(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• ঙসি ফাওবদা লৈবাক অসিদা কোবিদ-১৯ নাবা মীগী অশেংবা কেস লোদ অসি লাখ ৩,৪২,৭৫৬ খক্তনি।
• অপুনবা কেসকী মীওই লাখ ৬.৩৫  (৬৩.৩৩%) হেনবনা নাবা ফখ্রে।
• লৈবাক অসিগী মী শিবগী চাং অসি মিলিয়ন অমদা ১৮.৬ ওইদুনা মালেমগী খ্বাইদগী য়ামদবশিংগী মনুংদা লৈরি
• সিম্পতম উত্তবা অমসুং কন্না নাদবা মীওই চাউরাক্না ৮০%দি মেদিকেল সুপর্বিজন তৌদুনা য়ুমদা আইসোলেসন তৌহল্লি।
• লৈবাক অসিদা মেদিকেল ওক্সিজেনগী মেনুফেকচরিং, সপ্লাই অমসুং স্তোরেজ কেপাসিতী মরাং কাইনা  ফংলি।
• হৌখিবা চহিগা য়েংনবদা খরিফ ক্রোপকী লৌ হুনবগী এরিয়া চাদা ২১.২ হেল্লে, কোবিদ-১৯গী শাফু উবা ফংদে।

হকশেল অমসুং য়াইফ য়ুম্বাল মন্ত্রালয়দগী কোবিদ-১৯দা অপদেৎ: লৈবাক অসিদা কোবিদ-১৯ নাবা মীগী অশেংবা কেস লোদ অসি লাখ ৩.৪২ খক্তনি; নাবা ফরবা কেস মশিং লাখ ৬.৩৫ য়ৌরে অমসুং হেনগৎলক্লি;

ঙসি ফাওবগী ওইনা লৈবাক অসিগী কোনিদ-১৯গী এক্তিব কেস মশিং অসি ৩,৪২,৭৫৬ ওইরে। মীওই লাখ ৬.৩৫  (৬৩.৩৩%) হেনবনা নাবা ফখ্রে। মীওই বিলিয়ন ১.৩৫ লৈদুনা মালেমগী অনিশুবা মীশিং খ্বাইদগী য়াম্বা ওইরিবা ভারৎকী কেস পর মিলিয়ন অসি ৭২৭.৪নি। মালেমগী থাক্তা য়েংবদা ভারতকী কেস পর মিলিয়ন মীশিং অসি অতোপ্পা য়ুরোপিয়ন লৈবাকশিংদগী শরুক ৪দ্গী ৮ ফাওবা তাথনা লৈ। লৈবাক অসিগী মী শিবগী চাং অসি মিলিয়ন অমদা ১৮.৬ ওইদুনা মালেমগী খ্বাইদগী য়ামদবশিংগী মনুংদা লৈরি। ক্লিনিকেল মেনেজমেন্তকী নিংথিনা য়াৎলবা থৌরাংশিং অসিনা ওইহন্নিংবা মায় পাকপা পুরকপা ঙম্লি। সিম্পতম উত্তবা অমসুং কন্না নাদবা মীওই চাউরাক্না ৮০%দি মেদিকেল সুপর্বিজন তৌদুনা য়ুমদা আইসোলেসন তৌহল্লি। হোস্পিতালশিংদা লায়েংনবা পুরক্লিবা অনাবশিংবু নিংথিনা লায়েংবা ঙম্নবা মেদিকেল ইনফ্রাস্ত্রকচরশিং অসি লৈবাক শিনবা থুংবগী ওইনা হেন্না ফগৎহল্লি। অসিগুম্লবা পুন্না পাংথোকমিন্নবা থবকশিং অসিনা ঙসিদি কোবিদ-১৯ লায়েংনবা ইনফ্রাস্ত্রকচরশিং অসি মপাঙ্গল য়াম্না লৈরে। হৌজিক্তি অপুনবা ওইনা কোবিদ-১৯ দেদিকেতেদ হোস্পিতাল ১৩৮৩, দেদিকেতেদ কোবিদ হেলথকেয়র সেন্তর ৩১০৭ অমসুং কোবিদ কেয়র সেন্তর ১০,৩৮২ লৈরে।

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1639305

হৌখিবা চহিগা য়েংনবদা খরিফ ক্রোপকী লৌ হুনবগী এরিয়া চাদা ২১.২ হেল্লে

২০২০গী জুলাই ১৭তা অপুনবা লম হেক্তর লাখ ৬৯১.৮৬তা খরিফ ক্রোপগী মরু মরা হুনখ্রে মদু হৌখিবা চহিগী মতম অসিদা হেক্তর লাখ ৫৭০.৮৬ ওইখি, মতৌ অসুম্না লৈবাক অসিদা হৌখিবা চহিগা য়েংনবদা এরিয়া কভরেজ চাদা ২১.২০ হেল্লে। ঙসি ফাওবদা খরিফ ক্রোপকী মখাদা এরিয়া কভরেজকী প্রোগ্রেসতা কোবিদ-১৯গী শাশু উবা ফংদে।

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1639340

লৈবাক অসিদা মেদিকেল ওক্সিজেনগী মেনুফেকচরিং, সপ্লাই অমসুং স্তোরেজ কেপাসিতী মরাং কাইনা  ফংলি

কোবিদ-১৯ লাইচৎকী য়েংলগা কমর্স অমসুং ইন্দস্ত্রীগী মন্ত্রী শ্রী পিয়ুশ গোয়লনা ঙসি লৈবাক অসিদা মেদিকেল ওক্সিজেন সপ্লাই অমসুং কেপাসিতী স্তোরেজ হেঙ্গৎহন্নবা য়েংশিনখ্রে। হৌজিক ফাওবদা মেদিকেল ওক্সিজেনগী মেনুফেকচরিং, সপ্লাই অমসুং স্তোরেজ কেপাসিতীদা অচৌবা খুদোংচাদবশিং রিপোর্ত তৌরকপা লৈত্রি।

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1639375

এ.আর.সি.আই. অমসুং বেহান্ত তেক্নোলোজীনা খুৎশম্নদুনা কোবিদ-১৯ লান্থেংননবগীদমক পোৎয়োম স্কেন তৌনবা য়ু.ভি.সীস্তেম পুথোকখ্রে

লৈবাক্কী মনুংদা লৈবা মফমশিং অমসুং মালেমগী মফমশিংদা চত্থোক চৎশিনবা তৌবা অনিমক অসিনা কোবিদ-১৯ শন্দোকপগী অচৌবা মরম অমা ওইরি। চত্থোক চৎশিন তৌবগী মরু ওইবা পোৎশক অমা ওইরিবা পোৎয়োম অসি মীওই কয়া অমনা পাইনবনিনা ভাইরস শন্দোকপগী পাম্বৈ অমা ওই অমসুং মসি মীওই অমনা হেক পাইবা লোইবগা দিসইনফেক্ত তৌবা তঙাই ফদে। লোকদাউন লোইরবা তুংদা এয়রপোর্ত, রেলৱে স্তেসন অমসুং কম্মর্সিএলগী মফমশিংদা মী য়াম্না তিনবা হেনগৎলক্কদবা অসিনা মরম ওইদুনা কোবিদ-১৯ শন্দোকপা থিংনবা পোৎয়োমশিং অসি সেকেন্দ খরগী মনুংদা দিসইনফেক্ত তৌবগী তঙাই ফদবশিং য়াম্না হেনগৎলক্লি। পোৎয়োমশিংগী খুত্থাংদগী ভাইরস শন্দোকপা থিংনবা হায়দুনা ভারত সরকারগী সাইন্স অমসুং তেক্নোলোজী বিভাগকী ওতোনোমস আর. এন্দ দি. সেন্তর ওইরিবা হায়দ্রবাদতা লৈবা ইন্তর্নেস্নেল এদবান্সদ রিসর্চ সেন্তর ফোর পাউদর মেতালর্জী অমসুং ন্যু মেতরিএল (এ.আর.সি.আই.) অমসুং বেহান্ত তেক্নোলোজীজ, নোইদানা খুৎশম্নদুনা ক্রিতিস্কেন® য়ু.ভি. বেগেজ দিসইনফেক্সন সীস্তেম অমা পুথোকখ্রে।

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1639273

পুথোক-পুশিন, দরকার ওইবা মী অমসুং কোবিদ-১৯গী চৎন-পথাপশিংগী মতাংদা খুদোংচাদবা লৈবদগী পাংথোক্নবা থৌরাং তৌরিবা বিহারগী এশেমব্লি মীখল অমসুং বাই ইলেক্সনশিংদা চহি ৬৫গী মথক্তা লৈবা অহলশিংদা পোস্তেল বেল্লোত পীদনবা ই.সি.আইনা ৱারেপ লৌরে

কোবিদ-১৯ লাইচৎ অমসুং লোকদাউন গাইদলাইনশিংগী য়েংলগা চহি ৬৫গী মথক্ত লৈবা মীওইশিং পোল্লিং স্তেসনশিংদা লাকপা মতমদা খুদোংথিনিংঙাই ওইবা মরম্না মখোয়গী ভোৎ থাদবগী থবক মাঙদনবা পোস্তেল বেল্লোতকী খুদোংচাবা পীনবা কমিসন্না ৱারেপ লৌখিবনি। হৌজিক ওইরিবা ফিবম অসিদা পাংথোক্কদৌরিবা মীরক্কী মীখলশিং অমসুং বিহার এশেমব্লিগী মীখলগী থৌরাং তৌরিবশিং কমিসন্না য়েংশিল্লি। লাইচৎ অসিগী য়েংলগা, রাজ্য অসিদা অহেনবা পোল্লিং স্তেসন ৩৪,০০০(চাদা ৪৫ হেন্না ) হাপচিন্দুনা অপুনবা পোল্লিং স্তেসন মশিং ১,০৬,০০০ য়ৌরে । মসিদা রাজ্য অসিদা পোল্লিংগী মীওই লাখ ১.৮ হেন্না অমসুং মশিং য়াম্লবা গারিশিং য়াওনা অতৈ মচাক-মথুমশিং থৌরাং তৌবদা অচৌবা পোলুম অমা ওইরগনি । পাংথোক্কদৌরবা মরক্কী মীখলশিংদসু মসিগী অৱাবা অসি মায়োক্নগনি ।

অকুপ্পা ৱারোলগীদমক: https://pib.gov.in/PressReleasePage.aspx?PRID=1639134

সরকারনা লৈবাক অসিবু মালেমগী লায়চৎ অসি থেংননবা তেংবাংলি; প্লাস্তিক ইন্দস্ত্রী ঙাক শেন্নবা অঙম্বা থৌদাং পায়খৎকনিঃ মন্দাবিয়া

কেন্দ্রগী কেমিকেল অমসুং ফর্তিলাইজরগী কেন্দ্র রাজ্য মন্ত্রী শ্রী মনশুখ মন্দাবিয়ানানা সরকারনা আইনগী মনুংদা লৈবা মতিক্কী মখা পোন্না কোবিদ-১৯না প্লাস্তিক ইন্দস্ত্রীশিংদা পীরিবা চৈথেংশিং অসিদগী ঙাক শেন্নবা অঙম্বা থৌদাং পায়খৎকনি হায়বগী থাজবা পীখ্রে। ভারতকী প্লাস্তিক ইন্দস্ত্রীশিংনা অকোয়বগা মরী লৈননা তুং কোয়না চৎপা, অনৌবা থৌওং কয়া পুথোকপা অমসুং মালেমগী চাংয়েংনবদা য়াওনবগীদমক্তা মহাক্না অসুম্না হায়খি, ঐখোয়না মাংদা লৈরিবা খুদোংচাদবা কয়া অসি খংদোকপা তঙাই ফদে হায়খি। তঙাই ফদবা পুংফমশিংদা ভারতকী প্লাস্তিক ইন্দস্ত্রীশিং অসিনা ফ্রন্তলাইন থৌমীশিংগী থবকশিংদা মখোয়গী পোত্থোকশিং শিজিন্নহন্দুনা মরু ওইবা থৌদাং লৌরি হায়বা ঐখোয় পুম্নমক্না খংনরে। ৱর্ল্দ হেলথ ওর্গনাইজেসন (দবল্যু.ঐচ.ও.)না লায়চৎ অসি লৈরিবমখৈ কোবিদ-১৯ থেংননবগীদমক্তা থা খুদিংগী চাউরাক্না মেদিকেল মাস্ক মিলিয়ন ৮৯, একজামিনেসন গ্লোব মিলিয়ন ৭৬ অমসুং অনোক মিলিয়ন ১.৬ তঙাই ফদনা চংগনি হায়খিবা লৈ। মরম অসিনা কোরোনাভাইরস লৈতবা ভারত ওইহন্নবগীদমক্তা ইন্দস্ত্রী অসিনা মাং থানা থোক্লক্তুনা খুদোংচাদবশিং অসিগী মায়োক্তা থবক তৌবা তাই। ঐখোয়না লৈবাক অসিগী মার্কেৎ মনুংদা তোখায় তাবা পল শেমদুনা নত্ত্রগা খল কায়বা চেংয়েংবগী ফিভম ওইহনবা পামদে, মদুগী মহুত্তা ঐখোয় অমত্তা ওইনা থোক্লক্তুনা শক্তি লৈবা লৈবাক অমা ওইহনবনা হেন্না পাম্মি।

অকুপ্পা ৱারোলগীদমক: https://pib.gov.in/PressReleasePage.aspx?PRID=1639106

জুলাই ১৫, ২০২০দা শেলথুম মন্ত্রালয়না রাজ্য ২৮গী রুরেল লোকেল বোদি লাখ ২.৬৩গী পীফম থোকপা গ্রান্ত-ইন-এদ লুপা কোতি ১৫১৮৭.৫০ থাদোকখ্রে

পঞ্চায়তী রাজ মন্ত্রালয় অমসুং দ্রিঙ্কিং ৱাতর অমসুং সেনিতেসন দিপার্তমেন্ত, জল শক্তি মন্ত্রালয়না লৈবাক অসিগী রাজ্য ২৮দা লৈরিবা রুরেল লোকেল বোদি লাখ ২.৬৩গীদমক্তা গ্রান্ত-ইন-এদ ওইনা পীফম থোকপা লুপা কোতি ১৫১৮৭.৫০ অসি শেলথুম মন্ত্রালয়না জুলাই ১৫, ২০২০দা কায়থখ্রে। মসি শেনবা চহী ২০২০-২০২১গীদমক্তা ১৫শুবা ফাইনান্স কম্মিসন্না (XV-এফ.সি.) হায়বা তাইদ গ্রান্তকী শরুক অমনি অমসুং হায়রিবা অসি লৈবাক্কী ওইনা অহানবা থাক্তা লৈরিবা ওপন-দিফিকেসন ফ্রী (ও.দি.এফ.) ফিভমগী সেনিতেসন অমসুং শেন্ননবগীদমক, থক্নবা ঈশিং পীবা, নোঙগী ঈশিং য়োকপা অমসুং ঈশিং রিসাইকল তৌবগুম্বা তঙাই ফদ্রবা সেবাশিংগীদমক্তা আর.এল.বি.শিংনা শিজিন্ননবনি। লৌউশিংউ অমসুং লৌউবশিংগী য়াইফ য়ুম্বাল, খুঙ্গং চাউখৎপা অমসুং পঞ্চায়তী রাজকী মন্ত্রী শ্রী নরেন্দ্র সিংহ তোমারনা ৱারোল অসি পীরদুনা হায়খিবদা আর.এল.বি.শিং অসিনা কোবিদ-১৯গী লায়চৎকী ইরাং থেংনরিবা মতমদা মখোয়দা শেনফম অসি থাদোকপগী থৌওং অসি য়াম্না মতাং চাবনি হায়খি। আর.এল.বি.শিংনা শেনফম অসি লৈবনা খুঙ্গংগী মীওইশিংদা চংদ্রবা য়াদ্রবা সেবা কয়া নিংথিনা পীবা হেনগৎহনগনি অমসুং কোবিদ-১৯না মরম ওইদুনা ময়ুমদা হল্লক্লবা মাইগ্রেন্ত শিন্মীশিংদা থবক পীবা ঙম্নবা মপাঙ্গল হেনগৎহনবতা নত্তনা খুঙ্গংগী ইনফ্রাস্ত্রকচরশিং কান্নবা মওংদা ফগৎহনবদশু তেংবাংগনি।

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1639157

পি.আই.বি. ফিল্দ ওফিসশিংদগী ফংবা পাউ

• পঞ্জাব: লাইচৎ অসিগী মনুংদা লনাইগী হোসপিতালশিংনা শেন্দোং তান্নবগী শেন্দান লম্বিদা চত্থবদগী থিংনবা পঞ্জাবকী সরকারনা হোসপিতালশিং অসিগীদমক্তা কোবিদ লাইয়েংবগী অকক্নবা মমল লেপখ্রে। দা. কে.কে. তলৱার কমিতীনা লনাইগী হোসপিতালশিং অমসুং মেদিকেল কোলেজশিংগীদমক্তা লেপ্লবা মমল অসিদা আইসোলেশন বেদশিং, আই.সি.য়ু.দা ত্রীতমেন্ত তৌবা অমসুং এদমিসন তৌবগী নোংমগী ওইবা হোসপিতলাইজেশন চার্জশিংসু মসিদা পুন্না য়াওরি।

• হরিয়ানা: হরিয়ানা সরকারনা কোবিদ-১৯গী লাইচৎ অসি শন্দোরকপদগী থিংনবা শোয়নাইরবা মীওইশিং (দিৱ্যংজন)শিংবু ঙাকথোক্নবা অমসুং ঙাক-শেন্নবা গাইদলাইনশিং থোকখ্রে।

• মহারাস্ত্র: শগোলশেল নুমিত্তা মহারাস্ত্রদা অনৌবা পোজিতিব কেস ৮৬৪১ থেংনখ্রে, মসি নোংমদা রাজ্য অসিদা নোংমদা কোবিদ-১৯গী পেসেন্ত খ্বাইদগী য়াম্না হেনগৎপা ওইরি। রাজ্য অসিগী কোরোনা ভাইরস ইনফেক্সনগী মশিং ২,৮৪,২৮১ য়ৌখ্রে। শগোলশেল নুমিত্তা রাজ্য অসিদা ৫৫২৭ ফগৎখি অমসুং ২৬৬ শিখি। হৌজিকমক্কী ওইনদি রাজ্য অসিদা এক্তিব কেস ১,১৪,৬৪৮ লৈরি, হৌজিক ফাওবদা ফগৎখিবগী অপুনবা মশিং ১,৫৮,১‌৪০ অমসুং শিখিবগী মশিংনা ১১,১৯৪ নি।গ্রেতর মুম্বাই রিজনদা অনৌবা কেস ১৪৯৮কা লোইননা ৭০৭ ফগৎখি অমসুং ৫৬ শিখি। খ্বাইদগী নৌবা পাউগী মতুং ইন্না মুম্বাইদা কোবিদ-১৯গী পেসেন্তকী মশিং অদু ৯৭৭৫১ সুখ্রে অদুগা এম.এম.আর.গী এক্তিব কেসনা ২৩,৬৯৪ নি। ফগৎখিবগী অপুনবা মশিং অদু ৬৮,৫৩৭দা হেনগৎখ্রে। মুম্বাইদা হৌজিক ফাওবদা শিখিবগী মশিং অদু ৫৫২০ সুখ্রে। রজ্য অসিগী অপুনবগী ওইনা ফগৎলকপগী চাং অসি ৫৫.৬৩%নি অদুগা মুম্বাই জিলাগী ফগৎলকপগী চাংনা ৭০%নি।

• গুজরাত: রাজ্য অসিগী অপুনবা কোবিদ-১৯গী মশিং ৪৫,৪৮১ সুরে। হৌজিকমক্কী ওইনদি এক্তিব কেস ১১,২৮৯ লৈ অদুগা হৌজিক ফাওবদা পেসেন্ত ৩২১০৩ ফগৎখ্রে। শগোলশেল নুমিত্তা ১০ শিখিবগা লৌইননা শীখিবগী মশিং ২০৮৯দা হেনগৎখ্রে। মেম্বর মরিগী কেন্দ্রগী তীম অমনা ঙসি রাজ্য অসিদা নৌনা হোতস্পোত ওইরক্লিবা মফম অসিদা লাকখি।

• রাজস্থান: ঙসি অয়ুক অনৌবা পোজিতিব কেস ১৫৯ থেংনখি। রাজ্য অসিদা কোবিদ-১৯গী কেসকী মশিং ২৭,৩৩৩ ফাওবা য়ৌখ্রে। শগোলশেলগী নুমিদাং ফাওবদা পোজিতিব কেস ৭৩৭ থেংনখ্রে। রাজ্য অসিদা ফগৎখিবা পেসেন্তশিংগী মশিং অদু ২০,০০০ (পেসেন্ত ২০,০২৮) লান্থোক্লবসু, রাজ্য অসিদা এক্তিব কেস ৬,৬৬৬ লৈরি।

• মধ্য প্রদেশ: হৌজিক ফাওবদা মধ্য প্রদেশতা নোংমদা খ্বাইদগী য়াম্না হেগৎলক্তুনা শগোলশেল নুমিত্তা অনৌবা পোজিতিব কেস ৭৩৫ থেংনখ্রে। রাজ্য অসিদা কোবিদ-১৯গী মশিং অসি ২০,০০০ হেনখ্রে। খ্বাইদগী নৌবা পাউগী মতুং ইন্না ২০,৩৭৮ ওইখি। তৌইগুম্বসুং রাজ্য আসিগী এক্তিব কেস লোদ অসি ৫৫৬২ নি অদুগা শগোলশেল নুমিত্তা পেসেন্ত ২১৯ ফগৎখিবগা লোইননা ফগৎখিবগী অপুনবা মশিং অসি ১৪,১২৭ য়ৌখ্রে। শগোলশেল নুমিত্তা ৭ শিখিবগা লোইননা শিখিবগী মশিং অসি ৬৮৯ ফাওবা হেনগৎলকখ্রে।

• ছত্তিসগর: শগোলশেল নুমিত্তা ছত্তিসগরদা নোংমদা ক্বাইদগী হেন্না হেনগত্তুনা কেস ১৯৭ থেংনখি। রাজ্য অসিগী কোবিদ-১৯গী অপুনবা মশিং অদু হৌজিক ৪,৭৪৫ সুরে, অদুগা এক্তিব কেস লোদনা ১,২৮২ নি। ওসপিতাল কয়া অমদগী ফদুনা দিসচার্জ তৌখিবা পেসেন্ত ১২৭ অদুগা লোইননা রাজ্য অসিদা ফগৎখিবগী অপুনবা মশিং অদু ৩,৪৫১দা হেনগৎখি।

• গোৱা: শগোলশেল নুমিত্তা পেসেন্ত ১৫৭কী সেম্পল তেস্ত তৌবদা পোজিতিব ওইরে। মসিনা রাজ্য অসিগী কোরোনা ভাইরস ইনফেক্সনগী মশিং আদু ৩,১০৮ য়ৌহনখি। হনদক্কী চয়োল অসিদা রাজ্য অসিগী এক্তিব কেস লোদ অসি ১২৭ নি।

• অসাম: অসামগী সি.এম. শ্রী সরবানন্দা সোনোৱালনা নাগাওনদা লৈবা সিভিল হোসপিতালশিংদা লৈরিবা  দোক্তরশিং অমসুং নর্সশিংগা চত্থরিবা কোবিদ-১৯ লাইয়েংবগী থবক-থৌওংশিংগী মতাংদা ৱারি-ৱাতাই শান্ননবা চৎখি। মহাক্না দি.সি., এস.পি. অমসুং অতোপ্পা জিলাগী থাক্তা লৈবা ওফিসিয়েলশিংগা কোবিদ-১৯ লাকশিন্নবগী পাম্বৈশিং করম্না হেনগৎহনগনি হায়বগী মতাংদা মীফম অমসু পাংথোকখি।

• মনিপুর: মনিপুরগী থৌবাল জিলাগী মোইজিং অৱাং লৈকাইদা প্রধান অমসুং মীওই মরি তেস্ত তৌবদা কোবিদ পোজিতিব ওইবদগী য়ুমথোং খুদিংগী রেপিদ এন্তিজেন তেস্ত তোবগী থবক পাংথোকখি।

• মিজোরাম: মজোরামদা পুন্না চর্চ হোল ১৯৪ ক্বারন্তিন ফেসিলিতীশিং ওইনা শিজিন্নখি।

• নাগালেন্দ: নাগালেন্দদা লৈবা মোন জিলাগী তাস্ক ফোর্সনা মোন জিলাগী ইকোনোমী অমুক হান্নগুম্না ফগৎহন্নবা অমসুং হল্লক্লিবা মীওইশিংগীদমক্তা থবক তৌবা য়াবগী খুদোংচাবা পীনবা কোমিতীদা খঙহনখ্রে। নাগালেন্দদা, কোবিদ-১৯গী পেরেন জিলাগী তাস্ক ফোর্সনা সি.এম.ও. ওফিস বিল্দিং, আর.এস.ই.তি.আই. বিল্দিং অমসুং তুরিস্তকী উগী খাংপোকশঙশিং অদুবু কোবিদ কেয়র সেন্তরশিং ওইনা থমখ্রে অদুগা এস.তি. জেবিয়র কোলেজ ওদিতোরিয়ম ওল অমসুং ভেত কোলেজ হোস্তেলনা আইসোলেশন সেন্তরশিং ওইনা থমখ্রে।

• কেরলা: রাজ্য সরকারননা লোকেল সেল্ফ-গোবর্মেন্তগী মখাদা কোবিদ ফার্স্ত-লাইন ত্রীতমেন্ত সেন্তর (এফ.এল.তি.সি.) মথৌ তৌনবগী মতাংদা ওর্দর অমা থোকখ্রে। শিবগী মশিং ৩৯দা হেনগৎখ্রে। রাংজ্য অসিদা ঙরাং কোবিদ-১৯গী অনৌবা কেস ৭২২ থেংনখি। মীওই ৫,৩৭২ লাইয়েংদুনা লৈরি। জিলা কয়া অমদা মীওই লাখ ১.৮৩ সর্ভিলেন্স তোদুনা থম্লি।

• তামিল নাদু: পুদুচেরিদা কোবিদ-১৯না মরম ওইরগা শিকিবগী মশিং অসি পুং ২৪দা অহুম শিখিবগা লোইননা শিখিবগী মশিং অসি ২৫ য়ৌরে, মসিনা শিখিবগী অপুনবা মশিং অসি ১,৮৩২ য়ৌহনখ্রে; হৌজিক মীওই ৭৯৩ লাইয়েংদুনা লৈরি, মসিগী মনুংদা ৬৮৪ দি পুদুচেরিদগীনি, ৭৪না কারাইকলদগী অমসুং ৩৫ অমনা য়ানমদা। চেন্নাইগা লোইননা নোংপোক থংবা জিলা তরুক্না শগোলশেল নুমিত্তা থোরকখিবা কোবিদ-১৯গী অনৌবা কেস ৪,৫৪৯গী শরুক তঙ্খাই অমা হেন্না ওইখি। ঙরাং ফাওবদা অপুনবা কেস:  ১,৫৬,৩৬৯; এক্তিব কেস : ৪৬,৭১৪; শিখিবশিং: ২২৩৬; চেন্নাইদা এক্তিব কেসশিং: ১৫,০৩৮।

• কর্নাতক: হাই কোর্তনা রজ্যদা দিজাস্তর মেনেজমেন্ত এক্ত থম্নবা অমসুং কোবিদ লাইয়েংউ বাদবা লনাইগী হোসপিতালশিংদা চৈরাক পীনবা খঙহল্লকখ্রে। কর্নাতকাদা ঙরাং অনৌবা কেস ৪১৬৯ থেংনরবা মতুংদা কোবিদ-১৯গী কেস লিশিং ৫০গী তাঙ্কক লান্থোকখ্রে, মসিনা রাজ্য অসিগী কেসকী অপুনবা মশিং ৫১,৪২২ য়ৌখ্রে। বেঙ্গলোর সিতীদা কেস ২৩৪৪ থেংনখি। ঙরাং ফাওবদা অপুনবা পোজিতিব কেস: ৫১,৪২২; এক্তিব কেস: ৩০,৬৫৫; শিখিবশিং: ১০৩২। 

• অন্ধ্র প্রদেশ: সরকারনা মীয়াম তিনবা মফমশিং, থবক সুফমশিং অমসুং লম চৎপা মতমদা তঙাইফদনা মাস্ক উপহন্নবগী ৱারেপ লৌখ্রে; হৌখিবা পুং ২৪দা অনৌবা কেস ২৬০১, ৮৩৭ দিসচার্জ তৌখ্রে অমসুং ৪২ শিখিবগী পাউ লৈখি। অপুনবা কেস: ৪০,৬৪৬; এক্তিব কেস: ১৯,৮১৪, শিখিবশিং: ৫৩৪।

• তেলঙ্গানা: এক্সপার্তশিংগী মতুং ইন্না, লাক্কদৌরিবা নুমিৎ ১৫দা কোবিদ-১৯গী কেসশিং হন্থরকপগী থাজবা লৈ। রাজ্য অসিদা হৌখিবা নুমিৎ খরদা পোজিতিব ওইবগী চাং অসি ২০%দগী ১০%দা হন্থরকখ্রে, মরু ওইনা নোংমদা তেস্ত ১০.০০০গী মথক্তা তৌরি অমসুং এন্তিজেন তেস্তসু তৌরি। ঙরাং অনৌবা কেস ১৬৭৬ অমসুং ১০ শিখিবগী পাউ লৈখি।হৌজিক ফাওবদা থেংনখিবা কেসশিং: ৪১,০৮১; এক্তিব কেসশিং: ১৩,৩২৮; শিকিবশিং: ৩৯৬; দিসচার্জ তোখিবশিং: ২৭,২৯৫।

*****