প্রধানমন্ত্রীনা হয়েং অগস্ত ৯গী অয়ুক্কী পুং ১১ তাবা মতমদা ভিদিও কনফরেন্সকী থোংদা ‘লৌউ-শিংউগী ইনফ্রাস্ত্রকচর ফন্দ’দগী লুপা লাখ ১গী শেলগী খুদোংচাবা হৌদোক্লগনি অমসুং ‘পি.এম.-কিসান’দগী কান্নবশিং ফংহল্লগনি। ‘পি.এম.-কিসান স্কীম’গী মখাদা তরুকশুবা ইন্সতোলমেন্তগী লুপা করোর ১৭,০০০দগী লৌমী করোর ৮.৫ দগী হেনবদা শেল ফংহল্লগনি। থৌরম অসি লৈবাক অসিগী লৌমী, কো-ওপরেতিব অমসুং নাগরিক সাক্ষী ওইহৌগনি। লৌউ-শিংউ অমসুং লৌমীশিংগী য়াইফনবা মন্ত্রালয়গী কেন্দ্র মন্ত্রী শ্রী নরেন্দ্র সিহ তোমারসু থৌরম অসিদা য়াওগনি।

কেন্দ্রগী কেবিনেৎনা শেলগী খুদোংচাবা পীনবগী সেন্ত্রেল সেক্তর স্কীম অসি “লৌউ-শিংউগী ইনফ্রাস্ত্রকচর ফন্দ”গী মখাদা লুপা করোর লাখ ১গী অয়াবা পীখিবনি। লুপা করোর লাখ ১গী লৌউ-শিংউগী ইনফ্রাস্ত্রকচর ফন্দনা লৌরোক-মতুংদা নিংথিনা য়েংশিন্নবা ইনফ্রাস্ত্রকচর অমসুং কাংলুপকী ওইনা কোল্দ স্তোরেজ, কলেক্সন সেন্ত্রশিং, প্রোসেসিং য়ুনিৎশিংনচিংবা লৌউবগী শেল-থুমগী ওইবশিংশেম্বদা পুক্নিং থৌগৎখ্রে। মসিগী সেল-থুমগী ওইবশিং অসি লৌমীশিংনা মখোয়গী পোত্থোকশিং অদু মমল ৱাংনা য়োনবা য়াহন্দুনা মাংগদবশিং অদু হন্থহল্লগনি অমসুং প্রোসেসিং অমসুং ভেল্যু এদিসন হেনগৎহল্লগনি। শেল-থুমগী খুদোংচাবা অসিদা মখল কয়াদা শেল পুথোকপা ইন্সতিত্যুসনশিংগা খুৎশম্নরগা পীগদবা শেলগী খুদোংচাবা লুপা করোর লাখ ১ অসি সেঙ্কসন তৌগনি; পব্লিক সেক্তরগী বেঙ্ক ১২গী মনুংদা ১১দি হান্ননা দি.এ.সি. অমসুং এফ.সি.শিংগা এম.ও.য়ু. খুৎয়েক পীনখ্রে। প্রোজেক অসিদা হিংহনবা ঙমহন্নবা খুদোংচাবা অসি হেনগৎহন্নবগীদমক্তা বেনিফিসিয়রীশিংদা চাদা ৩গী শেন্দোই অমসুং লুপা করোর ২গী শেনবাং ফাওবগী ক্রেদিৎ গরেন্তী পীগনি।   স্কীম অসিগী বেনিফিসিয়রীশিংনা লৌমীশিং, পি.এ.সি.এস., মার্কেত্তিং কো-ওপরেতিব সোসাইতীশিং, এফ.পি.ও., এস.ঐচ.জি., জোইন্ত লিএবিলিতী গ্রুপ(জে.এল.জি.), মল্তিপর্পজ কোওপরেতিব সোসাইতীশিং, এগ্রী-ওন্তর্প্র্রিন্যুর, স্তার্তঅপ অমসুং কেন্দ্র/রাজ্যগী এজেন্সীশিং নত্রগা লোকেল বোদী স্পোন্সর্দ পব্লিক-প্রাইভেত পার্তনর্শিপ প্রোজেকশিং য়াওগনি।

দিসেম্বর ১, ২০১৮দা হৌদোকখিবা প্রধানমন্ত্রী কিসান সম্মান নিধী য়োজনা(পি.এম.-কিসান) স্কীম অসিনা লৌমী করোর ৯.৯দগী হেনবদা হকথেংননা শেল ওইনা লুপা করোর ৭৫,০০০ ফংহল্লগনি।  মসিনা মখোয়শিং অসিনা মখোয়গী লৌউ-শিংউদা মথৌ তাবশিং অমসুং মখোয়গী ইমুংশিংদা তেংবাং ফংবা ঙমহল্লি। পি.এম. কিসান স্কীম অসি হৌদোকখিবা অমসুং থবক পাংথোকহনখিবা অসিনা খম্ব্রাংনদবা মওংদা য়াংশিলহনবা ঙমহনখিবা অসিনা শেলশিং অসি চুমদ্রিং ওইনা শেল অসি লিকেজ ওইবা থিংনবা অমসুং লৌমীশিংগী খুদোংচাবা অসি হেনগৎহন্নবা ‘অধার’না খুদম পীরবা বেনিফিসিয়রীশিংগী বেঙ্ক একাউন্তা থাখি। মসিগী স্কীম অসি কোবিদ-১৯গী লায়চৎ অসিগী মতমদা লৌমীশিংনা মথৌ তাবা তেংবাংশিংসু পীখি অদুগা  লোকদাউনগী মতমদা লেপ্তনা লৌমীশিংগী তেংবাং পীনবগীদমক্তা লুপা করোর ২২,০০০ সেঙ্কসন তৌখি।

******