PIB Headquarters

কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন

Posted On: 20 JUL 2020 6:32PM by PIB Imphal

 

(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

  • মীওই লাখ ৭ হেনবনা কোবিদ-১৯দগী নাবা ফরে।
  • ভারতনা ২.৪৬%গী চাংদা লৈদুনা মালেমগী ফেতালিতী রেৎ খ্বাইদগী নেম্বগী মনুংদা লৈরে।
  • এক্তিব কেস পুন্না ৩,৯০,৪৫৯দা মেদিকেল এতেন্সন পীরি।
  • এ.আই.আই.এ.এস. নই দিল্লীগী “ই-আই.সি.য়ু.” ভিদিও কন্সলতেন্সনগী থবক খুমাঙ চাউশিল্লে, রাজ্য ১১গী অচৌবা হোস্পিতাল ৪৩ কোনশিল্লে।
  • দিল্লীগী এ.আই.আই.এম.এস.দা কোবিদ-১৯ প্লাজমা দোনেসন কেম্পেন হৌদোকখ্রে।
  • প্রধান মন্ত্রীনা হায়খ্রে মদুদি ভারতনা অপুনবা, তেক অমসুং দেতানা পুবা মমল হোংবা অমসুং চয়েৎনবা লৈতবা হেলথ কেয়র সিস্তেম অমা শাগৎনবা হোৎনরি

হকশেল অমসুং য়াইফ য়ুম্বাল মন্ত্রালয়দগী কোবিদ-১৯দা অপদেৎ: মীওই লাখ ৭ হেনবনা কোবিদ-১৯দগী নাবা ফরে; ভারতনা ২.৪৬%গী চাংদা লৈদুনা মালেমগী ফেতালিতী রেৎ খ্বাইদগী নেম্বগী মনুংদা লৈরে

 

লৈবাক অসিগী কেস ফেতালিতী রেৎ অসি তপ্না তপ্না লেপ্তনা হন্থরক্লি। ঙসিগী নুমিত্তা মসি ২.৪৬%তা তারে। ভারতনা মালেমগী ফেতালিতী রেৎ খ্বাইদগী নেম্বগী মনুং চনবা লৈবাক ওইরি। ঙসি ফাওবদা কোবিদ-১৯না নাবা মীওই লাখ ৭ হেন্না নাবা ফরবা তুংদা দিসচার্জ তৌখ্রে। মসিনা নাবা ফরবা (৭,০০,০৮৬) অমসুং কোবিদকী এক্তিব কেসকী মরক্তা লৈবা খেৎনবা অদু ৩,০৯,৬২৭ ওইদুনা চাউনা হেনগৎহল্লে। হৌখিবা পুং ২৪দা কোবিদ-১৯না নাবা মীওই ২২,৬৬৪ নাবা ফখি। মসিদগী রিকোবরী রেৎ অসি হৌজিক ৬২.৬২% য়ৌরে। এক্তিব কেস ৩,৯০,৪৫৯ অসি হোস্পিতালশিং অমসুং য়ুমদা আইসোলেসন তৌদুনা নিংথিনা লায়েংলি।

অকুপ্পা ৱারোলগীদমক: https://pib.gov.in/PressReleasePage.aspx?PRID=1639897

 

এ.আই.আই.এ.এস. নই দিল্লীগী “ই-আই.সি.য়ু.” ভিদিও কন্সলতেন্সনগী থবক খুমাঙ চাউশিল্লে, হৌজিক ফাওবদা রাজ্য ১১গী অচৌবা হোস্পিতাল ৪৩ কোনশিল্লে

কোবিদ-১৯ মরম ওইদুনা মী শিবগী চাং হন্থহন্নবগী থবক ফগৎহন্নবা ২০২০গী জুলাই ৮দগী লৈবাক শীনবা থুংনা লৈরিবা আই.সি.য়ু দোক্তরশিংগা লোয়ননা এ.আই.আই.এ.এস. নই দিল্লীনা “ই-আই.সি.য়ু.” ভিদিও কন্সলতেন্সনগী থবক পায়খৎপা হৌরে। মসিগী পান্দমদি লৈবাক শীনবা থুংনা লৈরিবা কোবিদ-১৯ লায়েংনবা হোস্পিতালশিংগী অনাবশিং লায়েংলিবা দোক্তরশিংগী মরক্তা লায়েং-কাংলোনশিংগী মতাংদা ৱারি শানবনি। আই.সি.য়ুশিংদা লৈরিবা অনাবশিং য়াওনা কোবিদ-১৯গী অনাবশিং লায়েংলিবা দোক্তরশিং অমসুং এ.আই.আই.এ.এস. নই দিল্লীগী দোক্তরশিংগী মরক্তা লায়েংবগী মতাংদা লৌশিং পীথোক-পীশিন তৌনগনি। ৱারি শানবা অসিগী মরুওইবা পান্দমদি কোবিদ-১৯ না শিবগী চাং হন্থহনবা অমসুং ফম্মুং ১০০০ ফাওবা লৈবা হোস্পিতাশিংদা লায়েংলিবা মীওইশিংদা খ্বাইদগী ফবা লায়েংবগী থবক ফংহনবনি। হৌজিক ফাওবদা ইন্সতিতুৎ ৪৩দা সেসন মরি পাংথোকখ্রে। খন্নবা অদুদা কোবিদ-১৯ লায়েংবগা মরী লৈনবা হিরমশিং কোনশিনখি। থৌরম অদুদা মরম চানা রামদেসেবির, কনভাআলেসসেন্ত প্লাজমা অমসুং তোসিলিজুমাব শীজিন্নবগী মতাং য়াওনা মরুওইবা ৱাফমশিং খন্নখি। হায়রিবা হিদাকশিং অসি মথোং-মরম খঙদনবা শীজিন্নবদগী ওইরকপা য়াবা অমাঙবশিং অমসুং সোসিএল মেদিয়াদা পীরকপা ইথিলদা য়ুমফম ওইরগা হিদাক থাবগী থবক হন্থহনবগী দরকার ওইবা অদু কাংবু অদুনা খন্নখি।

অকুপ্পা ৱারোলগীদমক: https://pib.gov.in/PressReleasePage.aspx?PRID=1639872

 

দা. হর্শ বর্ধন্না দিল্লীগী এ.আই.আই.এম.এস.দা কোবিদ-১৯ প্লাজমা দোনেসন কেম্পেন হৌদোকখ্রে

 

হকশেল অমসুং য়াইফ য়ুম্বাল মন্ত্রালয়গী কেন্দ্রগী মন্ত্রী দা. হর্শ বর্ধন্না প্লাজমা দোনেসন কেম্পেন অমা দিল্লীগী এ.আই.আই.এম.এস.তা ঙসি হৌদোকখ্রে। থৌরম অদু কোবিদতগী নাবা ফরবা পুলিস পার্সনেল ২৬না মখোয়গী ঈগী প্লাজমা দোনেৎ তৌবগা লোইননা দিল্লী পুলিস্কা লোইননা পাঙথোকমিন্নবনি। লৌখৎলক্লিবা খোংথাং অসিগীদমক দিল্লী পুলিসপু থাগৎপা ফোংদোক্লদুনা মহাক্না হায়খি, "কোরোনানা মরম ওইদুনা দিল্লী পুলিস পার্সনেল ১২ লৈখিদবদু য়াম্না থমোই শোক্নিংঙাই ওইবা থৌদোক্নি। অসিগুম্বা মীশি মীনা অসি লৈদুনসু, মখোয়না শন্দোকপা লাকশিন্নবা হোৎনবদা মখোয়গী পার্সনেলশিং থাদোক্তুনা অচৌবা থৌদাং অমা লৌরি, মরকসিদা কন্তেন্মেন্ত জোনসু ২০০দগী ৬০০ ফাওবা লৈরে।" দা. হর্শ বর্ধন্না হায়রিবা ভোলুন্তীয়রশিং অসিনা লৌরিবা থৌদাং অসিবু সার্তিফিকেৎ পীদুনা পুলিস কন্তেবল ২৬তা ইকাই খুম্নবা উৎখ্রে। মসিগী মনুংদা, শ্রী ওম প্রকাশনা অহুমশুবা ওইনা ঙসি মহাক্কী প্লাজমা দোনেৎ তৌখ্রে। মহাক্না হায়খি, "হৌজিকফাওবগী ওইনদি, কনভালেসেন্ত প্লাজমা থেরাপী অসি পুংজা খুদিং ফংহন্নবা হোৎনরদুনা শেমগৎলিবা প্লাজমা বেঙ্কশিংদা শীজিন্ননবা অয়াবা পিরে। ভারত অসি কোবিদ-১৯ অনাবা খ্বাইদগী চাং ৱাংনা ফবা লৈবাক ওইদুনসু, প্লাজমা দোনেসন্দি হৌজিকসু মশীং হেনগৎহনবা মথৌ তারি। নই দিল্লীগী এ.আই.আই.এম.এস.না দিল্লী পুলিস কোরোনা ৱারিয়রশিংগা লোইননা প্লাজমা দোনেসন কেম্পেন অমা পাঙথোক্লিবসিগীদা ঐহাক হরাউবা পোকই।"

অকুপ্পা ৱারোলগীদমক:https://www.pib.gov.in/PressReleseDetail.aspx?PRID=1639826

 

প্রধান মন্ত্রীনা আই.বি.এম.গী সি.ই.ও. আর্বিন্দ কৃষ্ণগা ৱারী শানখ্রে

প্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সকী খুথাংদা আই.বি.এম.গী সি.ই.ও. শ্রী আর্বিন্দ কৃষ্ণগা ৱারী শানখ্রে। লল্লোন ইতিক্কী হীরমদা কোবিদনা পীরিবা শাফু অসিগী মতাংদা ঙাংলদুনা প্রধান মন্ত্রীনা হায়খি, 'য়ুমদগী থবক শুবা' হায়বসি পাক শন্না চৎনরে অমসুং সরকার অসিনসু হোংলক্লিবা তেক্নোলোজীগী খোংচৎ অসি কায়দনবগীদমক ইনফ্রাস্ত্রকচর পীনবগীদমক লেপ্পা লৈতনা হোৎনরি। মহাক্না মরী লৈনবা তেক্নোলোজী অমসুং হন্দক আই.বি.এম.না লৌখিবা মখোয়গী শিন্মী ৭৫%না য়ুমদগী থবক শুহন্নবা লেপখিবা ৱারেপ অদুদা লাক্কদবা খুদোংচাদবশিংগী মতাংদা খন্নখি। প্রধান মন্ত্রীনা মতম অসি ভারত্তা শেল থাদবদা খ্বাইদগী চপ চাবা মতম্নি হায়না ফোংদোকখি। মহাক্না হায়খি মদুদি লৈবাক অসিনা তেক্কী সেক্তরদা শেল থাদবদা তরাম্না ওক্লি অমসুং মতেং পাংগনি হায়খি। মালেমগী লৈবাক কয়ানা খোংজেল তপথরকপা মতমদা ভারত্তদি এফ.দি.আই. লাকপগী চাং হেনগৎলক্লি হায়না মহাক্না মখা তাখি। মহাক্না হায়খি মদুদি মালেমগী লৈবাকশিংগা চাংদম্নবদা নোপতনবা অমসুং লোকেল সপ্লাই চেন্দা অতৎ অখম লৈতনা মরোমদোম লেপচবা ঙম্বা ভারত অমগী মংলানগা লোইননা ঐখোয়না মাঙজিল থানা চৎলি। আই.বি.এম.গী সি.ই.ও.না আই.বি.এম.না ভারত্তা চাউনা শেল থাদনবা লৈরিবা প্লানশিংগী মতাংদা প্রধান মন্ত্রীদা পাউদমখি অমসুং আত্মনির্ভর ভারত্তা মহাক্কী থাজবা ফোংদোকখি।

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1639945

 

দা. হর্শ বর্ধন্না কোবিদ-১৯ শন্দোকপদগী ঙাকথোক্নবা মাস্ক অমসুং সেনিতাইজর য়েন্থোক্নবা পঞ্জাব নেস্নল বেঙ্ককী লৈবাক পুম্বগী সি.এস.আর. কেম্পেন হৌদোকখ্রে

কেন্দ্রগী হকশেল অমসুং য়াইফ য়ুম্বাল মন্ত্রালয় দা. হর্শ বর্ধননা কোবিদ-১৯ শন্দোকপদগী ঙাকথোক্নবা মাস্ক অমসুং সেনিতাইজর য়েন্থোক্নবা পঞ্জাব নেস্নল বেঙ্ককী (পি.এন.বি.) লৈবাক পুম্বগী সি.এস.আর. কেম্পেন ঙসি হৌদোকখ্রে। মালেম পুম্বনা কোবিদ ১৯গী অৱাবা মায়োক্নরিঙৈ মতম অসিদা পি.এন.বি.না লৌরিবা থৌদাং অসিবু তৌবিমল খঙবা উত্তুনা মহাক্না হায়, “লায়চৎ অসিগী মায়োক্তা লান্থেংন্ননবা সরকারনা হোৎনরিবশিং অসি পি.এন.বি.না মতেং পাংলিবা অসিদা ঐহাক্না নুংঙাইবা পোকই। বেঙ্গ অসিনা পি.এম. ক্যের্স ফন্দদা দোনেসন তৌবা অমসুং মাস্কশিং অমসুং সেনিতাইজরশিং য়েন্থোক্নবা সি.এস.আর.গী থবক থৌরমশিং পাঙথোকপা অসিগুম্বা খোঙথাংশিং লৌখৎলি। মাস্কশিং শীজিন্নবা অমসুং অফবা হেন্দ হাইজিন তৌবনা কোবিদকা চান্নবা লমচৎ শাজৎ থৌগৎলি অমসুং হৌজিক্কী ওইনা লায়না অসিগী খ্বাইদগী ফবা ‘সোসিএল বেক্সিন’ ওইরি। বেঙ্ক অসিনা অসিগুম্বা পোৎলম অসি লৈবাক অসিগী জিলা ৬৬২দা য়েন্থোকখ্রে অমসুং ঐহাক্না পি.এন.বি.না হোৎনরিবশিং অসিবু থাগৎপা ফোঙদোক্লি।”

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1639952

 

য়ু.পি.এস.সি.না কোবিদ-১৯গী লায়চৎ মনুংসিদা সিবিল সর্বিস পরিখা ২০১৯গী পর্সনেলিতী তেস্ত (ইন্তর্বিয়ু) পাংথোক্নবা শেম শারে

য়ুনিয়ন পব্লিক সর্বিস কম্মিসন্না সিবিল সর্বিস পরিখা ২০১৯ (সি.এস.ই.-২০১৯)গী ওইনা মীওই ২৩০৪গী পর্সনেলিতী তেস্ত (পি.তি.)/ইন্তর্বিয়ু পাংথোক্লিঙৈ মরক্তা ভারত সরকারনা কোবিদ-১৯ শন্দোরকপা থিংনবা হায়দুনা লোকদাউন থম্বগী ৱারেপ লৌখি। কম্মিসন অসিনা মতমদুগী ফিভম য়েংশিন্দুনা লেমহৌরিবা মীওই ৬২৩গী সি.এস.ই.-২০১৯গী পি.তি. বোর্দ অসি ২৩/৩/২০২০গী মতুংদা ওইনা পাংথোক্নবা ৱারেপ লৌখি। লোকদাউন তপ্না তপ্না হাংদোক্লকপগা লোয়ননা কম্মিসন অসিনা লেমহৌরিবা মীওইশিংগী পি.তি. অসি জুলাই ২০-৩০, ২০২০দা পাংথোক্নবা ৱারেপ লৌখ্রে অমসুং মসিগী মতুং ইন্না পরিখা য়াওগদৌরিবা মীওইশিংদশু মাংজৌননা খংহনখ্রে। মখোয়শিং অসিগা লোয়ননা এক্সপর্ত এদবাইজরশিং অমসুং কম্মিসনগী স্তাফশিংগী হকশেলদা তেক্ত কায়দনবগীদমক মতিক চানা শেম-শাবশু লোয়রে।

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1639900

 

ঙসিদগী কঞ্জুমর প্রোতেক্সন এক্ত, ২০১৯ চৎনবা হৌরে

 

তোঙান-তোঙানবা নিয়মশিং অমসুং কঞ্জুমর কাউন্সিলশিং, কঞ্জুমর রিদ্রেসেল কমিসনশিং, মেদিএসন, প্রদক লাইএবিলিগী প্রোবিজনশিংগী খুৎথাংদা কঞ্জুমরশিংগী হকশিং ঙাকপদা মসিগী অনৌবা এক্ত অসিনা মতেং পাংগনি। এক্ত অসিগী মখাদা ই-কমর্স ফার্ম খুদিংমক্না পোৎ য়োন্দ্রিঙৈ মমাংদা কঞ্জুমরশিংদা পোৎ অমুক হন্নবা, শেন হন্দোক্নবা, ৱারেন্তি, চার্জ-বেক , পোৎ অদুগী হৌরকফম লৈবাক মমিং পীবা দরকার ওই। অনৌবা এক্ত অসিনা কঞ্জুমর কমিসনশিংদা ৱায়েন চৎথবগী থবকশিং লাইহল্লে অমসুং স্তেৎ অমসুং দিস্ত্রিক কমিসনশিংদা মখোয় মশাগী য়াথংশিং অমুক হন্না য়েংশিনবগী শক্তি পীরে অমসুং কঞ্জুমর অমনা ৱাকৎশিং ইলেকত্রোনিক ওইনা পীশিনবা য়ারগনি অমসুং ভিদিও কনফরেন্সকী খুৎথাং      দা হিয়ারিং পাংথোকপা য়ারে। এক্ত অসিদা প্রদক লাইএবিলিতি কৌবা অনৌবা অমা হাপচিল্লে অমসুং মসিদা পোৎ শারিবশিং, পোৎ য়োল্লিবশিংগী মথক্তা ৱাকৎ অমা হেক্তা থাংগৎপা য়ারে। ফত্তবা/শাশিন্নবা পোৎশিং য়োনবা নৎত্রগা শাবদা মতিক চাবা কোর্ত অমনা হেক্তা চৈরাক পীনবা প্রোবিজনশিং এক্ত অসিদা য়াওরে। অহানবা চৈরাক ওইনা কোর্ত অমনা চহি অনি ফাওবা লাইসেন্স অমা ককপা য়াই অমসুং অনিসুবা কেস নৎত্রগা চৈরাক ফংলকপা মতমদা লাইসেন্স ককপা য়াই।

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1639900

 

 

পি.আই.বি. ফিল্দ ওফিসশিংদগী ফংবা পাউ

 

 

•           পঞ্জাব: ‘মিসন ৱারিয়র মাস এৱেয়রনেস দ্রাইব অসিদা মীয়াম্না থৱায় য়াওবা উৎলকপা অসি উবদা পঞ্জাবকী মুখ্য মন্ত্রীনা কেমপেন অসিবু থা ২গীদমক্তা শাংদোকখ্রে, মসিগা লোইননা দাইমন্দ সর্তিফিকেতকী মথংগী থাক হৌদোকপগী মতাংদসু লাউথোকখি।

          হরিয়ানা: কোবিদ-১৯গী মনুংদা সরকারনা ইমুং লাখ ১৬তা লুপা ৪০০০দগীনা লুপা ৫০০০ ফাওবগী ওইবা শেলগী তেংবাং পীখি, হায়রিবশিং অসি মুখ্য মন্ত্রী পরিৱার সম্রিধি য়োজনাগী মখাদা নত্রগা বিল্দিং কন্সত্রক্সন ৱার্কর্স ৱেলফেয়র বোর্দকী খত্থাংদা পীখি হায়না মুখ্য মন্ত্রীনা হায়খি। হায়রিবা অসিগা চপ মান্ননা, মন্ত্রী গরিব কলয়ান য়োজনাগী মখাদা নবেম্বর থা ফাওবগী ওইনা য়াম্না লাইরবা কনা লৈজদ্রবা ইমুংশিংদা রাশন লেম্না য়েন্থোক্লগনি।

          কেরলা: রাজ্য অসিদা কোবিদ-১৯না মরম ওইরগা অমমুক শিখিবগী পাউ লৈরে, মসিনা রাজ্য অসিগী শিবগী মশিং অদু ৪৩ য়ৌহনখ্রে। লৈখিদ্রবা মীওই অদু ইদুক্কি জিলাগী চহি ৬৯ সুরবা মীওইনি। পল্লাকদ জিলাগী পাত্তম্বি তালুক অমসুং নেলায়া পঞ্চায়ত্তা লোকদাউন লাউথোকখ্রে। কেরলাদা ঙরাং কোবিদ-১৯গী কেস ৮২১ থেংনখি, হায়রিবশিং অসিগী মনুংদা কেস ৬২৯দি শোক্না-শম্নরুবদগী িনফেক্সন তৌরকপনি অমসুং কেস ৪৩ অমদি করম্না ইনফেক্সন তৌরকখিবনো হায়বা খঙদ্রি। পেসেন্ত ৭,০৬৩ হৌজিক ফাওবা লাইয়েংদুনা লৈরি অমসুং জিলা কয়া অমদা মীওই লাখ ১.৭০ সর্ভিলেন্স তৌদুনা থম্লি।

          তামিল নাদু: পুদুচেরীদা নিংথৌকাবা নুমিত্তাকেস ৯৩ লাকখিবগা লোইননা কোবিদ-১৯দা চহি ৭৩সুরবী নুপী অহল অমা লৈখিদ্রে, মসিনা য়ু.তি অসিদা শিবগী মশিং ২৯ সুহনখ্রে অমসুং মসিনা ২০০০গী তাঙ্কক লানহনখ্রে। তি.এন.গী সি.এম.না নোংমাইজিং নুমিত্তা কোবিদ-১৯ শন্দোরকপা মায়োক্তা রাজ্য সরকারনা লৌখৎলিবা খোইোংথাংশিং অদুগী মতাংদা পি.এম.দা খঙহনখি। তি.এন.না মীওই লাখ ১৩,০০০গী মথক্তা থবক পীনবা লুপা কোতি ১০,৩৯৯গী এম.ও.য়ু. নিপান্দা খুৎয়েক পীনখি। কোবিদ-১৯দগী ভিরুধাচলম তেহসিলদার লৈখিদ্রে, এম.এল.এ. অনি পোজিতিব ওইখ্রে। রাজ্য অসিগী ওইনানোংমাইজিং নুমিত্তা কোবিদ -১৯গী োইনা নোংমদা খ্বাইদগী ৱাংবা কেস ৪,৪৯৭৯ অমসুং ৭৮ শিখিবগী পাউ লৈখি। অপুনবা কেসশিং: ১,৭০,৬৯৩; এক্তিব কেসশিং: ৫০,২৯৪; শিকিবশিং: ২৪৮১; চেন্নাইদা লৈবা এক্তিব কেসশিং: ১৫,০৪২।

          কর্নাতকা: চীফ সেক্রেতরিনা দিজাস্তর মেনেজমেন্ত এক্ত ২০০৫কী সেক্সন ২৪(১)গী মখাদা ওর্দর অমা থোক্তুনা বি.বি.এম.পি.গী ওথরাইজ তৌরবা মীওই অমনা রিফর তৌরকপা কোবিদকী পেসনন্তশিং এদমিত তৌনবগীদমক্তা হোসপিতালগী বেদশিংবু ফংহন্নবা মেদিকেল এস্তাব্লিশমেন্তশিংদা খঙহনখ্রে। ঙরাং অনৌবা কেস ৪১২০ অমসুং ৯১ শিখিবগী পাউ লৈখি, মসিদা কেস ২১৫৬তি বেঙ্গলোর সিতীদগীনি। অপুনবা কেসশিং: ৬৩,৭৭২; এক্তিব কেসশিং: ৩৯,৩৭০; শিখিবশিং: ১৩৩১।

          অন্ধ্র প্রদেশ: সাতিশ ধাৱন স্পেস সেন্তরনা ভারস ত্রান্সমিশন থোক্তনবা তঙাইফদনা মথৌ তাবা খ্বাইদগী য়ামদবা স্তাফশিংগা লোইননা থবক তৌনবা ৱারেপ লৌখ্রে। কোবিদ কেসশিংগী মরক্সিদা এস.ঐচ.এ.আর.দা লৈবা মখোয়গী হাউশিং কোলোনীদা কন্তেনমেন্তকী অথিংবা থমজিনখ্রে। ঙরাং অনৌবা কেস ৫০৪১ অমসুং ৫৬ শিখিবগী পাউ লৈকি। অপুনবা কেসশিং: ৪৯,৬৫০; এক্তিব কেসশিং: ২৬,১১৮; শিখিবশিং: ৬৪২।  

          তেলঙ্গানা: হাইদ্রবাদকী নিমস (এন.আই.এম.এস.)তা কোবিদ-১৯গী চাংয়েং হৌখ্রে। লমদম অসিগী মশাগী ওইবা কোবিদ-১৯গী অহানবা ভেক্সিন, ইন্দিয়ন কাউন্সিল ওফ রিসর্চ (আই.সি.এম.আর.) অমসুং ভারত বায়োতেক্না পুথোরকপা অসি নিজামস ইন্সতিত্যুত ওফ মেদিকেল সাইন্সেস (এন.আই.এম.এস.)তা হকচাং ফরবা ভোলন্তিয়র ৩০দা চাংয়েং তৌবগী থাজবা লৈ। ঙরাং অনৌবা কে ১২৯৬ অমসুং ৬ শিখিবগী পাউ লৈখি। রাজ্য অসিদা লৈরিবা অপুনবা কেসশিং: ৪৫,০৭৬; এক্তিব কেসশিং: ১২,২২৪; শিখিবশিং: ৪১৫।

          অরুনাচল প্রদেশ: অরুনাচল প্রদেসকী গোবর্নর, দা. বি.দি. মিশ্রানা মীয়ামদা মখোয়গী য়ুমদা ন্যুত্রিশনেল কিতচন গার্দেন শেম্নবা আপীল তৌরকখ্রে মরমদি কোবিদ-১৯গী লাইচৎ অসিনা ঐখোয় ইশানা ঈরোমদোম হিংজবা ঙম্নবা তম্বীখি।

          অসাম: অসামগী সি.এম, শ্রী সর্বানন্দা সোনোৱালনা হনদক্তা ঈশিং-ঈচাউ অদুদা কাইখিবা বারপেতা জিলাগী পাথসালাগী মনাক্কী গাহিমপারাদা লৈবা পাহুমারা তুরেল খোংবান অদু য়েংশিনখ্রে।

          মনিপুর: মনিপুরগী রাজ্যদা কোবিদ-১৯ কেসশিংগী খ্বাইদগী য়াম্বা মশিং অসি উখ্রুলদগী (২৫২), কাঙপোকপি (২৩৪) অমসুং তামেঙলোং (২১২)।  হৌজিক্কী ওইনা খ্বাইদগী ৱাংবা এক্তিব কেসকী মশিং অসি কাংপোকপিদগী - ১৩১নি।

          নাগালেন্দ: নাগালেন্দদা কোবিদ-১৯গী পোজিতিব কেস ৩৩ কনফর্ম তৌখ্রে। দিমাপুরদা ১৬, মোনদা ১২ অমসুং কোহিমাদা ৫। নাগালেন্দদা কোবিদ-১৯ পোজিতিব কেসকী মমশিং অসি ১০২১ য়ৌখ্রে মসিদা এক্তিব কেস ৫৭৬ অঞসুং ফগৎখিবগী মশিংনা ৪৪৫নি।

          সিক্কিম: রাজ্য অসিদা কোবিদ-১৯ হেনগৎলকপগা লোইননা সিক্কিমগী সরকারনা হয়েংদগী হৌরগা হায়বদি ২০২০গী জুলাইগী ২১দগী জুলাইগী ২৭ ফাওবগী ওইনা চয়োলদুমা লোকদাউন তৌনবা ৱারেপ লৌখ্রে।

          মহারাস্ত্র: মহারাস্ত্র সরকারগী তেক্সতাইল, পোর্ত, ফিসশরীশিংগী কেবিনেত মন্ত্রি আস্লম শৈখ, তেস্ত তৌবা মতমদা কোবিদ-১৯ পোজিতিব ওইখ্রে। মহাক অসিনা উধব থাকরেগী সরকারদা তেস্ত তোবা মতমদা পোজিতিব ওইবা মরিসুবা মন্ত্রীনি। মহারাস্ত্রদা নোংমাইজিং নুমিত্তা কোবিদকী অনৌবা কেস ৯,৫১৮ থেংনখি মসিনা অপুনবা কেসকী মশিং অদু ৩,১০,৪৫৫ সুহনখি।

          গুজরাত: রাজ্য আসিদা কোবিদ-১৯গী অনৌবা কেস ৯৬৫ থেংনখি, মশিনা রাজ্য অসিগি অপুনবা মশিং অদু ৩৪,৮৮২ য়ৌহনখি। অনৌবা কেস ৯৬৫কী মনুংদা, খ্বাইদগী য়াম্বা কেসশিং অদু সুরত্তগী থেংনখি। এহমেদাবাদ সিতীদা অনৌবা কেস ১৮৬ থেংনখি। এক্তিব কেসকী মশিং অসি ১১,৪১২ নি।

          রাজস্থান: নিংথৌকাবগী অয়ুক্তা অনৌবা পোজিতিবকেস ৪০১ থেংনখি, মসিনা রাজ্য অসিগী কোবিদ-১৯গী মশিং অদু ২৯,৮৩৫ য়ৌহনখ্রে। রাজ্য অসিদা হৌজিক একতিব কেসশিংগী মশিং অদু ৭৪০৬ সুখ্রে।

          মধ্য প্রদেশ: রাজ্য অসিদা অনৌবা কেস ৮৩৭ হেনগৎলকপগা লোইননা অপুনবা কেসকী মশিং অদু ২২,৬০০দা হেনগৎলকখি। রাজ্য অসিদা শিখিবগী মশিং অসি ৭২১দা হেনগৎলকখি। নোংমাইজিং নুমিত্তা হোসপিতালশিংদগী মীওই ৪৪৭  দিসচার্জ তৌখ্রে, মমসিনা রাজ্য অসিদা ফখিবা কেসশিংগী মশিং অদু ১৫,৩১১ য়ৌহনখ্রে।

          ছত্তিসগর: কোবিদ-১৯গী কেসশিংগী মশিং হেনগৎলকপা অসি য়েংলগা জুলাই ২২দগী রায়পুর অমসুং বিরগাওনগী মুনিসিপালগী মফমশিংদা নুমিৎ তরেতকী লোকদাউন থম্লগনি। জিলাগী কলেক্তরগী ওর্দর মখাদা রায়পুর জিলাগী রাবপুর মুনিসিপাল কোরপোরেশন (আর.এম.সি.) অমসুং বিরগাউন মুনিসিপাল কোর্পোরেশন (বি.এম.সি.)গী মখাদা লৈবা মফম পুম্নমক কন্তেনমেন্ত জোনশিং ওইনা লাউথোকখ্রে। রাজ্য অসিদা নোংমাইজিং নুমিত্তা অনৌবা কেস ১৫৯ থেংনখি। 

          গোৱা: নোংমাইজিং নুমিত্তা কোবিদ-১৯গী অনৌবা কেস ১৭৩ থেংনখি। মসিনা রাজ্য অসিগী পোজিতিব ওইবগী মশিং অদু ৩৬৫৭ য়ৌহনখ্রে। হৌজিক রাজ্য অসিদা এক্তিব কেসশিংগী মশিং অসি ১৪১৭ নি অদুগা ফগৎখিবশিংগী ঙপুনবা মশিং অদু ২২১৮তা হেনগৎখি।

 

*********

 



(Release ID: 1640060) Visitor Counter : 8