କ୍ୟାବିନେଟ
ଭାରତ-ଫିନ୍ଲ୍ୟାଣ୍ଡ ଭୂତତ୍ତ୍ୱ ଓ ଖଣିଜ ସମ୍ପଦ ବୁଝାମଣା ପ୍ରସ୍ତାବକୁ କ୍ୟାବିନେଟର ଅନୁମୋଦନ
Posted On:
02 SEP 2020 4:09PM by PIB Bhubaneshwar
ଖଣି, ଭୂତତ୍ତ୍ୱ ଓ ଖଣିଜ ସମ୍ପଦର ଉତ୍ତୋଳନ ଓ ବିକାଶ ପାଇଁ ମିଳିତଭାବେ କାର୍ଯ୍ୟ କରିବାକୁ ଭାରତ ଏବଂ ଫିନ୍ଲ୍ୟାଣ୍ଡ ରାଜି ହୋଇଛନ୍ତି । ଏଥିପାଇଁ ଦୁଇ ଦେଶ ମଧ୍ୟରେ ଯେଉଁ ବୁଝାମଣାପତ୍ର ସ୍ୱାକ୍ଷରିତ ହେବ ତାହାକୁ କେନ୍ଦ୍ର ମନ୍ତ୍ରିମଣ୍ଡଳ ଆଜି ଅନୁମୋଦନ କରିଛି । ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କ୍ୟାବିନେଟ ବୈଠକରେ ଏହି ପ୍ରସ୍ତାବକୁ ସବୁଜ ସଂକେତ ପ୍ରଦାନ କରାଯାଇଛି । ଏହି ବୁଝାମଣାପତ୍ରରେ ଭାରତୀୟ ଭୂତାତ୍ତ୍ୱିକ ସର୍ବେକ୍ଷଣ ସଂସ୍ଥା (ଜିଏସ୍ଆଇ), ଖଣି ମନ୍ତ୍ରଣାଳୟ ଏବଂ ଫିନ୍ଲ୍ୟାଣ୍ଡର ଭୂତାତ୍ତ୍ୱିକ ସର୍ବେକ୍ଷଣ ସଂସ୍ଥା ଏବଂ ସେଠାକାର ନିଯୁକ୍ତି ଓ ଅର୍ଥନୀତି ମନ୍ତ୍ରଣାଳୟ ସ୍ୱାକ୍ଷର କରିବେ ।
ଏହି ବୁଝାମଣା ପରେ ଫିନ୍ଲ୍ୟାଣ୍ଡ ସହଯୋଗରେ ଭାରତରେ ଅତ୍ୟାଧୁନିକ ଭୂତାତ୍ତ୍ୱିକ ସର୍ଭେ, ଖଣିଜ ସଂପଦର ଆକଳନ, 3/4ଡି ମଡେଲିଂ ଏବଂ ସେସ୍ମିକ୍ ଆଦି ବିଭିନ୍ନ କ୍ଷେତ୍ରରେ କାର୍ଯ୍ୟ କରାଯିବ । ଏହି ବୁଝାମଣା ଅନୁସାରେ ଦୁଇଦେଶ ମଧ୍ୟ ଖଣିଜ ସମ୍ବଳର ମିଳିତ ଉପଯୋଗ ପାଇଁ ସୁଯୋଗ ପାଇବେ । ଏହାଛଡା ଆର୍ଥିକ, ସାମାଜିକ ଓ ପରିବେଶଗତ ଉନ୍ନତି ପାଇଁ ଦୁଇଦେଶ ମିଳିତଭାବେ କାମ କରିବେ ।
ଜିଏସ୍ଆଇ ଭାରତ ସରକାରଙ୍କ ଏକ ପୁରାତନ ଓ ବେଶ୍ ଦକ୍ଷ ସଂସ୍ଥା । ଏହା ଖଣିଜ ସଂପଦର ଆକଳନ, ଠାବ ଏବଂ ଅନ୍ୟାନ୍ୟ କାର୍ଯ୍ୟ କରୁଛି । ଏଥିପାଇଁ ଅତ୍ୟାଧୁନିକ ଜ୍ଞାନକୌଶଳ ମଧ୍ୟ ବ୍ୟବହାର କରାଯାଉଛି । ନିଜର କାର୍ଯ୍ୟ ପରିସରକୁ ବଢାଇବା ଏବଂ ଅଧିକ ଦକ୍ଷ କରିବା ପାଇଁ ଜିଏସ୍ଆଇ ଫିନ୍ଲ୍ୟାଣ୍ଡ ସହ ମିଳିମିଶି କାମ କରିବାକୁ ଆଗ୍ରହୀ ।
**********
(Release ID: 1650785)
Visitor Counter : 208
Read this release in:
Punjabi
,
English
,
Urdu
,
Hindi
,
Marathi
,
Manipuri
,
Bengali
,
Assamese
,
Gujarati
,
Tamil
,
Telugu
,
Kannada
,
Malayalam