(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

· ভারতকী কেস ফেতেলিতী রেৎ লেপ্তনা হেনগৎলক্লি অমসুং ২.২৮% ওইরি।

• অপুনবা ফগৎখিবা মশিং লাখ ৯ হেনখ্রে,থংনা থংননা ৪শুবা নুমিৎকী ওইনা নোংমদা ফগৎলকখিবা অসি ৩০,০০০ হেখ্রে।
• ঙসি ফগৎলকখিবা কেসশিংনা এক্তিব কেসশিংদগী(৪,৮৫,১১৪)৪,৩২,৪৫৪ হেনখ্রে।
• অয়ুশমান ভারত- হেল্থ অমসুং ৱেলনেস সেন্তরনা কোবিদকী মতম অসিগী মনুংদা মখোয়না তৌবা ঙম্বা অদু খঙহনখি
• শ্রী সদানন্দ গোরানা বল্ক দ্রগস পার্কশিং অমসুং মেদিকেল দিবাইজ পার্কশিং লিংখৎনবা লম্বী পীরিবা স্কিমশিং হৌদোকখ্রে অমসুং গাইদলাইনশিং লাউথোকখ্রে
• উপ রাস্ত্রপতিনা মহৈরোয়শিংদা মখোয়গী একাদেমিক্কী সেদ্যুলদা কোবিদনা মরম ওইরগা থোকহনবা অকায়বনা অপনবা থোকহল্লোইদবনি হায়খ্রে

ভারতকী কেস ফেতেলিতী রেত (সি.এফ.আর.) অসি মখা তানা ফগৎলক্তুনা চাদা ২.২৮ ওইরে ফগৎলকপগী, অপুনবা চাং অসি লাক্ষ ৯ হেনখ্রে থংন-থংনা নুমিৎ ৪নি শুবা ওইনা নোংমদা ৩০,০০০ হেন্না ফগৎলকখ্রে

কেন্দ্র অমসুং রাজ্য/য়ুনিয়ন কেরিতোরীশিংগী সরকারশিংনা হৌবদগী হৌনা হোৎনরকখিবা অসিনা হোসপিতালশিংদা লায়েংখিবা কেসশিংগী লান্থেং চত্থবগী মওংদা তেস্ত তৌবা অমসুং নিংথিজনা লায়েং চত্থদুনা ঙন্না খংদোক্তুনা তোঙান্না থমদুনা কেস ফেতেলিতী রেত অসি লেপ্তনা হন্থরক্তুনা লায়েংদুনা ফগৎলকপগী চাং অসি হেনগৎলক্লে। নিংথিজনা লায়না অসি লৈহন্দনবগী লাল্লোং, লান্থেংনবগী মওংদা তেস্ত তৌবা অমসুং নিংথিজনা লায়েং চত্থবগী প্রোতোকোলশিংগা লোয়ননা অশেংবা থাক্তা চেকশিন্না য়েংশিন্নবগী মওংদা কেস ফেতেলিতী রেত অসি অদুক্কী মতিক হন্থরক্লি। কেস ফেতেলিতী রেত অসি লেপ্তনা হন্থরক্তুনা হৌজিক চাদা ২.২৮ ওইরে। ভারত অসি মালেমদা থ্বাইদগী হন্থবা ফেতেলিতী রেতশিং ওইরি। থংন-থংনা নুমীৎ ৪নি শুবা ওইনা নোংমদা ৩০,০০০ হেন্না ফগৎলকপগী পরিং অসি মখা তারদুনা হৌখিবা পুং ২৪ অসিদা অনাবা ৩১,৯৯১ দিসচার্জ তৌখ্রে। ফগৎখিবগী চাং অসি অপুনবা ওইনা লাক্ষ ২৪ হেনগৎখিদুনা হৌজিক ৯,১৭,৫৬৭ য়ৌরে। ফগৎলকখিবগী চাং অসি চাদা ৬৪ ওইরি। শিবগী চাং অসি হন্থরকপগী মহৈনা মীশিং অসি হেন্না ফগৎলক্তুনা ফগৎখ্রবা কেসশিং(৪,৮৫,১১৪) অসি ঙসি এক্তিব কেসশিং(৪,৩২,৪৫৩)দগী হেনগৎখ্রে।

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1641486

অয়ুশমান ভারত- হেল্থ অমসুং ৱেলনেস সেন্তর (এ.বি.-ঐচ.দবল্যু.সি.শিং)না কোবিদকী মতম অসিগী মনুংদা মখোয়না তৌবা ঙম্বা অদু খঙহনখি

কোবিদ-১৯গী লাইচৎ অসিগী মনুংদা মরু ওইনা খুঙ্গংগী লমশিংদা ভারতকী পব্লিক হেল্থ সীস্তেমশিংগী অখাং কনবা অদু অয়ুশমান ভারত হেল্থ অমসুং ৱেলনেস সেন্তরশিং (এ.বি. – ঐচ.দব্ল্যু.সি.শিং)গী মথৌ লেপ্তনা পাংথোকপা অসিনা উৎলি অমসুং কোবিদকী নত্তবা তঙাইফদবা হেল্থ সার্বিসশিং লেপ্তনা ফংহনবদা নত্তনা কোবিদ-১৯দগী ঙাকথোক্নবা অমসুং মসিবু লাকশিন্নবা অথুবা থবকশিংসু মতম চানা পাংথোক্লি। অহেনবা ঐচ.দব্ল্যু.সি. ১৩,৬৫৭ লাইচৎ অসিগী মতম (২০২০, জনুৱারীদগী জুলাই ফাওবগী মরক)গী মনুংদা মথৌ তৌহনখি, হায়রিবশিং অসি মখোয়না মতেং পাংলিবা প্রজা মীয়ামদা পাক শন্না হেল্থকেয়র অসি শোইদনা য়ৌহন্নবনি। ২০২০গী জুলাই ২৪ ফাওবদা পুন্না ঐচ.দব্ল্যু.সি. ৪৩,০২২, লৈবাক অসিগী তোঙান – তোঙনবা মফমশিংদা পাক শন্না থবক তৌরি। জুলাই ১৮দগী হৌরগা জুলাই ২৪ ফাওবগী চয়োল অসিদা পুন্না মীওই লাখ ৪৪.২৬ এ.বি.–ঐচ.দব্ল্যু.সি.শিংনা পীখিবা হেল্থ অমসুং ৱেলনেস সার্বিসশিংদগী কানবা ফংখি। ঐচ.দব্ল্যু.সি.শিংগী মরক্তা পুন্সিল্লবা অপুনবা ফুতফোল অদু মখোয়না হৌদোরকপদগী (হায়বদি ২০১৮গী এপ্রিল ১৪) লাখ ১৯২৩.৯৩দা হেনগৎলকখ্রে। মসি ঐচ.দব্ল্যু.সি.শিংনা মখোয়গী কম্যুনিতীশিংদা ফাউন্দশনেল ৱার্ক তৌখিবগী খুদম-চাংদম্নি। মখোয়না কোবিদকী নত্তবা তঙাইফদবা সার্বিসশিং অদু অথিংবা-অপনবা লৈহন্দনা অমসুং লেপ্তনা ফংহন্নবা হোৎনবদা য়াম্না মরু ওইবা থৌদাং লৌখি। ভারত শিনবা থুংনা লৈরিবা এ.বি.–ঐচ.দব্ল্যু.সি.শিংদা মমাংগী চয়োলদা য়োগ সেশন ৩২,০০০ পাংথোকখি। ঐচ.দব্ল্যু.সি.শিংনা মখোয় হেক হৌদোরকপদগী পুন্না য়োগ সেশন লাখ ১৪,২৪ পাংথোকখ্রে।

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1641512

শ্রী সদানন্দ গোরানা বল্ক দ্রগস পার্কশিং অমসুং মেদিকেল দিবাইজ পার্কশিং লিংখৎনবা লম্বী পীরিবা স্কিমশিং হৌদোকখ্রে অমসুং গাইদলাইনশিং লাউথোকখ্রে

কেন্দ্রগী কেমিকেলস অমসুং ফর্তিলাইজর্সগী মন্ত্রী শ্রী দি.ভি. সদানন্দ গোরানা লৈবাক অসিদা বল্ক দ্রগ্শিং অমসুং মেদিকেল দিবাইজ পার্কশিং লৈবাক অসিদা শাজবা হেনগৎনবা ফার্মাকোতিকেলস বিভাগকী স্কিম মরি ঙসি হৌদোকখ্রে। মহাক্না হায় ভারত অসি তোয়না ‘মালেমগী ফার্মাসী’নি হায়না হায়নৈ অমসুং হায়নরিবা অসি হৌজিক থোক্লিবা কোবিদ-১৯গী লায়চৎ অসিনা অচুম্বনি হায়না উৎপগা লোয়ননা ভারতনা লৈবাক পুম্বদা লোকদাউন তোরিঙৈ মনুংদসু পুন্সি কনবদা শীজিন্নরিবা মরু ওইবা হীদাক-লাংথকশিং মথৌ তারিবা লৈবাকশিংদা এক্সপোর্ত তৌখি।   অদুম ওইনমক, মসিদা মায় পাকচরবসু, মরু ওইরিবদি ঐখোয়গী লৈবাক অসিনা তঙাই ফদবা মচাকশিং মপালদগী পুশিল্লকপা তারি। স্কিম অসিগী গাইদলিনশিংদা য়াওরিবা প্রদক্ত ৪১না লৈবাক অসিদা বল্ক দ্রগ ৫৩ শাজবা ঙম্লগনি। মথৌ তাবা দোমেস্তিক ভেল্যূ এদিসনগী চাংগা লোয়ননা লৈবাক অসিদা শাজবা প্রদক্ত ৪১গী মখোয়গী দোমেস্তিক স্কেলগী অখকনবা পর্সেন্তেজ অমদা স্কিম অসিগী মখাদা খনগৎলবা য়াম্লবদা মেন্যুফেকচর ১৩৬তা শেলগী তেংবাং ফংহল্লগনি

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1641517

ইন্দিয়ন রেলৱেজনা বাংলাদেশতা ব্রোদ গেজ লোকোমোতিব ১০ খুৎশিন্নখ্রে

খুৎশিন্নবগী থৌরম অমা ঙসি পাঙথোকখিবা অদুদা মপাল থৌরম পুবা মন্ত্রী দা. এস. জেসঙ্কর অমসুং রেলৱেজকী মন্ত্রী শ্রী পিয়ুশ গোয়লনা ভর্চ্যুএল ওইনা বাংলাদেশতা ব্রোদ গেজ (বি.জি.) লোকোমোতিব ১০ লম থাখ্রে। থৌরম অসিদা ৱা ঙাংলদুনা মপাল থৌরম পুবা মন্ত্রী দা. এস. জেসঙ্করনা হায় “লৈবাক অসিগী মরক্তা পরসেল অমসুং কন্তেনর ত্রেনশিং চেনবা হৌরে তাবদা ঐহাক য়াম্না নুংঙাই।  মসিনা ঐখোয়গী ললোন ইতিক্তা অনৌবা খুদোংচাবশিং ফংহল্লগনি। রেলদা ত্রেন চেনবা হৌরে খঙবদা ঐহাক নুংঙাইবা পোকই। কোবিদ-১৯গী লায়চৎ অসিগী মনুংদা, মরু ওইনা রামদনগী শেংলবা থাদা তঙাই ফদবশিং সপআলি তৌবা ঙমখি।” কোবিদকী লায়চৎনা লৈবাক অনিগী মরীদা অপানবা পীদবা অসিদা মহাক্না অপেনবা পোকখি। শ্রী গোয়লনা হায় ভারত অমসুং বাংলাদেশ লৈবাক অনিগী লুচিংবশিংনা ১৯৫৬কী মমাংদা লৈবাক অনি অসিবু ফাওনহল্লম্বা  রেলৱে অদু অমুক হন্না লৈহন্নবা হোৎনরি। হৌজিক লৈরিবা রেল ৭কী মনুংদা ৪দি মথৌ তৌরি। কোবিদ-১৯ মনুংদা রেলৱেজ অনিমক্না খুদোংথিবা অসি থোইদোক হেন্দোক্না চেকশিন্না য়েংশিনখি অমসুং তঙাই ফদবা পোৎলমশিং পুথোক পুশিন তৌনবা সপ্লাই চেন শিনখি। হৌখিবা মতম খরা অসিদা ভারত অমসুং বাংলাদেশনা কোবিদ-১৯গী লায়চৎনা পীরিবা অৱাবা অসি হন্থহন্নবা মখোয়গী রেলগী ওইবা কোওপরেসনগী লৌখৎনবা হোৎনখি মরমদি লমগী ঙমখৈদা ললোন ইতিক তৌবদা অকায়বশিং থেংনখি।

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1641503

উপ রাস্ত্রপতিনা মহৈরোয়শিংদা মখোয়গী একাদেমিক্কী সেদ্যুলদা কোবিদনা মরম ওইরগা থোকহনবা অকায়বনা অপনবা থোকহল্লোইদবনি হায়খ্রে

 ভারতকী উপ রাস্ত্রপতি শ্রী এম. বেঙ্কায়া নাইদুনা হৌজিক মতমগী অনৌবা মিদিয়াগী ফীভম অসিদা মিদিয়াগী লম অসিদা লান্না পাউ পীবা অমসুং অরানবা পাউশিংগী খুত্থাংদা অকায়বা থোকহল্লিবা অসি করম্না খঙদোক্কনি হায়না  মহৈরোয়শিংদা তাকপীবা মথৌ তাই হায়না মহাক্না ঙসি ফোঙদোকখ্রে। ঙসি ভিদিও কনফরেন্সিংগী খুত্থাংদা ‘তাইমস স্কোলরস ইবেন্ত’তা শরুক য়াখিবা নহা ওইরিবা পার্তিসিপেন্ত ২০০ হেনবদা ৱা ঙাংবদা উপ রাস্ত্রপতিনা মখোয়শিংদা অচুম্বা খঙদোকপা অমসুং থৌনা লৈনবা অচুম্ববু মায়োকন্দুনা অরানববু নাথৈবা ঙম্নবা হোৎনৌ হায়না হায়খি। কোবিদনা মরম ওইদুনা একাদেমিক সেদ্যুলদা থোকহল্লিবা অকায়বা অসিনা মহৈরোয় অয়াম্বদা ৱাখল ৱাবা অমসুং কোয়রাংনবা থোকহল্লিবা উবা অসিদা উপ রাস্ত্রপতিনা মহৈরোয়শিংদা পাউতাক পীরদুনা হায় কনাগুম্বা অমত্তনা লাকশিনবা ঙমদ্রবা থোকইবা থৌদোকশিং অসিনা মখোয়দা অপনবা ওইহনগনু। “নখোয় পুম্নমক নহা ওইরি অমসুং থৌনা লিংজেল লৈবা মথৌ তাই অমসুং পুন্সিদা থেংনবা পুম্নমক মায়োক্নবা ঙম্নবা শেম শাগদবনি।” হায়না মহাক্না মহৈরোয়শিংদা ফোঙদোকখি। মহাক্না মহৈরোয়শিংদা চাং নাইনা য়োগ তৌদুনা মখোয়গী হকচাং ফনা, ৱাখল নুংঙাইনা থমগদবনি অমসুং খোইরাং খোয়শাওনবা ৱাখল ৱাবাদগী ঙাকথোক্কদবনি।

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1641527

পি.আই.বি. ফিল্দ ওফিসশিংদগী ফংবা পাউ

• পঞ্জাব: পঞ্জাব সরকারনা কোবিদ-১৯গী পোৎলমশিংগী সপ্লাই চেন তৌরিঙৈ মতমদা ত্রেক তৌবা ঙম্নবা ইফেক্তিব ভেক্সিন ইন্তেলিজেন্স নেৎৱার্ক (ইবিন) শীজিন্নরি। প্লেৎফোর্ম অসিনা তঙাইফদবা পোৎলমশিংগী অৱাৎপা লৈ্ন্দনবা সপ্লাই অমসুং দিমান্দগী থবক মপুং ফানা য়েংশিল্লি।
• হিমাচল প্রদেশ: ইন্তর্স্তেৎকী চত্থোক-চৎশিন তৌবগী মতাংদা রাজ্য সরকারনা থোকপা ওর্দরশিংদা এমেন্দমেন্তশিংগী শরুক খরা পায়খৎপা হৌখ্রে। শেমদোক্লিবশিং অসিগী মতুং ইন্না কম্পিতিতিব/সেলেক্সন একজামিনেসনশিংনা থানবা রাজ্য অসিদা চংলকপা নত্রগা থোকখিবা মথৌ তাবা মহৈরোয়শিং নত্রগা কেন্দিদেৎশিং অমসুং মখোয়গী মমা-মপাশিংনা করিগুম্বা মখোয়না পুং ৭২গী মনুংদা রাজ্য অসিদগী থোকখিবা নত্রগা অমুক হন্না চংলকপা তারবদি ক্বারেন্তিন তৌদ্রবসু য়াহল্লি।
• মহারাস্ত্র- মহারাস্ত্রদা, উদাব থাক্কেরীগী সরকার অসিগী কোবিদ-১৯ পোজিতিব ওইবা তরুক শুবা মন্ত্রী অসি রাজ্যগী এনভাইর্নমেন্তগী মন্ত্রী সেঞ্জে বন্সোদেনা ওইরে। চৈরক অসিদা, ব্রিহানমুম্বৈ ম্যুনিসিপাল কোর্পোরেসনগী অহানবা তাঙ্কক্কী ওইনা সহর অসিগী য়ুমথোং ১০,০০০দা কোবিদ-১৯ সেরো সর্ভে চত্থখ্রে।  মসি মুম্বৈদা লৈরিবশিংগী মীশিংগী মরক্তা এন্তিবোদীশিংগী চাং য়েংনবা পাঙথোকপনি। সেম্পলশিং অসি সহর অসিগী স্লম অমসুং স্লম নত্তবা মফমশিংদগী লৌখি। অতোপ্পা সর্ভে অমনা ওগস্ততা পাঙথোক্কনি। ঙসি ফাওবদা মহারাস্ত্রগী এক্তিব কেসকী মশিং অসি লাখ ১.৪৮ শুখ্রে। লৈবাক অসিগী জিলাশিংগী মরক্তা পুনেদা ৪৩,৮৩৮ ওইবগা লোয়ননা এক্তিব কেস খ্বাইদগী ৱাংবা জিলা ওইরি। থানেদা এক্তিব কেস ৩৭,১৬২  লৈবগা লোয়ননা অনিশুবদা লৈতরি অমরোমদা মুম্বৈদা মশিং অসি ২২,৪৪৩দা হন্থখ্রে। 
• গুরাত: নোংমাইজিং নুমিত্তা অনৌবা কোবিদ-১৯গী কেস ১,১১০ থেংনবগী রিপোর্ত তৌরকখ্রে। মসিগা লোয়ননা রাজ্য অসিগী অপুনবা কোবিদ-১৯ কেস মশিং অসি ৫৫,৮২২ শুখ্রে। হৌখিবা পুং ২৪দা অপুনবা মীওই ৭৫৩ দিচার্জ তৌখিবগা লোয়ননা কোরোনাভাইরসতগী নাবা ফগৎখ্রবা মীওইশিংগী অপুনবা মশিং ৪০,৩৬৫ শুখ্রে। অনাবা মীওই ২১ লৈখিদবগা লোয়ননা লায়চৎ অসিনা রাজ্য অসিদা শীহনখিবা মীওইগী অপুনবা মশিং ২,৩২৬ শুখ্রে।
• রাজাস্থান: হৌখিবা পুং ২৪দা অনৌবা পোজিতিব কেস ৪৪৮ অমসুং লৈখিদবা ৭ রিপোর্ত তৌরকখি। মসিনা রাজ্য অসিগী কোবিদ-১৯গী অপুনবা মশিং ৩৬,৮৭৮ শুহনখ্রে মসিগী মনুংদা এক্তিব কেসনা ১০,১২৪ ওইরি। নাবা ফগৎখিবগী অপুনবা মশিং ২৬,১২৩দা হেনগৎখ্রে অমসুং লৈখিদবা মীগী মশিংনা ৬৩১ ওইরি।
• মধ্য প্রদেশ: নোংমাইজিং নুমিত্তা অনৌবা পোজিতিব কেস ৮৭৪ থেংনবগা লোয়ননা ফগৎখিবগী মশি ৬৪৪ শুখ্রে অমসুং কোবিদ-১৯গা মরী লৈননা শীখিবা ১২ শুখ্রে অমদি এক্তিব কেসকী মশিং ৭,৮৫৭ শুখ্রে। অনৌবা কেসশিং অদু ভোপাল (২০৫ কেস) অমসুং মথংদা ইন্দোর (১৪৯ কেস) ওইখি।
• অরুনাচল প্রদেশ: অরুনাচল প্রদেশকী  অনৌবা শেমদোক্লবা এস.ও.পি.গী মতুং ইন্না, রাজ্য অসিগী অচৌবা প্রোজেক্ত লৌখৎলিবা রেজিস্তর তৌরবা কন্ত্রেক্তরশিংনা য়াম্লবদা কন্ত্রেক্তর অমনা শিন্মী ৫০ পুশিল্লকপা য়াগনি। মখোয়না চংলক্নবা ওনলাইনদগী অয়াবা লৌগদবনি অমসুং এন্তিজেন তেস্তকী লুপা ৫০০  থিগদবনি
• অসাম: ঙসিদগী হৌনা জোর্হাৎ মেদিকেল কোলেজকী কেম্পস্তা ভাইরেল রিসর্চ এন্দ দিবেলপমেন্ত লেবোরেতোরী (ভি.আর.দি.এল.) অমগা চল্লাইবা হৌখ্রে। মসিগা লোয়ননা হৌজিক অসামদা ভি.আর.দি.এল. ১৭ লৈরে হায়না অসামগী হকশেল মন্ত্রী শ্রী হিমন্তা বিস্বা সর্মনা ত্বিৎ তৌরকখি।
• মনিপুর: মনিপুরদা কোবিদ-১৯ কম্মন কন্ত্রোল রুমগী ৱাঙাংলোয়না হৌজিক ফাওবদা মফম অমত্তদা কম্ম্যুতী ত্রান্সমিসনগী খুদম লৈত্রি হায়না ফোঙদোকখ্রে। রিম্সগী স্তাফশিংগী মরক্তা কোবিদ-১৯ কেসশিং থেংনরকপনা মরম ওইদুনা সেনিতাইজেসনগী জুলাই ২৯ ফাওবা খুদক্তা হোস্পিতাল অসি থিংজিনখ্রে।
• নাগালেন্দ: নাগালেন্দদা কোহিমা দিস্ত্রিক্ত এদমিনিস্ত্রেতিবনা মিমা খুঙ্গংদা কোবিদ-১৯ পোজিতিব ওইবা মীওই অমা লৈরম্বা থেংনরবা মতুংদা সিল্দ এরিয়া ওইনা লাওথোকখ্রে।
• সিক্কিম: সিক্কিমগী চীফ মিনিস্তর শ্রী প্রেম সিংহ তমাংনা ঙসি সম্মান ভাৱনদা কোবিদ-১৯গী রাজ্য সরকারনা লৌখৎলিবা থবক থৌরম য়েংশিন্নবা রাজ্যগী তাস্ক ফোর্সকা অৱাংবা থাক্কী মীফম অমা ময়াইগী তাংবল লৌদুনা পাংথোকখ্রে।
• কেরেলা: অখন্নবা কেবিনেৎ মীফম অমা ঙসি পাংথোক্লদুনা রাজ্য পুম্বা লোকদাউন তৌবা অসি চৎনবা য়াদবা ওইবনা অমুক হন্না তৌদনবা ৱারেপ লৌখ্রে। লায়না শন্দোকপা ৱাংবা মফমশিংদা পুলিস চেকিং অমসুং অথিংবশিং কনশিল্লগনি। দুকানশিং হাংবগী ওইনা দিস্ত্রিক্ত এদমিনিস্ত্রেতিবনা ৱারেপ অমা লৌবা য়ারগনি। মরক অসিদা কোঝিকোদতা ইমুং অমগী অহুমশুবা ওইনা মীওই অমা ঙসিনা কোরোনাভাইরসনা শিহনখ্রে। ইর্নাকুলম মেদিকেল কোলেজ হোস্পিতালদা অতোপ্পা কোবিদনা শিহনখিবা অমা রিপোর্ত তৌখ্রে। ওফিসিএল ওইনা খ্বাইদগী নৌনা শিখিবগী অপুনবা ৬১ শুখ্রে। কোত্তায়মদা কোবিদনা শিখিবা অমা মথৌ মঙম পাংথোকপা থিংখিবা লোকেলগী কাউন্সিলর য়াওনা মীওই ৫১দা কেস অমা রেজিস্তর তৌখ্রে। অনৌবা অনাবা ৯২৭গা লোয়ননা ঙরাং কেরেলাগী কোবিদ কেস ১৯,০০০ হেনখ্রে। হৌজিক অনাবা ৯,৬৫৫ লায়েং চত্থরি অমসুং তোঙান তোঙান দিস্ত্রিক্তশিংদা মীশিং ১.৫৬না য়েংশিল্লি।  
• তামিল নাদু: এম.এল.এ. অমা, ৱাচমেন অমা অমসুং ৱার্দ অমা কোভিদ পোজিতিব ওইবদগী জুলাই ২৭ অমসুং ২৮তা পোন্দিচেরী এসেমব্লী কমপ্লেক্স থিংজিল্লগনি। নর্স অমসুং দোক্তর ২৯ মদুরাই গোভর্মেন্ত রাজাজী হোস্পিতালদা কোবিদ পোজিতব ওইখ্রে। তামিল নাদুদা লৈবা আর্তস সাইন্স কোলেজশিংদা এপ্লাই তৌবগী অরোইবা মতম শাংদোকখ্রে; মহৈরোয়শিংনা মখোয়গী চে-চাংশিং অগস্ত ১দগী ১০ ফাওবগী মরক্তা অপলোদ তৌবা য়ারগনি। চেনাইদা কোবিদ কেসশিং হন্থরকখ্রে অমসুং অতোপ্পা দিস্ত্রিক্তশিংদা কেসশিং হেনগৎলক্তুনা তামিল নাদুগী কেস মশিং হেনগৎখ্রে। ঙরাং অনৌবা কেস ৬৯৮৬ অমসুং অশিবা ৮৫ রিপোর্ত তৌখ্রে। চেনাইদগী কেস ১১৫৫নি। অপুনবা কোবিদ কেস: ২,১৩,৭২৩; এক্তিব কেস: ৫৩,৭০৩; শিখিবা: ৩৪৯৪; চেন্নাইদা এক্তিব কেস: ১৩,৭৪৪নি।   
• কর্নাতক: স্তেনফোর্দ য়ুনিভর্সিতীনা পাঙথোকখিবা স্তদী অমগী মতুং ইন্না লৈবাক অসিগী রাজ্যশিংগী মরক্তা কোভিদ-১৯ দাতা রিপোর্ত তৌবগী ক্বালিতীদা কর্নাতকনা খ্বাইদগী ফবা ওইরে। রাজ্যগী ফোরেস্ত মন্ত্রী অনন্দ সিংহ কোবিদ-১৯ পোজিতিব ওইরে। নোংমাইজিংগী কর্ফ্যু মখা চত্থনা ৱারেপ লৌনবা কেন্দ্র সরকারগী গাইদলাইনশিং ঙাইরি হায়না রাজ্য সরকারনা ফোঙদোকখ্রে। আই.আই.এস.সি. তীমনা পুথোকখিবা মোবাইল লেবোরেতরীশিংগী অহানবা সেত শীজিন্নবা শেম শাখ্রে অমসুং অতেনবা মতমদা রাজ্য সরকারদা শিন্নরগনি। কর্নাতক্তা নোংমাইজিং নুমিৎতা নোংমদা খ্বাইদগী ৱাংবা কোবিদ-১৯ কেস ৫,১৯৯ থেংনদুনা অপুনবা কেস ৯৬,১৪১ য়ৌখ্রে। হৌজিক এক্তিব কেস ৫৮,৪১৭ লৈরি অমসুং নোংমাইজিং নুমিৎতা ২,০৮৮ দিসচার্জ তৌরদুনা অপুনবা দিসচার্জ তৌখিবা ৩৫,৮৩৮ শুখ্রে।
• আন্ধ্র প্রদেশ: আই.সি.এম.আর.না অয়াবা পীরবা লেবোরেতরীশিং খক্তনা কোরোনাভাইরস তেস্তশিং তৌগদবনি হায়রদুনা রাজ্য অসিনা কোভিদ-১৯ তেস্তশিং তৌবগী মথক্তা মরুওইবা গাইদলাইনশিং থোকখ্রে। রেপিদ এন্তিজেন তেস্তকী মমলনা লুপা ৭৫০ অমসুং ভি.আর.দি.এল. চায়েং তৌবগীনা লুপা ২,৮০০দগী হেন্দনা সরকারনা মমলশিং লেপখ্রে। রাজ্য অসিনা স্কুলশিং সেপ্তেম্বর ৫দগী অমুকহন্না হাংদোক্নবা শেম শাবা ওইনা একেদেমিক চহি ২০২০-২১গী সরকারগী স্কুলশিংগী এদমিসন প্রোসেস ঙসিদগী হৌখ্রে। কোবিদ-১৯গী গাইদলাইনশিং ঙাক্লদুনা মমা-মপাশিং খক্তনা এদমিসন প্রোসেসশিংগী চংহনখি। ঙরাং অনৌবা কেস ৭৬২৭ অমসুং অশিবা ৫৬ রিপোর্ত তৌখি। অপুনবা কেস ৯৬,২৯৮; এক্তিব কেস: ৪৮,৯৫৬; শিখিবা ১০৪১: দিসচার্জ: ৪৬,৩০১নি।  
• তেলঙ্গনা: হায়দরাবাদনা সিতি বেজ অব্রা লেবোরেতরিজনা য়াম্না থুনা পুথোক্লগদবা কোবিদ-১৯ দ্রগ সিপ্লেঞ্জা, সিপ্লা লেবরেতরিজগী ফেবিপরাবিরগী জেনেরিক ভর্জন পুথোক্নবা থবক্তা অচৌবা থৌদাং লৌদুনা কোবিদ-১৯ লাকশিন্নবা সোলুসনশিং পুথোকপগী লমদা খোংদাবা হৌখ্রে। তেলঙ্গনাগী দিস্ত্রিক্ত হোস্পিতালশিংনা রাজ্য অসিগী দিস্ত্রিক্ত খুদিংমক্তা আইসোলেসনগী খুদোংচাবশিং শেমগৎতুনা কোবিদ লাকশিন্নবা শেম শাখ্রে অমসুং অনাবশিংনা হায়দরাবাদতা চৎপা লেপ্নবা হায়খ্রে। নোংমাইজিং নুমিৎতা অনৌবা কেস ১৪৭৪, ফগৎখিবা ৭৭৪ অমসুং শীখিবা ০৮ রিপোর্ত তৌখ্রে; কেস ১৪৭৮কী মনুংদা কেস ৫০৬তি জি.ঐস.এম.সি.দগীনি। ঙরাং ফাওবদা অপুনবা কেস: ৫৫,৫৩২; এক্তিব কেস: ১২,৯৫৫; শিখিবা ৪৭১নি।

*******