হকশেল অমসুং য়াইফ-য়ুম্বাল মন্ত্রালয়
নুমিৎ খুদিংগী লাখ ৮ হেন্নবগী চাংদা তেস্ত তৌবগা লোয়ননা, ভারত্তা কোবিদ-১৯গী তেস্ত তৌবা হেনগৎলক্লি
হৌজিক্তি তেস্তস পর মিলিয়ন (তি.পি.এম.) ২৭,০০০ হেল্লে
Posted On:
26 AUG 2020 2:26PM by PIB Imphal
মতম চানা অমসুং তেস্ত তৌবা কনশিনবা অসিগী খুত্থাংদা কোবিদ-১৯গী অনাবশিং ঙন্না খঙদোকপা ঙম্বদুনা ভারতনা লায়চৎ অসি থেংনবদা লৌখৎলিবা লালোংগী মরু ওইবা থৌদাং অদু লৌরি। কেন্দ্রগী ‘তেস্ত-ত্রেক-ত্রীৎ’কী পিলিসী অসি ঙাক্তুনা রাজ্য/য়ু.তি. সরকারশিংনা পুন্না হোৎনরিবশিং অসিনা ভারতকী তেস্ত তৌনবা মচাক মথুম হেনগৎহন্দুনা নোংমদা লাখ ১০ তেস্ত তৌবা ঙম্বগী থাক য়ৌরে।
![https://static.pib.gov.in/WriteReadData/userfiles/image/image001JLWT.jpg](https://static.pib.gov.in/WriteReadData/userfiles/image/image001JLWT.jpg)
নুমিৎ ৭নিদা নোংমদা তৌবা তেস্তকী মশিং হেনগৎলক্লিবা অসিনা মায়কৈ অসিদা কেন্দ্র অমসুং রাজ্য/য়ু.তি. সরকারশিংনা হনবা লৈতনা, লেপ্তনা অমসুং পুন্না হোৎন্দুনা চংশিল্লি হায়বা তাক্লি। ঙসি ফাওবদা পুন্না তেস্ত তৌখিবা অসি ৩,৭৬,৫১,৫১২ য়ৌখ্রে। হৌখিবা পুং ২৪দা তেস্ত ৮,২৩,৯৯২ তৌখ্রে। অসুম্বা তেস্ত চাং ৱাংনা নুমিৎ খুদিংগী তৌবা অসিনা লায়না অসি ঙন্না খঙদোকবা ঙমহল্লি। ঙন্না খঙদোকপা অসিনা পোজিতিব কেসশিং মাংজৌননা আইসোলেৎ তৌবা নত্রগা হোস্পিতালদা পুখৎপগী খুদোংচাবা অদু ফংহল্লি। মসিনা শীবগী চাংসু হন্থহনবা ঙমহল্লি।
দাইগনোস্তিক লেবকী নেৎৱার্ক হেনগৎলকপা অমসুং লৈবাক শিনবা থুংনা তেস্ত লায়না তৌহনবা ফংহনবা অসিনা মায় পাকপা ঙমহল্লি। মায় পাকপা অসিগা লোয়ননা তেস্তস পর মিলিয়ন (তি.পি.এম.) অসি ২৭,২৮৪দা খঙ হেন হেনগৎখ্রে। মসি লেপ্তনা মখা তানা হেনগৎলক্লি।
তেস্তিং লেবশিংগী নেৎৱার্ক চাউথোরকপা অসিনা লৈবাক শিনবা থুংনা লৈরিবা তেস্তিং ফেসিলিতীশিং মপাঙ্গল খনখৎপা হেনগৎনবা খুদোংচাবশিং ফংহল্লি। ঙসি পুন্না লেব ১৫৪০ লৈরে, মসিদা লৈঙাক্কী লেব ৯৯২ অমদি লন্নাইগী লেব ৫৪৮য়াওরি। মসিদা য়াওরিবশিং অদুদি:
- রিএল-তাইম আর.তি. পি.সি.আর.দা বেজ ওইবা তেস্তিং লেব: ৭৯০ (লৈঙাক্কী: ৪৬০ + লন্নাইগী: ৩৩০)
- ত্রুনেতদা বেজ তেস্তিং লেব: ৬৩২ (লৈঙাক্কী: ৪৯৮ + লন্নাইগী ১৩৪)
- সি.বি.এন.এ.এ.তি.দা বেজ তেস্তিং লেব: ১১৮ (লৈঙাক্কী ৩৪ + লন্নাইগী ৮৪)
তেক্নিকেল ইসু, চৎন-কাংলোন অমদি পাউতাক ৱারোলশিংগা মরী লৈনবাকোবিদ-১৯গী মতাংদা অচুম্বা অমদি অনৌবা ৱাফমশিংগীদমক চাং নাইনা চঙবিয়ু: https://www.mohfw.gov.in/ and @MoHFW_INDIA
কোবিদ-১৯গা মরী লৈনবা তেক্নিকেল ওইবা ৱাহংশিং technicalquery.covid19[at]gov[dot]in দা অমদি অতোপ্পা ৱাহংশিংনা ncov2019[at]gov[dot]in অমদি @CovidIndiaSeva দা থারকপা য়াগনি।
কোবিদ-১৯গী মতাংদা হংবিনিংবা লৈরগনি, হকশেল অমদি য়াইফ-য়ুম্বাল মন্ত্রালয়গী তেংবাং নম্বরদা কোল তৌবিয়ু: +91-11-23978046 নৎত্রগা 1075 (তোল ফ্রী). কোবিদ-১৯গী মতাংদা স্তেত/য়ু.তি.শিংগী তেংবাং নম্বরশিংগী লিস্ত ফংফম https://www.mohfw.gov.in/pdf/coronvavirushelplinenumber.pdf
********
(Release ID: 1648698)
Visitor Counter : 179
Read this release in:
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Malayalam