(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• ভারতনা তেস্ত তৌবা চাং ৱাংবগী লম্বেলদা লেপ্তনা চৎলি: থংনা থংননা নুমিৎ নিনিশুবা ওইনা নোংমদা তেস্ত লাখ ৮ হেন্না তৌখ্রে
• তেস্ত পর মিলিয়ন (তি.পি.এম.) লেপ্তনা ৱাংখৎলক্তুনা ২৩,০০২ হেনখ্রে অমরোমদা পোজিতিব ওইবনা ৮%গী ময়া ওইদুনা লেংদনা লৈরি
• ভারতনা চীংদোল অমগসু লোম্লে; ফগৎলকপা অপুনবা মশিং মিল্লিয়ন ২ হেল্লে
• হৌখিবা পুং ২৪দা নোংমদা খ্বাইদগী ৱাংনা মীওই ৬০,০৯১ ফগৎলকখ্রে ভারতকী ফগৎপগী চাংসু চীংদোল অমা লেপ্লে, চাদা ৭৩ লান্না চেনখ্রে
• হকশেল মন্ত্রালয়গী 'ই-সঞ্জিবানি' তেলিমেদিসিন সর্বিসনা তেলি কন্সলতেসন লাখ ২ হেন্না পীখি
• মন্ত্রীমন্দলনা কোভিদ-১৯গী চৈথেংনা পাৱর সেক্তরগী শেন্মিৎলোন শোকহনলিবা অসি য়েংলগা লিক্যুইদিতি পীবদা অয়াবা পীখ্রে

ভারতনা তেস্ত তৌবা চাং ৱাংবগী লম্বেলদা লেপ্তনা চৎলি: থংনা থংননা নুমিৎ নিনিশুবা ওইনা নোংমদা তেস্ত লাখ ৮ হেন্না তৌখ্রে; তেস্ত পর মিলিয়ন (তি.পি.এম.) লেপ্তনা ৱাংখৎলক্তুনা ২৩,০০২ হেনখ্রে অমরোমদা পোজিতিব ওইবনা ৮%গী ময়া ওইদুনা লেংদনা লৈরি

ভারতনা থংনা থংননা নুমিৎ নিনিশুবা ওইনা নোংমদা কোবিদ-১৯গী সেম্পল লাখ ৮ হেন্না তেস্ত তৌখ্রে। নোংমদা তেস্ত তৌবগী মশিং অসি লাখ ১০গী চাং য়ৌনবা কান্না হোৎন্দুনা হৌখিবা পুং ২৪দা সেম্পল ৮,০১,৫১৮ তেস্ত তৌবা ঙমখ্রে। ঙসি ফাওবদা অপুনবা তেস্ত তৌখিবা অসি ৩,১৭,৪২,৭৮২ য়ৌখ্রে। তেস্তস পর মিলিয়ন অসিদসু ২৩,০০২ ওইদুনা খঙহেন হেনগৎপা উবা ফংলে। ভারতনা অফবা অমসুং অনৌবা লালোং অমা লৌখৎতুনা লৈবাক পুম্বদা লৈবা সরকার অমসুং লনাই সেক্তরগী লেবশিংগী নেৎৱার্ক তপ্না তপ্না মপাঙ্গল কনখৎহল্লি। জনুৱারী ২০২০দা লেব অমা লৈদুনা হৌরকখিবা ঙসিদি লৈবাক অসিদা লেব ১৪৮৬ লৈরে; লৈঙাক্কী লেব ৯৭৫ অমদি লন্নাইগী লেব ৫১১গা লৈরে।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1646953

ভারতনা চীংদোল অমগসু লোম্লে; ফগৎলকপা অপুনবা মশিং মিল্লিয়ন ২ হেল্লে; হৌখিবা পুং ২৪দা নোংমদা খ্বাইদগী ৱাংনা মীওই ৬০,০৯১ ফগৎলকখ্রে ভারতকী ফগৎপগী চাংসু চীংদোল অমা লেপ্লে, চাদা ৭৩ লান্না চেনখ্রে

খোঙজেল য়াঙনা চেন্দুনা অপুনবা তেস্ত মশীং করোর ৩ লান্থোক্তুনা ভারতনা অতোপ্পা থাক ৱাংবা অমগসু রেকোর্দ থম্লে‍। অপুনবা ফগৎলকপা মশীং ঙসি মিল্লিয়ন ২ লান্থোকখ্রে (২০,৩৭,৮৭০)‍। মসিগা লোয়ননা অতোপ্পা এচিভমেন্ত অমা হায়রগদি হৌখিবা পুং ২৪সিদা নোংমদা খ্বাইদগী ৱাংবা ওইনা মীওই ৬০,০৯১ ফগৎলকখিবা অসিনি‍। অসিগুম্লবা মশীং য়াম্লবা কোবিদ-১৯ নারুবা মীওইশিং ফগৎলকপা অমদি অনা লায়েংশঙশিংদগী অমসুং য়ুমদা আইসোলেসন তৌবদগী (মাইল্দ অমসুং ময়ায় ওইরপ তৌবা কেসশিং) থাদোকখিবগা লোয়ননা ফগৎলকপগী চাং অসি চাদা ৭৩ (৭৩.৬৪) ওইদুনা চীংদোল অনী লোম্লে‍। মসিনা কেস ফেতেলিতী রেত (মী শিবগী চাং) হন্থহল্লে অমদি ঙসি চাদা ১.৯১দা নেম্না লৈরে‍। রেকোর্দ ওইনা ৱাংনা ফগৎলকপা অসিনা একচুএল কেস লোদ হায়বদি মক্তিব কেস হন্থহন্দুনা হৌজিক্কী ওইনা অপুনবা পোজিতিব কেসকী শরুক ৪ থোকপগী ১দা (শুপ্নতগী চাদা ২৪.৪৫) লৈরে‍। মশীং য়াম্না ফগৎলকপা অমদি শিইবগী চাং হন্থরকপা অসিনা ভারতকী থাক নাইবা খুজিল থৌরাং অসি কান্নবা ফংলে হায়বা উৎলি‍। ভারতকী ওইনা এক্তিব কেসতগী (৬,৭৬,৫১৪) ফগৎলকপনা মশীং ১৩,৬১,৩৫৬ হেল্ল‍‍। ভারত লৈঙাক্না স্তেত/য়ু.তি. লৈঙাকশিংগা পুন্না হোৎনমিন্নদুনা লৈবাক শিনবা থুংনা অনা লায়েংশঙশিংগী মচাক মথুম ফগৎহন্দুনা তোঙান তোঙানবা কাঙলুপকী পোজিতিব কেসশিংবু কেদিকেতেদ কোবিইদ কেয়র সেন্তর (দি.সি.সি.সি.), দেদিকেতেদ কোবিদ হেল্থ সেন্তর (দি.সি.ঐচ.সি.) অমসুং দেদিকেতেদ কোবিদ হোস্পিতাল (দি.সি.ঐচ.)শিংদা মেদিকেল কেয়র পীরি‍। অসিগুম্বা মফমশিংগী মশীংসু শীংথানিংঙাই ওইনা হেনগৎলে‍। ঙসিদি দি.সি.ঐচ. ১৬৬৭, দি.সি.ঐচ.সি. ৩৪৫৫ অমসুং দি.সি.সি.সি. ১১,৫৯৭ লৈরে‍। মখোয়না পুন্না আইসোলেসন ফমুং ১৫,৪৫,২০৬, ওক্সিজেনগী ঙাক্লৌ য়াওবা ফমুং ২,০৩,৯৫৯, অমসুং আই.সি.য়ু. ফমুং ৫৩,০৪০ পীরি‍।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1646881

দিজিতেল ইন্দিয়াগী চাউনা মাই পাকপাঃ হকশেল মন্ত্রালয়গী 'ই-সঞ্জিবানি' তেলিমেদিসিন সর্বিসনা তেলি কন্সলতেসন লাখ ২ হেন্না পীখি

হকশেল অমসুং য়াইফ-য়ুম্বাল মন্ত্রালয়গী 'ই-সঞ্জিবনি' হায়বা দিজিতেল প্লেৎফোর্ম অসিনা তেলি কন্সলতেসন লাখ ২ হেন্না পীখ্রে। হায়রিবা পনখৈ অসি ওগস্তকী তাং ৯দগী হৌদুনা নুমিৎ তরানি খক্তগী অতেনবা মতমদা য়ৌবা ঙমখিবনি হায়না হকশেল অমসুং য়াইফ-য়ুম্বাল মন্ত্রী দা. হর্শ ভর্ধন্না তেলি কন্সলতেসন লাখ ১.৫ য়ৌবগী হরাউবা ফোংদোকপগী থৌরম অমা পাঙথোকপদা ময়াই তাংবল লৌদুনা ফোংদোকখিবনি। প্রধান মন্ত্রীগী 'দিজিতেল ইন্দিয়া'গী চাউখৎপগী মমি ওইনা ই-সঞ্জিবানি প্লেৎফোর্ম অসিনা মসিগী কান্নবা অমসুং কেয়র গিবর অমসুং মেদিকেল কম্ম্যুনিতী অমসুং কোবিদকী মনুংদা হকশেলগী সর্বিস থিরিবা মীওইশিংনা কান্নবা পীদুনা উৎখ্রে। ই-সঞ্জিবানি প্লেৎফোর্ম অসিনা তেলিমেদিসিন সর্বিস মখল অনী হায়বদি দোক্তরদগী দোক্তরদা (ই-সঞ্জিবানি) অমসুং অনাবদগীদগী দোক্তরদা (ইসঞ্জিবানি ও.পি.দি.) তেলি কন্সলতেসন পীরি। অহানবগীসিনা অয়ুশ্মন ভারত হেলথ অমসুং ৱেলনেস সেন্তর (এ.বি.-ঐচ.দব্ল্যু.সি.)গী মখাদা থবক ওইনা পায়খৎলি। মসিনা হেলথ অমসুং ৱেলনেস সেন্তর লাখ ১.৫তা শক খঙলবা মেদিকেল কোলেজ হোস্পিতালশিংদা 'হব অমসুং স্পোক'কী মোদেলগা পুন্দুনা চলাইরি। রাজ্যশিংনা মেদিকেল কোলেজশিং অমসুং দিস্ত্রিক হোস্পিতালশিংদা 'স্পোক'শিংদা হায়বদি এস.ঐচ.সি., পি.ঐচ.সি. অমসুং ঐচ.দব্ল্যু.সি.শিংদা তেলি-কন্সলতেসন পীনবগীদমক 'হব'শিং শাগৎলি। হকশেল মন্ত্রালয়না অনীশুবা তেলিকন্সলতেসন সর্বিস ইসঞ্জিবানি ও.পি.দি. হৌদোক্তুনা এপ্রিল ২০২০দগী কোবিদ-১৯ লাইচৎকী য়েংদুনা অনাবদগী দোক্তরদা তেলিমেদিসিনগী সর্বিস পীরি। মসিনা কোবিদ শন্দোকপদা থিংনবগী উপাই অমা পুথোকপদা নত্তনা কোবিদ নত্তবা অনাবশিংগীসু কান্নবা পীরে। ইসঞ্জিবানি অসি রাজ্য ২৩দা হৌজিক্কী ওইনা হৌদোকখ্রে অমসুং অতোপ্পা রাজ্যশিংদসু হৌদোক্নবা শেম শারি।

অকুপ্পা ৱারোলগীদমক : https://www.pib.gov.in/PressReleseDetail.aspx?PRID=1646913

মন্ত্রীমন্দলনা কোভিদ-১৯গী চৈথেংনা পাৱর সেক্তরগী শেন্মিৎলোন শোকহনলিবা অসি য়েংলগা লিক্যুইদিতি পীবদা অয়াবা পীখ্রে

ইকোনোমিক এফিয়র্সগী কেবিনেত কম্মিতিদা প্রধান মন্ত্রী শ্রী নরেন্দ্র মোদীনা মায়াই তাংবল লৌদুনা পাৱর ফাইনান্স কোর্পোরেসন (পি.এফ.সি.) অমসুং রুরেল ইলেক্ত্রিফিকেসন কোর্পোরেসন (আর.ই.সি.)গী দিস্ত্রিবুসন কম্পনিস (দি.আই.এস.সি.ও.এম.এস.) লোনগী মতম শাংদোকহন্দুনা মমাং চহিগী রিভিন্যু ৱার্কিং কেপিতেল ২৫%  উজাল দি.আই.এস.সি.ও.এম.এস. এসুরেন্স য়োজনা (য়ু.দি.এ.ৱাই.)গী মখাদা লৈবশিংগী অমখক কোম্থোকপগী অয়াবা পীখ্রে। অমুক খক্তং কোমথোকপা অসিনা পাৱর সেক্তরদা লিক্যুইদিতি ফংবদা মতেং ওই অমসুং স্তেত সরকারনা দি.আই.এস.সি.ও.এম.এস পেমেন্ত পীথোক্নবগী থাজবা পীখ্রে। কোভিদ-১৯গী লায়চৎ অসিনা মালেম পুম্বা খুদক্তা শন্দোরকপা অসিদা অমসুং লৈবাক পুম্বা লোকদাউন লৈখিবদগী লিক্যুইদিতি ফিভম অসি পাৱর সেক্তরদা শোকচিনখিবনি। প্রজানা পাৱর সপ্লাইগী বিল পীবা ঙম্লক্তবদগী পাৱর দিস্ত্রিবুসন কম্পনিগী রিবিন্যুদা হায়থরকপনি। মরুওইনা নোংমদা চংদবা য়াদবা ওইবনা শীজিন্নবনি। ইনর্জি শিজিন্নবসু য়াম্না হন্থরে। পাৱর সেক্তরগী লিক্যুইদিতি অসি অথুবা মতমদা ফগৎকদবা উদে, মদুদি ইকোনোমিক থবকশিং অমসুং পাৱরগী দিমান্দগী ওইনা মতম খর লৌখিনি। মরম অদুনা, লেপ্পা লৈতবা পাৱর সপ্লাই ওইনবা খুদক্কী ওইবা পাৱর সেক্তরদা লিক্যুইদিতি মেনখৎপা মথৌ তারি।        

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1646945

‘ধনৱাত্রি রথ’না আয়ুর্বেদপু দিল্লী পুলিস্কী ইমুং মনুংশিংগী য়ুমদা য়ৌহল্লগনি; এ.আই.আই.এ. অমসুং দিল্লী পুলসিকী মরক্তা এম.ও.য়ু.গী খুৎয়েক পীনখ্রে

ওল ইন্দিয়া ইন্সতিত্যুৎ ওফ আয়ুর্বেদ (এ.আই.আই.এ.) অমসুং দিল্লী পুলিস্কী মরক্তা দিল্লী পুলিস্কী মীওইশিংগী য়ুমগী কোলোনিশিংদা আয়ুর্বেদ প্রিবেন্তিব অমসুং প্রোমোতিব হেলথ সর্বিস য়ৌহন্নবা এম.ও.য়ু. অমগী খুৎয়েক পীনখ্রে। ‘ধনৱাত্রি রথ’ অমসুং পুলিস ৱেলনেশ সেন্তর কৌবা মোবাইল এপ অমগী খুত্থাংদা পীবা সর্বিস অসি আয়ুশ মন্ত্রালয়না শৌগত্তুনা এ.আই.আই.এ.না পীগনি। দিল্লী পুলিস্কী কম্মিস্নর শ্রী এস.এন. স্রিবাস্তব অমসুং আয়ুশ মন্ত্রালয়গী এসিদস্নেল সেক্রেতরী শ্রী প্রমোদ কুমার পাথক্কী মনুংদা এম.ও.য়ু. অমগী খুৎয়েক পীনখ্রবনি। ‘ধনৱাত্রি রথ’ অসি এ.আই.আই.এ.গী দাইরেক্তর প্রোফঃ তনুজা নেসারিগী মমাংদা লোঞ্চ তৌখি। এন.আই.আই.এ.গী জোইন্ত বেঞ্চর ওইরিবা আয়ুশ মন্ত্রালয়গী মখাদা লৈবা ওতোনোমস ইন্সতিত্যুৎ আয়ুরকশা অমসুং দিল্লী পুলিসনা দিল্লী পুলিস্কী মীওইগুম্বা ফ্রন্তলাইন্দা লৈরিবা কোবিদ লান্মীশিংগী হকশেলবু আয়ুর্বেদগী খুত্থাংদা ঙাক-শেন্দুনা থম্নবা পান্দম থম্লি। প্রোজেক্ত অসিগী মখা তারকপা ওইনা আয়ুর্বেদ প্রিবেন্তিব অমসুং প্রোমোতিব হেলথ কেয়র অসি দিল্লী পুলিস্কী ইমুং মনুংগী মীওইশিংদসু পীনবা থৌরাং তৌরি। থৌরম অসিদা শ্রী পাথক্না হায়খিবদা এ.আই.আই.এ. অমসুং দিল্লী পুলিস্কী জোইন্ত বেঞ্চর অসি মশিগী মওংদা খ্বাইদগী চাউবা থবক অমনি অমসুং মসিনা য়াম্না মায় পাক্তুনা অতোপ্পশিংগীসু খুদম অমা ওইহল্লি হায়খি। মহাক্না দিল্লী পুলিসনা হোৎনরিবশিং অসিবুসু থাগৎপা ফোঙদোকখ্রে। চাউরাক্না দিল্লী পুলিস্কী মীওই চাউরাক্না ৮০,০০০দা থা অনিগী ওইনা আয়ুরকশা য়েন্থোকপা মতমদা দিল্লী পুলিস্কী মীওইশিংদা কোবিদ-১৯গী পোজিতিব ওইবা অমসুং মসিদগী লৈখিদবগী চাং য়াম্না হন্থখি।

অকুপ্পা ৱারোলগীদমক: https://pib.gov.in/PressReleasePage.aspx?PRID=1646768

স্ত্রীৎ বেন্দরশিংগী লোনগী এপ্লিকেসন য়েংশিন্নবা য়ুজর ফ্রেনলী দিজিতেল ইন্তর্ফেস ওইবা মোবাইল এপ লোঞ্চ তৌখ্রে

রাজ্য মন্ত্রী (আই./সি.), হাউজিং অমসুং অর্বান এফিয়ার্সকী মন্ত্রী শ্রী হরদীপ শিংহ পুরিনা শহর ১২৫ হেনবগী অর্বান দিবেলপমেন্তকী মন্ত্রীশিং, চীফ সেক্রেতরীশিং, য়ু.দি. সেক্রেতরীশিং/প্রিন্সিপাল সেক্রেতরীশিং, দি.জি.পি.শিং, কল্লেক্তরশিং/এস.পি.শিং/এস.এস.পি.শিং/ম্যুনিসিপাল কম্মিস্নরশিং/চীফ একজেক্যুতিব কম্মিস্নরশিংদা স্ত্রীৎ বেন্দরশিংবু মখোয়গী কারবার অমুক হৌহনবা য়ানবা তঙাই ফদবা শেনফম পীবগী প্রধান মন্ত্রী স্ত্রীৎ বেন্দর আত্মানির্ভর নিধি (পি.এম. স্বানিধি) স্কিমগা মরী লৈননা ৱারী শাখ্রে। স্কিম অসিনা স্ত্রীৎ বেন্দরশিংদা শেল পুহনবতা নত্তনা মখোয়বু তাথী তাওই তৌবিদনা নীংথিনা কার্বার তৌহনবা য়ানবা অকোয়বা শেম্নবগী তঙাই ফদবসু লৈহল্লি। মীফম অসিদা এম.ও.ঐচ.য়ু.এ.গী সেক্রেতরী শ্রী দুর্গা শঙ্কর মিশ্রাসু শরুক য়াখি।

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1646908

এস.সি.তি.আই.এম.এস.তি. অমসুং আই.আই.তি. মদ্রাস স্তার্ত-অপনা কোবিদ-১৯গী পুথোক-পুশিন য়াবা হোস্পিতাল ইনফ্রাস্ত্রকচর শেমগৎখ্রে

ভারত সরকারগী সাইন্স অমসুং তেক্নোলোজী বিভাগকী মখাদা লৈবা শ্রী চিত্র তিরুনাল ইন্সতিত্যুৎ ফোর মেদিকেল সাইন্সেস অমসুং তেক্নোলোজী (এস.সি.তি.আই.এম.এস.তি.)না আই.আই.তি. মদ্রাসনা শেমগৎপা স্তার্ত-অপ অমা ওইরিবা 'মোদ্যুলস হাউসিং'গা খুৎশম্নদুনা লৈকাইগী থাক্তা পুথোক পুশিন য়াবা অপীকপা স্ত্রকচরশিং শীজিন্নদুনা কোবিদ-১৯ অনাবা খঙদোকপা, মফম শিনবা অমসুং লাইয়েংবগী দিসেন্ত্রেলাইজ ওইবা লম্বী অমা পুথোকখ্রে। মোদ্যুলস হাউসিংগা মহাক্কী মখা তাবশিংগা লোইননা পুথোক পুশিন য়াবা "মেদিকেব" কৌবা অপীকপা স্ত্রকচর অমা পুথোকখ্রে, হায়রিবসি মফম মফমগী ফিবম য়েংদুনা পানখৎপা য়াই, পুথোক পুশিন য়াই, কুইনা চৎলি, পানখৎপদা লাই অমসুং লৈগদৌরিবা মীদুগী অপাম্বগী মতুং ইন্না শেমদুনা পীবা য়াই। হায়রিবসি থুপচিনবসু য়াই অমসুং কাখল মরি য়াওরি – দোক্তরগী কা অমা, তোখাইনা থম্নবা কা অমা, মেদিকেল রুম/ৱার্দ অমা অমসুং ফমুং অনী ওইবা আই.সি.য়ু. অমনি, হায়রিবশিং অসি নেগেতিব প্রেসরদা থম্মি। হায়রিবসি পুথোক পুশিন তৌবা য়াই, অমসুং করিগুম্বা লৈমাই অমহেক্তদা পানখৎপা য়াই অমসুং পুং অনীগী মনুংদা মীওই মরিখক্তনা হেক্তা পানখৎপা য়াই।

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1646970

মরু ওইবা লম ৫দা ইন্নোবেসন ৪৯না মিলেনিয়ম এলাইন্স রাউন্দ ৬ অমসুং কোবিদ ১৯ ইন্নোবেসন চেলেঞ্জ – এৱার্দশিং ফংখ্রে

ভারতকী মরু ওইবা সেক্তর ৫দা ইন্নোবেসন সোলুসন ৪৯বু শকখঙখ্রবা মিলেনিয়ম এলাইন্স রাউন্দ ৬ অমসুং কোবিদ ১৯ ইন্নোবেসন চেলেঞ্জ – এৱার্দ সেরেমনীনা ফজনা য়েন্থোক্লবা ইন্নোবেসন ইকোসিস্তেম অমা শেমগৎপা মথৌ তাই হায়না থমখি। দি.এস.তি.না ফজনা য়েন্থোক্লবা ইন্নোবেসন ইকোসিস্তেম অমা শেম্নবা অনৌবা প্রোগ্রাম অমা অথুবদা হৌদোক্লগনি হায়না লাউথোক্তুনা, দি.এস.তি.গী সেক্রেতরী প্রোফেসর অশুতোশ শর্মনা হায় স্তার্তঅপ অমনা ইন্নোবেসন পুথোক্নবা হোৎনবদা নেৎৱার্কিং, তেংবাং, হৌদোক্নবা শেল, প্রোতোতাইপিংগী খুদোংচাবা মরু ওই অমসুং খুদোংচাবশিং অসি ইনক্যুবেতরশিং লৈরিবা মফমশিংগী ৱাংমদা ফংহনগনি।

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1646963

ফিল্দ ওফিসশিংদগী ফংবা পাউ

• চান্দিগর: য়ু.তি. চান্দিগরগী এদমিনিস্ত্রেতরনা শিবগী চাং হন্থহন্নবা মরু ওইনা কো-মোর্বিদিতী লৈবা পেসেন্তশিংগী কেসশিং অদু মাংজৌননা খঙদোকপদা এদমিনিস্ত্রেশন্না মীৎয়েং থমগদবনি হায়না হায়খ্রে।
• কেরলা: কোবিদ পেসেন্তশিংগী সি.দি,আর.শিং কলেক্সন তৌবগী ইসুগা মরি লৈননা, রাজ্য সরকারনা কেরলা হাই কোর্ত্তা কোবিদ পেসেন্তশিংগী তাৱর লোকেশন খঙদোকপা খক্তমক মথৌ তাই অমসুং অতোপ্পা  মহাক্কী পর্সোনেল ওইবা অকুপ্পা মরোলশিং অদুদি মথৌ তাদে হায়না হায়খ্রে। হৌজিক্কী ওইনদি সি.দি.আর.শিং অদু খোমগৎত্রী হায়নসু খোর্ত্তা হায়খ্রে। মরক আসিদা রাজ্য অসিদা নুমিৎ য়ুংবা ফাওবদা মী ৫ কোবিদ-১৯না মরম ওইরগা লৈখিদ্রে।, মসিনা শিবগী মশিং অদু ১৭৪ য়ৌহনখ্রে।কেরলাদা ঙরাং কোবিদ-১৯গী অনৌবা কেস ১,৭৫৮ দাইগ্নোস তোখ্রে।  হৌজিক পেসেন্ত ১৬,২৭৪ রাজ্য অসিদা, হোসপিতালশিংদা লাইয়েংদুনা লৈরি অমসুং জিলা কয়া অমদা মীওই লাখ ১.৬৫ ওবজার্ভেশন তৌদুনা লৈরি।
• তামিল নাদু: রাজ্য অসিনা ঈশিংগী প্রোজেক্তশিং অদু হেন্না য়াংখৎহন্নবা কেন্দ্রদা তকশিনখ্রে। ঙরাং অনৌবা কোবিদ কেস ৫৭০৯, ফখিবশিংগী মশিং ৫৮৫০ অমসুং ১২১ শিখিবগী পাউ লৈখি। চেন্নাইদগী কেস ১১৮২। অপুনবা কেসশিং: ৩,৪৯,৬৫৪; এক্তিব কেসশিং: ৫৩,৮৬০; দিসচার্জ তৌখিবশিং: ২,৮৯,৭৮৭; চেন্নাইদা লৈরিবা এক্তিব কেসশিং: ১২,১০৩।
• কর্নাতকা: রাজ্য সরকারনা গনেশা চতুর্থিগী থৌরম অসি পাংথোক্নবগীদমক্তা অনৌবা গাইদলাইনশিং থৌকখ্রে’ ৱার্দ অমা নত্রগা খুঙ্গং অমদা মীয়ামগী ওইবা থৌরম অমাখক্তমক অয়াবা পীখ্রে অমসুং কুম্হৈগা মরী লৈনবা প্রোসেশনশিং অমসুং কলচরেল ওইবা থৌরমশিং থীংখ্রে।
• অন্ধ্র প্রদেশ: ওগস্ত ৯দা ৱিজায়াৱাদা স্বার্না পেলেস হোতেলগী থৌদোক অদুদা কোবিদ পেসেন্ত ১০গী পুন্সি লৌখিবা অদুনা মরম ওইরগা, অন্ধ্র প্রদেশ সরকারনা রাজ্য শিনবা থুংনা লৈরিবা কোবিদ কেয়র সেন্তরশিংদা অখন্নবা মীৎয়েং থমখ্রে। হোজিক কদাপা জেলদা লৈরিবা হান্নগী তি.দি.পি. এম.এল.এ. জে.সি. প্রভাকর রেদ্দী তেস্ত তৌবদা পোজিতিব ওইখ্রে; কদাপা জেলদা ভাইরসকীদমক্তা প্রিজনর ৩১৭ তেস্ত তৌবদা পোজিতিব ওইখ্রে। ঙরাং অনৌবা কেস ৯৬৫২, দিসচার্জ তৌখিবশিং ৯২১১ অমসুং ৮৮ শিখিবগী পাউ লৈখি। রাজ্য অসিদা লৈরিবা অপুনবা কেসশিং: ৩,০৬,২৬১; এক্তিব কেসশিং: ৮৫,১৩০; শিখিবশিং: ২৮২০।  
• তেলঙ্গানা: হৌখিবা পুং ২৪দা অনৌবা কেস ১৭৬৩, ফখিবশিং১৭৮৯ অমসুং ০৮ শিখিবগী পাউ লৈখি; কেস ১৭৬৩গী মনুংদা, জি.ঐচ.এম.সি.দগী কেস ৪৮৪ ওইখি। অপুনবা কেসশিং: ৯৫,৭০০; এক্তিব কেসশিং: ২০,৯৯০; শিখিবশিং: ৭১৯; সিআচার্জ তৌখিবশিং: ৭৩,৯৯১।
• অরুনাচল প্রদেশ: অরুনাচল প্রদেশতা নোংমদা খ্বাইদগী ৱাংবা কোবিদ-১৯গী কেস ১৩৩ লৈকিবগা লোইননা অপ্পর সুবানসিরিনা খ্বাইদগী য়াম্বা কেসলোদ লৈখি (পোজিতিব কেস ৬৫) অমসুং ৱেস্ত কামেংনা অনিশুবদা লৈখি (কেস ২২)। 
• অসাম: অসামদা, তেজপুর মেদিকেল কোলেজদা অমসুং হোসপিতালদা প্লাস্মা দোনেশন কেম্পতা থৌনা ফবা পুকচেল চাউবা ৪০ শরুক য়াখি হাবনা অসামগী হকশেলগী মন্ত্রী, শ্রী হেমন্তা বিস্বা সর্মানা ত্বীত তৌখি।
• মনিপুর: অনৌবা কেস ৭৮ অমসুং ৫৫ ফখিবগা লোইননা, মনিপুরদা ফখিবগী চাং অসি ৫৮%দা লৈখ্রে। রাজ্য অসিদা এক্তিব কেস ১৯৫৮ লৈরি। মনিপুরদা কোবিদ-১৯গা মরী লৈননা মীওই অমা শিখিবগা লোইননা রাজ্য অসিদা শিখিবগী মশিং অসি ১৮দা হেনগৎখ্রে।
• মিজোরাম: মিজোরামদা ঙরাং কোবিদ-১৯গী অনৌবা কেস ৪৫ কনফর্ম তৌখ্রে। রাজ্য অসিদা অপুনবা কেসশিংগী মশিং অদু ৮৬০ অমসুং এক্তিব কেসশিংগী মশিং অদু ৪৮১দা লৈরি।
• নাগালেন্দ: নাগালেন্দদা, পেরেনগী দিস্ত্রিক্ত এদমিনিস্ত্রেশন্না কোবিদ-১৯ পোজিতিব কেস থেংনখ্রবা মতুংদা অথিবুং সব-দিভিজনদা য়ুমথোং ৫ থিংজিন্নববা য়াথং পীখ্রে। মোন জিলাগী অবোই সব-দিভিজনদা থম্লিবা তোতল লোকদাউন অদু লৌথোকখ্রে।
• মহারাস্ত্র: ভারত্তা কোবিদ  তেস্ত তৌবদা পোজিতিব ওইবগী চাং খ্বাইদগী ৱাংবা জিলা তরাগী মনুংদা তরেত্তি মহারাস্ত্রদগীনি, মসিনা রাজ্য অসিদা ভাইরস অসি খ্বাইদগী হেন্না য়াংনা শন্দোকই হায়বা তাকই অমসুং তেস্ত তৌবগী মশিং হেনগৎপা মথৌ তাই। জিলা তরেত অদুদি রাইগর, থানে, নাশিক, ধুলে, পুনে, জলগাওন অমসুং সতারা। রাইগরনা পোজিতিব ওইবগী চাং ৩১.৭% ওইদুনা চার্ত্তা মকোক থংবদা লৈরি, অদুগা মুম্বাইনা পোজিতিব ওইবগী চাং ১৯.৭% ওইদুনা মকোক থংবা ১০গী মনুং চনখিদ্রে। মহারাস্ত্র সরকারনা জিলাগী কলেক্তরশিংদা মহাত্মা জ্যোতিবা ফুলে জন অরোগ্যা য়োজনাগী মখাদা লৈরিবা অমসুং কোবিদ-১৯ পেসেন্তশিংদগী শেল হেন্না লৌবা থেংনবা হোসপিতালশিংগী মায়োক্তা অহকপা এক্সন লৌখৎনবা তাকখ্রে। হেভী পেনল্তীশিং থিহনবদা নত্তনা সরকারনা কলেক্তরশিংদা অসিগুম্বা হোসপিতালশিংগী রেজিস্ত্রশন কক্নবা অমসুং পুলিস কমপ্লেন থাংগৎনবা হায়খ্রে। 
• গুজরাত: গুজরাত্তা, ঙরাং অনৌবা কোবিদ-১৯গী কেস ১,১২৬ থেংনখি। অনৌবা কেস ১,১২৬গী মনুংদা সুরত্তগী খ্বাইদগী য়াম্বা কেস ১৭৫ থেংনখি। এহমদাবাদ সিতীদা হৌখিবা পুং ২৪গী মনুংদা অনৌবা কেস ১৪৯ থেংনকি। রাজ্যগী হেল্থ দিপার্তমেন্তকী মতুং ইন্না, ফগৎলকপগী চাং অসি মখাতানা হেনগৎলকখ্রে অমসুং চাদা ৭৮.৭১ য়ৌখ্রে।
• রাজস্থান: রাজস্থান সরকারনা দিস্ত্রিক্ত হোসপিতাল খুদিংমক অমসুং মেদিকেল কোলেজতা এতেচ তৌবা হোসপিতালশিংদা ওক্সিজেন ফেসিলিতী য়াওবা ফমুংশিংগী মশিং হেনগৎহন্নবা ৱারেপ লৌখ্রে। সরকারনা নাইত শিফ্তশিংদা থবক তৌরিবা নর্সিং পার্সোনেলবু পুক্নীং থৌগৎনবা ৱারেপসু লৌখ্রে। হকশেল মন্ত্রী, দা. রঘু শর্মানা হায়খি মদুদি সুপর স্প্রেদরশিং অদুনা মরম ওইরগা রাজ্যগী মফম খরদা কোরোনা কেস হেনগৎলকখ্রে। মহাক্না হায়খি মদুদি ইনফেক্সন শন্দোরকপা থিংনবা, মিল্ক ভেন্দরশিং, ভেজিতেবল ভেন্দরশিং অমসুং দুকান ফম্লিবশিংগী রেন্দম সেমপগলিং তৌখ্রে।
• মধ্য প্রদেশ: মধ্য প্রদেশনা লৈবাক অসিদা এক্তিব পেসেন্তশিংগী কমপেরেতিব স্তেতসকী মতুং ইন্না ১৬শুবা রেঙ্ক তাখি। মধ্য প্রদেশতা, ‘এক সঙ্কলপ – বুজুর্গো কে নাম’ হায়বদি ‘অহলশিংগীদমক্তা কত্থোকপা’ হায়বা তোপতোপ্পা কেমপেন অসি রাজ্য অসিদা কোরোনা ইনফেক্সনগী মরক্তা ছত্তরপুর পুলিসনা পাংথোক্লি। মসিগী তোপতোপ্পা কেমপেন অসিনা মালেমগী ওইবা লাইচৎ অসিগী মনুংদা য়ুমদা মতোমতা লৈরিবা অহলশিংগীদমক্তা ওইনদি থৌজালগী মশক অমগুম্না ওইখি। মসিগী কেমপেন অসিদা পুলিসনা অহলশিং অদুগী চান-থক্নবদগী হৌরগা মখোয়গী হকচাংগী ফিভম ফাওবা য়েংশিল্লি।

ফেক্ত চেক

**********