PIB Headquarters

पत्र सूचना कार्यालयाचे कोविड-19 संबंधित दैनंदिन बातमीपत्र

Posted On: 24 JUL 2020 8:01PM by PIB Mumbai

 

(कोविड-19 संबंधी पत्र सूचना कार्यालयाद्वारे जारी बातम्‍या आणि सत्‍यता पडताळणी बातम्‍या समाविष्‍ट)

दिल्‍ली-मुंबई, 24 जुलै 2020

 

आरोग्य मंत्रालयाची कोविड-19घडामोडींवरील माहिती :

देशातील कोविड-19 चे रुग्ण बरे होण्याचा एका दिवसातील दर गेले सलग तीन दिवस वाढतो आहे. सलग तिसऱ्या दिवशी, म्हणजे गेल्या 24 तासांत कोविडचे 34,602 उपचारानंतर बरे झाले आहेत.यामुळे बरे झालेल्या रुग्णांची आतापर्यंतची संख्या आठ लाखांच्या वर गेली असून सध्या ती 8,17,208 एवढी आहे. परिणामी कोविड रुग्ण बरे होण्याचा दर, 63.45%पर्यंत पोहोचला आहे. रुग्ण बरे होण्याचे प्रमाण सातत्याने वाढत असल्याने देशातील सक्रीय रुग्णांच्या संख्येपेक्षा आजारातून बरे झालेल्या रुग्णांची संख्या 3,77,073 ने अधिक आहे.तसेच ही तफावत सातत्याने वाढते आहे. आज देशात 4,40,135 सक्रीय रुग्ण आहेत.  

राज्ये/केंद्रशासित प्रदेशातील सरकारांच्या प्रयत्नांना केंद्रातील तज्ञांच्या पथकांची मदत आणि मार्गदर्शन मिळाले आहे. ज्या ज्या ठिकाणी रुग्णसंख्या अधिक होती, त्या भागातल्या राज्य आणि जिल्हास्तरातील अधिकाऱ्यांशी केंद्र सरकारने व्हिडीओ कॉन्फरन्सच्या माध्यमातून केलेल्या चर्चेची आणि त्यानुसार सबंधित भागात पथके पाठवण्याच्या धोरणाचीही कोविड व्यवस्थापनात मदत झाली आहे. आरोग्य कर्मचाऱ्यांच्या समर्पित प्रयत्नांमुळेच रुग्ण बरे होण्याचे प्रमाण वाढत असून रुग्ण मृत्यूदर सातत्याने कमी होत आहे. सध्या हा मृत्यूदर 2.38%.इतका आहे.

 

कोरोना विषाणू संसर्गाचे निदान करण्यासाठी देशभरात आतापर्यंत दीड कोटीपेक्षा (1,54,28,170) जास्त नमुन्यांचे परीक्षण करण्यात आले आहे. गेल्या 24 तासांत अशा 3,52,801 नमून्यांचे परीक्षण करण्यात आले. ही आकडेवारी लक्षात घेता भारतात आजवर प्रती दशलक्ष 11,179 चाचण्या केल्या गेल्या असून परीक्षणाच्या प्रमाणात सातत्याने वाढ होत असल्याचे दिसून आले आहे. परीक्षणासाठी प्रयोगशाळांच्या संख्येत करण्यात येणारी वाढ (आतापर्यंत 1290) तसेच विविध पर्यायांच्या माध्यमातून परीक्षणाचे प्रमाण वाढविण्यासाठी केंद्र आणि राज्य सरकारे/केंद्रशासित प्रदेशांनी हाती घेतलेल्या उपाययोजनांमुळे भारतात प्रति दशलक्ष चाचण्यांच्या प्रमाणात वाढ झाली आहे. आरटी-पीसीआर प्रयोगशाळा, या आयसीएमआरने अलिकडेच निर्धारित केलेल्या परिक्षण धोरणाचा कणा आहेत. सार्वजनिक आणि खाजगी क्षेत्रातील प्रयोगशाळांच्या संख्येत वाढ दिसून येते आहे. सध्या 897 सरकारी तर 393 खाजगी प्रयोगशाळा कार्यरत आहेत. याचे तपशील पुढीलप्रमाणे:

रिअल टाईम आरटी-पीसीआर आधारित परिक्षण प्रयोगशाळा: 653 (सरकारी: 399 + खाजगी: 254)

• TrueNat आधारित परिक्षण प्रयोगशाळा: 530 (सरकारी: 466 + खाजगी: 64)

• CBNAAT आधारित परिक्षण प्रयोगशाळा: 107 (सरकारी: 32 + खाजगी: 75)

 

इतर अपडेट्स:

 

महाराष्ट्र अपडेट्स :

महामारीला आळा घालण्यासाठी मुंबईत विविध अभिनव कल्पना राबवल्या जात आहेत. यापैकीच एक म्हणजे मध्य रेल्वेच्या वतीने संपर्करहित तिकीट तपासणी व्यवस्था सुरू करण्यात आली आहे. मुंबईत छत्रपती शिवाजी महाराज टर्मिनस येथे मुंबई विभागाच्या वतीने तिकीट तपासणी कर्मचाऱ्यांसाठी चेकइन मास्टर हे ॲप सुरु करण्यात आले आहे. ॲप मधील ओसीआर आणि क्यूआर कोड स्कॅनिंगच्या वैशिष्टयामुळे रेल्वे कर्मचाऱ्याला सुरक्षित अंतर ठेवून प्रवाशांचे तिकीट तपासण्यास मदत होते. यापुढील टप्प्यात तिकीट तपासणी आधारित क्यूआर कोडसह, प्रवेश आणि बाहेर जाण्याच्या ठिकाणी फ्लॅप दरवाजे बसवण्याचा विचार करत असून लवकरच त्याची अंमलबजावणी होईल. ­­­­­मुंबईत आतापर्यंत 1.05 लाख रुग्णांची नोंद झाली असून त्यापैकी 22,800 सक्रिय रुग्ण आहेत. महाराष्ट्रात 1.40 लाख सक्रिय रुग्ण आहेत.

FACTCHECK

A stamp with the word Fake on a  snip of a tweet posted by a twitter handle Irmak Idoya. It reads as follows:Indian airforce had crossed the border to conduct airstrike on the Nepal territories today. India conducted an airstrike in Kot Kharak Singh Pernawan near India Nepal border.In responding, we've shot down Indian jet & two Indian pilots killed.

 

* * *

ST/DR

सोशल मिडियावर आम्हाला फॉलो करा@PIBMumbai   Image result for facebook icon /PIBMumbai    /pibmumbai  pibmumbai@gmail.com



(Release ID: 1641005) Visitor Counter : 19