ਸਿਹਤ ਤੇ ਪਰਿਵਾਰ ਭਲਾਈ ਮੰਤਰਾਲਾ

ਰੋਜ਼ਾਨਾ ਔਸਤ 8 ਲੱਖ ਤੋਂ ਵੱਧ ਟੈਸਟ ਕਰਕੇ ਭਾਰਤ ਨੇ ਕੋਵਿਡ-19 ਟੈਸਟਿੰਗ ਵਿੱਚ ਵਾਧਾ ਕੀਤਾ

10 ਲੱਖ ਲੋਕਾਂ ਪਿੱਛੇ ਟੈਸਟਾਂ ਦੀ ਗਿਣਤੀ 27 ਹਜ਼ਾਰ ਤੋਂ ਟੱਪੀ

Posted On: 26 AUG 2020 2:26PM by PIB Chandigarh

ਸਮੇਂ ਸਿਰ ਤੇ ਕਾਰਗਰ ਢੰਗ ਨਾਲ ਟੈਸਟਿੰਗ ਕੀਤੇ ਜਾਣ ਤੇ ਕੋਵਿਡ-19 ਦੀ ਬਿਮਾਰੀ ਦਾ ਛੇਤੀ ਪਤਾ ਲਗਾਏ ਜਾਣ ਨੇ ਕੋਰੋਨਾ ਮਹਾਮਾਰੀ ਵਿਰੁੱਧ ਲੜਾਈ ਵਿੱਚ ਭਾਰਤ ਦੀ ਰਣਨੀਤੀ ਵਿੱਚ ਇੱਕ ਮਹੱਤਵਪੂਰਨਟ ਰੋਲ ਅਦਾ ਕੀਤਾ ਹੈ । 'ਟੈਸਟ, ਟਰੈਕ ਤੇ ਟਰੀਟ' ਦੀ ਕੇਂਦਰ ਦੀ ਅਗਵਾਈ ਵਾਲੀ ਨੀਤੀ ਤੇ ਸੂਬਿਆਂ ਅਤੇ ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਦੀਆਂ ਸਰਕਾਰਾਂ ਦੀਆਂ ਸਹਿਯੋਗੀ ਕੋਸ਼ਿਸ਼ਾਂ ਦੀ ਬਦੌਲਤ, ਭਾਰਤ ਨੇ ਆਪਣੇ ਟੈਸਟਿੰਗ ਬੁਨਿਆਦੀ ਢਾਂਚੇ ਨੂੰ ਲਗਾਤਾਰ ਵਧਾਉਂਦਿਆਂ ਰੋਜ਼ਾਨਾ 10 ਲੱਖ ਟੈਸਟ ਕਰਨ ਦੀ ਸਮਰੱਥਾ ਛੋਹ ਲਈ ਹੈ ।

 


ਰੋਜ਼ਾਨਾ ਟੈਸਟਾਂ ਦੀ ਲਗਾਤਾਰ ਵਧ ਰਹੀ 7 ਦਿਨਾਂ ਦੀ ਔਸਤ ਤੋਂ ਪਤਾ ਲੱਗਦਾ ਹੈ ਕਿ ਕੇਂਦਰ , ਸੂਬਿਆਂ ਤੇ ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਦੀਆਂ ਸਰਕਾਰਾਂ ਇਸ ਦਿਸ਼ਾ ਵੱਲ ਨਿਰੰਤਰ ਤਾਲਮੇਲ ਨਾਲ ਕੋਸ਼ਿਸ਼ਾਂ ਕਰ ਰਹੀਆਂ ਹਨ । ਅੱਜ ਦੀ ਤਰੀਕ ਤੱਕ 3,76,51,512 ਲੋਕਾਂ ਦੇ ਟੈਸਟ ਕੀਤੇ ਜਾ ਚੁੱਕੇ ਹਨ । ਪਿਛਲੇ 24 ਘੰਟਿਆਂ ਦੌਰਾਨ 8,23,992 ਟੈਸਟ ਕੀਤੇ ਗਏ । ਟੈਸਟਾਂ ਦੀ ਲਗਾਤਾਰ ਵਧ ਰਹੀ ਗਿਣਤੀ ਨਾਲ ਰੋਗ ਦਾ ਛੇਤੀ ਪਤਾ ਲਗਾਉਣ ਵਿੱਚ ਸਹਾਇਤਾ ਮਿਲ ਰਹੀ ਹੈ । ਰੋਗ ਦਾ ਛੇਤੀ ਪਤਾ ਲੱਗਣ ਨਾਲ ਰੋਗੀਆਂ ਨੂੰ ਏਕਾਂਤਵਾਸ ਦਾ ਮੌਕਾ ਦਿੱਤੇ ਜਾਣ ਤੇ ਕੋਰੋਨਾ ਦੀ ਪੁਸ਼ਟੀ ਹੋਣ ਤੇ ਉਹਨਾਂ ਨੂੰ ਸਮੇਂ ਸਿਰ ਹਸਪਤਾਲ ਵਿੱਚ ਦਾਖ਼ਲ ਕਰਵਾਇਆ ਜਾਂਦਾ ਹੈ । ਅਜਿਹਾ ਕੀਤੇ ਜਾਣ ਨਾਲ ਮੌਤ ਦਰ ਹੇਠਾਂ ਰੱਖਣ ਵਿੱਚ ਮਦਦ ਮਿਲੀ ਹੈ ।
ਰੋਗ ਦਾ ਪਤਾ ਲਗਾਉਣ ਵਾਲੀਆਂ ਪ੍ਰਯੋਗਸ਼ਾਲਾਵਾਂ ਦਾ ਦੇਸ਼ ਭਰ ਵਿੱਚ ਵਿਸਥਾਰ ਕੀਤੇ ਜਾਣ ਸਦਕਾ ਟੈਸਟਿੰਗ ਸਹੂਲਤਾਂ ਸੁਖਾਲੀਆਂ ਹੋ ਗਈਆਂ ਨੇ । ਇਸ ਪ੍ਰਾਪਤੀ ਦੇ ਸਿਰ ਤੇ 10 ਲੱਖ ਲੋਕਾਂ ਪਿੱਛੇ ਟੈਸਟਾਂ ਦੀ ਗਿਣਤੀ ਤੇਜੀ ਨਾਲ ਵਧ ਕੇ 27,284 ਤੱਕ ਪਹੁੰਚ ਗਈ ਹੈ ਤੇ ਇਹ ਲਗਾਤਾਰ ਉੱਪਰ ਨੂੰ ਵਧ ਰਹੀ ਹੈ । ਦੇਸ਼ ਭਰ ਵਿੱਚ ਟੈਸਟ ਲੈਬਾਰਟਰੀਆਂ ਦੀ ਗਿਣਤੀ 1540 ਹੋ ਗਈ ਹੈ ਜਿਹਨਾਂ ਵਿੱਚੋਂ 952 ਸਰਕਾਰੀ ਤੇ 548 ਪ੍ਰਾਈਵੇਟ ਲੈਬਾਰਟਰੀਆਂ ਹਨ ।

ਐਮਵੀ/ਐਸਜੇ



(Release ID: 1648792) Visitor Counter : 216


Read this release in: English , Urdu , Marathi , Hindi , Manipuri , Assamese , Bengali , Gujarati , Odia , Tamil , Telugu , Malayalam