(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

· ভারতকী কেস ফেতেলিতী রেৎ অসি এপ্রিল ১দগী য়েংলকপদা খ্বাইদগী নেম্বা ২.২৩%দা লৈরি।

· অপুনবা ফগৎখিবগী মশিং কোতি ১ নকশিল্লক্লি; হৌখিবা পুং ২৪দা ৩৫,০০০ হেন্না ফগৎখ্রে।

• কোবিদ-১৯ নাবা মীওইশিংগী মরক্তা ফগৎলকপগী চাং অসি ৬৪.৫১%দা হেনগৎখ্রে।
• এক্তিব কেস ৫,০৯,৪৪৭না মেদিকেল সুপর্ভিজনগী মখাদা লৈরি।
• হৌখিবা পুং ২৪ অসিদা অপুনবা ওইনা সেম্পল ৪,০৮,৮৫৫ তেস্ত তৌখিবগা লোইননা মিল্লিয়ন অমদা তৌবা তেস্তকী মশিংনা ১২,৮৫৮ য়ৌখ্রে অমসুং অপুনবা ওইনা তৌখ্রবা তেস্তকী মশিংনা কোতি ১.৭৭ য়ৌখ্রে।

ভারতকী কেস ফেতেলিতী রেৎ অসি এপ্রিল ১দগী য়েংলকপদা খ্বাইদগী নেম্বা ওইদুনা ২.২৩%দা লৈরি; অপুনবা ফগৎখিবগী মশিং কোতি ১ নকশিল্লক্লি; হৌখিবা পুং ২৪দা ৩৫,০০০ হেন্না ফগৎখ্রে

কেন্দ্র অমসুং রাজ্য/য়ু.তি. সরকারনা পুন্না “তেস্ত ত্রেক ত্রীৎ”কী লালোং ইমপ্লিমেন্ত তৌবনা মালেম পুম্বগী ওইরিবা ফীভম অসিগা চাংদম্নবদা কেস ফেতেলিতী রেৎ (সি.এফ.আর.) অসি নেম্না থম্বা মপুং ফানা ঙম্লি অমসুং মসি লেপ্তনসু হন্থরক্লি। কেস ফেতেলিতী রেৎ অসি ঙসি ২.২৩% ওইখি অমসুং মসি ২০২০গী এপ্রিল ১দগী য়েংলকপদা খ্বাইদগী নেম্বা ওইরি। সি.এফ.আর অসি নেম্না থম্বা খক নত্তনা, মপুং ফানা লাকশিন্নবা ললোং মায় পাক্না ইমপ্লিমেন্ত তৌবা, তেস্ত তৌবা কনশিনবা অমসুং অফবা স্তেন্দর্দ ক্যের এপ্রোচতা য়ুম্ফম ওইবা স্তেন্দর্দাইজ ক্লিনিকেল মেনেজমেন্ত প্রোতোকলশিং ঙাকপনা থংনা-থংননা তরুক্নিশুবা নুমিত্তা নোংমদা ফগৎলকপশিং অসি লেপ্তনা ৩০,০০০ হেন্না ফগৎহনবা ঙমখিবনি। ফগৎখ্রবা কেসশিংগী অপুনবা মশিং অসি কোতি অমা থুনা য়ৌশিল্লক্লি। হৌখিবা পুং ২৪দা মীওই ৩৫,২৮৬ দিচার্জ তৌখিবগা লোয়ননা পুন্না ফগৎখিবগী মশিং ৯,৮৮,০২৯ য়ৌখ্রে। কোবিদ-১৯ নাবা মীওইশিংগী মরক্তা ফগৎলকপগী চাং অসি ৬৪.৫১%দা হেনগৎখ্রে। লেপ্তনা মশিং হেনগৎলকপগা লোয়ননা, অনাবা ফগৎখ্রবা মীওইশিং অমসুং কোবিদ-১৯গী এক্তিব কেসশিংগী মরক্তা লৈবা খেৎনবা অসি হৌজিক্কী ওইনা ৪,৭৮,৫৮২ ওইরি। এক্তিব কেসশিং (৫,০৯,৪৪৭) অসি মেদিকেল সুপর্ভিজনগী মখাদা লৈরি।

অকুপ্পা ৱারোলগীদমক: https://pib.gov.in/PressReleasePage.aspx?PRID=1642015

ভারতকী অপুনবা ওইনা তেস্ত তৌখ্রবা মশিং কোতি ১.৭৭ হেনখ্রে, মিল্লিয়ন অমদা তেস্ত তৌবগী চাংনা ১২৮৫৮দা হেনগৎখ্রে

হৌখিবা পুং ২৪ অসিদা অপুনবা ওইনা সেম্পল ৪,০৮,৮৫৫ তেস্ত তৌখিবগা লোইননা মিল্লিয়ন অমদা তৌবা তেস্তকী মশীংনা ১২,৮৫৮ য়ৌখ্রে অমসুং অপুনবা ওইনা তৌখ্রবা তেস্তকী মশীংনা কোতি ১.৭৭ য়ৌখ্রে। লৈবাক অসিগী তেস্তিং লেব নেৎৱার্ক অসি অপুনবা ওইনা লেব ১৩১০ লৈদুনা মপাঙ্গল কনখৎলক্লি; সরকারগী লেব ৯০৫ অমসুং প্রাইবেৎ লেব ৪০৫ শুরে। হকশেল অমসুং য়াইফ য়ুম্বাল মন্ত্রালয়না "কোবিদ-১৯ অমসুং ভারত্তা হীদাক মনা শীজিন্নবা" হায়বসিদা দোক্যুমেন্ত অমা ফোংখ্রে।

অকুপ্পা ৱারোলগীদমক: https://pib.gov.in/PressReleasePage.aspx?PRID=1642034

স্তেন্দর্দ ত্রীৎমেন্ত গাইদলাইন্স ওফ সবসতেন্স য়ুজ দিসওর্দরস (এস.য়ু.দি.) এন্দ বিহেবিয়রেল এদিক্সন্সগী লাইরিক দা. হর্শ বর্ধন্না ফোঙখ্রে

লৈবাক অসিদা লৈরিবা নিশাদা লাইচুবা অমসুং বিহেবিয়রেল এদিক্সন অসি লাকশিন্নবগী পান্দমদা কেন্দ্রগী হকশেল অমসুং য়াইফ য়ুম্বাল মন্ত্রী দা. হর্শ বর্ধন্না “স্তেন্দর্দ ত্রীৎমেন্ত গাইদলাইন্স ওফ সবসতেন্স য়ুজ দিসওর্দরস (এস.য়ু.দি.) এন্দ বিহেবিয়রেল এদিক্সন্স” মিংথোনবা ই-বুক ভিদিও কনফরেন্সকী খুত্থাংদা ঙসি ফোঙখ্রে। কোবিদ-১৯গী মতম অসিদা লাইচুবগী অৱাবশিং অসি কোকহনবা তঙাই ফদবগী মতাংদা দা. হর্শ বর্ধন্না হায় ৱার্ল্দ দ্রক রিপোর্ত ২০২০না “মমাংদা থোকখিবা ইকোনোমিক খ্রাইসিস অদুগুম্না কোবিদ-১৯ অসিনসু খুদোংচাদবশিং থোকহনবা য়াই - নিশা শীজিন্নরিবশিংনা হেন্না হোংবা সিন্থেতিক সবসতেন্সশিং থিরকপা; হেন্না কাপশিনবা হেনগৎপা; শেন্মীৎলোনদা শোইথরকপনা লাইরবা অমসুং ফীভম চাদবশিংদা দ্রগ শীজিন্নহনবা অমসুং অৱাবশিং মায়োক্নহনবা।” মহাক্না শন্দোক্না ঙাংলদুনা হায় “মৈখু শীজিন্নবনা কোবিদ-১৯দগী খুদোংথিবা হেনগৎহল্লি লোয়ননা ভাইরস অসিনা নাহল্লবা মীওইশিংদা ফীভম শোকচিলহল্লি হায়বগী প্রমান থোকলক্লি।

অকুপ্পা ৱারোলগীদমক: https://pib.gov.in/PressReleasePage.aspx?PRID=1642039

এসিয়ান ইনফ্রাস্ত্রকচর ইনভেস্তমেন্ত বেঙ্কগী বোর্দ ওফ গভর্নরসকী ৫সুবা চহিগী মীফমদা ফাইনান্স মিনিস্তর শ্রীমতি নিরমালা সিতারমন শরুক

ঙরাং ন্যু দিল্লীদা ভিদিও কনফরেন্সকী খুত্থাংদা এসিয়ান ইনফ্রাস্ত্রকচর ইনভেস্তমেন্ত বেঙ্ক (এ.আই.আই.বি.)গী বোর্দ ওফ গভর্নরসকী ৫সুবা চহিগী মীফমদা ফাইনান্স অমসুং কোর্পোরেত এফিয়ার্সকী য়ুনিয়ন মিনিস্তর শ্রীমতি নির্মালা সিতারমন শরুক য়াখ্রে। চহি খুদিংগী পাংথোকপা চহিগী মীফমদা, বেঙ্কগী তুংগী ফিবমগী মতাংদা ৱারেপশিং লৌনবা বোর্দ ওফ গভর্নরশিং উনৈ। মীফম অদুদা খন্নখিবশিং অদুদা বেঙ্কগী প্রসিদেন্তগী মীখল অমসুং “মথং চহি ১০দা এসিয়াগী চাউখৎ-থৌরাংদা এ.আই.আই.বি ২০৩০না শৌগৎপা” হায়বা পান্দমদা মীফম অমা পাংথোকপা হায়রিবা ৱাফমশিং য়াওখি। খন্নবা অদুদা শ্রীমতি সিতারমন লুচিংবী ৱাঙাংলোয় অমা ওইখি। মহাক্কী ৱারোলদা শ্রীমতি সিতারমননা হায়খি, কোবিদ-১৯ লাকশিন্নবা ভারত য়াওনা বেঙ্ক অসিগী মেম্বর লৈবাকশিংদা এ.আই.আই.বিনা দোল্লর বিল্লিয়ন ১০গী মতেং পীবগীদমক থাগৎলি। প্রধান মন্ত্রী নরেন্দ্র মোদীনা সার্ক লৈবাকশিংগী কোবিদ-১৯ ইমর্জেন্সি ফন্দ অমা শেমখ্রে অমসুং কোবিদ-১৯ থেংননবা ভারতনা মরুওইবা মেদিকেলগী খুৎলায়শিং পীরি অমসুং হৌজিক মালেমগী ওইনা কোবিদ-১৯ তিকা চাংয়েং পাংথোকলিবা অসিদা শৌগৎলি। "জি“২০ দেব সর্বিস সস্পেন্সন ইনিসিএতিব"দা”ভারতনা শরুক য়াখিবা অদু ফাইনান্স মিনিস্তরনা পাউদমখি। লৈবাক অসিগী শেন-থুমগী ফিবম কন্নবা অমসুং হিরম খুদিংমক ঙাক্নবা দোল্লর বিল্লিয়ন ২৩গী প্রধান মন্ত্রী গরীব কলয়ান য়োজনা অমসুং দোল্লর বিল্লিয়ন ২৯৫গী অত্মা নির্ভর ভারত পেকেজ য়াওনা কোবিদ-১৯ থেংননবা ভারত সরকারনা পায়খৎলিবা থবকশিং ফাইনান্স মিনিস্তরনা পাউদমখি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1641841

আয়ুশ মন্ত্রালয়না এ.আই.আই.এ.দা লৈবা কোবিদ সেন্তরগী শিন-লাংবশিং য়েংশিনখ্রে

ঙরাং আয়ুশকী রাজ্য মন্ত্রী (আই.সি.) শ্রী শ্রিপদ য়েসসো নায়ক্না ন্যু-দিল্লীগী সরিতা ভিহারদা লৈবা ওল ইন্দিয়া ইন্সতিত্যুৎ ওফ অয়ুর্বেদা (এ.আই.আই.এ.)দা লৈবা কোবিদ-১৯ হেলথ সেন্তরদা চত্তুনা য়েংশিনখ্রে। মন্ত্রীনা সেন্তর অসিদা লৈরিবা কোবিদ-১৯গী অনাবশিংবু লায়েংবগী শিন-লাংবগী ফিভমশিং য়েংশিনখি। মহাক্না মফমদুগী দাক্তরশিংগা ৱারী শান্নদুনা লৈরিবা অনাবশিংগী নীংথিনা থম্বগী ফিভমগী মতাংদা ৱাফম কয়াসু হংখি। মখোয়দগী কোবিদ-১৯ হেলথ সেন্তর অসিদা লৈরিবা ফেসিলিতীশিংগী ফীদবেক লৌখি অমসুং অয়ুর্বেদগী হিদাকশিংগী মহৈশিংগী মতাংদসু মহাক্না হংখি। মন্ত্রীনা কোবিদ-১৯গী লায়চৎ মনুংসিদা এ.আই.আই.এ.না পীরিবা সেবাশিং অসিদা অপেনবা ফোংদোকখি। এ.আই.আই.এ.না ভারত শিনবা থুংনা লৈরিবা কোবিদ-১৯গী অনাবশিংদা মীওই অমদা মিৎয়েং চংবা অয়ুর্বেদগী হিদাক, চিঞ্জাক, য়োগ অমসুং পোত্থাবগী থৌওংশিংগী খুত্থাংদা হোলিস্তিক কেয়র পীবগী মশক থোকপা থবক পাংথোক্লিবা অসিদা অপেনবা ফোঙদোকখি। ভারতকী নাৎকি পথাপ ওইরিবা অয়ুর্বেদ অসিনা লায়চৎ অসি ঙাকথোকপা অমসুং লায়েংবা ঙম্বগী মতিক য়াম্না লৈ হায়না মহাক্না মখা তানা হায়খি। সি.ঐচ.সি. অসিদা লৈরিবা অনাবা অয়াম্বদা চিঞ্জাক অমসুং য়োগগী কাংলোন য়াওবা অয়ুর্বেদনা লায়েংবগী থৌওং শিজিন্নৈ। মন্ত্রীনা এ.আই.আই.এ.দা লৈবা কোবিদ-১৯গী লেম্না তেস্ত তৌফমদসু চৎখি। এ.আই.আই.এ. অসি দিল্লী সরকারনা কোবিদ-১৯ তেস্ত তৌবগী মফম (আর.তি.-পি.সি.আর. অমসুং রেপিদ এন্তিজেন তেস্তিং) অমনি হায়না লাউথোকখ্রবনি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1641854

কেন্দ্রগী ঐচ.আর.দি. মন্ত্রী শ্রী রমেশ পোখ্রিয়াল 'নিশঙ্ক'না ইন্দিয়া রিপোর্ত-দিজিতেল এজুকেসন জুন ২০২০ ফোংখ্রে

কেন্দ্রগী ঐচ.আর.দি. মন্ত্রী শ্রী রমেশ পোখ্রিয়াল 'নিশাঙ্ক'না ঙসি ভর্চুএল ওইনা ইন্দিয়া রিপোর্ত ওন দিজিতেল এদজুকেসন, ২০২০ ফোংখ্রে। শ্রী পোখ্রিয়ালনা হায়খি মদুদি রিপোর্ত অসিনা ঐচ.আর.দি. মন্ত্রালয়, রাজ্য অমসুং য়ুনিয়ন তেরিতোরীশিংগী এদজুকেসন দিপার্তমেন্তশিংনা অঙাংশিংনা ময়ুমদা অমত্তা চীত্থদনা মহৈ তম্বীনবা অমসুং মহৈগী লমদা লৈরিবা অহোবশিং হন্থনবগী মতাংদা শুগাইনা পল্লি। হ্যুমেন রিসোর্স দিবেলপমেন্ত মন্ত্রালয়না ওজা, স্কোলার, অমসুং মহৈরোইশিংনা তমশিনবদা মতেং পাংনবগীদমক দিকশা প্লেৎফোর্ম, স্বায়ম প্রভা তি.ভি. চেন্নেল, ওনলাইন এম.ও.ও.সি. কোর্সশিং, ওন এয়র – শিকশা ভানি, এন.আই.ও.এস.কী নাম্ম শোইরবশিংগীদমক দেজি, ই-পাথশালা, ই-কন্তেন্ত অমসুং লাইরিক হেন্না মপাঙ্গল কনখৎনবগীদমক নেসনেল রিপোজিতরী ওব ওপন এদজুকেসনেল রিসোর্সেস (এন.আর.ও.ই.আর.), তি.ভি. চেন্নেলশিংদা তেলিকাস্ত তৌবা, ই-লর্নিং পোর্তেলশিং, ৱেবিনার, চেৎ গ্রুপ, লাইরিক য়েন্থোকপা অমসুং অতোপ্পা দিজিতেলগী ওইবা খোংথাং কয়া রাজ্য অমসুং য়ু.তি. সরকারশিংগা লোইননা লৌখৎমিন্নদুনা মতেং পাংনবা হোৎনরি। দিজিতেল এদজুকেসনগী ওইবা খোংথাংশিং অসিনা মহৈরোইশিংদা কম্পিতিতিব একজামশিং থানবা হোৎনবদা মতেং কয়া অমা পীরি। গোৱানা এম্বাইব কৌবা আর্তিফিসিএল ইন্তেলিজেন্স (এ-আই)না পাৱর তৌবা লর্নিং, প্রেক্তিসিং অমসুং তেস্তিংদা য়ুম্ফম ওইবা ওনলাইন প্লেৎফোর্ম অমগা খুৎশম্নদুনা মহৈরোইশিংদা রাজ্য অসিগী এন্ত্রান্স একজামশিংগীদমক শেম শাবদা মতেং পাংলি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1641850

পি.এম.জি.কে.এ.ৱাই.-২গী মখাদা চেং-হৱাই য়েন্থোকপা হৌখ্রে; হৌজিক ফাওবদা রাজ্য/য়ু.তি.শিংনা এল.এম.তি. ৩৩.৪০গী চেং-হৱাই লৌখ্রে

প্রিলদগী জুন ২০২০ ফাওবদা প্রধান মন্ত্রী গরীব কল্যান অন্ন য়োজনা (পি.এম.জি.কে.ৱাই.) মায় পাক্না থবক ওইনা পাংথোকখ্রবা তুংদা ভারত সরকারনা স্কিম অসিবু জুলাইদগী নবেম্বর ২০২০ ফাওবা থা ৫ অমুক শাংদোক্নবা ৱারেপ লৌখ্রে। নেস্নেল ফুদ সেক্যুরিতী এক্ত (এন.এফ.এস.এ.) অমসুং অন্তোদয়া অন্ন য়োজনা (এ.এ.ৱাই.)গী মখাদা চনবা বেনিফিসরী কোতি ৮১দা স্কিম অসিগী মখাদা চেং/গেহু কিলো ৫ লেম্না পীরি। পি.এম.জি.কে.এ.ৱাই.-২গী ওইবা জুলাই-নবেম্বর ২০২০গী পুন্না পীগদবা অসি এল.এম.তি. ২০০.১৯ (গেহু এল.এম.তি. ৯১.৩৩ অমসুং চেং এল.এম.তি. ১০৯.৯৬)নি। রাজ্য সরকারশিং অমসুং বেনিফিশরীশিংনা মসিদা য়াম্না থৱাই য়াওবা মওং উৎলকখি। স্কিম অসি ৮/৭/২০২০দগী থাদোকপা হৌখি অমসুং বেনিফিশরীশিংদা মখা তানা পীথনবা হায়দুনা লৈবাক শিনবা থুংবগী রাজ্যশিংদা ২৭/৭/২০২০ ফাওবগী মনুংদা চেং-হৱাই এল.এম.তি. ৩৩.৪০ (গেহু এল.এম.তি. ১৩.৪২ অমসুং চেং এল.এম.তি. ১৯.৯৮) পীথখ্রে অমসুং হায়রিবা অসি জুলাই ২০২০গী পীফম থোকপগী ৮৩%নি। পি.এম.জি.কে.এ.ৱাই.-২গী পীফম থোকপা অহেনবা এল.এম.তি. ২০০.১৯ য়াওরগা ভারত সরকারনা থা ৫ অসিদা খুন্নাইগী খুদোংথিবা নংবা য়াবা কাংলুপশিংদা পীথগদবা অসি চাউরাক্না এল.এম.তি. ৪৫৫নি। এফ.সি.আই.না হদক্কী কুমসিগী পোত্থোক লৈশিনবা লোইশিনখ্রে অমসুং চেং অমসুং গেহু লৈবগী হীরমদা রেকোর্দ থমখ্রবনি। হন্দক্তা লোয়শিনখিবা লৌরোক্কী কুমদা গেহু এল.এম.তি. ৩৮৯.৭৬ অমসুং চেং এল.এম.তি. ৫০৪.৯১ লৈখ্রে।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1641867

কেন্দ্র মন্ত্রী দাঃ জিতেন্দ্র সিংহদা ভার্তিয়া য়োগ সংস্থান্না ঙসি ন্যু-দিল্লীদা পি.এম. কেয়র ফন্দা তেংবাংবা ওইনা দিমান্দ দ্রাফ অমসুং চেক খুৎশিন্নখ্রে

কোবিদনা য়োগবু মালেম পুম্বনা পামহনবা ফাওহনবদা মিৎয়েং চংলদুনা কেন্দ্র মন্ত্রী দাঃ জিতেন্দ্র সিংহনা ঙরাং হায়খিবদা প্রধান মন্ত্রী নরেন্দ্র মোদীনা হায়বগী মতুং ইন্না য়ু.এন.ও.না “মালেমগী য়োগ নুমিৎ” অমা লাউথোকখিবদগী য়োগ অসি মালেম পুম্বদা পাম্নরকপা হেনগৎলকপদা নত্তনা য়োগগী থৌওং অসিদা চংবা হৌদ্রিবা মীওইশিং ফাওবদা কোবিদ লায়চৎ অমসুং মসিগী মতুংদা থমখিবা লোকদাউনগী মনুংদা মসিগী কান্নবা খংবদগী মসিদা থৱাই য়াওবা হেনগৎলক্লি। ভার্তিয়া য়োগ সংস্থান্না পি.এম. কেয়র্স ফন্দা তেংবাংবগী দিমান্দ দ্রাফ অমসুং চেক লৌবা মতমদা দাঃ জিতেন্দ্র সিংহনা প্রধান মন্ত্রীনা হায়খিবা ৱাফম “হোলীৱুদতগী হরিদ্বার ফাওবদা, কোরোনাগী হকশেলগী ইরাং মরক্তা মীয়াম্না য়োগবু য়াম্না পাম্নরে” অসিবু নৌহৌননা নীংশিংখি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1641863

ফিল্দ ওফিসশিংদগী ফংবা পাউ

• চান্দিগর: য়ু.তি. চান্দিগরগী এদমিনিস্ত্রেতরনা এল.ই.দি. স্ক্রীন অমা য়াওবা “কোবিদ এৱের্নেস ভেন” অমা শঙ্গাখ্রে। ভেন অসিনা কোবিদ-১৯গী মতাংদা মীয়ামগী হকশেলগী ওইবা এৱের্নেস পীবদা শীজিন্নরগনি। সহর অসিদা কোরোনাভাইরসকী মশিং হেনগৎলকপা অসিগা মরী লৈননাচান্দিগর এদমিনিস্ত্রেসনগী পব্লিক রিলেসন্স বিভাগবা আই.ই.সি.গী থবক থৌরমশিংগী মখাদা চান্দিগরদা লৈরিবশিংগী মরক্তা কোবিদ-১৯গী এৱের্নেস পীনবা থৌরাং তৌখ্রে।
  • পঞ্জাব: রাজ্য অসিদা কোবিদ কেসশিংগী মশিং হেনগৎলক্লিবা অসিদা পঞ্জাব সরকারনা অমরিৎসর অমসুং পতিয়ালাদা লৈরিবা সরকারগী মেদিকেল কোলেজ অনিদা কেসলোদ হেনগৎলকপা অসি মপুং ফানা য়েংশিন্ননবা নহা ওইরিবা আই.এ.এস.শিং নোদেল ওফিসরশিং খনখ্রে লোয়ননা তর্সরীগী থাক্তা কোবিদ ক্যের ফংহল্লিবা লনাই সেক্তরগী হোস্পিতালশিংগসু পুন্না হোৎনগনি। চীফ সেক্রেতরীনা দি.সি. পুম্নমক্তা মখোয়গী জিলাশিংদা লৈরিবা কোবিদ নাবা মীওই খুদিংমক ত্রেক তৌনবা অমসুং মখোয়গী লায়েং মতম চানা চত্থনবা অমদি মপুং ফাবা হেল্থক্যের ফেসিলিতীশিং লৈহনবা থৱায় য়াওবা নহা ওইরিবা ওফিসরশিং খনগৎনবা য়াথং পীখ্রে।
  • কেরেলা:  রাজ্য অসিদা ঙসি কোবিদ-১৯দগী মীওই অহুম লৈখিদ্রে। মখোয়শিং অদু অনি অমনা কোচিকোদতগীনি অমসুং অমনা মলাপুরমদগী ওইখি। মসিগা পুন্না রাজ্য অসিদা ভাইরস অসিনা মরম ওইরগা লৈখিদবা মীওইগী মশিং ৭০ শুখ্রে। চৈরক অসিদা রাজ্য অসিগী কেপিতেলদা লোকদাউন অমুক হন্না থমখ্রে মসিদা কোমথোক্লিবশিং অসি কন্তেনমেন্ত জোনশিংগী ওইনদি চৎনরোই। কোবিদ স্তেতিস্তিক্সকী মতুং ইন্না তিরুভনন্দপুরমদা তেস্ত ১৮ তৌবদা পোজিতিব কেস অমা য়াওবগী রিপোর্ত তৌরকখি। রাজ্য অসিগী তোঙান তোঙানবা শরুকশিংদা নোং কন্না চুখিবনা কোবিদকী কন্তেনমেন্তগী থবক থৌরমশিংদা অপনবা থোকহনখি। ঙসিদগী হৌনা রাজ্য অসদা কোবিদ-১৯গী প্রোতোকল থুগাইবশিংদা মফম অদুমক্তদা ফাইন শীহনবা হৌরগনি। হৌজিক্কী ওইনা কোবিদ-১৯ নারবা মীওই ১০.০৯৩ লায়েং চত্থরি অমসুং মীওই লাখ ১.৫না তোঙান তোঙানবা জিলাশিংদা য়েংশিন্দুনা থম্লি।
• তামিল নাদু: পুদুচেরীদা কোবিদ-১৯গী কেস মশিং খ্বাইদগী য়াম্না রেজিস্তর তৌরকখ্রে; লাইওং উত্তবা মীওইশিংনা হোম আইসোলেসনদা থম্লি। রাজ ভাৱনদা মীওই ৩ কোবিদ-১৯ পোজিতিব ওইরকপদগী তি.এন.গী গভর্নর মাশানা চয়োল অমা আইসোলেসনদা লৈখ্রে। ওগস্ত ৪ ফাওবদা রানিপেৎকী জিলাদা কোবিদকী মশিং ৮,০০০ য়ৌগনি হায়না প্রোজেক্সন তৌখিবগী মতুংদা রানিপেৎ দিস্ত্রিক্ত এদমিনিস্ত্রেসন্না কন্তেনমেন্তগী খোঙথাংশিং কনশিনখ্রে। ঙরাংগী নুমিত্তা অনৌবা কেস ৬৯৭২, ফগৎখিবা ৪৭০৭ অমসুং লৈখিদবা ৮৮ রিপোর্ত তৌরকখি। মসিদা চেন্নাইদগী ১১০৭ ওইখি। অপুনবা কেস: ২,২৭,৬৮৮; এক্তিব কেস: ৫৭,০৭৩; লৈখিদবা: ৩৬৫৯; দিসচার্জ তৌখিবা: ১,৬৬,৯৫৬; চেন্নাইগী এক্তিব কেস: ১২,৮৫২।
• কর্নতক: কোবিদ-১৯গী খুদোংথিবা মরক্তা সরকারনা চেকশিন্না থৌরাং পুম্নমক লৌখৎপগা লোয়ননা সি.ই.তি. পাঙথোক্নবা শিনবা অসিদা মহৈরোয়শিংনা পাখৎকনু হায়না কর্নতককী উপ মখ্য মন্ত্রীনা হায়রি। লাইওং উত্তবা, লাইওং উৎপা অমসুং ফীভম লুদবা মীওইশিং খঙদোক্নবা সেন্ত্রেলাইজ ওইবা সিস্তেম অমা থমগনি অমসুং কেস অসিগী ফীভম লুবগী মতুং ইন্না লায়েং চত্থগনি হায়না মেদিকেল এদুকেসন মন্ত্রী, দা. কে. সুথাকরনা ফোঙদোকখ্রে। মহাক্না মখা তারদুনা হায় হৌজিক লৈরিবা তোঙান তোঙানবা কোবিদকা মরী লৈনবা এপশিং অসি খুদক্কী ওইবা পাও খঙহন্দুনা লাইরবশিংদা হোস্পিতালশিং/ফমুংশিং লৈরিবা মফম অদু খঙহনবদা মতেং পাংনবা প্লেৎফোর্ম অমগী মখাদা পুনশিল্লগনি। ঙরাংগী নুমিত্তা অনৌবা কেস ৫৫৩৬, দিসচার্জ তৌখিবা ২৮১৯ অমসুং লৈখিদবা ১০২ রিপোর্ত তৌরকখি; মসিদা বেঙ্গলোর সহরদগী ১৮৯৮ ওইখি। অপুনবা কেস: ১,০৭,০০১; এক্তিব কেস: ৬৪,৪৩৪; লৈখিদবা: ২০৫৫।
• অন্ধ্র প্রদেশ: লায়চৎ অসি লাকশিন্নবা অহেনবা শেন্থং পীরকপগা লোয়ননা শেন-থুমগী ফীভম য়েংদনা কোরোনানা শোকহল্লবা মীওইশিংদা রাজ্য অসিনা মেদিকেলগী তেংবাং ফংহল্লি হায়না এ.পি.গী মেদিকেল অমসুং হকশেলগী মন্ত্রীনা ফোঙদোকখ্রে। লনাই হোস্পিতালশিংনা সরকারগী ওর্দরশিং ঙাক্তবা অমসুং কোরোনা নাবা মীওইশিং লায়েংদবা থোক্লবদি অকনবা খোঙথাং লৌখৎকনি হায়না চেকশিন ৱা থমখ্রে। খুদোংথিবা অসি লাকশিনবা ঙম্নবা রাজ্য অসিনা দোক্তর য়াওনা মেদিকেল স্তাফ লিশিং ১৭ লৌগদৌরি।  ৱাকফ ইন্সতিত্যুসনশিংনা কোবিদ-১৯না মরম ওইরগা লৈখিদ্রবা মুস্লিম অমত্তা মখোয়গী মোংফমদা লৈরোম চনবদা অপনবা নত্রগা অয়েৎপা নত্রগা অয়াবা পীদবা তৌবা য়ারোই হায়না রাজ্য অসিগী ৱাকফ বোর্দনা লাউথোকখ্রে। ঙরাংগী নুমিত্তা অনৌবা কেস ৭৯৪৮, দিসচার্জ তৌখিবা ৩০৬৪ অমসুং লৈখিদবা ৫৮ রিপোর্ত তৌরকখি। অপুনবা কেস: ১,১০,২৯৭; এক্তিব কেস: ৫৬,৫২৭; লৈখিদবা: ১১৪৮; দিসচার্জ তৌখিবা: ৫২,৬২২।
• য়ুমশকৈশা নুমিত্তা রাজ্য অসিদা কোবিদ-১৯গী অনৌবা কেস ১,৭৬৪ থেংনখি অমদি নোংমা খক্তদা তেস্ত তৌখিবা সেম্পল অসি ১৮,৮৫৮ ওইদুনা খ্বাইদগী য়াম্না তেস্ত তৌখিবা ওইখি অমসুং তেস্ত তৌখিবগী সেম্পলগী অপুনবা মশিং অসি লাখ ৪ য়ৌখ্রে। রাজ্য অসিগী জিলা অয়াম্বদা কোবিদ-১৯ কেসশিং হেনগৎলকপগা লোয়ননা – হৌখিবা চয়োলদা কেস ৫০গী মথক্তা রিপোর্ত খ্বাইদগী য়াম্না তৌরক্তুনা – হেল্থ ইনফ্রাস্ত্রকচর অসি অহোংবা লাক্লি। হৌখিবা পুং ২৪ অসিদা অনৌবা কেস ১৭৬৪, ফগৎখিবা ৮৪২ অমসুং লৈখিদবা ১২ রিপোর্ত তৌরকখি; কেস ১৭৬৪ মনুংদা জি.ঐচ.এম.সি.দগী কেস ৫০৯ ওইখি। অপুনবা কেস: ৫৮,৯০৬; এক্তিব কেস: ১৪,৬৬৩; লৈখিদবা: ৪৯২; দিসচার্জ তৌখিবা: ৪৩,৭৫১।
• অরুনাচল প্রদেশ: অরুনাচল প্রদেশকী কেপিতেল ইতানগর য়াওনা রাজ্য অসিগী তোঙান তোঙানবা শরুকশিংদা রেপিদ রেস্পোন্স এন্তিজেন তেস্ত তৌখ্রে। ইতানগরদা হৌখিবা পুং কুন মরি অসিদা তেস্ত ১৬৬৪ তেস্ত তৌবদা পোজিতিব কেস ২৬ থেংনখি।
• মনিপুর: মনিপুরগী ওইনা কোবিদ১৯গা মরী লৈননা অহানবা লৈখিদবগী রিপোর্ত তৌরকখি মীওই অসি থৌবাল জিলাদগীনি অমদি চহি ৫৬ শুরে, মহাক ইম্ফালগী রিমস হোস্পিতালদা রেনেল প্রোব্লেম (দাইলাইসিস)কী পুখৎলকখিবনি।
• নাগালেন্দ: নাগালেন্দদা কোবিদ-১৯গী অনৌবা কেস ৫৩ থেংনখি। দিমাপুরদা ২৯, কোহিমাদা ১৯ অমসুং মোনদা ৫নি।
• মহারাস্ত্র: মুম্বাইদা পাঙথোকখিবা সেরো-সর্ভেনা মীয়ামগী শরুক তঙখায় হেন্না নত্রগা রেসিদেন্সিএল সোসাইতীশিংদা তৌখিবা তেস্ত ১৬%গা চাংদমনবদা মসি স্লমশিংদা তেস্ত তৌখিবগী ৫৭% অসি সার্স-কোব২ ভাইরস অসি নারুরে অমসুং মসিগী মায়োক্তা এন্তিবোদীশিং দিবেলপ তৌখ্রে হায়না উৎলি। লৈফম চিনবনা মরম ওইরগা ফিজিকেল দিস্তেন্সিং থম্বদা ৱাবা অমদি তোইলেৎকী অমা খক্তা শীজিন্নবা অসিনা মরম ওইরগা লায়না অসি শন্দোকপা চাং ৱাংবনি হায়রি। লৈবাকপোকপা নুমিত্তা তেস্ত ৮,০০০ তৌখিবগা লোয়ননা মুম্বাইনা অনৌবা কেস হন্থরক্তুনা ৭১৭ রিপোর্ত তৌরকখি। জুলাই হৌরকপদা, সহর অসিদা তেস্ত ৫,০০০-৬,০০০ তেস্ত তৌবগা লোয়ননা কেস, ১,৫০০গী মথক্তা  চাং নাইনা রিপোর্ত তৌরকখি, অদুবু  মহারাস্ত্র পুম্বদা লৈবাকপোকপা নুমিত্তা কোবিদ-১৯গী তেস্ত তৌবদা মীওই ৭,৭১৭ পোজিতিব ওইদুনা ফাইনান্সিএল কেপিতেল অসিদা কোবিদ-১৯ শন্দোকপদা হন্থবা উবা ফংলে। এক্তিব কেসকী মশিং অসি ১,৪৪,৬৯৬ ওইরি।
• গুজরাৎ: গুজরাৎ সরকারনা রাজ্য পুম্বদা লনাই হোস্পিতালশিংদা কোবিদ-১৯ লায়েংবদা চৎন-কাংলোন অমা থমখ্রে। কোবিদ অনাবশিংদগী শেল হেন্না লৌবগী ৱাকৎ লাকপদগী খোংথাং অসি লৌখৎখিবনি। সরকারনা ফোঙদোকখ্রে মদুদি অনৌবা রেৎশিং অসি অহমেদবাদ, বরোদরা, রাজকোৎ, সুরত অমসুং ভাবনগরদা লৈবশিংদদি হান্ননা ম্যুনিসিপাল কোর্পোরেসননা রেৎশিং লেপখ্রবনিনা অতোপ্পা লনাইগী হোস্পিতালশিংদা চৎনগনি। কোবিদ অনাবশিংগী আই.সি.য়ু. ৱার্দ নত্তবদা নোংমদা অকক্নবা রেৎ লুপা ৫৭০০ ওইগনি অমসুং আই.সি.য়ু.গী খুদোংচাবশিংদা এমিৎ তৌরিবা অনাবশিংদগী নোংমদা লুপা ৬০০০তগী হেন্না লৌবা য়ারোই। হৌখিবা পুং ২৪ অসিদা গুজরাত্তা অনৌবা পোজিতিব কেস ১,১০৮ অমসুং শীখিবা ২৪ রিপোর্ত তৌখ্রে। অপুনবা কেস শিং ৫৭,৯৮২দা হেনগৎখ্রে। মসিগী মনুংদা এক্তিব কেসনা ১৩, ১৯৮, ফগৎখিবা ৪২,৪১২ অমসুং শীখিবা ২,৩৭২ য়াওরি।
• রাজস্থান: অনৌবা অনাবা ৩২৮ ঙসি অয়ুক রিপোর্ত তৌখ্রে। রাজ্য অসিগী কোবিদ-১৯গী অপুনবা মশিং ৩৮,৯৬৪ শুখ্রে। রাজ্য পুম্বদা ফগৎখিবগী অপুনবা মশিং অসি ২৭,৫৬৯ শুখ্রে। অনৌবা অনাবশিংগী মনুং খ্বাইদগী য়াম্না ১৫৪না অলৱর দিস্ত্রিক্ততগীনি অদুগা জয়পুরগীনা অনাবা ৬১ অমসুং অজমিরগীনা অনাবা ৪৭নি।
• মধ্য প্রদেশ: লৈবাকপোকপা নুমিত্তা মধ্য প্রদেশ অনৌবা কেস ৬২৮ রিপোর্ত তৌখ্রে। রাজ্যগী কোবিদ-১৯গী অপুনবা মশিং হৌজিক ২৯,২১৭ শুখ্রে। হৌজিক রাজ্য এক্তিব ওইরিবা অনাবা ৮০৪৪ লৈরি; ফগৎখিবা অপুনবা মশিংনা ২০,৩৪৩ শুখ্রে অমসুং শীখিবনা ৮৩০ শুখ্রে।

******