PIB Headquarters

কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন

Posted On: 21 JUL 2020 8:04PM by PIB Imphal

 

(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

  • নাবা ফবগী অপুনবা মশিং লাখ ৭.২ য়ৌখ্রে; হৌখিবা পুং ২৪দা কোবিদ-১৯দগী নাবা ফবা মীওই ২৪,৪৯১ ওইখি।
  • লৈবাক্কী নাবা ফবগী চাং অসি ৬২.৭২%দা হেনগৎখ্রে
  • কেস ফেতেলিতী অসি লেপ্তনা তাথদুনা ২.৪৩%দা লৈখ্রে
  • দবল্যু .ঐচ.ও.গী পাওতাক্কী মতুং ইন্না রাজ্য/য়ুনিয়ন তেরিতোরী ১৯না মী মশিং মিলিয়নগী ওইনা নোংমদা তেস্ত  ১৪০ পাংথোক্লি
  • হৌখিবা পুং ২৪গী মনুংদা সেম্পল লাখ . হেন্না তেস্ত তৌখি
  • হৌজিক্কী ওইনা লৈবাক অসিদা এক্তিব কেস ৪,০২,৫২৯ লৈরি
  • সেরো-প্রিবলেন্স তৌখিবা অসিনা দিল্লী পুম্বগী ওইনা চাংচত্তা ফংবা আই.জি.জি. এন্তিবোদী অসি ২৩.৪৮%নি হায়বা উৎলি। স্তদী অসিনা মহিক লৈবা মীওই কয়া অমা সিম্পতম উত্তে হায়বা তাক্লি।
  • মহৈরোয়শিং মখোয়গী ৱাখল অমসুং হকচাংগী ফিভম ফনা লৈবদা মতেং পাংনবা খোঙথাং ওইরিবা মনোদরপন কেন্দ্রগী ঐচ.আর.দি. মন্ত্রীনা হৌদোকখ্রে

হকশেল অমসুং য়াইফ য়ুম্বাল মন্ত্রালয়দগী কোবিদ-১৯দা অপদেৎ: নাবা ফবগী অপুনবা মশিং লাখ ৭.২ য়ৌখ্রে; লৈবাক্কী নাবা ফবগী চাং অসি ৬২.৭২%দা হেনগৎখ্রে; কেস ফেতেলিতী অসি লেপ্তনা তাথদুনা ২.৪৩%দা লৈখ্রে

 

হৌখিবা পুং ২৪দা কোবিদ-১৯দগী নাবা ফবা মীওই ২৪,৪৯১ ওইখি। মসিনা ঙসি ফাওবগী ওইনা কোবিদ-১৯দগী নাবা ফরবা অপুনবা মশিং ৭,২৪,৫৭৭ য়ৌহল্লে। রিকোবরী রেৎ অসি মখা তানা ৬২.৭২%দা হেনগৎলক্লি। হায়রিবা হীরমশিং অসিনা ভারতকী কেস ফেতেলিতীগী চাং অসি ২.৪৩%দা লৈরে অমসুং লেপ্তনা তাথরক্লি। নাবা ফরবা অমসুং এক্তিব কেসকী মশিংগী অহাংবা অসিসু হেনগত্তুনা হৌজিক ৩,২২,০৪৮দা লৈরে। হৌজিক হৌজিক এক্তিব কেস ওইবা মীওই ৪,০২,৫২৯ অসি লায়েংলি। হৌখিবা পুং ২৪গী মনুংদা সেম্পল ৩,৩৩,৩৯৫ তেস্ত তৌখি। হৌজিক ফাওবগী ওইনা লৈবাক অসিগী তেস্ত তৌবগী অপুনবা মশিং অসি ১,৪৩,৮১,৩০৩নি। হায়রিবা অসি সরকারগী লেব ৮৯২ অমসুং প্রাইবেৎ সেক্তরগী ৩৮২ য়াওনা অপুনবা লেব মশিং ১২৭৪ য়ৌনবা পাকথোক চাউথোকপগী থবক অসিনা ওইহনবনি।

দবল্যু .ঐচ.ও.গী পাওতাক্কী মতুং ইন্না রাজ্য/য়ুনিয়ন তেরিতোরী ১৯না মী মশিং মিলিয়নগী ওইনা নোংমদা তেস্ত  ১৪০ পাংথোক্লি; ভারত্তা হৌজিক-হৌজিক পোজিতিব ওইবগী চাং অসি চাদা ৮.০৭; ভারতকী ওইবা চাংচৎতগী রাজ্য/য়ুনিয়ন তেরিতোরী ৩০দা পোজিতিব ওইবগী হন্থবা চাং

হৌজিক্কী ওইনা লৈবাক অসিদা নোংমদা লেপ্তনা তেস্ত তৌবগী চাং অসি মী মশিং মিলিয়ন্দা ১৮০ য়ৌবা ঙমখ্রে।  “কোবিদ-১৯গী মতাংদা মীয়ামগী হকশেল অমসুং ময়ামগী ওইবা থৌরাংশিং চানবা মওংদা শেম্নবগীদমক মীয়ামগী হকশেলগী ক্রাইতেরিয়া”গী মতাংদা দবল্যু.ঐচ.ও.গী লমজিং-লমতাক্তা কোবিদ-১৯ কেসশিং লৈবগী চিংনবা অথোইবা মওংদা য়েংশিন্নবা পাওতাক পীখ্রে। দবল্যু.ঐচ.ও.না নোংমদা মী মশিং মিলিয়ন্দা  তেস্ত ১৪০ পাংথোক্নবা হায়খ্রে। হৌজিক-হৌজিক রাজ্য/য়ুনিয়ন তেরিতোরী ১৯না মী মশিং মিলিয়ন্দা নোংমদা তেস্ত ১৪০ পাংথোক্লি। গোৱানা মী মশিং মিলিয়নগী ওইনা খ্বাইদগী চাং ৱাংনা নোংমদা তেস্ত ১৩৩৩ পাংথোক্লি। 

 

Combined Final 21st July Press Brief.jpg

 

তেস্ত তৌবগী মশিংদা হেনগৎলকপগী মওং অসিনা ভারতকী কনফর্মগী চাং নত্রগা পোজিতিবগী চাং অসি লেপ্তনা হন্থরক্লি অমসুং হৌজিক চাদা ৮.০৭গী চাংদা লৈরি। লৈবাক অসিগী ওইবা চাংগা য়েংনবদা রাজ্য/য়ুনিয়ন তেরিতোরী ৩০দা পোজিতিব ওইবগী হন্থবা চাংদা লৈরি।   

অকুপ্পা ৱারোলগীদমক: https://pib.gov.in/PressReleseDetail.aspx?PRID=1640137

 

নেস্নেল সেন্তর ফোর দিজিজ কন্ত্রোল (এন.সি.দি.সি.), এম.ও.ঐচ.এফ.দবল্যু.না জুন ২০২০দা দিল্লীদা সেরো-প্রিবলেন্স স্তদী পাংথোকখ্রে

 

হকশেল অমসুং য়াইফ য়ুম্বাল মন্ত্রালয় (এম.ও.ঐচ.এফ.দবল্যু.)না দিল্লীদা সেরো-সর্বেলিএন্স স্তদী অমা হৌদোকখ্রে। মসিগী স্তদী অসি নেস্নেল সেন্তর ফোর দিজিজ কন্ত্রোল (এন.সি.দি.সি.)না দিল্লীগী নেস্নেল কেপিতেল তেরিতরীগী সরকারগা খুৎশম্নদুনা পাক চাউবা মলতি-স্তেজ সেমপ্লিং স্তদী দিজাইন অমগী তুংদা পাংথোকখিবনি। স্তদী অসি জুন ২৭, ২০২০দগী জুলাই ১০, ২০২০ ফাওবা পাংথোকখি। দিল্লীগী জিলা ১১গী ওইনা সর্বে তিম অমমম শেমখি। খনগৎলবা মীওইশিংদগী মশাগী অয়াবা লৌরবা মতুংদা ঈগী শেম্পল লৌখি অমসুং মখোয়গী সেরাশিং অসি ইন্দিয়ন কাউন্সিল ফোর মেদিকেল রিসর্চ (আই.সি.এম.আর.)না অয়াবা পীরবা কোবিদ কবচ এলাইজা শিজিন্নদুনা আই.জি.জি. এন্তিবোদিশিং অমসুং শোকহনবা য়াওবরা হায়বগী চাংয়েং তৌখি। মসিগী চাংয়েং অসিনা লৈবাক অসিদা এলাইজা তেস্তিং শিজিন্নদুনা পাংথোকপা খ্বাইদগী চাউবা সেরো-প্রিবলেন্স স্তদীনি। লেবকী স্তেন্দর্দকী মতুং ইন্না সেম্পল ২১,৩৮৭ লৌখৎত্তুনা চাংয়েং তৌখি। তেস্ত তৌখিবা অসিনা মীয়ামগী ওইবা মীশিংদা এন্তিবোদিশিং য়াওবা খংদোকপদা তেংবাংখি। মসিগী তেস্তশিং অসি লাইওং খংদোক্নবা পাংথোকপা নত্তে তৌবতবু মসিনা পোজিতিব ওইবা মীওইশিংদা মমাংদা সারসকোভ-২না শোকহনখিবগী ৱারোল খংহনবা ঙম্মি। সেরো-প্রিবলেন্স তৌখিবা অসিনা দিল্লী পুম্বগী ওইনা চাংচত্তা ফংবা আই.জি.জি. এন্তিবোদী অসি ২৩.৪৮%নি হায়বা উৎলি। স্তদী অসিনা মহিক লৈবা মীওই কয়া অমা সিম্পতম উত্তে হায়বা তাক্লি।

ঐচ.আর.দি. মন্ত্রালয়গী মহৈরোয়শিং মখোয়গী ৱাখল অমসুং হকচাংগী ফিভম ফনা লৈবদা মতেং পাংনবা খোঙথাং ওইরিবা মনোদরপন কেন্দ্রগী ঐচ.আর.দি. মন্ত্রীনা হৌদোকখ্রে

কেন্দ্রগী ঐচ.আর.দি. মন্ত্রীনা শ্রী রামেশ পোখ্রিয়ল নিশঙ্কনা ঐচ.আর.দি. মন্ত্রালয়গী মহৈরোয়শিং মখোয়গী ৱাখল অমসুং হকচাংগী ফিভম ফনা লৈবদা মতেং পাংনবা খোঙথাং ওইরিবা মনোদরপন ঙসি ন্যু দিল্লীদা হৌদোকখ্রে। থৌরম অসিদা ৱা ঙাংলদুনা শ্রী নিশঙ্কনা হায় কোবিদ-১৯ অসি মালেম পুম্বদা লৈরিবা মীওই খুদিংমক্কী ওইনা অৱাবা মতম অমা ওইরি। মালেম পুম্বদা থোক্লিবা লায়চৎ অসিনা হকশেলগী ওইবা খুদিংচাদবা খক নত্তনা মসিনা মীপুম খুদিংদা খোয়রাং খোইশাওনবা অমসুং ৱাখল অমদি খুন্নাইদা খুদোংচাদবা থোকহল্লি। অঙাংশিং অমসুং ইনখৎলক্লিবশিংদা অখন্নবা মীৎয়েং চংবগা লোয়ননা ফীভম অসিদা ৱাখলগী ওইবা অনাবা থোক্লকপগী রিপোর্ত কয়া লাক্লি। ৱাখল ৱাবা, খোয়রাংবা অমসুং অকি তুজুংবা লোয়ননা পুক্নিং ৱাখল অমদি লমচৎ শাকৎকী ওইবা সমস্যাশিং হেনগৎলকপা য়াবগা লোয়ননা অঙাংশিং অমসুং ইনখৎলক্লিবশিংনা হেন্না খুদোংথিনিংঙাই ওইরি। মহাক্না মখা তানা হায়খি মদুদি মন্ত্রালয়না অসিনা খোঙথাং অমা লৌখৎলি মমিং ওইনা পল্লবদা মনোদরপন অসিনি, মসিনা কোবিদকী লায়চৎ মনুংদা অমসুং মতুং তারকপদা মহৈরোয়শিংগী মখোয়গী ৱাখল অমসুং হকচাং ফনা থম্বদা মতেং পাংনবা থবক থৌরম কয়া য়াওরি। মহাক্না মখা তারদুনা হায়, মহৈ মশিং, পুক্নিং ৱাখলগী ওইবা অনাবগী লমশিং অসিগী এক্সপর্তশিংনা মীহুৎশিং ওইবা ৱার্কিং গ্রুপ অমা শেমখি মসিনা কাউন্সিলিং সর্ভিসশিং, ওনলাইন রিসোর্সশিং অমসুং হেল্পলাইনগী খুত্থাংদা কোবিদ-১৯গী লোকদাউন মনুংদা অমসুং মতুংদা মহৈরোয়শিংগী ৱাখলগী ওইবা অনাবশিং য়েংশিন্নবা অমসুং পুক্নিং ৱাখলগী অমদি হীরম অসিগী তেংবাং পীনবা শেমখিবনি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1640208

 

প্রধান মন্ত্রীনা জুলাই ২২দা ইন্দিয়া আইদিয়জ সম্মিত্তা কীনোত এদ্রেস পীগদৌরি

প্রধান মন্ত্রী শ্রী নরেন্দ্র মোদিনা জুলাই ২২দা ইন্দিয়া আইদিয়জ সম্মিত্তা কিনোত এদ্রেস পীগদৌরি। সম্মিত্ অসি য়ু.এস.-ইন্দিয়া ব্যুজিনেস কাউন্সিলনা য়ুম্বু ওইবনি। হন্দক্কী চহি অসি কাউন্সিল শেমখিবগী ৪৫শুবা চহী কুম্মোন পাংথোক্কদৌরি। হন্দক চহিগী ইন্দিয়া আইদিয়জ সম্মিতকী থীম অসি, “বিল্দিং এ বেতর ফ্যুচর”নি। ভর্চুএল সম্মিত অসিদা ইন্দিয়া অমসুং য়ু.এস. গবর্নমেন্তকী অৱাংবা থাক্কী পোলিসীমেক্কর, স্তেত-লেবেল ওফিসিএলশিং অমসুং ব্যুজিনেস অমসুং সোসাইতী মকোক থোংবশিং য়াওগদৌরি। অতোপ্পশিংনি। সম্মিত অসিদা ইন্দিয়া-য়ু.এস. অনিগী মরী ফগৎন্নবা খন্নগনী অমসুং মালেমগী ওইরিবা লায়চৎ অসিগী মতুংদা লৈবাক অনিসিগী মরী ফগৎনবা খন্নগনি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1640126

 

য়ুথ এফেয়র্স অমসুং স্পোর্তসনা য়ুনিসেফকা খুৎশম্নদুনা আত্মনির্ভর ভারতকী পান্দম অসিদা নহা ওইরিবা ভোলুন্তিয়র কোতী ১রোম য়াওহন্নবগী ৱাশক অদু মপুং ফাহন্নবগী খুৎশম্নবা

 

প্রধান মন্ত্রীগী আত্মনির্ভর ভারতকী অথোইবা মীৎয়েং অসি মপুং ফাহনবদা মতেং পাংনবগীদমক্তা য়ুথ এফেয়র্স অমসুং স্পোর্তসকী কেন্দ্র মন্ত্রীনা শ্রী কিরন রিজিজুনা ভারত্তা নহা ওইরিবা ভোলুন্তিয়র কোতী ১রোমদা ৱাখল্লোন লৈহন্নবগী পান্দম অসি মপুং ফাহ্ন্নবগীদমক্তা য়ুথ এফেয়র্স অমসুং স্পোর্তস মন্ত্রালয়দগী ভারতকী নহাশিংদা মশানা য়ানা থবক তৌজরক্নবগী পুক্নিং থৌগৎনবগা লোয়ন-লোয়ননা মখোয়বু মহৈ-মশিং অমসুং মহৈ চাগদবা থবক তোহন্নবগীদমক্তা ৱাখল-লৌশিং ফংহনবদা মতেং পাংনবগীদমক্তা খুৎশম্ননা থবক তৌমিন্ননবগীদমক্তা, হৈথোই-শিংথোইনা থবক নিংথিনা তৌবা ঙম্বা নাগরিক ওইহন্নবগীদমক্তা য়ুবা(য়ুনিসেফনা শেম্বা স্তেকহোলদর ময়াম অমগী প্লেৎফোর্ম)গী ওইনা ৱাফম থমখিবা মতমদা খুৎয়েক পীনখ্রে। খুৎশম্নবা অসিগী মরুওইবগী মতাংদা ৱাফম ফোংদোক্লদুনা শ্রী কিরন রিজিজুনা হায়খি মদুদি মসিগী শিংননিংঙাই ওইরবা মতম অসিগা অমগা-অমগা খুৎশম্ননা য়াম্না মতাং চাই। মসিনা ঐখোয়গী লৈরিবা থৌশীল-থৌরাংশিং অসিদা হেন্না মপাঙ্গল কনখৎহনগনি হায়বা থাজৈ। প্রধান মন্ত্রীনা ভারতকী নহারোলশিং অসিগীদমক্তা ময়েক শেংনা লম্বি য়াৎপিখ্রে অমসুং ভারতকী নহারোলশিংনা খোংজং চংশিন্দুনা আত্মনির্বর ভারত ওইবা ঙমহল্লগনি। ভারত অসিদা মী মশিং কয়া অমা লৈবনা অনৌবা লৈবাক অসিদা মফম অমদা হেক্তা নহারোলশিংনা লৌবা থৌদাংনা চাওনা খেৎনবা পুরকপা ঙম্বদা নত্তনা মালেমগী ফম্বাক অসিদসু ঙম্মি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1639995

 

য়ুনিয়ন পাৱর মিনিস্তরনা ভারতকী অহানবা মীয়ামগী ই.ভি. চার্জিং প্লাজা হাংদোকখ্রে

 

ইনর্জী লিক্না শীজিন্নবা অমসুং ই-মোবিলিতি হেনগৎহন্নবা পান্দমদা নিউ দিল্লিগী চেলমসফোর্দ ক্লবতা ভারতকী অহানবা মীয়ামগী ই.ভি(ইলেকত্রিক ভেহিকল) চার্জ তৌনবা প্লাজা অমা ঙসি পাৱর, নিউ অমসুং রিনিউএবল ইনর্জী মিনিস্তর আর.কে সিংহনা ঙরাং হৌদোকখ্রে। থৌরম অদুদা মিনিস্তরনা হায়খি ই.ভি প্লাজা অসি ভারত্তা ই-মোবিলিতি অসি খুদোংচানবা অনৌবা ওইনা পায়খৎপনি। অনৌবা অনৌবা থবকশিং অসিনা লৈবাক অসিদা ই-মোবিলিতিগী থবকশিং ফিবম ফগৎহল্লগনি। য়ুনিয়ন পাৱর মিনিস্তরনা হায়খি রাইজগী থবকশিংনা লৈবাক শীনবা থুংনা কা মনুংদা থবক শুবদা নুংশিৎ শেংদবগী খুদোংচাদবা থেংনরিবা অসি কোকহনবা ঙমগনি হায়না ঐনা থাজবা থম্লি অমসুং মসি মীয়াম হকচাং ফনা লৈনবা মাংজিল থাবা অনৌবা লম্বীনি। ভারত্তা নুংশিৎ শেংদবা অসি অরুবা ফিবম অমা ওইরে অমসুং কোবিদ-১৯ লাইচৎ লাকপা অসিদা মসি হেন্না মরুওইবা হেনগৎলক্লে। মীয়াম্না মখোয়গী ওফিসশিং অমসুং মীয়ামগী ওইবা মফমশিংদা অমুক হল্লকপা মতমদা কা মনুংগী নুংশিৎকী ফিবম ফগৎহনবা অসি তঙাইফদবনি। ওফিসকী এয়র-কন্দিসন্নিং অমসুং ভেন্তিলেসনগী থবকশিং অমুক নৌনা শেমজিল্লে। মসি য়ু.এস এজেন্সি ফোর ইন্তরনেসনেল দিবলপমেন্তগা লোয়ননা কা মনুংদা নুংশিৎ ফনা থম্নবা পায়খৎপনি। স্কোপ কমপ্লেক্সতা লৈবা ই.ই.এস.এলগী কোরপোরেত ওফিসতা চাংয়েং ওইনা মসিগী থবক অসি পায়খৎলে। মসিনা কা মনুংগী নুংশিৎকী ফিবম ফগৎহনবা, অইং-অশা নুংঙাইনা থম্বা অমসুং ইনর্জী লিক্না শীজিন্ননবা চাংয়েং ওইনা থবক পায়খৎপনি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1639976

 

পি.আই.বি. ফিল্দ ওফিসশিংদগী ফংবা পাউ

  • চান্দিগর: য়ু.তি. চান্দিগরগী এদমিনিস্ত্রেতরনা মীয়াম তিনবা মফমশিংদা মী মরক্তা খুদম ওইনা পার্কশিং, সুখনা লেক, মার্কেত অসিনচিংবা মফমশিংদা চেকিং তৌবা মতমদা, মাস্ক উপ্পা অমসুং সোসিয়েল দিস্তেন্সিং তৌবগী মতাংদা চেকশিন্না য়েংশিনগদবনি হায়না মহাক্না হায়খি। মহাক্না দাইরেক্তর জেনরেল ওফ পুলিসতা কোবিদকী ময়াওক্তা লৌখৎকদবা চেকশিন-থৌরাংশিংগী মতাংদা মীয়ামদা এৱেয়রনেস পীনবা কোলোনীশিং অমসুং সেক্তরশিং ফ্লেগ মার্চ খরা হেন্না তৌনবা খঙহল্লকখ্রে। মহাক্না হৌসপিতালশিংদা লৈরিবা হেল্থ ৱার্করশিং অদু অকিবা অমত্তা লৈতনবা মখোয়গী সেক্যুরিতী অদু হেন্না কনখৎহনগদবনি হায়না খঙহনখি। মীয়ামদা কোবিদকী খুদোংথিবা অদু খঙহন্নবা অমসুং মসিগী মতাংদা তৌগদবা হেলদী হাওজিনগী মতাংদা খঙহন্নবা দিপার্তমেন্তশিংনা আই.ই.সি.গী থবক-থৌরম কয়া অমা পাংথোক্নবা এদমিনিস্ত্রেতরনা খঙহল্লকখ্রে।
  • পঞ্জাব: স্তেত প্রিজন দিপার্তমেন্তনা রাজ্য অসি শিনবা থুংনা লৈরিবা কৈশুমশঙশিংদা লৈরিবা কোবিদ-১৯গী ফিভম মাইপাক্না লান্থেংনবা ঙম্নবা মাইকৈ অহুম থোক্না লাল্লোং শিনখ্রে। লাল্লোং অসিগী মনুং চল্লিবশিং অদুদি প্রিভেন্সন, স্ক্রীনিং অমসুং আইদেন্তিফিকেশন অমসুং ত্রীতমেন্ত অমসুং মিতিগেশননি। গ্রাউন্দ লেভেলদা লৈবা নোংমা-নোংমগী ওইবা মথৌশিং পাংথোকপদা স্তাফ অমসুং প্রিজনরশিংনা লৈরিবা ফিভম অমসুং মখৌয়না থৈংনরিবা অৱাবশিং অদুবু য়েংশিন্নবা রাজ্যগী থাক্তা লৈবা মোনিতরিং তীম অমসুং জিলাগী থাক্তা লৈবা মোনিতরিং তীম মাংজৌননা শেমখ্রে।
  • হরিয়ানা : হরিয়ানাগী হকশেলগী মন্ত্রী, শ্রী অনিল ভিজনা হায়খি মদুদি রাজ্য অসিদা কোবিদ-১৯ ফগৎলকপগী চাং অসি চাউরাক্না ৭৫% নি অমসুং কেসশিং অদু শরুক অনি থোক্না হেনগৎলকপদা নুমিৎ ২২-২৩ ফাওবা চঙঙি। হায়রিবা মশিং অসি খল্লুরগদি রাজ্য অসিদা কম্যুনিতী ত্রন্সমিশন তৌবগী মওং অমত্তা লৈত্রি, হায়না মহাক্না হায়খি। মহাক্না হায়খি মদুদি ভারত বায়োতেক্না শেম্বা ভেক্সিন অদু পন্দিত ভাগ্বত দয়াল শরমা পোস্তগ্রেজুৱেত ইন্সতিত্যুত ওফ মেদিকেল সাইন্সেস, রোহতক্তা মীওইবদা চংয়েং পাংথোকখ্রে, হায়রিবা অসিনা অফবা ফল পুরক্কনি হায়বগী থাজবা লৈ। মহাক্না হায়খি মদুদি চাউরাক্না মীওই ৭০না ভেক্সিন অসিগীদমক্তা মশানা য়াজনা রাজিস্তর তৌখ্রে। দ্রগ অসিগী চাংয়েং তৌখিবা অদুনা মরম ওইরগা মীওইশিং অদুদা  সাইদ ইফেক্ত অমত্তা উবা ফংখিদে, হায়রিবা অসি রাজ্য সরকার অমসুং হকশেলগী দিপার্তমেন্তকীদমক্তা ওইনা খ্বাইদগী চাউবা মাইপাকপনি।
  • হিমাচল প্রদেশ: রাজ্য অসিগী কেবিনেতনা রাজ্য অসিদা লৈরিবা এম্বুলেন্সনা মখোয়গী একোনোমিকেল লাইফ অদু হেনবনা মরম ওইরগা নেস্নেল এম্বুলেনন্স সার্বিস-১৮কী মখাদা এম্বুলেন্স ৩৮ শিন্দোক্নবগী অয়াবা পীখ্রে, মরমদি ১০৮ এম্বুলেন্সশিং অসি রাজ্য অসিগী হেল্থ সীস্তেমগী লাইফলাইন ওইরিবনি। কোবিদ-১৯না মরম ওইরগা ফন্দগী অৱাৎপা লৈবনা  কেবিনেতনা রাজ্য অসিদা বসকী ভরা হেনগৎনবা ৱারেপ লৌখ্রে। চিংগী লমশিং অমসুং তমগী লমশিংদা কিলোনিতর অহুমদগী হেনবা খোংচৎশিংগীদমক্তা কিলোমিতর অমমমদা হৌজিক ওইরিবা ভরা অসিদগী ২৫% হেনগৎলগনি। 
  • কেরলা: চহি ৭৫ সুরবা ইদুকিদগী মীওই অমা কোবিদ-১৯না মরম ওইরগা ঙসি লৈখিদ্রে, মসিনা রাজ্য অসিদা শিবগী মশিং অদু ৪৪ য়ৌহনখ্রে। মরক অসিদা জেনরেল এজুকেশন দিপার্তমেন্তনা ওগস্ততা কোবিদকী লৈরিবা ফিভম অসি য়েংশিংল্লবা মতুংদা রাজ্য অসিদা স্কুলশিং অমুক হন্না হাংদোক্নবগী ৱারেপ লৌরগনি হায়না খঙহল্লকখ্রে। অলুভাদা লৈবা প্রোভিন্সিয়েল হাউসকী নন ১৮ কোবিদ-১৯গী তেস্ত তৌবদা পোজিতিব ওইখ্রে। মখোয়শিং অদু হনদক্তা কোবিদতগী শিখিবা নন অমগী কন্তেক্ত লিস্ত লৈরমখি। লনাইগী হোসপিতালশিংদা কোবিদকী পেসেন্তশিং লাইয়েংবগী মতাংদা থাজদবা অদুমক লৈবনা, হকশেলগী মন্ত্রী কে.কে. শাইলাজানা হায়রিবা ৱাফমশিং অসিগী ৱারোইশিন নুমিৎ খরনিগী মনুংদা পুরক্লগনি। রাজ্য অসিদা ঙরাং োবিদ-১৯গী অনৌবা কেস ৭৯৪ থেংনখি, মসিদা ৫১৯দি কেন্তেক্ত কেসনি অদুগা ২৪ অমদি হৌরকফম খঙদ্রি। হৌজিক্কী ওইনা মীওই ৭,৬১১ লাইয়েং মখা চত্থরি অমসুং জিলা কয়া অমদা মীওই লাখ ১.৬৫ অমনা সর্ভীলেন্স তৌদুনা থম্লি। 
  • তামিল নাদু: পুদুচেরীদা চহি ৬৮ সুরবা নুপা অহল অমা লৈখিদ্রে, মসিনা শিবগী মশিং ৩০ য়ৌহনখ্রে; লৈবাকপোকপা নুমিত্তা অনৌবা কেস ৯১ থেংনখি মসিনা য়ু.তি. অসিগী অপুনবা মশিং অদু ২১৭৯ য়ৌহনখি। স্কুল মেনেজমেন্তশিংনা একাদেমিক য়িয়র ২০২০-২১গী ফীগী চাদা ৭৫ খোমগৎপা য়াবগী মদ্রাস হাই কোর্তকী ওর্দর অদুবু তরাম্না ওকখি। ফখিবগী মশিংনা ৭০,০০০ লানখিবগা লৌইননা চেন্নাইদা পেসেন্ত চাদা ৮১ কোবিদ-১৯দগী নাবা ফখি। ঙরাং অনৌবা এক্তিব কেস ১২৯৮ থেংনখিবগা লাওইননা সিতি অসিগী অপুনবা এক্তিব কেসকী মশিং অদু ১৫,১২৭ য়ৌখ্রে, হায়রিবা অসি সিতী অসিদা লৈরিবা অপুনবা এক্তিব কেস ৮৭,২৩৫কী ১৭% নি। ঙরাং অনৌবা কেস ৪৯৮৫ অমসুং ৭০ শিখিবা থেংনখি। অপুনবা কেসশিং: ১,৭৫,৬৮৯; এক্তিব কেসশিং: ৫১,৩৮৪; শিখিবশিং; ২৫৫১; চেন্নাইদা লেরিবা এক্তিব কেসশিং: ১৫,১২৭।
  • কর্নাতকা:  বেঙ্গলোর অর্বান অমসুং বেঙ্গলোর রুরেলদা থম্লিববা চয়োল অমগী লোকদাউন অদু হয়েং অবুক পুং ৫দা লোইশিল্লগনি। রাজ্য অসিগী সরকারনা লোকদাউন অদু শাংদোক্তনবা লেপখ্রে। কর্নাতকাগী হাই কোর্তনা স্বাব তেস্ত রিজল্তশিং পীবদা থেংবা হন্থনবা রাজ্যদা খঙহল্লকখ্রে, মরমদি লেবোরেতরী রিপোর্ত লৌবদা মতম কান্নবা অমসুং ভাইরস অসি শন্দোকপগা হকথেংননা মরী লৈনৈ। বি.বি.এম.পি.না কোবিদ শন্দোকপা থিংনবা অনৌবা তাস্ক ফোর্স অমা শেমখ্রে। কোবিদ-১৯ লাকশিন্নবা মেদিকেল ইক্যুইপমেন্ত লৈবগী মতাংদা লৈরিবা চয়েৎনবশিংগী মতাংদা এলিগেশন অমসুং কাউন্তর এলিগেশন চত্থখ্রে। ঙরাং অনৌবা কেস ৩৬৪৮ অমসুং ৭২ শিখিবগী পাউ লৈখি; বেঙ্গলোর সিতীদা কেস ১৪৫২। থেংনখিবা অপুনবা কেসশিং: ৬৭,৪২০; এক্তিব কেসশিং: ৪২,২১৬; শিখিবশিং: ১৪০৩।
  • অন্ধ্র প্রদেশ: রাজ্যনা কোবিদকি পেসেন্তশিং লাইয়েংবগীদমক্তা অমসুং অথুবগী ওইবা মমল তাংবা দ্রগশিং শিজিন্নবদা লনাইগী ওইবা হোসপিতালশিংনা লৌরিবা মমলশিংদা অথিংবা থম্নবা ওর্দর অমা থোকখ্রে। গুন্তুর জিলাগী ভেলাপুদিদা লৈবা স্তেত এসেমব্লীদগী কোরোভাইরসকী কেস মাপল থেংনখি। গুন্তুর রুরেল এস.পি.না কোবিদ-১৯গী গাইদলাইনশিং থুগাইদুনা চৎপশিংদা ক্রিমিনেল কেস পানগনি হায়না খঙহনখ্রে। তি.তি.দি.না কোরোনা ভাইরস অসিগী মরক্তা ঙসিদগী দর্শনগীদমক্তা তাইম স্লোত তোকেন থিংখ্রে। ওগস্তকী ৫ ফাওবা তিরুপতি তাউন পুম্বগী ওইনা কোনতেনমেন্ত জোন লাউথোকখ্রে। ঙরাং অনৌবা কেস ৪০৭৪ অমসুং ৫৪ শিখিবগী পাউ লৈখি। অপুনবা কেসশিং: ৫৩,৭২৪; এক্তিব কেসশিং: ২৮,৮০০; শিখিবশিং: ৬৯৬।
  • তেলঙ্গানা: রাজ্য অসিগী ফগৎপগী চাং অদু চাদা ৭২দা হেগৎখ্রে অদুগা শিখিবগী চাংনা চাদা ১গী মখাদা লৈ হায়না সরকারদা দেতাদগী খঙবা ঙমখি। ভাইরস অসিনা শন্দোরকপনা মরম ওইরগা তেলঙ্গানাগী জিলা খরদা দুকান্দারশিংনা মশানা লোকদাউন লাউথোচখি। ঙরাং অনৌবা কেস ১১৯৮ অমসুং ০৭ শিখিবগী পাউ লৈখ; কেস ১১৯৮ অসিগী মনুংদা কেস ৫১০দি জি.ঐচ.এম.সি.দগী থেংনখি। অপুনবা কেসশিং: ৪৬,২৭৪; এক্তিব কেসশিং; ১১,৫৩০; শিখিবশিং: ৪২২।
  • মহারাস্ত্র: নিংথৌকাবা নুমিত্তা মুম্বাই মেত্রোপোলিতান রিজন (এম.এম.আর.)দা কোবিদ-১৯গী কেস লাক ২ লানখ্রে, মসিনা রাজ্য অসিগীদমক্তা ওইনা অপুনবগী ওইনা কেস ৩,১৮,৬৯৫ সুহনখ্রে। মুম্বাই খক্তনা কেস লাখ অমগী মথক্তা ওই, অতোপ্পা লাখ অমনা থানে ,নৱি মুম্বাই, পালঘর অমসুং রায়গাদতগীনি, হায়রিবশিং অসিনা অপুনবা মশিংদা লেপতনা হাপকৎলি। ভারত্তা ওক্সফোর্দ ভেক্সিন কেন্দিদেতকী মীওইবদা চাংয়েং তৌবা অদু চই অসিগী ওগস্ত্তগী হৌরগনি। পুনেদা লৈবা সেরম ইনন্সতিত্যুত ওফ ইন্দিয়ানা মেন্যফেকচরিং পার্তনরশিপকী মখাদা ওক্সফোর্দ য়ুনিভর্সিতিগী জেন্নর ইন্সতিত্যুত অমসুং অস্ত্রজেনেকানা পুথোকপা ভেক্সিন অসিবু পাকশন্না পুথোক্কনি।
  • গুজরাত: গুজরাত সরকারনা রাজ্য অসিদা মমাংগী চয়োলদা নই দিল্লীদগী কেন্দ্রগী তীম লাকখিবদগী কোবিদ-১৯ তেস্ত তৌবগী মশিং শরুক অনি থোক্না হেনগৎখ্রে। গুজারাতকী চাদা ৪.৫কী শিবগী চাং অসিনা লেবাক পুম্বগী ওইবা চাদা ২.৫গী চাংচৎ অসিদগী বাম্না কোম্না হেল্লি অদুগা রাজ্য অসিদা পুন্না কেস ৪৯৪৯,৩৫৩ লৈ, মসিদা এক্তিব কেস ১১,৫১৩ নি।
  • রাজস্থান: রাজস্থান্না কোবিদ-১৯গী লাইচৎ অসিগী মতুংদা ময়ুমদা হল্লকপা মাইগ্রেন্ত ৱার্করশিংগীদমক্তা কেন্দ্রনা অহানবা ওইনা হৌদোকখিবা পি.এম.গরিব কলয়ান রোজগার য়োজনা স্কীমগী  অহানবা থাদা খ্বাইদগী য়াম্না থবক পীখি। ওফিসিয়েল দেতাগী মতুং ইন্না রাজ্য অসিনা মী অমসুং নুমিৎ কোতি ৪.১ থবক পীখি।
  • ছত্তিসগর: হৌখিবা থা খরসিদা কোরোনা ভাইরস (কোবিদ-১৯)গী পোজিতিব কেসশিং হেগৎলকপনা রায়পুর অমসুং বিরগাওন মুনিসিপাল কোর্পোরেশনগী মফমশিংদা নুমিৎ তেরতনি নৌনা লোকদাউনগী অথিংবা থম্লগনি। গোবর্মেন্ত, সেমি গোবর্মেন্ত অমসুং লনাইগী ওইবা ওফিসশিংদা লোকদাউনগী ওইবা অথিংবা থম্লিঙৈ মনুংসিদা  লোন্দুনা লৈগনি। পব্লিক ত্রান্সপোর্ত সার্বিসু লেপ্তুনা লৈগনি। বিলাসপুর, কোরবা অমসুং দুর্গদা শাগোলশেল নুমিত্তগী লোকদাউন থমজিল্লগনি।
  • অরুনাচল প্রদেশ: স্তেত কোবিদ নোদল ওফিসর দা. জামপানা রাজ্য অসিদা রেপিদ দাইগ্নোস্তিক তেস্ত (আর.দি.তি.)- কোবিদ-১৯ এন্তিজেন কিৎশিং ফংহল্লগনি হায়ানা হায়খি। হায়রিবশিং অসিগী মনুংদা তেস্ত কিৎ লাখ অমা নীংথৌকাবা নুমিত্তা য়ৌরকখ্রে। মসি জিলা পুম্নমক্তা য়াম্না থুনা য়েন্থোক্লগনি।
  • অসম: অসামগী সি.এম., শ্রী সর্বানন্দা সোনোৱালনা বোঙ্গাইগাওন জিলাদা লৈরিবা ঈশিং-ঈচাউগী লৈরিবা ফিভম অদু য়েংশিনখি অমসুং ঈশিং-ঈচাউনা শোকহল্লবশিং অদুগা উনখি।
  • মনিপুর: ঙসি মনিপুরগী মুখ্যমন্ত্রী শ্রী এন. বিরেন্না নোনে, ফের্জোল অমসুং তেংনৌপল জিলাগী ফ্রন্তলাইন ৱারিয়রশিংবু কোবিদ-১৯গী রিকোবরী রেৎ চাদা ১০০ ফংবা ঙম্বখিবগীদমক নুংঙাইবা ফোংদোকখ্রে।  মনিপুরগী থৌবাল জিলাদা ঙসিদগী হৌরগা খুদক্তগী মরুওইবা কৈথেল অমসুং ধর্মগী মফম পুম্নমক থিংজিনখ্রে।
  • মিজোরম: দিস্ত্রিক্ত হোস্পিতাল ১০গীদমক ত্রুলেব রিএলতাইম ক্বান্তিতেতিব মাইক্রো পি.সি.আর. মেছিন লৈনবগীদমক চীফ মিনিস্তর রিলিফ ফন্দদগী লুপা ক্রোর ১.১৮ কায়থোকখ্রে।
  • নাগালেন্দ: নাগালেন্দদা কোবিদ-১৯গী অনৌবা পোজিতিব কেস ৯ কনফর্ম তৌখ্রে। ৬না দিমাপুরদা, ২না মোনদা অমসুং ১না পরেনদনি। নগালেন্দদা কোবিদ-১৯ পোজিতিব কেস পুন্না ১০৩০ শুরে, এক্তিব কেসনা ৫৪৬নি অমসুং ৪৮৪না নাবা ফখ্রে।

***********



(Release ID: 1640322) Visitor Counter : 6