লিগী তেলি-কন্সলতেসনগী খুৎথাংদা লায়েংনবগী অনৌবা লৌশিং ফংহনবা, স্তেরোইদশিং অমসুং এন্তি-গোঙ্গুলেন্তশিং শীজিন্নবদা মিৎয়েং চঙবদগী অনাবশিং ফজনা লায়েংবা ঙম্বনি।

হায়রিবা থবকশিং অসিনা মরম ওইদুনা ভারতকী কেস ফেতালিতি রেত(সি এফ আর) অসি মালেমগী চাং(চাদা৩.৩)দগী হন্থরে। শিবগী চাং নোংম-নোংমগী হন্থরক্তুনা ঙসি চাদা ১.৭৫দা লৈরি।

কোবিদ-১৯গা মরী লৈনবা তেক্নিকেল ওইবা ৱাফমশিং, চৎন-কাংলোনশিং অমসুং চেকশিনৱাশিংগী অচুম্বা অমসুং অনৌবা পাউগীদমক চাংনাইনা https://www.mohfw.gov.in অমসুং  @MoHFW_INDIA দা চংবীয়ু ।

কোবিদ-১৯গা মরী লৈনবা তেক্নিকেল ওইবা ৱাহংশিংগীদমক technicalquery.covid19[at]gov[dot]in দা ইমেল থাবা য়াই অমসুং অতোপ্পা ৱাহংশিংগী ওইনা ncov2019[at]gov[dot]in অমসুং ত্বুইতশিংগী ওইনা @CovidIndiaSeva শীজিন্নবা য়াগনি ।

কোবিদ-১৯গী মতাংদা ৱাহং অমা হেক্ত হংনিংবা লৈরবদি হেল্থ অমসুং ফেমিলি ৱেলফিয়ার মিনিস্ত্রিগী হেল্পলাইন নম্বর : +৯১-১১-২৩৯৭৮০৪৬ নৎত্রগা ১০৭৫(তোল ফ্রি)দা কোল তৌবীয়ু । কোবিদ-১৯গী মতাংদা রাজ্যশিং/য়ুতিশিংগী হেল্পলাইন নম্বরশিং https://www.mohfw.gov.in/pdf/coronvavirushelplinenumber.pdf দা ফংগনি ।

*****