প্রধান মন্ত্রী শ্রী নরেন্দ্র মোদীনা ঙসি লাল কিলাদা ভারতকী ৭৪শুবা নিং-খা তম্বগী নুমিৎ পালন তৌবা ওইনা মচু অহুমগী ফিরাল পায়হনখি। লাল কিলাগী রেম্পার্ত্তগী লৈবাক মীয়ামদা ৱা ঙাংখিবদা প্রধান মন্ত্রীনা কোবিদ-১৯ লায়চৎ শেন্নবা, আত্মানির্ভর ভারত অভিয়ানগী শরুক অমা ওইনা লমদমসিদা পোত্থোক পুথোকপদা খুমাং চাউশিলহনবা, মিদ্দল ক্লাস্কী মীওইশিংদা মিৎয়েং চংদুনা শেন্মিৎলোনবু হিংগৎহন্নবা পায়খৎখিবা তোঙান তোঙানবা খোঙথাং কয়াগী মরমদা পনখি।

প্রধান মন্ত্রীনা আত্মানির্ভর ভারতকী মরু ওইবশিংগী মরমদা অমুক হন্না পন্দুনা তঙাই ফদ্রবা মতম অসিদা ভারত মচাশিংদা পাংবা য়াবা মতেং খুদিংমক পাংগনি হায়বগী থাজবা পীখি। কোরোনাভাইরস্কী লায়চৎ অসিগী মনুংদা ভারত মচা কোতি ১৩০ হেনবনা “আত্মানির্ভর” ওইনবা ৱারেপ লৌখি। “ ‘আত্মানির্ভর’ ওইবা (মরোমদোম লেপচবা ঙম্বা) অসি তৌদ্রবা য়াদ্রবনি। ভারতকী মীওইশিংনা মঙলান অসিবু মংফাওনহনগনি হায়বগী ঐঙোন্দা থাজবা লৈ। ঐহাক্কী ভারত মচা মরুপশিংগী তৌবা ঙম্বা, মশানা মশাদা থাজজবা অমসুং মতিক্তা ঐহাক্না থাজবা থম্মি। ঐখোয়না করিগুম্বা অমা পাঙথোক্কে খনখ্রবদি পান্দম ফংদ্রিবা ফাওবা ঐখোয়না তুমিন্না লৈতে”, হায়না মহাক্না হায়খি।

ভারতকী ৭৪শুবা নিং-খা তম্বা নুমিত্তা লাল কিলাগী রেম্পার্ত্তগী লৈবাক মীয়ামদা ৱা ঙাংখিবদা প্রধান মন্ত্রীনা ইনফ্রাস্ত্রকচর শেক্তরদা চাউখৎহন্নবা মরু ওইবা ৱাফম অমা লাউথোকখি। মহাক্না হায়খিবদা ভারত সরকারনা নেস্নেল ইনফ্রাস্ত্রকচর পাইপলাইন (এন.আই.পি.) প্রোজেক্তকী মতেং লৌদুনা চাউখৎপদা থুজিনহন্নবা হোৎনবদা মিৎয়েং চংলি হায়খি অমসুং এন.আই.পি.দা লুপা কোতি লাখ ১১০ হেনবা অসি থাদরগনি হায়খি। মসিগীদমক্তা তোঙান তোঙানবা সেক্তরশিংদগী প্রোজেক্ত ৭০০০ হেন্না মশক খঙদোক্লে হায়খি।  নেস্নেল ইনফ্রাস্ত্রকচর পাইপলাইন প্রোজেক্তনা লৈবাক অসিবু কোবিদ-১৯গী চৈথেংদগী পুথোক্লকপদা মরু ওইবা মতেং পাংগনি হায়খি। এন.আই.পি. অসি ভারতকী ইনফ্রা ক্রিএসনগী থৌরাংশিংবু অনৌবা ইনোৎ পীগদবা প্রোজেক্ত অমনি। অনৌবা থবক কয়া অমা পীদুনা মসিনা ঐখোয়গী লৌমীশিং, নহাশিং অমসুং ওন্তোপ্রিনর্শিংদা খুদোংচাবা কয়া পীগনি।

প্রধান মন্ত্রীনা মেক ইন ইন্দিয়াগা লোয়ননা ঐখোয়না তুং-লমচৎকীদমক্তা মেক ফোর ৱর্ল্দ হায়বা অনৌবা মন্ত্র অমগসু লোয়নদুনা চৎকদবনি হায়খি।

প্রধান মন্ত্রীনা ৱা ঙাংখিবা অদুদা  মহাক্না মালেম পুম্বনা ভারত্তা পাঙথোক্লিবা শেমদোকপগী অনৌবা থৌওং কয়া অসি য়েংনরিবনি হায়খি। মসিগী মহৈ ওইনা এফ.দি.আই. ইনফ্লো অসিনা রেকোর্দ পুম্নমক থুগাইখ্রে। কোবিদকী লায়চৎ মনুংদা ফাওবা ভারতনা এফ.দি.আই.দা ৮১% হেনগৎপগী থৌওং উবা ফংখি।

লৈবাক অসিগী লায়রবশিংগী জন ধন একাউন্ততা লুপা কোতি কয়া কয়া হকথেংননা পীগনি হায়বসি কনানবু খল্লুবগে? লৌমীশিংগী য়াইফনবগীদমক্তা এ.পি.এম.সি. এক্ততা অসুক য়াম্না চাউবা অহোঙবা লাক্কনি হায়বসি কনানা খল্লুবগে? লৈবাক অমা-রাসন কার্দ অমা, লৈবাক অমা- তেক্স অমা, ইন্সোল্বেন্সী অমসুং বেংক্রপসি কোদ অমসুং বেঙ্কশিংবু পুনশিনবা অসি ঙসিগী ভারত্তা থবক ওইনা পাঙথোক্লবনি হায়না প্রধান মন্ত্রীনা হায়খি।

লায়রবা ইমুং কোতি ৭তা গ্যাস সিলিন্দর লেম্না পীখি, মীওই কোতি ৮০০ হেনবদা রাসন য়াওরবসু য়াওদ্রবসু চিঞ্জাক লেম্না পীখি, চাউরাক্না লুপা কোতি ৯০,০০০মুক বেঙ্ক একাউন্তশিংদা হকথেংননা হাপখি হায়না প্রধান মন্ত্রীনা হায়খি। গরীব কল্যান রোজগার অভিয়ান অসিসু খুঙ্গংদা লৈবা লায়রবশিংদা থবক পীনবা হৌদোকখিবনি।

য়ুম শাবগী লোন শিংবগী মতমগী মনুংদা ই.এম.আই.দা লুপা লাখ ৬ ফাওবগী দিস্কাউন্ত পীবা অসিসু হন্দক্কী অসিনা অহানবনি। মমাংগী চহি খক্তদা শাবা লোইশিন্দবা য়ুম কয়া শাবা লোইশিন্নবা হায়দুনা লুপা কোতি ২৫,০০০সু কায়থখ্রিবনি হায়না প্রধান মন্ত্রীনা লৈবাক মীয়ামদা ৱা ঙাংবদা পনখি।

প্রধান মন্ত্রীনা হায়খিবদা লৈবাক অসিদা জন ধন একাউন্ত কোতি ৪০ হাংবগী মনুংদা চাউরাক্না একাউন্ত কোতি ২২দি নুপীখক্তগীনি হায়খি। কোরোনাগী মতম অসিদা, এপ্রিল-মে-জুন, চাউরাক্না লুপা কোতি ৩০,০০০দি থা অহুম অসিদা নুপীশিং অসিগী একাউন্তশিংদা হকথেংননা হাপখ্রবনি। কোরোনাগী মতম অসিদা দিজিতেল ইন্দিয়া কেম্পেন্না করি থৌদাং লৌখিবগে হায়বদুসু মীয়াম্না উন্নখ্রবনি। মমাং থা খক্তদা, ভিম য়ু.পি.আই. খক্তনা চাউরাক্না লুপা কোতি লাখ ৩গী ত্রাঞ্জেক্সন তৌখি হায়না মহাক্না হায়খি।

*****